ခိုလှုံရာကို ရှာတွေ့ခြင်း
ကျွန်ုပ်တို့ဇနီးမောင်နှံသည် နံရံထူပြီး မှန်ပြတင်းပေါက်ကြီးများနှင့် ဆောက်ထားသည့် ချစ်စရာ ကမ်းခြေဟိုတယ်အိုကြီးတစ်ခုတွင် တည်းခိုခဲ့ဖူးသည်။ တစ်ခုသောနေ့လည်ခင်း၌ ထိုဒေသသို့ မုန်တိုင်းဝင်ရောက်ခဲ့ပြီး ပင်လယ်လှိုင်းများအလိပ်လိပ်ထကာ စိတ်ဆိုးမာန်ဆိုးဖြင့် တံခါးကိုထုရိုက်သကဲ့သို့ ကျွန်ုပ်တို့အခန်း၏ပြတင်းကို ရိုက်ခတ်ခဲ့သည်။ သို့ရာတွင် ကျွန်ုပ်တို့မှာ တည်တည်ငြိမ်ငြိမ်ပင်ရှိခဲ့သည်။ အခန်းနံရံများမှာ အလွန်ခိုင်ခံ့ပြီး ဟိုတယ်၏အုတ်မြစ်များမှာလည်း ခိုင်ခံ့မာကြောလှသည်။ အပြင်ဘက်တွင် မုန်တိုင်းထန်စဥ် ကျွန်ုပ်တို့အခန်းမှာ လုံခြုံသောခိုလှုံရာဖြစ်ခဲ့သည်။
သမ္မာကျမ်းစာတွင် ခိုလှုံရာသည် အရေးပါသည့်အကြောင်းအရာဖြစ်ပြီး ဘုရားသခင်ကိုယ်တော်တိုင်အားဖြင့် အစပြုသည်။ “ကိုယ်တော်သည် ဆင်းရဲသောသူတို့ ခိုလှုံရာ၊ ငတ်မွတ်သောသူအမှုရောက်သည်ကာလ၌ ခိုလှုံရာ ... မိုးသက်မုန်တိုင်းလွတ်ရာ ... ဖြစ်တော်မူ၏” (ဟေရှာ ၂၅:၄)ဟု ဟေရှာယပြောခဲ့သည်။ ထိုအပြင် ဣသရေလတို့၏ရှေးခိုလှုံရာမြို့များ (တော ၃၅:၆) မှတစ်ဆင့်၊ အကူအညီလိုအပ်နေသည့် “ဧည့်သည်အာဂန္တု”တို့အား ဧည့်ဝတ်ပြုခြင်းအားဖြင့် (တရား ၁၀:၁၉) ဘုရားသခင်၏လူတို့သည် ခိုလှုံရာနေရာ ပံ့ပိုးပေးရန်လည်း တာဝန်ရှိသည်။ ယနေ့ ကမ္ဘာတွင် လူသားချင်းစာနာမှုဆိုင်ရာ…
နံရံရှိ အပေါက်တစ်ပေါက်
တစ်စုံတစ်ရာက ကျွန်မ၏ပန်းများကို ကိုက်စားနေပါပြီ။ ထိုသို့ ကိုက်စားခြင်း မခံရမီ ပန်းပွင့်များသည် ဦးမော့ကာ မော်ကြွား ပွင့်လန်းနေခဲ့သည်။ ယခုမူ အပွင့်မဲ့ ရိုးတံများအဖြစ်သာ ကျန်ခဲ့သည်။ ကျွန်မ၏ခြံဝင်းပတ်လည်တွင် လိုက်ရှာကြည့်ရာ ယုန်ဝင်ပေါက်တစ်ခုကို သစ်သားခြံစည်းရိုး၌ တွေ့ရှိခဲ့သည်။ ယုန်လေးများသည် ချစ်စရာကောင်းသော်လည်း ထိုအနှောင့်အယှက်ပေးနိုင်သည့် တိရိစ္ဆာန်လေးများသည် မိနစ်ပိုင်းအတွင်း ပန်းခြံတစ်ခုလုံးကို ကုန်သွားစေနိုင်ပါသည်။
ကျွန်မ၏အသက်တာ၌လည်း ဘုရားသခင်၏စရိုက်လက္ခဏာပန်းများ မပွင့်နိုင်အောင် ဖျက်ဆီးနိုင်သည့် “ကျူးကျော်သူများ” ရှိနေပြီလားဟု ဆင်ခြင်မိသည်။ “ကိုယ်စိတ်ကို မချုပ်တည်းနိုင်သောသူသည် မြို့ရိုးပြိုပျက်၍ ဟင်းလင်းရှိသောမြို့နှင့် တူ၏”ဟု သုတ္တံကျမ်း ၁၅:၂၈ က ဆိုသည်။ ရှေးခေတ်ကာလများတွင် မြို့ရိုးသည် ကျူးကျော်သူတို့ရန်မှ မြို့ကိုကာကွယ်ပေးသည်။ မြို့ရိုးရှိ သေးငယ်သောအပေါက်တစ်ပေါက်ပင်လျှင် တစ်မြို့လုံးအတိုက်ခံရနိုင်သည့် အားနည်းချက်ဖြစ်နိုင်သည်။
သုတ္တံကျမ်းအခန်းကြီးများစွာတွင် မိမိကိုယ်ကိုယ် ထိန်းချုပ်ခြင်းအကြောင်း ဖော်ပြထားသည်။ “ပျားရည်ကိုတွေ့သလော။ ဝရုံသာစားတော့” ဟု သုတ္တံဆရာက ဆိုသည် (၂၅:၁၆)။…
Lego (လီဂို)ပလပ်စတစ်တုံး သင်ခန်းစာများ
ခန့်မှန်းခြေအားဖြင့် ကမ္ဘာပေါ်ရှိလူတစ်ဦးချင်းဆီသို့ တစ်နှစ်လျှင် ‘Lego’ လီဂို ပလပ်စတစ်တုံး (၁၀) တုံးရောင်းရရာ၊ ပလတ်စတစ်တုံးလေးများ စုစုပေါင်း (၇၅) ဘီလီယံကျော်မျှဖြစ်သည်။ သို့သော်လည်း ဒိန်းမတ်နိုင်ငံသား အရုပ်လုပ်သူ Ole Kirk Christiansen (အိုလ်ခါ့ခရစ်တရန်စန်)၏ ကြံ့ကြံ့ခံမှုကြောင့်သာ မဟုတ်လျှင် ကစားစရာလီဂိုတုံး တစ်ခုမျှ ရှိမည်မဟုတ်ပေ။
‘ကောင်းကောင်းကစားပါ’ ဟုအဓိပ္ပာယ်ရသော ‘Leg Godt’ (လက်ဂေါ့)အား မဖန်တီးမီ သူသည် ဆယ်စုနှစ်များကြာအောင် ဒိန်းမတ်နိုင်ငံ၊ ဘေလ်လန်မြို့တွင် ပင်ပန်းစွာ အလုပ်လုပ်ခဲ့ရသည်။ သူ့အလုပ်ရုံမှာ (၂) ကြိမ် မီးလောင်ခံရပြီး သူလည်း ဒေဝါလီခံခဲ့ရသည်။ ကမ္ဘာစစ်ကြီးအတွင်း ပစ္စည်းပြတ်လပ်မှုကို သူကြံ့ကြံ့ခံခဲ့သည်။ နောက်ဆုံးတွင် ၁၉၄၀ ပြည့်နှစ်များနောက်ပိုင်း၌ ချိတ်ဆက်ကစားရသော ပလတ်စတစ်တုံးများကို ဖန်တီးရန်အကြံ ပေါ်လာခဲ့သည်။ အိုလ်ခါ့ ကွယ်လွန်သည့် ၁၉၅၈ ခုနှစ်တွင်မူ လီဂို သည် ကမ္ဘာကျော် ဖြစ်လာတော့မည့်ဆဲဆဲဖြစ်သည်။…
ပြန်လည်ရှာဖွေတွေ့ရှိခြင်း
၁၉၇၀ ပြည့်နှစ်က ကားကုမ္ပဏီတစ်ခု၏ အုပ်ချုပ်ရေးအရာရှိတစ်ဦးသည် ဒိန်းမတ်နိုင်ငံသို့ သွားလည်ပတ်စဥ် ဒေသခံတစ်ဦးထံ၌ ၁၉၃၉ ခုနှစ်ထုတ် ‘Buick Dual Cowl Phaeton’ (ဗျူးဝစ်ဂျူဝယ်ခေါင်းဖေထန်) ကားတစ်စီး ရှိကြောင်း သိခဲ့ရသည်။ ဤကားသည် စက်ရုံထုတ် မဟုတ်သောကြောင့် ရှားပါးသည့် တစ်မူထူးသောကားဖြစ်သည်။ ဤသို့တွေ့ရှိ၍ ပျော်ရွှင်သွားသော အရာရှိသည် ထိုကားကိုဝယ်လိုက်ကာ သူ့အချိန်နှင့်ငွေကြေးကို စိုက်ထုတ်၍ ပြုပြင်မွမ်းမံခဲ့သည်။ ယခုအချိန်တွင် ထိုတစ်မူထူးသောကားသည် ကမ္ဘာကျော် ဂန္တဝင်ကားများစုဆောင်းမှုတွင် ထင်ရှားသောကားဖြစ်သည်။
ဝှက်ထားေသော ရတနာများသည် ပုံသဏ္ဌာန်အမျိုးမျိုး ရှိနေနိုင်ပြီး ရာဇဝင်ချုပ် ဒုတိယစောင်၌ ပျောက်ဆုံးနေသည့် အခြားရတနာတစ်ခုကို ရှာေတွေ့သည့်အကြောင်း တွေ့ရသည်။ ယုဒရှင်ဘုရင် ယောရှိမင်းသည် နန်းသက် (၁၈) နှစ်ခန့်တွင် ယေရုရှလင်မြို့ရှိ ဗိမာန်တော်ကို စတင်ပြုပြင်ခဲ့သည်။ ထိုသို့ပြုပြင်စဥ် ယဇ်ပုရောဟိတ် ဟိလခိသည် “ထာဝရဘုရား၏ပညတ္တိကျမ်းစာစောင်”ကို တွေ့ရှိ ခဲ့သည် (၆ ရာ…
ချစ်မေတ္တာ၌ တည်နေသည်
ကျွန်မအမေနှင့် အတူနေပြီး သူမအား ပြုစုရန် ကင်ဆာပြုစုစောင့်ရှောက်ရေး စင်တာသို့ ကျွန်မရောက်လာခဲ့သည်။ မိုင်ပေါင်း ၇၅၀ ကျော် အဝေး၌ ကျွန်မမိသားစု၊ အသိုင်းအဝိုင်း၏ ထောက်မမှုတို့ကို ချန်ရစ်ပြီး ထွက်လာခဲ့ရခြင်းကြောင့် ကျွန်မအထီးကျန်၍ ကြောက်ရွံ့သကဲ့သို့ ခံစားနေရသည်။ ကျွန်မ၏လက်ဆွဲအိတ်ကို မဆွဲမမီမှာပင် အားပါးတရပြုံးတတ်သူ ဖရန့်ခ်က ကူညီရန် ကမ်းလှမ်းခဲ့သည်။ (၆) လွှာရှိ အဆောင်သို့ ကျွန်မတို့ရောက်သော် ဖရန့်ခ်ဆေးကုသမှုခံယူစဉ် သူ့အားစောင့်ရှောက်ခဲ့သည့် သူ့ဇနီးသည် လိုရီနှင့်တွေ့ရန် ကျွန်မဆုံးဖြတ်လိုက်သည်။ ကျွန်မတို့သည် ဘုရားသခင်နှင့် အချင်းချင်းအပေါ် အမှီသဟဲပြုလျက် သူတို့ဇနီးမောင်နှံနှင့် မိသားစုသဖွယ် ဖြစ်လာသည်။ ကျွန်မတို့အတူတကွ ရယ်မောကြ၊ ရင်ဖွင့်ကြ၊ ငိုကြ၊ ဆုတောင်းကြသည်။ ကျွန်မတို့သည် အိမ်ကို ချန်ရစ်ခဲ့ရ၍ ခံစားရသော်လည်း အချင်းချင်းကို အားပေးကူညီရင်း ဘုရားသခင်နှင့်အကျွမ်းဝင်မှု၊ အချင်းချင်းကြား အကျွမ်းဝင်မှုက ကျွန်မတို့ကို မေတ္တာ၌တည်စေခဲ့သည်။
ရုသသည် သူ၏ယောက္ခမနောမိအား ပြုစုရန်…
ဖယောင်းတိုင်များ ထွန်းညှိခြင်း
နေ့လည်ဖြစ်သော်လည်း နေကိုမမြင်ရပါ။ နယူးအင်္ဂလန်ဒေသ၏ အမှောင်နေ့သည် ၁၇၈၀ ပြည့်နှစ် မေလ (၁၉) ရက်နေ့ မနက်မှ စတင်ကာ နာရီအနည်းငယ် ကြာခဲ့သည်။ ဤနားလည်ရခက်သော အမှောင်ထုကြီးသည် ကနေဒါနိုင်ငံတွင် တောမီးလောင်ရာမှ ထွက်လာသောမီးခိုးထုကြီး ဖြစ်နိုင်ပါသည်။ သို့သော် လူအများက တရားစီရင်ရာနေ့ရောက်ပြီလောဟု တွေးထင်ခဲ့ကြသည်။
ထိုစဥ်က ကွန်နက်တီကပ်ပြည်နယ်အထက်လွှတ်တော်အစည်းအဝေးပြုလုပ်နေစဥ်ဖြစ်၍ အချို့က ရွှေ့ဆိုင်းမှုပြုရန် ဆွေးနွေးကြရာ Abraham Davenport (အာဗြံဟံဒေဗန်ပေါ့ထ်)က “ရွှေ့ဆိုင်းမှုကို ကျွန်တော်ကန့်ကွက်ပါတယ်။ တရားစီရင်ရာနေ့ ရောက်လာတာ ဟုတ်သည်ဖြစ်စေ၊ မဟုတ်သည်ဖြစ်စေ ရွှေ့ဆိုင်းစရာမလိုပါဘူး။ ဟုတ်တယ်ဆိုရင်လည်း ဘုရားသခင် ကျွန်တော့်ကို တာဝန်ထမ်းရွက်နေရင်းပဲ တွေ့စေချင်ပါတယ်။ ဒါကြောင့် ဖယောင်းတိုင်တွေ ယူလာဖို့ ကျွန်တော်ပြောလိုပါတယ်” ဟု ပြောခဲ့သည်။
ဘုရားသခင်ပြန်ကြွလာသောနေ့တွင် သူပေးအပ်ထားသောတာဝန်ကို သစ္စာရှိစွာ ထမ်းဆောင်လျက်ရှိကြောင်း ဒေဗန်ပေါ့ထ် အမြင်ခံလိုခြင်းမှာ သခင်ယေရှုမိန့်တော်မူခဲ့သော “သင်တို့သည် အဆင်သင့်ဖြစ်ရန် ခါးကိုစည်းလျက်၊ ဆီခွက်များကို…
အတူတကွ စုဝေးကြသောအခါ
ကမ္ဘာ့ပျော်ရွှင်ခြင်းအစီရင်ခံစာအရ ဒိန်းမတ်နိုင်ငံသည် ကမ္ဘာပေါ်ရှိ အပျော်ရွှင်ဆုံးနိုင်ငံများထဲမှတစ်နိုင်ငံဖြစ်သည်။ ဒိန်းမတ်နိုင်ငံသားများသည် မိတ်ဆွေများနှင့် စုဖွဲ့ကာသောက်စရာပူပူနွေးနွေး (သို့) အရသာရှိသောစားစရာများ သုံးဆောင်ကြကာ ရှည်ကြာ၍ မှောင်မိုက်သောဆောင်းရာသီကို ကျော်ဖြတ်ကြသည်။ ထိုအချိန်များနှင့်ပတ်သက်သော ခံစားမှုများကို သူတို့က hygge (ဟူးဂါ) ဟုခေါ်သည်။ ကမ္ဘာ့တောင်ပိုင်းမှမိတ်ဆွေများထက် နေရောင်နည်းပါးစွာရခြင်းကြောင့် ဖြစ်လာသော အကျိုးဆက်များကို ဟူးဂါက လျော့ကျစေသည်။ စားပွဲတစ်ခုတည်းတွင် ချစ်ခင်သူများနှင့်ဝိုင်းဖွဲ့ထိုင်ခြင်းဖြင့် သူတို့၏နှလုံးသားများ အားပြည့်ရွှင်လန်းကြသည်။
ဟေဗြဲဩဝါဒစာရေးသူက လူအချင်းချင်းစုရုံးစည်းဝေးကြရန် တိုက်တွန်းနှိုးဆော်သည်။ ရာသီဥတုထက် ပိုမိုပြင်းထန်သော စိန်ခေါ်မှုများရှိနိုင်သည့် ခက်ခဲသောနေ့ရက်များ ရင်ဆိုင်ရနိုင်ကြောင်း သူသိပြီး ခရစ်တော်၏နောက်လိုက်များအနေဖြင့် ယုံကြည်ခြင်းဖြင့် ကြံ့ကြံ့ခံရန်လိုသည်။ ကယ်တင်ရှင်ကို ယုံကြည်ခြင်းဖြင့် ဘုရားသခင်သည် ကျွန်မတို့အား လက်ခံကြောင်း သခင်ယေရှုက သေချာစေပြီ ဖြစ်သော်လည်း ကျွန်မတို့သည် ရှက်ကြောက်မှု၊ သံသယ၊ အတိုက်အခံများနှင့် ရင်ဆိုင်ရုန်းကန်ရနိုင်ပါသည်။ ကျွန်မတို့အတူတကွစုဝေးကြသောအခါ အချင်းချင်း တိုက်တွန်းခွန်အားပေးနိုင်သည့် အခွင့်အရေးရရှိပြီး၊ အဖော်အသင်းရှိမှသာ ကျွန်မတို့သည်…
နာကျင်ခံစားရသည့် သိခြင်းဝေဒနာ
ဇက်ခ်အယ်လ်ဒါနှင့်သူငယ်ချင်းများသည် အမေရိကန်နိုင်ငံရှိ Grand Canyon (ဂရန်းကင်ယွန်) ချောက်ကြီးကိုဖြတ်၍ (၂၅)ရက်ကြာ ဖောင်စီးခရီးနှင်ခဲ့ပြီး ကမ်းကပ်ခဲ့ကြသည်။ ဖောင်ပြန်သိမ်းရန်ရောက်လာသူက ကိုဗစ်-၁၉ ရောဂါအကြောင်း ပြောပြသောအခါ သူရယ်စရာပြောနေခြင်းဟု သူတို့ထင်ခဲ့ကြသည်။ သို့သော် ထိုနေရာမှထွက်ခွာလာသောအခါ သူတို့ဖုန်းထဲသို့ မိဘများပို့လာသည့် အရေးတကြီးသတင်းများ ဝင်လာသည်။ ဇက်ခ်နှင့်သူငယ်ချင်းတို့ ကြက်သေသေသွားသည်။ ယခုသိထားသောသတင်းကို လွှဲရှောင်ရန် သူတို့လာလမ်းဖြစ်သော မြစ်ဆီသို့ပြန်သွားနိုင်လျှင် အကောင်းသားဟု သူတို့တောင့်တမိသည်။
ယိုယွင်းပျက်စီးသောကမ္ဘာ၌ အသိပညာက နာကျင်မှုကို မကြာခဏ ယူဆောင်လာတတ်သည်။ အမြော်အမြင်ရှိသော ဒေသနာကျမ်းဆရာက “ပညာများလျှင်၊ ငြိုငြင်စရာအကြောင်းများ၏။ သိပ္ပံအတတ်တိုးပွားသောသူသည် ဝမ်းနည်းခြင်း တိုးပွားတတ်၏” (၁:၁၈)ဟု တွေ့ရှိနားလည်ခဲ့သည်။ ဘာမှမသိ၊ အပူအပင်မရှိဘဲ ပျော်ရွှင်စရာကောင်းသောကလေးဘဝကို အားမကျသူ မည်သူရှိသနည်း။ လူမျိုးရေးခွဲခြားမှု၊ အကြမ်းဖက်မှုနှင့် ကင်ဆာရောဂါအကြောင်းများ သူမသိသေး ပါ။ ကျွန်ုပ်တို့အရွယ်မရောက်မီ၊ မိမိတို့၏အားနည်းချက်များနှင့် အကျင့်ဆိုးများကို ပိုင်းခြား၍ မသိမြင်လာမီက၊ ဦးလေးဘာကြောင့် အရက်…
မီးဖွင့်ကာ အလင်းချန်ခဲ့ပါ
ဟိုတယ်ခွဲတစ်ခု၏ကြော်ငြာ၌ မှောင်မိုက်သောညအလယ်တွင် အဆောက်အအုံငယ်တစ်ခုကို ဖော်ပြထားသည်။ ဘေးပတ်ဝန်းကျင်တွင် မည်သည့်အရာမျှမရှိပါ။ အဆောက်အအုံ၏ ဆင်ဝင်တံခါးနားရှိ မီးခွက်ငယ်လေးမှ တစ်ခုတည်းသော အလင်းရောင်ထွက်ပေါ်လာပြီး၊ မီးသီးအလင်းက တည်းခိုသူဧည့်သည်တစ်ဦးအတွက် လှေကားထစ် တစ်လျှောက်တက်၍ အဆောက်အအုံထဲသို့ ဝင်လာရန် လုံလောက်သောအလင်းဖြစ်သည်။ ကြော်ငြာက “သင့်အတွက် အလင်းချန်ထားခဲ့မည်” ဟူသည့်စာသားနှင့် အဆုံးသတ်သည်။
ဆင်ဝင်မီးသည် ကြိုဆိုဆိုင်းဘုတ်တစ်ခုနှင့်ဆင်တူပြီး မောပန်းနေသောခရီးသွားများအတွက် တစ်ထောက်နား၍ သက်တောင့်သက်သာ အနားယူနိုင်မည့်နေရာဖြစ်ကြောင်း အသိပေးသည်။ မောပန်းစွာခရီးနှင်သွားလာသူများအတွက် အမှောင်ထုမှထွက်၍ ဝင်ရောက်တည်းခိုရန် အလင်းက ဖိတ်ခေါ်နေသည်။
သခင်ယေရှုက သူ့ကိုယုံကြည်သောသူတို့၏အသက်တာသည် ကြိုဆိုသောအလင်းရောင်နှင့် တူသည်ဟုမိန့်တော်မူသည်။ “သင်တို့သည် ဤလောက၏ အလင်းဖြစ်ကြ၏။ တောင်ထိပ်၌တည်သောမြို့ကို မကွယ်နိုင်” (မ ၅:၁၄)ဟု သူ၏နောက်တော်လိုက်များအား မိန့်တော်မူသည်။ ယုံကြည်သူများအနေဖြင့် ကျွန်ုပ်တို့သည် အမှောင်ကမ္ဘာသို့ အလင်းထွန်းလင်းရန်ဖြစ်သည်။
ကျွန်ုပ်တို့အား သခင်ယေရှုလမ်းပြပြီး ခွန်အားအစွမ်းပေးထားသည့်အတိုင်း “သူတစ်ပါးတို့သည် (ကျွန်ုပ်တို့)၏ ကောင်းသောအကျင့်ကိုမြင်၍ ကောင်းကင်ဘုံ၌ ရှိတော်မူသော…
အချိန်မျိုးစေ့များ
၁၈၇၉ ခုနှစ်က William Beal (ဝီလီယမ်ဘီးလ်) ကိုကြည့်ပြီး သူ့ကိုစိတ်မနှံ့သူဟု လူတို့ထင်ကောင်းထင်ကြလိမ့်မည်။ ရုက္ခဗေဒပါမောက္ခက ပုလင်းအလုံး (၂၀) တွင် အစေ့မျိုးစုံထည့်ပြီး၊ မြေကြီးနက်နက်တွင် မြှုပ်နေသည်ကို လူတို့တွေ့မြင်ခဲ့သည်။ သက်တမ်းရာစုနှစ်များစွာ ရှင်သန်နိုင်မည့် မျိုးစေ့စမ်းသပ်မှုကို ဘီးလ် လုပ်ဆောင်နေခြင်း ဖြစ်ကြောင်းကို လူတို့မသိပါ။ အနှစ် (၂၀) ပြည့်တိုင်း ပုလင်းတစ်လုံးကို တူးယူပြီး မည်သည့်အစေ့များက အပင်ပေါက်မည်ကို ကြည့်သည်။
သခင်ယေရူသည် မျိုးစေ့စိုက်ခြင်းနှင့်ပတ်သက်သော အကြောင်းအရာများစွာကို ပြောဆိုခဲ့ပြီး မျိုးစေ့ကြဲခြင်းကို နှုတ်ကပတ်တော်ပြန့်ပွားခြင်းနှင့် နှိုင်းယှဉ်လေ့ရှိသည် (မာ ၄:၁၅)။ မျိုးစေ့အချို့သည် စာတန်၏လုယူခြင်းကို ခံရပြီး အချို့မှာ အခြေခံအုတ်မြစ်မရှိ၍ အမြစ်မစွဲ၊ အချို့မှာ ပတ်ဝန်းကျင်ကြောင့် အဟန့် အတားဖြစ်ပြီး အသီး မသီးနိုင်ဟု သခင်ယေရှု သွန်သင်ခဲ့သည် (:၁၅-၁၉)။ သတင်းကောင်းကို ကျွန်ုပ်တို့ကြဲဖြန့်သောအခါ မည်သည့်မျိုးစေ့ ရှင်သန်မည်က ကျွန်ုပ်တို့အပေါ်…