အလင်းဖြစ်စေ
ကျွန်မသမီးလူမမည်အရွယ်က သူမ မရင်းနှီးသေးသောအရာများကို လက်ညှိုး ထိုးပြ (သို့) ထိကိုင်ခွင့်ပေးပြီး ကျွန်မက နာမည်များကို ပြောပြလေ့ရှိသည်။ သူမ စူးစမ်းနေသောကမ္ဘာကြီးကို နားလည်စေရန်နှင့် ဝေါဟာရကြွယ်ဝစေရန် ဖြစ်ပါ သည်။ ကျွန်မနှင့်ကျွန်မခင်ပွန်းတို့က သမီးလေး၏ပထမဆုံးစကားလုံးသည်မေမေ (သို့) ဖေဖေ ဖြစ်မည်ဟု ထင်ခဲ့မျှော်လင့်ခဲ့ကြသော်လည်း သမီးလေးက ကျွန်မတို့ကို အံ့အားသင့်စေခဲ့သည်။ တစ်ရက်တွင် သမီးလေး၏နှုတ်ခမ်းသေးသေးလေးမှ ‘ဒိုက်’ (dight)ဟု တိုးတိုးရေရွတ်ခဲ့သည်။ သမီးလေးကို ကျွန်မ ပြောလိုက်သည့် ‘လိုက်’(light-အလင်း) ဟူသောစကားလုံးကို သံယောင်လိုက်၍ အသံထွက်မှားခြင်း ဖြစ်ပါသည်။
‘အလင်း’သည် သမ္မာကျမ်းစာတွင် မှတ်တမ်းတင်ထားသည့် ဘုရားသခင်၏ ပထမဆုံးစကားဖြစ်သည်။ ဘုရားသခင်၏ဝိညာဥ်တော်သည် မှောင်မိုက်ဖုံးလွှမ်း၍ အဆင်းသဏ္ဌာန်မရှိ၊ လွတ်လပ်လဟာဖြစ်နေသည့် မြေကြီးအပေါ် လှုပ်ရှားနေစဥ် ဘုရားသခင်က “အလင်းဖြစ်စေ” (က ၁:၃) ဟုအမိန့်တော်ရှိ၍ အလင်းကို ဖန်ဆင်းခဲ့သည်။ အလင်းကောင်းသည်ကို ဘုရားသခင်မြင်တော်မူ၍ ကျမ်းစာမှလည်း ၎င်းကိုသက်သေထူနေပါသည်။…
ညဘက်တွင် အစေခံကြသူများ
မနက် (၃) နာရီ၌ ဆေးရုံတစ်ခု၏ စောင့်ကြည့်လူနာဆောင်တွင် လူနာတစ်ဦးသည် ဆရာဝန်ခေါ်ဘဲလ်ကို (၄) ခါမျှ နှိပ်လိုက်သည်။ ညတာဝန်ကျသော သူနာပြုဆရာမလေးက မညည်းမညူ လာကြည့်ပေးသည်။ အခြားလူနာတစ်ဦးလည်း ညည်းတွားကာ ဂရုတစိုက်ကြည့်ရှုပေးမှုကို တောင်းခံသည်။ သူနာပြုမလေးအတွက် အံ့သြစရာ မဟုတ်ပါ။ ဆေးရုံ၏နေ့ဆိုင်းတာဝန် ရှုပ်ထွေးပွေလီမှုကို ရှောင်လွှဲနိုင်ရန် လွန်ခဲ့သော (၅) နှစ်ခန့်ကတည်းက ဤညဆိုင်းတာဝန်ကို သူကိုယ်တိုင်ပင် တောင်းဆိုခဲ့ခြင်းဖြစ်သည်။ စင်စစ် ဤတာဝန်သည်လည်း မလွယ်လှပါ။ တစ်ခါတစ်ရံ ညဆိုင်းကျသူသည် တစ်ဦးတည်း လူနာကိုဆွဲထူမပြီးလှည့်ပေးရခြင်း စသည့် အပိုတာဝန်များကို လုပ်ရသည်။ လူနာကို စဉ်ဆက်မပြတ် စောင့်ကြည့်ပေးရပြီး၊ အရေးပေါ်လိုအပ်ပါက ဆရာဝန်ကြီးများကို အကြောင်းကြားရန် အမြဲသတိရှိနေရသည်။
ညဆိုင်းတာဝန်ကျသော အခြားလုပ်ဖော်ကိုင်ဖက်များနှင့် နိုးနိုးကြားကြားလုပ်နိုင်သော်လည်း သူနာပြုမလေးအတွက် အိပ်ရေးဝဝအိပ်နိုင်ရန်မှာ ခက်ခဲနေဆဲပင်။ သူမ၏အလုပ်ကို အရေးပါသောအလုပ်တာဝန်အဖြစ် ခံယူသောကြောင့် မကြာခဏဆိုသလို အသင်းတော်သို့ ဆုတောင်းချက်တင်ပြီး “ဆုတောင်းချက်က…
ဝိညာဉ်ရေးရာကုထုံး
ကင်ဆာရောဂါအတွက် ကီမိုဓာတုဆေးသွင်းခြင်း ကုထုံးကြောင့် ကျွန်တော့် ယောက္ခထီး၏ ပန်ကရိယအကြိတ်ကို အတန်ငယ် ထိန်းချုပ်လိုက်နိုင်သည်။ သို့သော် အရှင်းပျောက်ကင်းသည်မဟုတ်ပါ။ ကင်ဆာကြိတ်သည် တစ်ဖန် ပြန်ကြီးလာသည့်အခါတွင် သေရေးရှင်ရေးတမျှ အရေးကြီးသည့်ရွေးချယ်မှုကို လုပ်ရတော့သည်။ ကျွန်တော့် ယောက္ခထီးက ဆရာဝန်အား “ဆရာ၊ ဆေးဆက်သွင်းရမလား၊ သောက်ဆေးအသစ် ပြောင်းရမလား၊ ဓာတ်ကင်ရမလား” ဟု မေးခဲ့သည်။
ယုဒလူမျိုးတို့သည်လည်း သေရေးရှင်ရေးအခြေအနေနှင့် ကြုံခဲ့ရသည်။ စစ်မက်နှင့် ငတ်မွတ်ခေါင်းပါးခြင်းဘေးတို့ကြောင့် ဒုက္ခရောက်နေချိန်တွင် ရုပ်တု ဆင်းတုကိုးကွယ်မှု များလွန်းခြင်းကြောင့်လား။ သို့မဟုတ် ထပ်ကိုးကွယ်ရန် လိုသေးခြင်းကြောင့်လားဟု မေးခွန်းထုတ်ကြသည်။ နောက်ဆံုး ပူဇော်သက္ကာများ ပိုမိုပူဇော်ခြင်းဖြင့် ယင်းနတ်ဘုရား (ကောင်းကင်မိဖုရား)သည် သူတို့ကို ကာကွယ်ပေးပြီး တစ်ဖန် သာယာဝပြောစေလိမ့်မည်ဟု သူတို့ကောက်ချက်ချခဲ့သည် (ယေ ၄၄:၁၇)။
၎င်းတို့၏ပြဿနာဖြေရှင်းပုံသည် လုံးဝလွဲမှားနေပြီဟု ယေရမိက ထောက်ပြခဲ့သည်။ ပြဿနာအစစ်မှာ ရုပ်တုဆင်းတုလိုသေးခြင်းကြောင့်မဟုတ်၊ ရုပ်တု ဆင်းတုရှိနေခြင်းကြောင့်ဟု ပြောသောအခါ…
ယုံကြည်ခြင်း၌ ကြီးထွားခြင်း
ကျွန်မ ဟင်းသီးဟင်းရွက်ပင်များ စိုက်ပျိုးစအချိန်ကဆိုလျှင် မနက်တိုင်းစောစောထကာ မျိုးစေ့လေးများအစို့ပေါက်ပြီလားဟု အပြေးသွားကြည့်သည်။ သို့သော် ဘာမှမထူးခြားပါ။ အင်တာနက်တွင် “အပင်အကြီးမြန်နည်း” ဟုရှာကြည့်သောအခါ အစေ့လေးဖြစ်သော အချိန်ကာလသည် အပင်တစ်ပင်၏သက်တမ်းတွင် အရေးအကြီးဆုံးကာလဖြစ်ကြောင်း သိလိုက်ရတော့သည်။ အပင်အစို့ မြန်မြန်ထွက်ရန် လော၍မရကြောင်း သိရပြီးနောက်တွင် အပင်အစို့လေးများ၏ မြေဆီကို ထိုးဖောက်ထွက်ရန် ကြိုးစားမှု၊ အပူချိန်နှင့်ရာသီဥတု ပြောင်းလဲမှုအပေါ်ခံနိုင်ရည်ရှိစွာ ချိန်ဆရှင်သန်မှု အစရှိသည့် အားထုတ်မှုလေးများကို ကျွန်မအသိအမှတ်ပြုတတ်လာသည်။ နောက်ထပ် ရက်သတ္တတစ်ပတ် နှစ်ပတ်ခန့် သည်းခံစောင့်ဆိုင်းနောက် ကျွန်မအား ဆီးကြိုနေသည့် မြေကြီးထဲမှထိုးထွက်လာသော အစိမ်းရောင်အစို့လေးများကို မြင်ရပါတော့သည်။
တစ်ခါတစ်ရံ အချိန်နှင့်ရင်းကာ ရုန်းကန်ထားရသောရင့်ကျက်မှုများ၊သင်ခန်းစာများကို အသိအမှတ်ပြုခြင်းထက် အောင်မြင်မှုနှင့်ရလဒ်ကောင်းတို့ကို ချီးမွမ်းခြင်းက ပိုလွယ်ကူသည်။ ရှင်ယာကုပ်က “အထူးထူးအပြားပြား စုံစမ်းနှောင့်ယှက်ခြင်း”တို့နှင့် ကြုံရသောအခါ “ဝမ်းမြောက်စရာ အကြောင်းသက်သက်” ဟု မှတ်ယူရန် ကျွန်ုပ်တို့အား သွန်သင်သည် (ယာ ၁:၂-၃)။ သို့သော် စုံစမ်းစစ်ကြောခြင်းနှင့်…
တစ်ဖန် ပြန်လည်သီချင်းဆိုပါ
သြစတြေးလျမျိုးရင်း ပျားရည်စုပ်ငှက်လေးများသည် သူတို့သီချင်းကို သူတို့ မေ့နေသည့် ပြဿနာနှင့် ကြုံနေရသည်။ ယခင်က အရေအတွက် အများအပြားရှိသော်လည်း ယခုတွင် အကောင်ရေ (၃ဝဝ) ခန့်သာကျန်ရှိတော့သဖြင့် အချင်းချင်းထံမှ သင်ယူရန် အရေအတွက် နည်းပါးလှသဖြင့် ငှက်အဖိုတို့သည် ၎င်းတို့၏ မူပိုင်တေးသံကိုမသီဆိုနိုင်သဖြင့် ငှက်အမများကို မဆွဲဆောင်နိုင်ဘဲ ဖြစ်နေတော့သည်။
သဘာဝပတ်ဝန်းကျင်ထိန်းသိမ်းသူတို့က ယင်းငှက်များကို သီချင်းပြန်ဆိုပြခြင်းဖြင့် ကယ်တင်နိုင်ရန် လမ်းစရှာတွေ့ခဲ့သဖြင့် ကျေးဇူးတင်ရမည်။ အသံသွင်းထားသည့် ၎င်းတို့ ယခင်က သီကျူးခဲ့ကြသည့်သီချင်းကို ဖွင့်ပြလျက် ၎င်းတို့၏ နှလုံးသားတေးသံကို ပြန်လည်သင်ယူနိုင်အောင် ပြုလုပ်ပေးသည့်အစီအစဉ်ပင် ဖြစ်သည်။ ငှက်အထီးလေးများသည် သံစဉ်ကို နားယဉ်လာပြီး ကိုယ်တိုင်ကြိုးစားအသံပြုလျက် ငှက်အမလေးများကို ပြန်လည်ဆွဲဆောင်ကာ ပွားများလာရန် မျှော်လင့်မိပါသည်။
ပရောဖက်ဇေဖနိသည်လည်း ဒုက္ခရောက်နေသူတို့အကြောင်းကို ပြောပြသည်။ အကျင့်ပျက် ခြစားမှုများကြားတွင် ဘုရားသခင်၏စီရင်ခြင်း နီးကပ်လာပြီဖြစ်ကြောင်း သူသတိပေးခဲ့သည် (ဇေ ၃:၁-၈)။ ဖမ်းဆီးခံရပြီး တိုင်းတစ်ပါးသို့ခေါ်ဆောင်ခံရသည့်…
အသက်အရွယ်ဆိုသည်မှာ ဂဏန်းတစ်ခုမျှသာ
ငယ်ရွယ်ခြင်းကြောင့် အောင်မြင်မှုမရနိုင်ဆိုသည့် အချက်က မဖြစ်နိုင်ပါ။ အသက် (၁၁) နှစ်အရွယ် မိခေလလေးကို စည်းဘောင်များက မတားဆီးနိုင်ခဲ့ပါ။ သံပရာရည် အေးအေးရောင်းသည့် မတ်တပ်ဆိုင်လေးဖွင့်မည့်အစား သံပရာရည်အရောင်းဈေးကွက်ကြီးကို သူမ စတင်နိုင်ခဲ့သည်။ ‘Me & the Bees’ (ကျွန်မနှင့် ပျားကလေးများ) ဟူသည့် သံပရာရည်အမှတ်တံဆိပ်ကို သူမအဖွားပေးသော ဖျော်နည်းအချိုးအဆနှင့် စတင်ခဲ့ပြီး ယခုတွင် ‘Shark Tank’ တီဗီရှိုးတွင် ရင်းနှီးမြှုပ်နှံသူများထံမှ ဒေါ်လာ (၆) သောင်းတန် ရင်းနှီးမြှုပ်နှံမှုကို ရရှိခဲ့သည်။ ဆိုင်ခွဲ (၅၅) ဆိုင်ရှိသော နာမည်ကြီးကုန်စံုဆိုင်ပိုင်ရှင်နှင့်လည်း အရောင်းစာချုပ်ချုပ်ခဲ့ပြီးဖြစ်သည်။
မိခေလ၏လုပ်ရပ်နှင့်ရည်မှန်းချက်တို့က တိမောသေအား ရှင်ပေါလု ပြောသည့် “သင်၏အသက်အရွယ်နုပျိုသည်ကို အဘယ်သူမျှ မထီမဲ့မြင် မပြုစေနှင့်” (၁ တိ ၄:၁၂)ဟူသော ဆုံးမစကားကို ပြန်လည် ဆင်ခြင်မိစေသည်။
တိမောသေသည် မိခေလလောက် ငယ်ရွယ်သူ မဟုတ်သည့်တိုင်…
ဘေးကင်းရာသို့ ဆွဲခေါ်ခဲ့သည်
ကလေးမလေးသည် ရေတိမ်သောချောင်းငယ်အတွင်း ဆော့ကစားနေချိန် အဖေဖြစ်သူက စောင့်ကြည့်နေခဲ့သည်။ သူမ၏ရာဘာဘွတ်ဖိနပ်သည် သူ့ဒူးခေါင်းထိရှည်သည်။ သူမ၏ဘွတ်ဖိနပ် မြှုပ်သည့်အနက်အထိ သူရေထဲဆင်းသွားပြီး နောက်ခြေတစ်လှမ်း လှမ်း၍မရတော့သည့်အခါတွင် “ဖေဖေ၊ သမီး နစ်နေပြီ”ဟု အော်ခေါ်ခဲ့သည်။ သုံးလှမ်းမျှနှင့် အဖေဖြစ်သူက သူမ ဘေးနားရောက်ရှိခဲ့ပြီး မြက်ထူသည့် ကမ်းဘောင်စပ်သို့ ဆွဲတင်ပေးခဲ့သည်။ သူမလေးသည် ဘွတ်ဖိနပ်ကို ဆွဲချွတ်လိုက်ပြီး ရေများထွက်ကျလာသည့်အခါ သဘောကျစွာ ရယ်ခဲ့သည်။
ဆာလံဆရာဒါဝိဒ်သည် ရန်သူများလက်မှ ဘုရားသခင် သူ့ကို ကယ်တင်ခဲ့ပြီးနောက် သူသည် ခဏထိုင်ချလိုက်ပြီး “ဖိနပ်များကို ချွတ်လိုက်ကာ” စိတ်အေးသွားရမှုကို အတွင်းစိတ်ထဲထိ လွှမ်းမိုးခံစားလိုက်သည်။ သူ၏ခံစားချက်များကို ဖော်ပြရန် ဒါဝိဒ်သည် သီချင်းတစ်ပုဒ်စပ်ဆိုခဲ့သည်။ “ချီးမွမ်းအပ်သော ထာ၀ရဘုရားကို ငါတောင်းလျှောက်၍၊ ရန်သူတို့လက်မှကယ်တင်ခြင်းသို့ရောက်၏” (၂ ရာ ၂၂:၄)။ ဘုရားသခင်ကို သူ၏ကျောက်၊ မြို့ရိုး၊ အကွယ်အကာ၊ ရဲတိုက်အဖြစ် သူချီးမွမ်းခဲ့သည်(:၂-၃)။ ထို့နောက် ဘုရားရှင်၏တုံ့ပြန်မှုကို…
ဖုန်တက်နေသည်ဟု ခံစားရခြင်း
ကျွန်ုပ်တို့၏အပတ်စဉ် အမှုဆောင်အဖွဲ့၏အစည်းအဝေးတွင် Warren (ဝေါရန်)က “ကျွန်တော်ဖုန်တက်နေပြီလို့ ခံစားနေရတယ်” ဟုပြောလိုက်ချိန်တွင် ၎င်းသည် အသက်ရလာခြင်း၊ ကျန်းမာရေးချို့တဲ့လာခြင်းတို့နှင့် သက်ဆိုင်သည့် ရုပ်ပိုင်းဆိုင်ရာပြဿနာများကို သူဆိုလိုချင်ကြောင်း ကျွန်တော်သဘောပေါက်လိုက်သည်။ အသက် (၆၀) နှောင်းပိုင်းထဲ ရောက်နေပြီဖြစ်သော ဝေါရန်နှင့်ဇနီးသည်တို့အတွက် ၂၀၂၀ ခုနှစ်သည် ဆရာ၀န်လာကြည့်ရခြင်း၊ လိုအပ်သည့်ခွဲစိတ်မှုများပြုလုပ်ရခြင်း၊ အိမ်တိုင်ရာရောက် စောင့်ရှောက်မှုအတွက် ပြန်လည်စီစဥ်ရခြင်းတို့ ပါဝင်သည့်နှစ်ဖြစ်သည်။ ဘဝ၏အကောင်းဆုံးအချိန်ကို လွန်ပြီး ဘဝနေဝင်ချိန်သို့ ရောက်ရှိနေပြီဟု သူတို့ခံစားမိကြသည်။
ခန္ဓာပိုင်းဆိုင်ရာ၊ အသိပညာပိုင်းဆိုင်ရာ၊ စိတ်ခံစားမှုဆိုင်ရာ၊ ဝိညာဉ်ရေးဆိုင်ရာ ချို့တဲ့မှု၊ မပြည့်စုံမှုနှင့် အားနည်းမှုများကို အသက်ရှည်ရှည်နေရမှ ကျွန်ုပ်တို့ ခံစားသိရသည် မဟုတ်ပါ။ သားတော် သခင်ယေရှုအားဖြင့် လူ့ဇာတိခံယူသော ဘုရားသခင်သည် ကျွန်ုပ်တို့၏ ပျက်စီးသောကမ္ဘာမြေသို့ လာရောက်ကာ လူဖြစ်ရသည့်ဒုက္ခကို ခံစားနေရသူများအား ဂရုစိုက်ခဲ့သည် (ဆာ ၁၀၃:၁၃)။ ထပ်မံပြီး ဒါဝိဒ်က “အကြောင်းမူကား ငါတို့ကိုယ်ခန္ဓာကို သိတော်မူ၏။…
ဘာတွေလိုအပ်လဲ
ကျွန်မ၏သူငယ်ချင်းက သူမအား မည်သည့်နိုင်ငံရေးပါတီဝင် ဖြစ်သနည်းဟု ယုံကြည်သူ လုပ်ဖော်ကိုင်ဖက်တစ်ဦးက ဘွင်းဘွင်းရှင်းရှင်းမေးခဲ့ပုံကို ပြန်ပြောပြသည်။ ဤသို့မေးသည့် သူ၏ရည်ရွယ်ချက်မှာ လူမှုအသိုင်းအဝန်း၌ ကွဲပြားမှုဖြစ်စေသည့် လက်တလော အမှုအရေးများနှင့်စပ်လျဥ်း၍ သူတို့နှစ်ဦးအနေဖြင့် သဘောထားတိုက်ဆိုင်မှု ရှိမရှိကို ခန့်မှန်းရန် ဖြစ်ကောင်းဖြစ်နိုင်သည်။ သူတို့နှစ်ဦးကြား တူညီသည့်အခြေခံကို ရှာတွေ့ရန် သူမက “ကျွန်မတို့နှစ်ယောက် လုံးက ယုံကြည်သူတွေဖြစ်တဲ့အတွက် ခရစ်တော်၌ ညီညွှတ်မှုကိုပဲ ကျွန်မအာရုံစိုက်မယ်” ဟု ရိုးရှင်းစွာ ဖြေကြားခဲ့သည်။
ရှင်ပေါလုလက်ထက်တွင်လည်း ယုံကြည်သူများသည် အမျိုးမျိုးသောကိစ္စ များကြောင့် ကွဲပြားခဲ့ကြသည်။ မည်သည့် အစားအသောက်များ စားခွင့်ရှိသည်၊ မည်သည့်နေ့များကို သန့်ရှင်းသောနေ့အဖြစ် သတ်မှတ်မည် စသည့်ခေါင်းစဉ်များကြောင့် ရောမမြို့ရှိခရစ်ယာန်များ သဘောထားကွဲလွဲခဲ့ကြသည်။ ‘မိမိစိတ်နှင့် မိမိကိုယ် မည်သည့် ခံယူချက်ကို စွဲကိုင်သည်’ ဖြစ်စေ၊ သခင်ယေရှုအတွက် အသက်ရှင်ခြင်းသည် သူတို့၏တူညီသည့် အခြေခံအုတ်မြစ်ဖြစ်ကြောင်း သူတို့အား ရှင်ပေါလု သတိပေးခဲ့သည် (ရော…
ကမ္ဘာမြေနေ့တွင် ကျေးဇူးတင်စရာ
ကမ္ဘာမြေနေ့သည် ဧပြီလ (၂၂) ရက်နေ့တိုင်း ပုံမှန်ကျင်းပလေ့ရှိသည့် လှုပ်ရှားမှု တစ်ခုဖြစ်သည်။ မကြာမီနှစ်များက နိုင်ငံပေါင်း (၂၀၀) ခန့်မှ လူဘီလီယံကျော်သည် ပညာရေးနှင့် ဝန်ဆောင်မှုဆိုင်ရာလုပ်ငန်းများတွင် ပါဝင်ခဲ့ကြသည်။ ကျွန်မတို့၏အံ့ဖွယ်ကမ္ဘာကို ဂရုစိုက်ရန် အရေးကြီးကြောင်း ကမ္ဘာမြေနေ့က နှစ်စဥ် သတိပေးနေသည်။ သို့သော် ဤသို့နှစ်စဉ်လှုပ်ရှားမှုထက် များစွာရှေးကျသည့် ပတ်ဝန်းကျင်ကိုဂရုစိုက်ပိုင်ခွင့်သည် ကနဦး ဖန်ဆင်းခြင်း အစကပင် ရှိခဲ့ပါသည်။
ကမ္ဘာဦးကျမ်းတွင် ဘုရားသခင်သည် စကြဝဠာတစ်ခုလုံးကိုဖန်ဆင်းပြီး လူသားများနေထိုင်ရန် ကမ္ဘာမြေကို ပြုလုပ်ပေးခဲ့ကြောင်း ကျွန်မတို့သိပြီးသား ဖြစ်သည်။ ဘုရားသခင်သည် တောင်ထိပ်များနှင့် စိမ်းလန်းသောလွင်ပြင်များကို ဖန်ဆင်းခဲ့ရုံသာမက နေထိုင်သူများအတွက် စားစရာ၊ နေစရာနှင့် အလှတရားတို့ကိုပေးသည့် ဧဒင်ဥယျာဉ်ကိုလည်း ဖန်ဆင်းခဲ့သည် (က ၂:၈-၉)။
သူ၏အရေးပါဆုံးသော ဖန်ဆင်းခံလူသားများထဲသို့ ဇီဝအသက်မှုတ်သွင်း ပြီးနောက် ဥယျာဉ်ထဲ၌ သူတို့ကိုနေရာချကာ (:၈၊ ၂၂) ဥယျာဥ်ကိုစောင့်ရှောက် ပြုစုရန် တာဝန်ပေးခဲ့သည်…