အချစ်သီချင်း

စနေနေ့မွန်းလွဲပိုင်းတွင် ငြိမ်သက်သောကမ်းနားပန်းခြံ၌ အပြေးသမားများ ဖြတ်ပြေးသွားသည်၊ ငါးမျှားတံများပတ်ချာလည်နေသည်၊ ပင်လယ်ဇင်ယော်များသည် ငါးကြွပ်၊ အာလူးကြော်အိတ်ခွံများကို ထိုးဆိတ်လုကာ လုံးထွေးနေပြီး ကျွန်ုပ်တို့ဇနီးမောင်နှံမှာ ထိုင်၍စုံတွဲတစ်တွဲကိုကြည့်နေသည်။ သူတို့က အသက် (၄၀) နှောင်းပိုင်းခန့် ဖြစ်မည်ဖြစ်ပြီး ကျွန်ုပ်နားမလည်သော ဘာသာ စကားဖြင့် စကားပြောဆိုနေကြသည်။ ထိုအမျိုးသမီးသည် စိတ်လေလွင့်ခြင်းမရှိဘဲ ၎င်းတို့၏ဘာသာစကားဖြင့် သူမအတွက် အချစ်သီချင်းသီဆိုနေသော အမျိုးသား၏မျက်လုံးများကို ငေးကြည့်နေသည်။ လေပြေများက ကျွန်ုပ်တို့ကြားနိုင်ရန် ထိုသံစဥ်ကို သယ်ဆောင်လာသည်။

ကြည်နူးစရာမြင်ကွင်းကြောင့် ဇေဖနိအနာဂတ္တိကျမ်းအကြောင်းကို ကျွန်ုပ်တွေးမိသည်။ အဘယ့်ကြောင့်နည်းဟု ပထမ သင်အံ့သြမိမည်။ ဇေဖနိခေတ်တွင် ဘုရားသခင်၏လူမျိုးသည် မှားယွင်းသောဘုရားများကို ကိုးကွယ်ဦးညွှတ်ခြင်းဖြင့် စတင်ပျက်စီးခဲ့သည် (၁:၄-၅)။ ဣသရေလလူမျိုး ပရောဖက်နှင့် ယဇ်ပုရောဟိတ်များသည် မောက်မာပြီး ဘုရားကို စော်ကားကြသည် (၃:၄)။ ဤကျမ်းအများစုတွင် ဣသရေလလူမျိုးအပေါ်သာမက ကမ္ဘာပေါ်ရှိ လူမျိုးများအားလုံးအပေါ်တွင် ဘုရားသခင်၏စီရင်ခြင်း လာတော့မည်ဖြစ်ကြောင်း ကြေညာထားသည် (:၈)။

သို့သော်…

မဆုံးဖြတ်နိုင်ခြင်းကိုကိုင်တွယ်ဖြေရှင်းခြင်း

စက္ကူလက်သုတ်ပဝါများမှသည် အသက်အာမခံကုမ္ပဏီအထိ ရွေးချယ်စရာ အမျိုးစုံ လှသည့်ကမ္ဘာကြီးတွင် ကျွန်ုပ်တို့နေထိုင်ကြသည်။ ၂၀၀၄ ခုနှစ်တွင် စိတ်ပညာရှင် Barry Schwartz (ဘယ်ရီရှဝဇ်)က ‘The Paradox of Choice’ (ရွေးချယ်မှု၏ ဝိရောဓိများ) ဟူသည့်စာအုပ်တွင် “လွတ်လပ်စွာရွေးချယ်ပိုင်ခွင့်သည် ကျွန်ုပ်တို့၏ ကျန်းမာချမ်းသာရေးအတွက် အရေးကြီးသည်ဟု ငြင်းခုံစဥ်မှာပင် များစွာသောရွေးချယ်မှုက အလွန်အကျွံဝန်ပိခြင်းနှင့် မဆုံးဖြတ်နိုင်သည့် အခြေအနေသို့ တွန်းပို့သွားသည်” ဟုရေးသားခဲ့သည်။ မည်သည့်စက္ကူလက်သုတ်ပုဝါကို ဝယ်မည်ဟု ဆုံးဖြတ်ခြင်းက မပြောပလောက်သော်လည်း ဘဝ၌သက်ရောက်မှု ဖြစ်စေသည့် အဓိကဆုံးဖြတ်ချက်များချရန် ချီတုံချတုံဖြစ်ခြင်းသည် အားအင်ကုန်လျက် လူကိုချည့်နဲ့စေသည်။ ထို့ကြောင့် ရှေ့ဆက် သခင်ယေရှုအတွက် ယုံကြည်ချက်ရှိရှိ အသက်ရှင်ရန် ချီတုံချတုံဖြစ်လျက် မဆုံးဖြတ်နိုင်ခြင်းကို မည်သို့ကျော်လွှားနိုင်မည်နည်း။

ဆုံးဖြတ်ချက်ချရန်ခက်ခဲနေစဉ် ခရစ်တော်ကို ယုံကြည်သူများအနေနှင့် ဘုရားသခင်၏ဉာဏ်ပညာကို ရှာဖွေခြင်းက ကျွန်ုပ်တို့အတွက် အထောက်အကူဖြစ်စေပါသည်။ ဘဝ၌ အမှုကြီးငယ်မဟူအတွက် ဆုံးဖြတ်သည့်အခါ “ထာဝရဘုရားကို စိတ်နှလုံး…

ဖွင့်ပြခြင်းနှင့် ပြန်လည်သေချာစေခြင်း

၂၀၁၉ ခုနှစ်တွင် ကလေး ကျား/မ ကြေညာမှုများက ဇာတ်ဟန်ပါလှသည်။ ဇူလိုင်လတွင် ဗီဒီယိုတစ်ခု၌ ကားမှအပြာရောင်မီးခိုးများမှုတ်ထုတ်ပြီး ‘ယောက်ျားလေး’ဟု ဖော်ပြခဲ့သည်။ စက်တင်ဘာလတွင် အမေရိကန်နိုင်ငံ၊ တက္ကဆက်ပြည်နယ်၌ ပိုးသတ်ဆေးဖြန်းသည့်လေယာဥ်မှ ပန်းရောင်ရေများ ပက်ဖျန်းကာ ‘မိန်းကလေး’ဟုကြေညာသည်။ နောက်“ထုတ်ဖော်မှု”တစ်ခုမှာ ထိုကလေးများ ကြီးပြင်းလာမည့်ကမ္ဘာနှင့်ပတ်သက်ပြီး သိသာထင်ရှားသော အရာများကို ပြသခဲ့သည်။ ၂၀၁၉ နှစ်ကုန်ပိုင်းတွင် ‘YouVersion’ မှ ၎င်း၏အွန်လိုင်းနှင့်ဖုန်းကျမ်းစာ app တွင် တစ်နှစ်တာလုံး မျှဝေမှု၊ အသားပေးဖော်ပြမှုနှင့် အမှတ်အသားပြုမှု အများဆုံး ကျမ်းချက်မှာ ဖိလိပ္ပိသြဝါဒစာ ၄:၆ ဟု ဆိုသည်။ “အဘယ်အမှုကိုမျှ စိုးရိမ်ခြင်းရှိဘဲ အရာရာ၌ ကျေးဇူးတော်ကို ချီးမွမ်းခြင်းနှင့်တကွ ဆုတောင်းပတ္ထနာပြုသောအားဖြင့် သင်တို့တောင်းပန်လိုသောအရာများတို့ကို ဘုရားသခင်အား ကြားလျှောက်ကြလော့”။

ဤအရာမှဖွင့်ပြမှုတစ်ခုရရှိခဲ့ပါသည်။ ယနေ့တွင် လူသားများသည် ကိစ္စများ စွာအတွက် စိုးရိမ်သောကရောက်နေကြသည်။ သားသမီးတို့၏ လိုအပ်ချက်မှအစ မရေမတွက်နိုင်သောနည်းလမ်းဖြင့် မိသားစုများနှင့်မိတ်ဆွေများ…

သတ္တဝါအကြီးအငယ်အားလုံး

မီရှဲဂရန့်သည် တင်ဘာအမည်ရှိ ဗီဗာဖျံပေါက်လေးတစ်ကောင်ကို သူ့သဘာဝ ဝန်းကျင်သို့ ပြန်ပို့နိုင်ရေး လေ့ကျင့်ပေးခဲ့သည်။ ထို့နောက် ၎င်းကို ရေအိုင်တစ်ခု၌ လွတ်ပေးရာ သူက ကယက်လှေသို့ပြန်လာပြီး နှာခေါင်းနှင့်တို့သည်။ သို့သော် တစ်မနက်တွင် သူပြန်မလာပါ။ မီရှဲက သူလက်မလျော့လိုက်မီ ရေကန်၌ တင်ဘာကို ခြောက်နာရီကြာအောင် ‌ပိုက်စိပ်တိုက်ရှာခဲ့သည်။ ရက်သတ္တပတ်များ အကြာမှာတော့ ဖျံဦးခေါင်းခွံကို တွေ့ခဲ့ပြီး တင်ဘာ၏ဦးခေါင်းခွံဟု ယူဆရသောကြောင့် သူမ ငိုပါတော့သည်။

မီရှဲနှင့် တင်ဘာအတွက် ကျွန်တော့်စိတ်နှလုံးနာကျင်ရပါသည်။ “တော်တော့၊ မေ့ပစ်လိုက်တော့။ အဲ့အကောင်က ရေမှာနေတဲ့ ဖျံကြီးတစ်ကောင်ပဲ” ဟုကိုယ့်ကိုယ်ကိုယ်ပြောခဲ့လည်း ၎င်းကို ကျွန်တော်ဂရုစိုက်သလို ဘုရားသခင်လည်း ဂရုစိုက်ပါသည်။ ဘုရား၏ချစ်ခြင်းမေတ္တာသည် ကောင်းကင်အမြင့်ထိမီပြီး အသေးငယ်ဆုံး သတ္တဝါအထိ နက်နဲပါသည်။ ဖန်ဆင်းခြင်း၏တစ်စိတ်တစ်ပိုင်း ဖြစ်သည့် ကျွန်ုပ်တို့အားလည်း ထိုတိရစ္ဆာန်များကို အုပ်စိုးစောင့်ထိန်းရန် မိန့်မှာ ထားပါသည် (က ၁: ၂၈)။ ဘုရားရှင်သည်…

လှပသောခြေဖဝါး

၁၉၉၄ ခုနှစ်တွင် John Nash (ဂျွန်နက်ရှ်)၏ သင်္ချာဘာသာရပ်ဆိုင်ရာ စွန့်ဦးရှေ့ဆောင်သည့်အလုပ်တစ်ခုမှာ အသိအမှတ်ပြုခံရပြီး သူသည် စီးပွားရေးဆိုင်ရာ နိုဘယ်လ်ဆု ချီးမြှင့်ခံခဲ့ရသည်။ အားပြိုင်မှုနှင့် စီးပွားဘက်ချင်းပြိုင်ဆိုင်မှု၏ ‌လှုပ်ရှားမှုသိပ္ပံကို သိနားလည်လျက် ကမ္ဘာတစ်ဝန်းရှိ စီးပွားရေးလုပ်ငန်းရှင်များသည် ထိုကတည်းကပင် သူ၏ညီမျှခြင်းဆိုင်ရာသဘောတရားများကို အသုံးပြုခဲ့ကြသည်။ သူ့ဘဝအကြောင်း ရေးသားထားသောစာအုပ်ရှိပြီး ရုပ်ရှင်လည်း ရိုက်ကူးခဲ့သည်။ သူ့အား “လှပသောစိတ်” ရှိသူအဖြစ် ရည်ညွှန်းထားပါသည်။ သူ့ဦးနှောက်ဉာဏ်ရည်၏ အားကျဖွယ် ဆွဲဆောင်မှုတစ်ခုခုရှိခြင်းကြောင့်မဟုတ်ဘဲ ဦးနှောက်က ထုတ်ဖော်ခဲ့သောအမှုအရာအတွက်ကြောင့် ထိုသို့ရည်ညွှန်းထားခြင်းဖြစ်သည်။

ဓမ္မဟောင်းကျမ်း၏ပရောဖက်တစ်ပါးဖြစ်သော ဟေရှာယသည် ခြေထောက် ကို ဖော်ပြရန်အတွက် “တင့်တယ်” ဟူသောစကားကို အသုံးပြုထားသည်။ မြင်ရသော ရုပ်ရည်သွင်ပြင်ကြောင့် မဟုတ်ဘဲ ၎င်းတို့လုပ်ဆောင်ခဲ့သည့်အရာ၌ လှပမှုကို သူတွေ့ခဲ့ခြင်းကြောင့်ဖြစ်သည်။ “ဝမ်းမြောက်စရာသတင်းကို ... ပြောသောသူ၏ခြေတို့သည် တောင်ပေါ်မှာ အလွန်တင့်တယ်လှစွတကား” (ဟေရှာ ၅၂:၇)။ ဘုရားသခင်အပေါ် သစ္စာစောင့်သိမှုမရှိခြင်းကြောင့် ဗာဗုလုန်တိုင်းပြည်တွင် အနှစ်…

စောင့်ဆိုင်းလိုသောဆန္ဒ

စောင့်စားခြင်းသည် ကျွန်ုပ်တို့၏ငြိမ်သက်ခြင်းကိုခိုးယူသည့် တရားခံဖြစ်သည်။ ကွန်ပျူတာသိပ္ပံပညာရှင် Ramesh Sitaraman (ရာမက်ရှ်စီတာရာမန်)က “နှေးကွေးသော ဝက်ဘ်ဆိုဒ်တစ်ခုကိုဖွင့်ရန် စောင့်ဆိုင်းရခြင်းသည် အင်တာနက်အသုံးပြုသူများအား အရာအားလုံးအပေါ် စိတ်ပျက်ခြင်းနှင့် ဒေါသထွက်ခြင်းတို့ကို လှုံ့ဆော်ပေးနေသည်” ဟုဖော်ဆိုထားသည်။ သူ၏သုတေသနစာတမ်းအရ ကျွန်ုပ်တို့သည် အွန်လိုင်းမှ ဗွီဒီယို တစ်ခုကြည့်ရန်အတွက် ပျမ်းမျှအချိန် (၂) စက္ကန့်သာ စောင့်လိုကြောင်း၊ (၅) စက္ကန့်အကြာတွင် မကြည့်ဘဲကျော်သွားသည့် ရာခိုင်နှုန်းမှာ (၂၅)% ရှိပြီး၊ (၁၀) စက္ကန့်အကြာတွင် အသုံးပြုသူတစ်ဝက်ခန့်သည် ဆက်မကြိုးစား ကြတော့ပေ။ ကျွန်ုပ်တို့သည် စိတ်မရှည်သူများဖြစ်သည်မှာ အသေအချာပင်။

ရှင်ယာကုပ်သည် သခင်ယေရှုကို ယုံကြည်သူများအား သခင်ဒုတိယအကြိမ် ကြွလာမည့်အချိန်ကို စောင့်မျှော်စဥ် သခင့်အား မစွန့်လွှတ်ရန် တိုက်တွန်းထားသည်။ ခရစ်တော်ပြန်ကြွလာခြင်းက ဆင်းရဲဒုက္ခရင်ဆိုင်ရချိန်တွင် မြဲမြံစေရန်နှင့် အချင်းချင်း တစ်ဉီးကိုတစ်ဉီး ရိုသေလေးစားကာ ချစ်ကြရန် သူတို့အတွက် မစအားပေးမှု ဖြစ်စေလိမ့်မည် (ယာ ၅:၇-၁၀)။…

ဆုတောင်းချိန်၌ စကားလုံးမဲ့ခြင်း

မွေးကင်းစမောင်လေး ခွဲစိတ်ခန်းဝင်ရသောအခါ ကျွန်မစိတ်ပူပန်ခဲ့ရသည်။ ‘Tongue-tied’ (ankyloglossia - တင်းကြပ်နေသာတစ်ရှူးများကြောင့် လျှာထိပ်နှင့် ပါးစပ်ကြမ်းပြင်ကြား ချုပ်နှောင်ထားသကဲ့သို့ ဖြစ်နေခြင်း) ဆိုသည့် မွေးရာပါ လျှာဖွဲ့စည်းပုံချို့ယွင်းသော ရောဂါကြောင့် အကူအညီမပါလျှင် စားသောက်ခြင်း၊ စကားပြောဆိုခြင်းများ ဖြည်းဖြည်းချင်း နှောင့်နှေးသွားနိုင်သည်။ ယခုခေတ်တွင် ‘tongue-tied’ ဆိုသည့် အသုံးအနှုန်းကို ပြောစရာစကားလုံး ရှာမတွေ့သော အခါမျိုး သို့မဟုတ် စကားပြောရန် ရှက်နေသောအချိန်မျိုးတွင် သုံးလေ့ရှိသည်။

တစ်ခါတစ်ရံ ကျွန်မတို့ဆုတောင်းသောအခါ လျှာအချုပ်ခံထားရသကဲ့သို့ ဘာပြောရမှန်းမသိ ဖြစ်တတ်သည်။ ဝိညာဉ်စာစုများ၊ အဖန်တစ်ရာထပ်နေသော စကားလုံးများနှင့် မိမိခံစားချက်များကို လေးမြှားကဲ့သို့ ကောင်းကင်ဘုံသို့ ပစ်ခွင်းပြီး ဆုတောင်းလျှင် ဘုရားသခင်နားညောင်းမည်ဟု ကျွန်မတို့ထင်မှတ်လျက် အတွေးများက ဦးတည်ရာမဲ့လမ်းကြောင်းပေါ်၌ ကွေ့ကောက် ပြေးလွှားနေသည်။

တမန်တော်ရှင်ပေါလုသည် ပထမရာစုနှစ်က ခရစ်တော်ကိုယုံကြည်သော ရောမလူမျိုးများထံ စာရေးကာ မည်သို့ဆုတောင်းရမှန်းမသိ ဖြစ်နေပါက သန့်ရှင်းသောဝိညာဉ်တော်ထံမှ မစမှုတောင်းရန် ပြောခဲ့သည်။…

လုံခြုံသောလက်တော်

Doug Merkey (ဒါ့ဂ်မာကီ)၏ အသက်တာသည် ပြေလျော့နေသောကြိုးကဲ့သို့ပင် တစ်မျှင်ချင်း ကျိုးပဲ့လျက်ရှိနေသည်။ “အချိန်အတော်ကြာ တွန်းလှန်ခဲ့ရတဲ့ ကင်ဆာတိုက်ပွဲမှာ ငါ့အမေရှုံးနိမ့်ခဲ့တယ်။ ကြည်နူးစရာကောင်းခဲ့တဲ့ ရေရှည် အချစ်ရေးက အဆင်မပြေတော့ပါ။ ငါ့ငွေလည်း ကုန်ပြီ။ အသက်မွေးဝမ်းကြောင်းခရီးက မှုန်ဝါးနေတယ်။ ခံစားမှုပိုင်းနဲ့စိတ်ဝိညာဉ်ပိုင်းမှာ အမှောင်ထုက လွှမ်းမိုးနေပြီး အားအင်မဲ့လို့ နားမလည်နိုင်လောက်အောင် ဖြစ်နေတယ်”ဟု သင်းအုပ် ဆရာနှင့် ပန်းပုဆရာလည်းဖြစ်သူ ဒါ့ဂ်က ရေးသားခဲ့သည်။ ထိုအခြေအနေများနှင့် ကျဉ်းမြောင်းသောထပ်ခိုး၌ နေခဲ့ရသည့်အဖြစ်များက ‘The Hiding Place’ (ပုန်းခိုရာ) ဟူသည့် ပန်းပုလက်ရာကို ပေါ်ထွက်လာစေသည့် အခြေခံအကြောင်းတရားများဖြစ်သည်။ သံမှိုနှင့်အရိုက်ခံထားရကာ ခွက်ပုံစံလှစ်ဟထားသည့် ခရစ်တော်၏ လက်တော်ပန်းပုလက်ရာကို ခိုင်မာလုံခြုံသောနေရာအဖြစ် ဖော်ကျူးထားသည်။

ဒါ့ဂ်က သူ့လက်ရာဒီဇိုင်းနှင့်စပ်လျဥ်း၍ “ဒီပန်းပုဟာ ခရစ်တော်က သူ့ထံ လာရောက်ခိုလှုံဖို့ ဖိတ်ခေါ်နေခြင်းဖြစ်တယ်”ဟု ရှင်းပြသည်။ ဆာလံကျမ်း ၃၂ တွင် ဒါဝိဒ်သည် ဘုရားသခင်၌…

မတုန်မလှုပ်သောယုံကြည်ခြင်း

ကီဗင်သည် သူ့ဖခင်ဆုံးသွားသောအခါ အဖေ၏ပစ္စည်းများကို သိမ်းဆည်းရန် ဘိုးဘွားရိပ်သာသို့ ရောက်လာခဲ့သည်။ ဝန်ထမ်းတစ်ယောက်က သူ့အား သေတ္တာလေးနှစ်ခုသာပေးခဲ့သည်။ ပျော်ရွှင်ရန်အတွက် ပိုင်ဆိုင်မှု ဥစ္စာပစ္စည်း များများစားစား မလိုအပ်ကြောင်းကို ထိုနေ့တွင် သူသဘောပေါက်ခဲ့သည်။

သူ၏ဖခင်လယ်ရီသည် ပူပင်ကြောင့်ကြမှုကင်းပြီး အမြဲတစေပြုံးနေတတ်ကာ သူတစ်ပါးအတွက် အားပေးစကားပြောနေတတ်သည်။ ထိုသို့ပျော်ရွှင်ရ သည့် အကြောင်းအရင်းမှာ လောကစံနှုန်းသေတ္တာ၌ မဝင်ဆံ့သည့် ‘ပိုင်ဆိုင်မှု’ တစ်ခုကြောင့်ဖြစ်သည်။ ၎င်းမှာ သူ့ကိုရွေးနှုတ်တော်မူသော ယေရှုခရစ်တော်၌ရှိသည့် မတုန်မလှုပ်သောယုံကြည်ခြင်းပင်ဖြစ်သည်။

ယေရှုက “ကောင်းကင်ဘုံ၌ ဘဏ္ဍာကို ဆည်းဖူးကြလော့” ဟုမိန့်မှာသည် (မ ၆:၂၀)။ ကျွန်ုပ်တို့ကို အိမ်မပိုင်ရ၊ ကားမဝယ်ရ၊ ရှေ့ရေးအတွက် မစုဆောင်းရ၊ ပစ္စည်းဥစ္စာများများ မပိုင်ဆိုင်ရဟု သခင် မပြောဘဲ ကျွန်ုပ်တို့၏နှလုံးသားက မည်သည့်အရာ၌ အာရုံပြုသည်ကို ဆန်းစစ်ရန် ပြောထားသည်။ လယ်ရီ၏ မျက်မှောက်ပြုရာသည် အဘယ်မှာရှိပါသနည်း။ အခြားသူများအပေါ် မေတ္တာထားခြင်းဖြင့် ဘုရားသခင်ကို ချစ်ခြင်း၌…

ဘုရားသခင်ထံတော်မှခွန်အား

၁၉၂၅ ခုနှစ်တွင် စာရေးဆရာဖြစ်လာရန် ဆန္ဒပြင်းပြနေသော Langston Hughes (လန်စတန်ဟရုစ်)သည် ဟိုတယ်တစ်ခု၌ သန့်ရှင်းရေးသမားအဖြစ် လုပ်ကိုင်စဥ် သူလေးစားရသောကဗျာဆရာ Vachel Lindsey (ဗာချယ်လင်းစီ) ထိုဟိုတယ်တွင်တည်းခိုကြောင်း သိခဲ့ရသည်။ ဟရုစ်သည် ရှက်ရှက်နှင့်ပင် သူရေးထားသော ကဗျာကို လင်းစီအား ရွတ်ပြမိခဲ့ပြီး ထိုကဗျာကို လင်းစီက စာပေဟောပြောပွဲတစ်ခုတွင် ကျေနပ်အားရစွာ ချီးမွမ်းခဲ့သည်။ လင်းစီ၏ ချီးမွမ်းအားပေးမှု၏ရလဒ်အဖြစ် ဟရုစ် သည် တက္ကသိုလ်တစ်ခုမှ ပညာသင်ဆုရရှိခဲ့ပြီး ထိုမှတစ်ဆင့် စာရေးခြင်းဖြင့် အသက်မွေးကာ အောင်မြင်သောလမ်းခရီးကို လျှောက်လှမ်းနိုင်ခဲ့သည်။

အထူးသဖြင့် ဘုရားသခင်အတူပါရှိလျှင် သေးငယ်သောအားပေးစကားပင်လျှင် များစွာခရီးပေါက်နိုင်သည်။ သမ္မာကျမ်းစာ၌ပါရှိသည့် ရှောလုမင်းက ဒါဝိဒ်အား သတ်ရန် ကြံစည်သည့်အဖြစ်အပျက်တွင် ရှောလု၏သား ယောနသန်သည် ဒါဝိဒ်ကိုရှာပြီး ဘုရားသခင်၌ ခိုလှုံအားကြီးစေရန် မစခဲ့သည်။ သူက “မစိုးရိမ်နှင့်။ သင်သည် ကျွန်ုပ်အဘရှောလု၏လက်မှလွတ်၍ ဣသရေလရှင်ဘုရင် ဖြစ်လိမ့်မည်” ဟုပြောခဲ့သည်…