တန်ခိုးအရင်းအမြစ်နှင့် ချိတ်ဆက်ထားသည်

မုန်တိုင်းတိုက်ခတ်ပြီးနောက်၊ ကျွန်မတို့ဒေသထုံးစံအတိုင်း၊ အိမ်၌ လျှပ်စစ်မီး ပြတ်တောက်နေကြောင်း သိသော်လည်း၊ အခန်းထဲသို့အဝင် လက်က ရုတ်တရက် မီးခလုတ်ကို ဖွင့်လိုက်မိသည်။ မီးမလာပါ။ အမှောင်ထဲတွင် နေရဆဲပင်။

ပင်မဓာတ်အားလိုင်း ပြတ်တောက်မှုကို သိသော်ငြားလည်း၊ မီးရရန် မျှော်လင့်နေသော အတွေ့အကြုံသည် ကျွန်မအတွက် ဝိညာဉ်ရေးရာ အမှန်တရား တစ်ခုကို ရှင်းလင်းစွာ ဖော်ပြနေသည်။ ဝိညာဉ်တော်ကို အမှီပြုရန် ပျက်ကွက်သည့်တိုင် တန်ခိုးကို ကျွန်မတို့မကြာခဏ မျှော်လင့်တတ်ကြသည်။

သက်သာလောနိတ်သြဝါဒစာပထမစောင်တွင် ရှင်ပေါလုက ဘုရားသခင်သည် သမ္မာတရားသတင်းစကားကို သာမန်စကားလုံးမျှသာမက၊ တန်ခိုးတော်၌၊ သန့်ရှင်းသောဝိညာဉ်တော်အားဖြင့်၊ နက်နဲစွာ ဖွင့်ပြစေလွှတ်ကြောင်း ရေးသားခဲ့သည် (၁:၅)။ ဘုရားသခင်၏ခွင့်လွှတ်ခြင်းကို ကျွန်မတို့လက်ခံသောအခါ၊ ယုံကြည်သူများလည်း အသက်တာ၌ ဝိညာဉ်တော်၏တန်ခိုးကို ချက်ချင်း ဝင်ရောက်ခံယူခွင့်ရရှိပြီး၊ ထိုတန်ခိုးတော်သည် ကျွန်မတို့အတွင်း၌၊ ချစ်ခြင်း၊ ဝမ်းမြောက်ခြင်း၊ ငြိမ်သက်ခြင်း၊ စိတ်ရှည်ခြင်းစသည့် ဝိညာဉ်အသီး များကို သီးပွင့်စေသည် (ဂလာ…

ခွဲခွာခြင်းနှုတ်ဆက်စကားများ

သူ့ဘဝဆုံးခန်းတိုင်ခါနီးတွင် John M. Perkins (ဂျွန်အမ်ပါကင်းစ်) သည် သူချန်ရစ်ခဲ့ရမည့် လူများအတွက် သတင်းစကားတစ်ခုရှိခဲ့သည်။ လူမျိုးရေး ပြန်လည် သင့်မြတ်ရေးကို အားပေးသူအဖြစ် လူသိများသော ပါကင်းစ် က “နောင်တရခြင်းသည် ဘုရားသခင်ထံ ပြန်သွားရန် တစ်ခုတည်းသောနည်းလမ်းဖြစ်၏။ နောင်တမရလျှင် သင်တို့အားလုံး ပျက်စီးလိမ့်မည်” ဟုပြောခဲ့သည်။

ဤစကားများသည် သခင်ယေရှုနှင့် သမ္မာကျမ်းစာရှိ အခြားလူများစွာတို့၏စကားကို ထင်ဟပ်စေပါသည်။ ခရစ်တော်က “သင်တို့ရှိသမျှသည်လည်း နောင်တမရလျှင် ပျက်စီးခြင်းသို့ ရောက်ကြလိမ့်မည်” ဟုပြောခဲ့သည် (လု ၁၃:၃)။ တမန်တော် ရှင်ပေတရုကလည်း “သင်တို့အပြစ်များကို ပြေစေခြင်းငှာ နောင်တရ၍ စိတ်ပြောင်းလဲခြင်းသို့ ရောက်ကြလော့” ဟုပြောခဲ့သည် (တ ၃:၂၀)။

၎င်းတို့ထက်စောပြီး သူ၏လူမျိုးကို ဘုရားသခင်ထံတော်သို့ ပြန်လှည့်စေ လိုသော အခြားသူတစ်ဦး၏စကားကို ကျွန်ုပ်တို့ဖတ်ရှုခဲ့သည်။ ပရောဖက်၊ ယဇ်ပုရောဟိတ်နှင့် တရားသူကြီးဖြစ်သည့် ရှမွေလ၏ “ဣသရေလလူအပေါင်းတို့”ကို (၁…

မျှော်လင့်မထားသောနေရာများရှိ ဧဝံဂေလိတရား

မကြာသေးမီက ရုပ်ရှင်နှင့် တီဗီ တို့၌ မရေမတွက်နိုင်အောင် မြင်ဖူးသည့် အမေရိကန်နိုင်ငံ၊ ကယ်လီဖိုးနီးယားပြည်နယ်၊ ဟောလိဝုဒ်သို့ ကျွန်တော် ရောက်ခဲ့သည်။ ကျော်ကြားလှသည့် လော့စ်အိန်ဂျလိစ်တောင်စွယ်၌ ‘Hollywood’ ဟူသည့်အဖြူရောင် စာလုံးကြီးများက ဝင့်ကြွားစွာ အစီအရီ ရှိနေသည်ကို ကျွန်တော်တည်းခိုသည့် ဟိုတယ်ပြတင်းပေါက်မှ လှမ်းမြင်ခဲ့ရသည်။

နောက်မှ အခြားအရာတစ်ခုကို သတိပြုမိခဲ့သည်။ ဘယ်ဘက်ခြမ်းအောက်ခြေတွင် လက်ဝါးကပ်တိုင်တစ်ခု ထင်ထင်ရှားရှားရှိနေသည်။ ၎င်းကို ရုပ်ရှင်များ၌ တစ်ခါမှ မတွေ့ဖူးပါ။ ထို့နောက် ကျွန်ုပ်၏ဟိုတယ်ခန်းမှ ထွက်လာသည့်အခါ ဒေသန္တရအသင်းတော်မှ ကျောင်းသားအချို့က ကျွန်ုပ်အား သခင်ယေရှုအကြောင်းကို စတင်ဝေမျှလာသည်။

တစ်ခါတစ်ရံ ဟောလိဝုဒ်ကို ဘုရားသခင်နိုင်ငံတော်နှင့် လုံးဝဆန့်ကျင်ကွဲလွဲနေသော လောကီအရာများ၏ဗဟိုချက်မဟုသာ ကျွန်ုပ်တို့ ထင်မြင်မိမည်။ သို့သော် ထိုနေရာတွင် ခရစ်တော်အလုပ်လုပ်နေပြီး၊ သူ၏တည်ရှိခြင်းက အံ့ဩဖွယ် ကျွန်ုပ်ကို ဖမ်းစားခဲ့သည်။

ဖာရိရှဲများသည် သခင်ယေရှု၏ တည်ရှိပေါ်လာမှုအပေါ် အစဉ် အံ့သြခဲ့ကြသည်။ သူတို့မျှော်လင့်ထားသူများနှင့်…

သင်အထီးကျန်သောအခါ

ည (၇) နာရီတွင် Hui-Liang (ဟွေ့လရန်း)သည် သူ၏ မီးဖိုချောင်၌ ထမင်းနှင့် ငါးအသားလုံး အကျန်ကို စားနေသည်။ တစ်ဘက်ခန်းရှိ Chua (ချွား) မိသားစုသည်လည်း ညစာစားနေကြပြီး၊ သူတို့၏ရယ်မောသံများနှင့် စကားသံများက ဇနီးကွယ်လွန်သွားကတည်းက တစ်ယောက်တည်း နေထိုင်ခဲ့သည့် ဟွေ့လရန်း အခန်း၏ တိတ်ဆိတ်မှုကို ဖြိုခွဲလိုက်သည်။ အထီးကျန်ခြင်းနှင့်နေတတ်ရန် သင်ယူခဲ့ပြီး ဤနှစ်များအတွင်း သူ၏နာကျင်မှုက ဓားနှင့်ထိုးသကဲ့သို့ တစစ်စစ် ထိုးနှက်သည့်ဝေဒနာ ဖြစ်လာသည်။ သို့သော် ယနေ့ညတွင် စားပွဲပေါ်ရှိ ပန်းကန်လုံးတစ်လုံးနှင့် တူတစ်စုံ မြင်ကွင်းက သူ့ကို နက်နက်ရှိုင်းရှိုင်း ထိုးနှက်ခဲ့သည်။

ထိုညသူအိပ်ရာမဝင်မီ ဟွေ့လရန်း သည် သူ့အကြိုက်ဆုံး ဆာလံ ၂၃ ကို ဖတ်ခဲ့သည်။ သူ့အတွက် အရေးအကြီးဆုံးမှာ “ကိုယ်တော်သည် အကျွန်ုပ်နှင့်အတူ ရှိတော်မူသည်” (:၄) ဟူသည့်အချက်ဖြစ်သည်။ သိုးများအပေါ် သိုးထိန်း၏ လက်တွေ့ကျသော…

ရန်သူများအပေါ်တွင် မီးခဲပုံခြင်း

Dan (ဒန်)သည် အကျဉ်းထောင်အစောင့်တစ်ဦးတည်းမှ သူ့အား နေ့စဉ်ရိုက်နှက်မှုကို အောင့်ခံခဲ့ရသည်။ ထိုသူကို ချစ်ရန် သခင်ယေရှု၏လှုံဆော်မှုကို ခံစားရသည့်အတွက် တစ်မနက်တွင် ရိုက်နှက်မခံရမီ ဒန် က “ကျန်ရှိတဲ့ ကျွန်တော့်ဘဝတစ်ခုလုံးမှာ နေ့တိုင်းတွေ့ရမဲ့သူဟာ ဆရာသာဆိုရင် ကျွန်တော်တို့ သူငယ်ချင်းဖြစ်ကြရအောင်လားဆရာ”ဟု ပြောလိုက်သည်။ အစောင့်က “မရဘူးကွ။ ငါတို့ ဘယ်တော့မှ သူငယ်ချင်းမဖြစ်နိုင်ဘူး” ဟုဆိုရာ၊ ဒန် က မရမက တောင်းဆိုရင်း လက်ကမ်းပေးလိုက်သည်။

အစောင့်က မှင်တက်သွားကာ၊ လက်ဆွဲနှုတ်ဆက်ရင်း ဒန်၏လက်ကို မလွှတ် တော့ပါ။ သူ့မျက်နှာပေါ်မှ မျက်ရည်များ စီးကျလာပြီး၊ သူက “ဒန်၊ ကျွန်တော့်နာမည် ရိုစော့ (Rosoc) ပါ။ မင်းနဲ့သူငယ်ချင်း ဖြစ်ချင်ပါတယ်” ဟုပြောလိုက်သည်။ ထိုနေ့မှစ၍ အစောင့်သည် ဒန်ကို မရိုက်နှက်တော့ပါ။
သမ္မာကျမ်းစာက “သင်၏ရန်သူသည် မွတ်သိပ်လျှင် လုပ်ကျွေးလော့။ ရေငတ်လျှင် သောက်စရာဖို့…

လွယ်လွယ်ရသောငွေ

၁၇၀၀ ခုနှစ်များနှောင်းပိုင်းတွင် လူငယ်တစ်ဦးသည် ကနေဒါနိုင်ငံ၊ ‌Nova Scotia (နိုဗာစကော့ရှား) ဒေသရှိ Oak (အုခ်)ကျွန်းပေါ်တွင် ဆန်းကြယ်သော ချိုင့်ခွက်တစ်ခုကို တွေ့ရှိခဲ့သည်။ သမိုင်းတွင်ထင်ရှားသော စကော့လူမျိုး ကပ္ပတိန် Kidd (ကစ်) ကိုယ်တိုင်ပင် ဖြစ်ကောင်းဖြစ်နိုင်သော ပင်လယ်ဓားပြများက ထိုနေရာတွင် ရတနာများ မြှုပ်နှံထားသည်ဟု မှန်းဆကာ သူနှင့်အဖော်အချို့တို့ စတင်ရှာဖွေတူးဖော်ခဲ့သည်။ မည်သည့်ရတနာကိုမျှ သူတို့ မတွေ့ခဲ့ကြသော်လည်း ကောလဟာလ‌ကြောင့် သူတို့၏ဘဝအချိန်များ ဆုံးရှုံးခဲ့သည်။ ရာစုနှစ်များတစ်လျှောက် အခြားသူများလည်း အချိန်နှင့်အသုံးစရိတ်များစွာကို ပိုမိုအကုန်အကျခံကာ ထိုနေရာကို ဆက်တူးဖော်ခဲ့ကြသည်။ ထိုချိုင့်ခွက်သည် ယခုအခါ ပေ ၁၀၀ ကျော် (မီတာ ၃၀) နက်နေပြီဖြစ်သည်။

ထိုသို့သော စွဲလမ်းမှုများက လူ့စိတ်နှလုံး၏ ဗလာနတ္တိဖြစ်မှုကို ပြနေသည်။ လူတစ်ယောက်၏အပြုအမူလုပ်ရပ်က ဗလာနတ္တိဖြစ်နေသည့် သူ့စိတ်နှလုံးကို မည်သို့ပြသနေသည်ကို သမ္မာကျမ်းစာ၏ပုံပြင်တစ်ပုဒ်၌ ဖော်ပြထားသည်။ ဂေဟာဇိသည် ပရောဖက်ကြီးဧလိရှဲ၏…

စွန့်လွှတ်အနစ်နာခံခဲ့မှုကို ပြန်လည်အောက်မေ့ခြင်း

တနင်္ဂနွေနံနက်ဝတ်ပြုခြင်းအပြီးတွင်၊ ရုရှနိုင်ငံ၊ Moscow (မော်စကို)မြို့မှ ကျွန်ုပ်၏အိမ်ရှင်သည် ကျွန်ုပ်အား Kremlin (ကရင်မ်လင်း) ခံတပ်အဆောက်အအုံ အပြင်ရှိ စားသောက်ဆိုင်၌ နေ့လည်စာစားရန် ခေါ်သွားခဲ့သည်။ ရောက်ရှိသွားချိန်တွင် ကရင်မ်လင်း နံရံအပြင်ဘက်ရှိ အမည်မသိစစ်သား၏ဂူဗိမာန်အနီးသို့ မင်္ဂလာဝတ်စုံဝတ်ဆင်ထားကြသော ကြင်စဦးဇနီးမောင်နှံများ တန်းစီပြီးသွားနေကြသည်ကို သတိပြုမိခဲ့သည်။

ဤသို့ပျော်ရွှင်ဖွယ်နေ့လေးရရှိရေး အခြားသူများ၏အနစ်နာခံ ပေးဆပ်ခဲ့မှုအား ‌အောက်မေ့ခြင်းအစီအစဥ်ကို ၎င်းတို့မင်္ဂလာဆောင်သည့်နေ့တွင် တမင်ထည့်သွင်းကြခြင်းဖြစ်သည်။ မင်္ဂလာပန်းများကို အုတ်ဂူပေါ်သို့ချမီတွင် စုံတွဲများက ဓာတ်ပုံရိုက်ကြသည်။ ၎င်းသည် အလေးအနက်ဆင်ခြင်စရာ မြင်ကွင်းတစ်ခုပင်။

ကျွန်ုပ်တို့၏ဘဝ အတိုင်းအတာတစ်ခုအထိ ပြည့်စုံလာစေရန် စွန့်လွှတ်အနစ်နာခံပေးခဲ့ကြသော အခြားသူများကို ကျွန်ုပ်တို့အနေဖြင့် ကျေးဇူးတင်စရာအကြောင်းရှိပါသည်။ ထိုစွန့်လွှတ်အနစ်နာခံမှုများအားလုံးက အရေးပါ ပါသည်။ သို့သော် အရေးကြီးဆုံးစွန့်လွှတ်မှုတော့မဟုတ်ပါ။ ကားတိုင်ခြေရင်း၌ ကျွန်ုပ်တို့အတွက် သခင်ယေရှုပြုခဲ့သော စွန့်လွှတ်အနစ်နာခံမှုကို ကျွန်ုပ်တို့ မြင်ပါမှ ကယ်တင်ရှင်ယေရှုထံတွင် ကျွန်ုပ်တို့၏အသက်များ မည်မျှအကြွေးတင်နေကြောင်းကို စတင်နားလည် သဘောပေါက်လာမည်ဖြစ်သည်။

ပွဲတော်မင်္ဂလာခံယူရန်အတွက် သခင့်စားပွဲသို့လာသည်တွင် မုန့်နှင့်ခွက်အဖြစ်…

ဘုရားရှင် ကျွန်ုပ်တို့ကို အသစ်ပြုပြင်ပေးသည်

ဟိုတယ်ခန်းထဲမှ သုံးပြီးသားဆပ်ပြာအကျန်များကို ဘာလုပ်ပစ်ကြသနည်းဟု ခရီးသွားလုပ်ငန်း အမှုဆောင်အရာရှိ Shawn Seipler (ရှောန်စီပလာ)သည် ထူးဆန်းစွာတွေးကာ အဖြေရှာမရ ဖြစ်နေခဲ့သည်။ အမှိုက်အဖြစ် စွန့်ပစ်လိုက်သော ဆပ်ပြာတုံးသန်းပေါင်းများစွာကို အသစ်ပြန်လည်ဖန်တီးနိုင်သည်ဟု စီပလာယုံကြည်သည်။ ထို့ကြောင့် ဟိုတယ်ပေါင်း ရှစ်ထောင်ကျော်၊ အပျော်စီးသင်္ဘောလိုင်းများနှင့် အပန်းဖြေစခန်းများမှ စွန့်ပစ်ဆပ်ပြာ ပေါင်သန်းပေါင်းများစွာကို ပိုးသတ်ပြီး၊ ဆပ်ပြာတုံးအသစ်ပြန်ထုတ်လုပ်သည့် ‘Clean the World’ (ကမ္ဘာကိုသန့်ရှင်းပါ) လုပ်ငန်းကို သူတည်ထောင်ခဲ့သည်။ ထိုဆပ်ပြာများကို နိုင်ငံပေါင်း တစ်ရာကျော်မှ လိုအပ်နေသူတို့ထံပေးပို့ခြင်းဖြင့် ကျန်းမာရေးနှင့်ဆက်စပ်သည့် မရေတွက်နိုင်အောင်များသော သေဆုံးမှုများနှင့်ဖျားနာမှုများကို ကာကွယ်တားဆီးနိုင်ခဲ့သည်။

စီပလာက “ပြောရရင် ရယ်စရာဖြစ်နေမယ်။ ဒါပေမယ့် ဟိုတယ်ခန်းက ဆပ်ပြာတုံးလေးသည် အသက်တစ်ချောင်းကို ကယ်နိုင်တယ်” ဟု ဆိုသည်။

တစ်ဖန် ပြန်၍အသက်သစ်ပေးရန်အတွက် သုံးပြီးသား (သို့) ညစ်ပေသောအရာများကို ပြန်လည်စုသိမ်းခြင်းသည် ကျွန်ုပ်တို့၏ကယ်တင်ရှင် သခင်ယေရှု၏ အလွန်မြတ်နိုးဖွယ်သောလက္ခဏာများထဲမှ တစ်ခုဖြစ်သည်။ ထိုသဘောအတိုင်းပင်…

ဘုရားသခင်၏ ကြီးမားသောတန်ခိုးတော်

Hurricane (ဟာရီကိန်း) မုန်တိုင်းကြောင့် အမေရိကန်နိုင်ငံရှိ ကြီးမားသော မစ္စစ္စပီမြစ်၏ရေစီးကြောင်း ပြောင်းလဲသွားခြင်းက မယုံကြည်နိုင်စရာပင်။ ၂၀၂၁ ခုနှစ်၊ ဩဂုတ်လတွင် လူဝီစီယားနားကမ်းရိုးတန်းသို့ ဟာရီကိန်းအိုင်ဒါ (Ida) တိုက်ခိုက်ခဲ့ပြီး၊ အံ့ဩဖွယ်ရာဖြစ်ရပ်မှာ “ပြောင်းပြန်ရေစီးဆင်းခြင်း” ဖြစ်ပေါ်ကာ၊ ရေသည် မြစ်ကြောင်းအထက်သို့ဆန်လျက် နာရီပေါင်းများစွာ စီးဆင်းနေခဲ့သည်။

ဟာရီကိန်းမုန်တိုင်းတစ်ခုသည် ၎င်း၏သက်တမ်းတစ်လျှောက်တွင် နျူကလီးယားဗုံးပေါင်း တစ်သောင်းနှင့်ညီမျှသော စွမ်းအင်ထွက်နိုင်သည်ဟု ကျွမ်းကျင်သူများက ခန့်မှန်းကြသည်။ စီးဆင်းနေသောရေစီးကြောင်းကို ပြောင်းလဲစေနိုင်သည့် မယုံနိုင်စရာ ဤစွမ်းအားက ထွက်မြောက်ရာကျမ်းတွင် မှတ်တမ်းတင်ထားသော သာ၍ထူးခြားသည့် “ပြောင်းပြန်ရေစီးဆင်းမှု”အပေါ် ဣသရေလလူမျိုးများ၏တုံ့ပြန်မှုကို ကျွန်ုပ်အား နားလည်စေပါသည်။
ဣသရေလလူမျိုးများသည် ရာစုနှစ်များစွာ သူတို့ကျွန်ခံခဲ့ရသည့် အဲဂုတ္ထုလူမျိုးများထံမှ ထွက်ပြေးလာပြီးနောက်၊ ပင်လယ်နီအနီးသို့ ရောက်လာခဲ့ကြသည်။ သူတို့အရှေ့တွင် ကျယ်ပြောလှသော ရေပြင်ကြီးရှိပြီး၊ အနောက်တွင် စစ်ဝတ်တန်ဆာ အပြည့်အစုံနှင့် အဲဂုတ္ထု စစ်တပ်ကြီးရှိသည်။ လုံးဝမဖြစ်နိုင်ဟုထင်ရသောအခြေအနေတွင် “ထာဝရဘုရားသည် တစ်ညလုံး၌ အားကြီးသောအရှေ့လေအားဖြင့် ပင်လယ်ရေကို…

ယုံကြည်ခြင်းသည် ကြားနာခြင်းအားဖြင့် ဖြစ်၏

သင်းအုပ်ဆရာ Bob (ဘော့ဘ်)သည် ထိခိုက်မှုဒဏ်ရာကြောင့် သူ့အသံပျောက်သွားသောအခါ၊ သူသည် (၁၅) နှစ်ကြာမျှ အခက်အခဲနှင့် စိတ်ဓာတ်ကျမှုနှင့် ရင်ဆိုင်ခဲ့ရသည်။ စကားမပြောနိုင်သော သင်းအုပ်ဆရာတစ်ယောက်သည် ဘာလုပ်ရမည်နည်း ဟူသော မေးခွန်းနှင့်ရုန်းကန်ခဲ့ရပြီး သူ၏ဝမ်းနည်းမှုနှင့် စိတ်ရှုပ်ထွေးမှုများကို ဘုရားသခင်ထံ ပုံအပ်ခဲ့သည်။ “လုပ်ရမည့်အရာတစ်ခုကို ငါသိတယ်၊ ဘုရားသခင်ရဲ့ နှုတ်ကပတ်တော်နောက် လိုက်လျှောက်ဖို့ပဲ” ဟု သူပြန်ပြောင်းပြောပြသည်။ သမ္မာကျမ်းစာကို ဖတ်ရှုခြင်းဖြင့် အချိန်ကုန်စေသည်နှင့်အမျှ ဘုရားရှင်အပေါ် သူ၏ချစ်ခြင်းလည်း တိုးပွားလာသည်။ “အသက်တာတစ်ခုလုံးကို သမ္မာကျမ်းစာမှာပဲ စွဲမြဲနှစ်မြှုပ်ထားခဲ့တယ်။ ဘာကြောင့်လဲဆိုတော့ ယုံကြည်ခြင်းဟာ ဘုရားသခင်ရဲ့ နှုတ်ကပတ်တော်ကို ကြားနာခြင်းကပဲ လာတာမို့ပါ” ဟု သူဆိုသည်။

ရောမမြို့သို့ပေးပို့သော တမန်တော် ရှင်ပေါလု၏စာတွင် “ယုံကြည်ခြင်းသည် ကြားနာခြင်းအားဖြင့်ဖြစ်၏” ဟူသောစကားရပ်ကို တွေ့ရသည်။ သူ၏ လူမျိုးချင်းဖြစ်သော ယုဒလူမျိုးအားလုံး ခရစ်တော်ကို ယုံကြည်ပြီး ကယ်တင်ခြင်းသို့ ရောက်စေရန် ရှင်ပေါလုလိုလားခဲ့သည် (ရော…