ဝမ်းမြောက်ဖွယ် ချစ်ခြင်းမေတ္တာ

ဘရန်ဒန်နှင့်ကေတီတို့ တစ်ယောက်ကိုတစ်ယောက် အားရရွှင်လန်းစွာ ပြုံးပြ သည်။ သူတို့မျက်နှာပေါ်မှ ပျော်ရွှင်မှုကိုကြည့်လျှင် ကိုဗစ်-၁၉ ကန့်သတ်ချက်များကြောင့် သူတို့၏မင်္ဂလာပွဲအစီအစဉ်များကို မည်မျှခက်ခက်ခဲခဲ ရွှေ့ဆိုင်းခဲ့၊ပြောင်းခဲ့ကြရကြောင်း သင်သိနိုင်မည် မဟုတ်ပါ။ မိသားစုဝင် (၂၅) ဦးသာ တက်ရောက်ကြသော်လည်း သူတို့နှစ်ဦး၏ချစ်ခြင်းမေတ္တာ၊ သူတို့ကို စောင့်ရှောက်ပေးသော ဘုရား၏မေတ္တာတော်အတွက် ကျေးဇူးတင်လျက် ကတိသစ္စာဆိုကြချိန်တွင် သူတို့ထံမှ ပျော်ရွှင်မှုနှင့်ငြိမ်သက်ခြင်းတို့ ဖြာထွက်နေသည်။

သတို့သားနှင့်သတို့သမီးတို့ တစ်ဦးအပေါ်တစ်ဦး ကြည်နူးပျော်ရွှင်နေပုံက ပရောဖက်ဟေရှာယ ရေးဖွဲ့ခဲ့သည့် ထာဝရဘုရား၏ သူ့လူမျိုးတော်ကိုချစ်၍ ဝမ်းမြောက်ရပုံ သရုပ်ဖော်ချက်ဖြစ်သည်။ ပရောဖက်ဟေရှာယသည် ထာဝရဘုရားကတိပေးထားသည့် ကယ်နုတ်ခြင်းကို ကဗျာဆန်စွာ လှလှပပဖွဲ့နွဲ့လျက် စိတ်နှလုံးကျိုးပဲ့သူများအတွက် နှစ်သိမ့်ခြင်း၊ ငိုညည်းရသူများအတွက် ဝမ်းမြောက်ခြင်း၊ လူမျိုးတော်၏ လိုအပ်ချက်များအတွက် မစဖြည့်ဆည်းပေးမှု (ဟေရှာ ၆၁:၁-၃) စသည့် ထာဝရဘုရား၏ကယ်တင်ပေးမှုသည် ပျက်စီးနေသောကမ္ဘာကြီး၌ နေထိုင်ရသည့်အဖြစ်မှန်ကို ထင်ဟပ်နေကြောင်း စာဖတ်သူများအား သတိပေးသည်။ ဘုရားသခင်သည် သူ၏လူမျိုးတော်ကို ကူမသည်။…

ကျဥ်းမြောင်းရာထဲသို့ ရောက်သောအခါ

လွန်ခဲ့သောနှစ်များစွာက လမ်းများစွာဆုံနေသောလမ်းဆုံ၌ လမ်းတစ်ဘက်သို့ ဖြတ်ကူးရန် ကြိုးစားရသည်မှာ မည်မျှကြောက်မက်ဖွယ်ကောင်းကြောင်း မိတ်ဆွေတစ်ဦးက ကျွန်တော့်ကို ပြောပြဖူးသည်။ “ဒီလိုမျိုး ကျွန်မတစ်ခါမှ မကြုံဖူးဘူး။ လမ်းကူးဖို့ သင်ထားသမျှတွေက အကျုံးမဝင်တော့သလိုပဲ။ ကျွန်မအရမ်းကြောက်တာနဲ့ လမ်းတစ်ဘက်ကို ကူးချင်လို့ ဘက်စ်ကားစီးခွင့်ပြုပါလို့ ယာဥ်မောင်းကို ပြောခဲ့ရတယ်။ ဒီလမ်းဆုံမှာ လမ်းကူးတတ်ဖို့ကော၊ ကားမောင်းတတ်ဖို့ကော ကျွန်မတော်တော်ကြာအောင် သင်ခဲ့ရတယ်” ဟု သူမက ဆိုသည်။

အန္တရာယ်များသောလမ်းဆုံသည် ရှုပ်ယှက်ခတ်နိုင်သော်လည်း ဘဝ၏ ရှုပ်ထွေးမှုများကြား လမ်းကြောင်းရှာပြီး လျှောက်လှမ်းရှင်သန်ရခြင်းသည် ပို၍ပင် ကြောက်မက်ဖွယ် ကောင်းနိုင်သေးသည်။ ဆာလံဆရာ မည်သို့တွေ့ကြုံနေရသည်ကို ကျွန်တော်တို့ မသိရသော်လည်း သူသည် ခက်ခဲပင်ပန်းလျက် “ငါသည် ကျဉ်းမြောင်းရာထဲက ထာဝရဘုရားကိုခေါ်”ကာ(:၅) ဆုတောင်းခဲ့ခြင်း က မှန်သောအမှုဖြစ်သည်။ “ထာဝရဘုရားသည် ငါ့ဘက်မှာ ရှိတော်မူသည်ဖြစ်၍ ကြောက်စရာမရှိ။ ... ထာဝရဘုရားသည် ငါ့ဘက်၌ မစတော်မူသည်ဖြစ်၍” (:၆-၇) ထာဝရဘုရားအပေါ်…

အချက်အလက်နှင့် အထောက်အထား

Doris Kearns Goodwin (ဒေါရစ်ကီအန်စ်ဂွတ်ဝင်း)က Abraham Lincoln (အေဘရာဟမ်လင်ကွန်း) အကြောင်း စာအုပ်တစ်အုပ်ရေးသားရန် ဆုံးဖြတ်နေ စဥ်တွင် (၁၆) ယောက်မြောက် အမေရိကန်သမ္မတနှင့်ပတ်သက်၍ စာအုပ်ပေါင်း တစ်သောင်းလေးထောင်ကျော် ရေးသားပြီးဖြစ်သည် ဟူသောအချက်က သူမကို အားငယ်စေပါ၏။လူချစ်လူခင်များလှသော ဤခေါင်းဆောင်ကြီးနှင့်ပတ်သက်၍ ဘာများပြောစရာ ကျန်ပါဦးမည်နည်း။ တွန့်ဆုတ်မှုမရှိဘဲ ဂွတ်ဝင်းသည် ‘A Team of Rivals: The Political Genius of Abraham Lincoln’ (ပြိုင်ဘက်များအသင်း - အေဘရာဟမ်လင်ကွန်း၏နိုင်ငံရေးထူးချွန်မှု) စာအုပ်ကို ရေးသားခဲ့သည်။ လင်ကွန်း၏ခေါင်းဆောင်မှုနှင့် ပတ်သက်၍ သူမ၏ဆန်းသစ်သောအမြင်များသည် ထိပ်တန်းအဖြစ် သတ်မှတ်သုံးသပ်ခံရသောစာအုပ်တစ်အုပ် ဖြစ်လာခဲ့သည်။

တမန်တော်ရှင်ယောဟန်ကမူ ခရစ်တော်၏အမှုတော်နှင့် သက်တော်စဉ်အကြောင်း သူ့ကိုယ်တွေ့ကို ရေးသားရာတွင် အခြားအခက်အခဲတစ်မျိုးကို ရင်ဆိုင်ခဲ့ရသည်။ ရှင်ယောဟန်ခရစ်ဝင်ကျမ်း၏ နောက်ဆုံးအပိုဒ်တွင် “ယေရှုပြုတော်မူသော အခြားအမှုအရာများ ရှိသေး၏။ ထိုအမှုအရာရှိသမျှတို့ကို အသီးအခြားရေးထားလျှင်၊…

မထိုက်တန်သောလက်ဆောင်

မကြာသေးမီက ကျွန်မသူငယ်ချင်းက ကျွန်မအား လက်ဆောင်တစ်ခုပေးရာ ကျွန်မအံ့ဩရသည်။ သူမထံမှ ထိုမျှကောင်းသောလက်ဆောင်ကို ရထိုက်သည်ဟု ကျွန်မ မထင်ပါ။ ကျွန်မသည် အလုပ်နှင့်ပတ်သက်၍ စိတ်ဖိစီးနေရကြောင်း သူမကြား၍ ပို့လိုက်ခြင်းဖြစ်သည်။ သူမက ကျွန်မထက်ပင် စိတ်ဖိစီးနေနိုင်ပါ သည်။ အိုမင်းလာသောမိဘများ၊ စောဒကတက်သောကလေးများ၊အလုပ်အကိုင် အတည်တကျ မရှိ၊ သူမ၏အိမ်ထောင်ရေးကလည်း တင်းမာနေသည်။ သူမကိုယ် သူမထက် ကျွန်မကိုပိုဦးစားပေးသည်ကို ကျွန်မမယုံနိုင်ဘဲ၊ သူမ၏ရိုးရှင်းသောလက်ဆောင်ကြောင့် ကျွန်မမျက်ရည်ကျမိပါသည်။

အမှန်စင်စစ် ကျွန်မတို့အားလုံးသည် ကျွန်မတို့နှင့်မထိုက်တန်နိုင်သော လက်ဆောင်တစ်ခုကို ရရှိထားကြပါသည်။ ရှင်ပေါလုက “ယေရှုခရစ်သည် အပြစ်ရှိသောသူတို့ကို ကယ်တင်ခြင်းငှာ ဤလောကသို့ကြွလာတော်မူသည် ... အပြစ်ရှိသောသူတို့တွင် ငါသည် အကြီးဆုံးဖြစ်၏” (၁ တိ ၁:၁၅)ဟု ဆိုပါသည်။ သူသည် တစ်ချိန်က “ကဲ့ရဲ့သောသူ၊ ညှဉ်းဆဲသောသူ၊ ကြမ်းကြုတ်သောသူဖြစ်ဖူးသော်လည်း” “သခင်ဘုရား၏ကျေးဇူးတော်သည် ... အတိုင်းထက်အလွန်ကြွယ်ဝ”သည် (:၁၃-၁၄)ဟု သူက ဆိုသည်။…

ဘုရားသခင်ထံ အိမ်ပြန်လာတော့

တစ်ခုသောညနေခင်းအစောပိုင်းတွင် ကျွန်မတို့ရပ်ကွက်ထဲရှိ ဆောက်လုပ်ရေးလုပ်ငန်းခွင်အနီး ကျွန်မအပြေးလေ့ကျင့်ခန်းလုပ်နေစဉ် ပိန်ခြောက်ညစ်ပေနေသော ကြောင်ပေါက်လေးတစ်ကောင်သည် အော်သံပြုကာ ကျွန်မအိမ်သို့လိုက်လာခဲ့သည်။ ယနေ့တွင် မစ်ကီသည် ကျန်းမာပြီး ချောမောသော အရွယ်ရောက်ကြောင်တစ်ကောင်ဖြစ်လာကာ ကျွန်မတို့အိမ်၌ အဆင်ပြေပြေနေရသည့်ဘဝကို ကျေနပ်လျက် ကျွန်မတို့မိသားစု၏ သည်းသည်းလှုပ်အချစ်ခံနေရသည်။ ကျွန်မ သူ့ကို တွေ့ခဲ့သည့်နေရာတွင် အပြေးလေ့ကျင့်ခန်းလုပ်လိုက်တိုင်း “မစ်ကီလေး လမ်းပေါ်မှာနေရတဲ့ဘဝက လွတ်ပြီး အခုနေစရာအိမ်ရှိနေပြီဖြစ်လို့ ကျေးဇူးတင်ပါတယ်၊ ကိုယ်တော်” ဟု ကျွန်မ မကြာခဏတွေးဖြစ်သည်။

ဆာလံကျမ်း ၉၁ တွင် “အမြင့်ဆုံးသောဘုရား၏ ကွယ်ကာရာဌာနတော်၌” နေသူ (:၁)၊ ဘုရားနှင့်အတူ အိမ်ကိုဆောက်လုပ် နေထိုင်ကြသူများအကြောင်းကို ပြောထားသည်။ “Dwells” (နေသည်) ဟူသောစကားလုံး၏ ဟေဗြဲအနက်မှာ “ဆက်လက်တည်ရှိသည်၊ အမြဲနေထိုင်သည်” ဟူ၍ဖြစ်သည်။ ကျွန်ုပ်တို့ ဘုရားရှင်၌ တည်နေသောအခါ ကိုယ်တော်၏ပညာတော်အတိုင်း ကျွန်ုပ်တို့နေနိုင်ရန်၊ အရာအားလုံးထက် သူ့ကိုချစ်နိုင်ရန် မစသည် (:၁၄၊ ယော ၁၅:၁၀)။…

ရှင်ယေရှုကိုမြင်ခြင်း

(၄) လအရွယ် လီယိုလေးသည် သူ၏မိဘများကို မမြင်ဖူးပေ။ မွေးကတည်းက သူ၏အမြင်ကို ဝေဝါးစေသည့် ရှားပါးအခြေအနေတစ်ရပ်ကို ခံစားခဲ့ရသည်။ သူ့အနေဖြင့် ထူပိန်းနေသည့်မြူထဲ၌ နေရသကဲ့သို့ပင်။ သို့သော်လည်း မျက်စိဆရာဝန်များက သူ့အတွက် အထူးစပါယ်ရှယ် မျက်မှန်တစ်လက် ပြုလုပ်ပေးခဲ့သည်။

လီယို၏မိခင်က မျက်မှန်အသစ်လေးကို ပထမဆုံးအကြိမ် သား၏မျက်လုံးများပေါ် တပ်ဆင်ပေးသည့်ဗီဒီယိုကို ဖခင်က အွန်လိုင်းပေါ်တင်ခဲ့သည်။ လီယို ၏မျက်လုံးများ ဖြည်းဖြည်းချင်း အာရုံစိုက်လာသည်ကို ကျွန်ုပ်တို့ကြည့်ခဲ့ရသည်။ သူ၏အမေကို ပထမဆုံးအကြိမ်မြင်ရသောအခါ သူ့မျက်နှာထက် အပြုံးပန်းဝေခဲ့သည်။ အဖိုးမဖြတ်နိုင်သည့် အခိုက်အတန့်ပင်။ လီယိုလေး ရှင်းလင်းစွာ မြင်ခဲ့ရပါပြီ။

ရှင်ယေရှုနှင့်တပည့်တော်များ၏ စကားပြောခန်းတစ်ခုကို ရှင်ယောဟန်မှတ်တမ်းတင်ခဲ့သည်။ ဖိလိပ္ပုက “ခမည်းတော်ကိုအကျွန်ုပ်တို့အား ပြတော်မူပါ”ဟု သခင့်အား မေးခဲ့သည် (ယော ၁၄:၈)။ တစ်ချိန်လုံးအတူရှိခဲ့သည့်တိုင် သခင်ယေရှု၏ တပည့်တော်များသည် သူတို့ရှေ့၌ ရှိနေသူကို မသိခဲ့ကြပေ။ သခင်က “ငါသည် ခမည်းတော်၌ ရှိသည်ကိုလည်းကောင်း၊…

ဘုရားသခင်၏လက်တော် ဆန့်တန်းကြိုနေ

ဖုန်းကို မျက်မှောင်ကြုတ်ကြည့်ရင်း ကျွန်မသက်ပြင်းချမိသည်။ စိုးရိမ်မှုကြောင့် ကျွန်မ၏မျက်ခုံးများ တွန့်ချိုးနေသည်။ ကျွန်မနှင့်ကျွန်မ၏သူငယ်ချင်းသည် မိမိတို့၏ရင်သွေးများနှင့်ပတ်သက်ပြီး အကြီးအကျယ် သဘောထားကွဲလွဲခဲ့သည်။ သူမထံ ဖုန်းဆက်ကာ တောင်းပန်သင့်ကြောင်း ကျွန်မသိသည်။ ကျွန်မတို့၏အမြင်မတူမှုများ ရှိနေဆဲဖြစ်၍ ကျွန်မဖုန်းမခေါ်ချင်သော်လည်း ထိုကိစ္စနှင့်ပတ်သက်ပြီး နောက်ဆုံးအခေါက် ကျွန်မတို့ဆွေးနွေးခဲ့စဉ် ကျွန်မဘက်မှ နူးညံ့မှုနှင့် နှိမ့်ချမှု မရှိခဲ့ခြင်းကို ကျွန်မသိသည်။

ဖုန်းဆက်ဖို့၊ မဆက်ဖို့ မချိတင်ကဲဖြစ်နေရင်း “သူ ငါ့ကို ခွင့်မလွှတ်ရင် ဘယ်လိုလုပ်မလဲ။ ငါနဲ့သူငယ်ချင်းဆက် မဖြစ်ချင်တော့ရင် ဘယ်လိုလုပ်မလဲ” ဟု တွေးနေခဲ့မိသည်။ ချက်ချင်းပင် ကျွန်မခေါင်းထဲသို့ သီချင်းတစ်ပုဒ်မှစာသားများ ဝင်လာကာ ကျွန်မ၏အပြစ်များကို ဘုရားရှင်ထံ ဝန်ချတောင်းပန်ခဲ့သည့်အချိန်ကို ပြန်သတိရခဲ့သည်။ ဘုရားသခင်သည် ကျွန်မကိုခွင့်လွှတ်ပြီး အပြစ်ရှိသည့်ခံစားချက်မှ လွတ်မြောက်စေကြောင်း သိရသည့်အတွက် စိတ်သက်သာရာရခဲ့သည်။

ဆက်ဆံရေးပြဿနာများကို ကျွန်မတို့ဖြေရှင်းရသည့်အခါ ကျွန်မတို့အပေါ်လူများ၏တုံ့ပြန်မှုကို ကျွန်မတို့ မထိန်းချုပ်နိုင်ပါ။ မိမိအပိုင်းမှ မိမိ၏အပြစ်ကို ဝန်ချပြီး ခွင့်လွှတ်မှုကို…

ကောင်းသောသိုးထိန်း

သင်းအုပ်ဆရာကြီး Warren (ဝါရန်)သည် သူ့အသင်းသားတစ်ယောက်က သူ၏ ဇနီးနှင့်မိသားစုကို စွန့်ပစ်သွားကြောင်း သတင်းကြားသောအခါ ထိုလူနှင့်ဆုံမိပြီး စကားပြောနိုင်အောင်မစရန် ဘုရားသခင်ထံ ဆုတောင်းခဲ့ရာ၊ ဘုရားရှင် တကယ် မစခဲ့သည်။ စားသောက်ဆိုင်တစ်ခုထဲသို့ ဝါရန် ဝင်လိုက်သည့်အခါ အနီးနားစားပွဲတွင် ထိုပုဂ္ဂိုလ်ကို တွေ့လိုက်ပြီး “ဗိုက်ဆာနေတဲ့လူတစ်ယောက်အတွက် နေရာလေး ရနိုင်မလား” ဟု သူခွင့်တောင်းခဲ့သည်။ မကြာမီ ၎င်းတို့နှစ်ဦးသား အလေးအနက်ပြောဆိုဆွေးနွေးလျက် အတူတကွ ဆုတောင်းခဲ့ကြသည်။

ဘုရားသခင်သည် ကွဲပြားနေသောသူ၏သိုးများကို ရှာမည်ဖြစ်ကြောင်း ပရောဖက်ယေဇကျေလအားဖြင့် မိန့်ကြားသကဲ့သို့ သင်းအုပ်ဆရာတစ်ဦးအနေဖြင့် ဝါရန်သည် အသင်းသူအသင်းသားများအတွက် သိုးထိန်းတစ်ဦးကဲ့သို့ ပြုမူခဲ့သည်။ ကွဲပြားနေသောသူ၏သိုးများကို ကယ်တင်ကာ စုဝေးစေပြီး ကြည့်ရှုပြုစုမည်ဟု ဘုရားသခင် ကတိတော်ထားရှိသည် (ယေဇ ၃၄:၁၂-၁၃)။ သူသည် ကောင်းသောကျက်စားရာအရပ်၌ သူတို့ကို ကျွေးမွေးမည်၊ ပျောက်သောသိုးကိုရှာပြီး သူတစ်ပါးနှင်သောသိုးကို လိုက်၍ဆောင်ခဲ့မည်၊ အရိုးကျိုးသောသိုးကို အဝတ်နှင့်စည်းမည်၊ အားနည်းသောသိုးကို မစမည်ဖြစ်သည်…

အထီးကျန်ဆုံးသောလူသား

၁၉၆၉ ခုနှစ်၊ ဇူလိုင်လ (၂၀) ရက်တွင် Neil Armstrong (နေးလ်အမ်းစထရောင်း) နှင့် Buzz Aldrin (ဘဇ်အယ်လ်ဒရင်) တို့သည် အာကာသယာဉ်ထဲမှထွက်ပြီး လကမ္ဘာပေါ်တွင် ပထမဦးဆုံး ခြေချလမ်းလျှောက်သူများ ဖြစ်ခဲ့ကြသည်။ သို့သော် အဖွဲ့မှတတိယမြောက်လူ၊ အပိုလို-၁၁ ၏ခေါင်းပိုင်းကို မောင်းနှင်ပေးခဲ့သည့် Michael Collins (မိုက်ကယ် ကောလင်းစ်)ကို ကျွန်ုပ်တို့မစဥ်းစားမိကြပါ။

လ၏မျက်နှာပြင်ကို ထိတွေ့စမ်းသပ်ဖို့ရာ သူ့အပေါင်းအပါများ လှေကားမှဆင်းသွားပြီးနောက် ‌ကောလင်းစ်သည် လ၏အဝေးတစ်နေရာ၌ ရပ်စောင့်နေခဲ့သည်။ နေးလ်၊ ဘဇ် နှင့် ကမ္ဘာပေါ်ရှိ လူသားအားလုံးနှင့် သူအဆက်အသွယ်ပြတ်ခဲ့သည်။ NASA (နာဆာ) ဗဟိုထိန်းချုပ်ဌာနမှ “အာဒံကတည်းကစပြီး ‌ကောလင်းစ် လောက် အထီးကျန်ဖြစ်ခဲ့သူကို မမြင်ဖူးဘူး”ဟု မှတ်ချက်ပေးခဲ့သည်။

လုံးဝအထီးကျန်နေသည်ဟု ကျွန်ုပ်တို့ခံစားရချိန်များ ရှိသည်။ ဥပမာ - ယာကုပ်၏သားယောသပ်သည် အကိုများ၏ရောင်းစားခြင်းကိုခံရပြီး ဣသရေလပြည်မှ အဲဂုတ္တုပြည်သို့ ‌ခေါ်ဆောင်ခံရချိန်…

စိတ်ကူးကြည့်နိုင်ရုံမျှသာ

ချီးမွမ်းခြင်းအဖွဲ့မှ ‘I Can Only Imagine’ (စိတ်ကူးကြည့်နိုင်ရုံမျှသာ) သီချင်းကို စတင်တီးခတ်သီဆိုနေချိန်တွင် အမျိုးသမီးတစ်ဦး၏အနောက် ခုံတန်းရှည်တွင် ကျွန်မဝင်ထိုင်လိုက်သည်။ ကျွန်မလက်ကိုမြှောက်ပြီး ဘုရားသခင်ကို ချီးမွမ်းစဥ် ရှေ့မှအမျိုးသမီး၏ချိုမြိန်သော ဆိုပရာနိုအသံနှင့် ကျွန်မအသံကလည်း လိုက်ဖက်ညီခဲ့သည်။ သူမ၏ ကျန်းမာရေးနှင့် ရုန်းကန်ရမှုများအကြောင်း ပြောပြပြီးနောက် ‌နောက်တစ်ကြိမ် ကင်ဆာကုသမှုခံယူရန်အတွက် အတူဆုတောင်းခဲ့ကြသည်။

လအနည်းငယ်ကြာပြီးနောက် လူးဝစ်က သူမသေရမှာကို ကြောက်ကြောင်း ပြောပြပါသည်။ သူက ဆေးရုံကုတင်ပေါ်တွင် လှဲနေရင်း သူ့ဦးခေါင်းအနီး၌ ကျွန်မကပ်မှီကာ တိုးတိုးလေးဆုတောင်းပြီး၊ ကျွန်မတို့ဆိုနေကျသီချင်းကို တိတ်တိတ်လေး သီဆိုခဲ့ကြသည်။ ရက်အနည်းငယ်အကြာတွင် ယေရှုအား မျက်နှာချင်းဆိုင် ကိုးကွယ်နေမည့် လူးဝစ်ကို ကျွန်မစိတ်ကူးကြည့်နိုင်ရုံမျှသာ တတ်နိုင်သည်။

တမန်တော်ရှင်ပေါလုသည် သေခြင်းတရားနှင့်ရင်ဆိုင်နေရသော သူ၏စာဖတ်သူများအား နှစ်သိမ့်မှုဖြစ်စေသည့် စိတ်ချမှုတစ်ခုပေးထားသည် (၂ ကော ၅:၁)။ ထာဝရကာလ၏ဤတစ်ဘက်ခြမ်း လောကမြေအိမ်၌ရှိစဥ် တွေ့ကြုံရသော ဆင်းရဲဒုက္ခသည် ညည်းတွားခြင်းကို ဖြစ်စေသော်လည်း…