မုန်တိုင်းကို ဖောက်ထွက်သည့် မျှော်လင့်ခြင်း

၂၀၂၁ ခုနှစ် နွေကူးရာသီ၌ မုန်တိုင်းနောက်လိုက်သူများက အမေရိကန်နိုင်ငံ၊ တက္ကဆက်ပြည်နယ်၌ လေဆင်နှာမောင်းမုန်တိုင်းအနီးမှ သက်တံပေါ်နေပုံကို ဗီဒီယိုနှင့်ဓာတ်ပုံများဖြင့် မှတ်တမ်းတင်နိုင်ခဲ့ကြသည်။ ဗီဒီယိုတစ်ခုတွင် လယ်ကွင်းထဲမှ ဂျုံပင်များသည် ပတ်ချာလည်နေသည့် လေဝဲဖိအားအောက်၌ ကွေးညွတ်လျက် မီးခိုရောင် ကောင်းကင်အနားသတ်၌ လေးကိုင်းသဏ္ဌာန်တောက်ပသော သက်တံပေါ်နေသည်။ အခြားဗီဒီယိုတစ်ခုတွင် လမ်းသွားလမ်းလာများက ကားလမ်းဘေး၌ရပ်ပြီး လည်ပတ်နေသည့် ကတော့ပုံ တိမ်စိုင်အနီး၌ ခိုင်မာစွာတည်ရှိနေသည့် မျှော်လင့်ခြင်းနိမိတ်ကို စောင့်ကြည့်ခဲ့ကြသည်။

ဆာလံကျမ်း ၁၀၇ တွင် ဆာလံဆရာက ခက်ခဲသောအချိန်များတွင် ဘုရားသခင်ထံသို့ ဉီးလှည့်ရန် အားပေးလျက် မျှော်လင့်ခြင်းကို ပေးသည်။ မုန်တိုင်းအလယ်၌ ရောက်နေသူတို့အား “တိမ်းယိမ်းလျက်နေ၍ ဉာဏ်တိမ်မြှုပ်ခြင်းရှိကြ၏” (:၂၇)ဟု သရုပ်ဖော်ထားသည်။ သူတို့သည် “ဆင်းရဲခံရသောအခါ ထာဝရဘုရားကို အော်ဟစ်၍ ဆင်းရဲဒုက္ခထဲက ထုတ်ဆောင်တော်မူ၏” (:၂၈)။

ဘဝလောကဓံကို မုန်တိုင်းပမာခံစားရသောအခါ သူ၏သားသမီးတို့သည် မျှော်လင့်ခြင်းကိုရှာဖွေလျက် ရုန်းကန်ရမည်ကို ဘုရားသခင်သိနားလည်သည်။ အထူးသဖြင့် မိုးကုတ်စက်ဝိုင်း၌…

တစ်လောကလုံး၏အနာငြိမ်းခြင်း

စလိုဗီးနီးယားနိုင်ငံအနောက်ပိုင်း ချောင်ကျပြီး ဝေလံခေါင်သီသည့် ကျဉ်းမြောင်းသော လျှိုမြောင်ရှိ Franja Partisan (ဖရန်ဂျာ ပါတီစန်)ဆေးရုံ၏ လျှို့ဝှက်ဆေးဝါးထောက်ပံ့ရေးဌာနသည် နာဇီတို့လက်မှလွတ်အောင် ပုန်းရှောင်နေရသည့် ဆေးဝန်ထမ်းများအား နေရာထိုင်ခင်းပေးလျက် ဖွက်ထားပေးပြီး၊ ထိုဝန်ထမ်းများက ဒုတိယကမ္ဘာစစ်အတွင်း ဒဏ်ရာရ စစ်သားထောင်ပေါင်းများစွာကို ကြည့်ရှုပြုစုခဲ့ရသည်။ ထိုဌာနကို စုံစမ်းဖော်ထုတ်ရန် နာဇီတို့၏ကြိုးပမ်းမှုအတော်များများကို ခြေရာဖျောက်ရှောင်လွဲနိုင်ခြင်းက မှတ်သားလောက်သည့် အောင်မြင်မှုဖြစ်သော်လည်း ပိုထူးခြားသည်မှာ စလိုဗီးနီးယား တော်လှန်ရေးလှုပ်ရှားမှုအဖွဲ့က တည်ထောင်ပြီး လှုပ်ရှားလည်ပတ်နေသည့် ထိုဆေးရုံသည် မဟာမိတ်တပ်များသာမက နာဇီစစ်သားများကိုပါ လက်ခံကုသပေးခဲ့သည်။ ဆေးရုံမှ လူတိုင်းကို လက်ခံကြိုဆိုခဲ့သည်။

သမ္မာကျမ်းစာက လောကသားအပေါင်းတို့၏ ဝိညာဉ်ရေးရာ အနာငြိမ်းရေး အတွက် ကူညီပေးရန် ကျွန်ုပ်တို့ကို စေစားခေါ်ယူသည်။ ဆိုလိုရင်းမှာ လူတို့၏အမြင် မည်သို့ပင်ရှိနေကွဲပြားနေလည်း သူတို့အပေါ် ကရုဏာထားရန် ဖြစ်သည်။ လူတို့၏ အတွေးအမြင် မည်သို့ပင်ရှိရှိ၊ လူတိုင်းသည် ခရစ်တော်၏ မေတ္တာနှင့်ကရုဏာတော်ကို ခံယူထိုက်သည်။ ရှင်ပေါလုက…

ဆုတောင်းရန် ခေတ္တရပ်ပါ

လမ်းထဲရှိ မီးသတ်ဘုံပိုင်ခေါင်းမှ ပန်းထွက်လာသောရေများကို မြင်ရသည့်အခိုက် အခွင့်အရေးတစ်ခုကို ကျွန်ုပ်မြင်ပါသည်။ ကျွန်ုပ်ရှေ့မှကားများပေါ်သို့ ရေဖြန်းသကဲ့သို့ ရေစင်သည်ကို တွေ့ရသဖြင့် “အို၊ ကားကို အလကား ရေဆေးခွင့်ရတော့မယ်”ဟု တွေးမိသည်။ ကားရေမဆေးရသည်မှာ တစ်လခန့်ရှိပြီဖြစ်၍ ဖုန်ထူနေပါသည်။ ရေပန်းအောက်သို့ ကားကို ကျွန်ုပ်မောင်းချလိုက်သည်။

အဖြစ်အပျက်က မြန်ဆန်သည်။ ထိုမနက်က ကျွန်ုပ်၏အနက်ရောင်ကားလေးမှာ နေထိခဲ့သဖြင့် ကားမှန်ရော၊ ကားအတွင်း၌ ပူနေပါသည်။ မီးသတ်ရေပိုက်ခေါင်းမှ ရေများ ကားရှေ့မှန်ပေါ်သို့ ကျလာသည်နှင့် လျှပ်စီးပြက်သကဲ့သို့ ကားမှန်က အထက်မှ အောက်သို့ အက်သွားတော့သည်။ ကားအလကား ဆေးရမလား မှတ်တယ်။ ငွေများစွာ ကုန်ကျသည့်အဖြစ်၌ ကျွန်ုပ်ဂိတ်ဆုံးသွားသည်။

စဉ်းစားရန် (သို့) ဆုတောင်းရန် ကျွန်ုပ်ခေတ္တမျှ ရပ်မိခဲ့လျှင် အကောင်းသား။ ထိုအချိန်မျိုး အမြဲဖြစ်နေပါသလား။ ဣသရေလလူမျိုးတို့သည် သာ၍လေးလံဖိစီး သည့် အခြေအနေများ၌ ထိုသို့ဖြစ်သည်။ ဘုရားသခင်ပေးသောပြည်သို့ ၎င်းတို့ ဝင်ရောက်စဉ်…

ဝင်ပေါက်ကျဉ်းသည့် ကော်ဖီဆိုင်

‘Narrow Door Cafe’ (ဝင်ပေါက်ကျဥ်းသည့် ကဖေး)ဆိုင်ကို ရှာတွေ့ပြီး ဆိုင်ထဲဝင်လာသူတို့အား လခြမ်းကွေးပေါင်မုန့်၊ ပေါက်စီ၊ ဝက်သားဟင်းလျာနှင့် ချိုမြိန်စားဖွယ်အမျိုးမျိုးက ဆီးကြိုနေပါသည်။ ထိုင်ဝမ်လူမျိုးတို့၏မြို့တော် Tainan (ထိုင်နန်)မြို့၌တည်ရှိသော ဤကော်ဖီဆိုင်သည် နံရံပေါ်ရှိ အပေါက်တစ်ခုသာဖြစ်သည်။ ဝင်ပေါက်က (၄၀) စင်တီမီတာ (၁၆ လက်မပင် မရှိသည့်) အကျယ်ရှိပြီး မပိန်မဝ သာမန်ခန္ဓာကိုယ်ပိုင်ရှင်တို့သာ ကပ်သပ်ဝင်ရောက်နိုင်သည်။ ဤသို့ပင်ဖြစ်လင့်ကစား တစ်မူထူးသည့် ဤကဖေးက လူများစွာကို ဆွဲဆောင်နေသည်။

ရှင်လုကာခရစ်ဝင် ၁၃:၂၂-၃၀ ၌ ဖော်ပြပါရှိသည့် ကျဉ်းသောတံခါးဆိုလျှင် ထိုသို့ ဖြစ်ပါမည်လော။ လူတစ်ဉီးက သခင်ယေရှုအား “သခင်၊ ကယ်တင်ခြင်းသို့ ရောက်သောသူတို့သည် များသလော၊ နည်းသလော” (:၂၃)ဟု မေးရာ၊ ကိုယ်တော်က ဘုရားသခင်၏နိုင်ငံတော်သို့ ပို့ဆောင်မည့် “ကျဉ်းမြောင်းသောတံခါးဝသို့ဝင်ခြင်းငှာ ကြိုးစားအားထုတ်ကြလော့” (:၂၄)ဟု ပြန်ဖြေခဲ့သည်။ “ကယ်တင်ခြင်းသို့ ရောက်သောသူတို့တွင် သင်ပါပြီလား”ဟု ကိုယ်တော်က…

ခန့်မှန်းသူတစ်ယောက်၏အမှား

၁၉၃၈ ခုနှစ် စက်တင်ဘာလ ၂၁ ရက် နေ့ခင်းတွင် ငယ်ရွယ်သော မိုးလေဝသ ခန့်မှန်းသူ ပညာရှင် Charles Pierce က နယူးအင်္ဂလန်ဆီသို့ မြောက်ဘက်မှ အင်အားနှစ်ဆရှိ သည့် ဟာရီကိန်းမုန်တိုင်းဝင်လာမည့်ဟု အမေရိကန်နိုင်ငံ မိုးလေဝသဌာနအား သတိပေးလိုက်သည်။ သို့သော် မိုးလေဝသခန့်မှန်းသည့်ဌာနအကြီးအကဲမှုးသည် Charles Pierce ၏ခန့်မှန်းချက်ကို သရော်လိုက်သည်။ အပူပိုင်းမုန်တိုင်းသည် မြောက်စွန်းဘက်မှဘယ်သောအခါမှ မတိုက်ခတ်သောကြောင့်ဖြစ်သည်။

နှစ်နာရီအကြာတွင် ဟာရီကိန်းမုန်တိုင်းကြီးဝင်ပြီး Long Island တွင် မြေပြိုခဲ့သည်။ ညနေ ၄ နာရီတွင် နယူးအင်္ဂလန်သို့ မုန်တိုင်းဝင်ရောက်ခဲ့ပြီး သင်္ဘောများ မြေပေါ်သို့မှောက်လှန်လျက်၊ အိမ်ခြေများလည်း အပိုင်းပိုင်းအစစ ဖြစ်ကုန်တော့ သည်။ လူပေါင်း ခြောက်ရာကျော် သေဆုံးခဲ့ကြသည်။ ခိုင်လုံသော အချက်အလက်နှင့် စေ့စပ်သောမြေပုံကိုအခြေခံပြီး သတိပေးခဲ့သော Pierce ၏ သတိပေးမှုကို ရခဲ့မည် ဆိုပါက ၎င်းတို့အသက်ရှင်ကောင်းရှင်ကြလိမ့်မည်။…

အပူရှိန်ကို မြှင့်လိုက်ပါ

ကျွန်မတို့နေထိုင်သည့် အမေရိကန်နိုင်ငံ၊ ကိုလိုရာဒိုပြည်နယ်၌ အပူချိန်ပြောင်းလဲမှု မြန်ဆန်လှသည်။ တစ်ခါတစ်ရံ မိနစ်ပိုင်းအတွင်း ပြောင်းလဲသည်။ ထိုကြောင့် ကျွန်မခင်ပွန်း Dan (ဒန်)က ကျွန်မတို့ အိမ်ထဲ၌ အပူချိန် ခြားနားမှုအမျိုးမျိုးကို စိတ်ဝင်စားပြီး စူးစမ်းသည်။ သို့နှင့် ပစ္စည်းအသစ်အဆန်းကို စိတ်ဝင်စားသူ ဖြစ်သည့်အလျောက် ဒန်သည် ကျွန်မတို့အိမ်၏နေရာ (၄) နေရာ၏ အပူချိန်ကို တိုင်းတာသိရှိနိုင်ရန် နောက်ဆုံးပေါ် ပစ္စည်းသစ်တစ်မျိုးကို စိတ်လှုပ်ရှားစွာ တပ်ဆင်ခဲ့သည်။ “ကြံကြံဖန်ဖန်”ဟု ကျွန်မနောက်ပြောင်ခဲ့သော်လည်း ကျွန်မကိုယ်တိုင် အပူချိန်ကို မကြာခဏ ကြည့်မိသဖြင့် ကိုယ့်ကိုကိုယ် အံ့သြမိသည်။ အိမ်တွင်းအိမ်ပြင် အပူချိန် ခြားနားမှုက စိတ်ဝင်စားစရာ ကောင်းနေတော့သည်။

သခင်ယေရှုသည် လောဒိကိအသင်းတော်၏ ‘နွေးရုံရှိသည့်’ အခြေအနေကို အပူချိန်အားဖြင့် ပြခဲ့သည်။ ၎င်းသည် ဗျာဒိတ်ကျမ်း၌ ဖော်ပြသည့် အကြွယ်ဝဆုံး အသင်းတော် (၇) ပါးအနက် တစ်ပါးဖြစ်သည်။ စည်းစိမ်ဉစ္စာများပြားခြင်း၊…

ထွက်ပြေးပါ

ရိုးရာဂျပန်လူမျိုးတို့၏ ကိုယ်ခံပညာရပ် ‘aikido’ (အိုက်ကီဒို) သင်တန်းအစသည် အံ့ဩဖွယ်ရာ အမြင်ပွင့်စေသည်။ ‘စန်စေ’ သို့မဟုတ် ဆရာက တိုက်ခိုက်သူနှင့် ရင်ဆိုင်ရချိန်တွင် ပထမဦးဆုံးတုံ့ပြန်မှုမှာ “ထွက်ပြေးရန်” ဖြစ်သည်ဟုဆိုသည်။ “မပြေးနိုင်မှသာ တိုက်ခိုက်ပါ” ဟု သူက အလေးအနက် ပြောသည်။

“ထွက်ပြေးရမယ်”ဆို၍ ကျွန်တော်အံ့သြမိသည်။ အဆင့်မြင့် ကိုယ်ခံပညာ ကျွမ်းကျင်သောဆရာက မတိုက်ခိုက်ဘဲ ထွက်ပြေးရန် အဘယ့်ကြောင့်ပြောသနည်း။ ၎င်းသည် ပြန်တိုက်ခိုက်ရန်ဆိုသည့် သာမန်ရိုးရိုးအတွေးနှင့် ဆန့်ကျင်ဘက် ဖြစ်နေပုံထင်ရသည်။ ပထမအဆင့်တွင် တိုက်ခိုက်မှုကို ရှောင်ခြင်းက မိမိကိုယ်ကို ကာကွယ်ရန် အကောင်းဆုံးသော အနေအထားဖြစ်ကြောင်း ရှင်းပြမှ “ဟုတ်သားပဲ” ဟု သဘောပေါက်သွားသည်။

သခင်ယေရှုကို ဖမ်းဆီးရန် လူများစွာရောက်လာသောအခါ ပေတရုသည် ကျွန်ုပ်တို့လုပ်မည့်ပုံစံအတိုင်း သူ၏ဓားကို ဆွဲထုတ်ကာ လူတစ်ဦးကို တိုက်ခိုက်သည် (မ ၂၆:၅၁၊ ယော ၁၈:၁၀)။ သို့သော် သခင်ယေရှုက…

ရက်ရောသောပေးလှူခြင်း

ဗိုလ်ချူပ်ကြီး Charles Gordon (ချားလ်စ် ဂေါ်ဒန်) (၁၈၃၃-၁၈၈၅)သည် ဘုရင်မကြီး Victoria (ဗစ်တိုးရီးယား)အား တရုတ်ပြည်နှင့် အခြားသောနေရာဒေသများတွင် အမှုထမ်းခဲ့သော်လည်း အင်္ဂလန်ပြည်တွင် နေထိုင်စဥ် သူ၏ဝင်ငွေ (၉၀) ရာခိုင်နှုန်းကို ပေးကမ်းလှူဒါန်းခဲ့သည်။ လန်ခတ်ရှိုင်းယားပြည်နယ်တွင် အစာ ရေစာခေါင်းပါးမှုကြုံနေသည်ဟု ကြားသောအခါ၊ သူသည် ကမ္ဘာ့ခေါင်းဆောင် တစ်ဦးထံမှ ရရှိသော ရွှေစင်ရွှေတံဆိပ်ပေါ်တွင် ရေးထိုးသော ကဗျည်းစာကို ဖျက်ပြီး၊ နိုင်ငံမြောက်ပိုင်းသို့ပို့လိုက်သည်။ ၎င်းရွှေကို အရည်ကျိုပြီးရောင်းရငွေဖြင့် ဆင်းရဲသားများအတွက် အစားအစာဝယ်ရန် မှာကြားခဲ့သည်။ ထိုနေ့တွင် သူ၏ နေ့စဥ်မှတ်တမ်း၌ “ဤလောကတွင် ကျွန်ုပ်၌ နောက်ဆုံးကျန်ရှိသည့်အရာ၊ ကျွန်ုပ်တန်ဖိုးထားရသည့်အရာကို သခင်ယေရှုအား ပေးပါ၏” ဟူ၍ရေးသားထားသည်။

ဗိုလ်ချုပ်ကြီးဂေါ်ဒန်၏ ပေးကမ်းရက်ရောသောစေတနာသည် ကျွန်ုပ်တို့ ပေးလှူနိုင်သည်ထက် မြင့်မားသာလွန်နေသော်လည်း ဘုရားသခင်သည် လိုအပ်သူ၊ ဆင်းရဲသူများအား သတိပြုလျက် ကြည့်ရှုစောင့်ရှောက်ရန် သူ့လူတို့အား အစဥ်မိန့်မှာသည်။ မောရှေမှတစ်ဆင့်မိန့်ကြားသည့် ပညတ်တော်များ၌…

အဆုံး၌

ဝိညာဥ်ရေးရာ အားသစ်လောင်းသင်တန်းများတွင် ဦးဆောင်ရန် မကြာခဏဆိုသလို ကျွန်ုပ် နေရာပေးခံရသည်။ ရက်အနည်းငယ်မျှ ဆုတောင်းခြင်း၊ ပြန်လည်သုံးသပ်ခြင်းတို့ဖြင့် အချိန်ယူခြင်းသည် စိတ်ခံစားမှုနှင့် စိတ်စွမ်းရည်တို့ကို နက်နက်နဲနဲ အားပြည့်စေနိုင်သည်။ အစီအစဥ်တွင် ပါဝင်တက်ရောက်သူများအား “သင်ကွယ်လွန်ပြီး သတင်းစာနာရေးတွင် သင့်အမည်ပါလာသည်ဟု တွေးကြည့်ပါ။ သင့်အကြောင်းကို မည်သို့ဖော်ပြစေလိုသနည်း”ဟု ကျွန်ုပ်မေးလေ့ရှိသည်။ ရလဒ်အနေဖြင့် ပါဝင်တက်ရောက်သူအချို့က ၎င်းတို့၏ဦးစားပေးမှုများ ပြောင်းလဲကာ ဘဝအဆုံးသတ်ကောင်းရေးအတွက် ပန်းတိုင်ထားခဲ့ကြသည်။

တိမောသေဩဝါဒစာဒုတိယစောင် ၄ တွင် တမန်တော်ပေါလုနောက်ဆုံး ရေးသားသည်ဟု ထင်ရှားသောစာများပါရှိသည်။ သူ့အသက် (၆၀) ဝန်းကျင်နီးပါးခန့် ဖြစ်နိုင်သော်လည်း၊ သေခြင်းဘေးကို ရင်ဆိုင်ခဲ့ရသော်လည်း ယခုသူ့ဘဝဆုံးလုနီးပြီဟု သူသတိထားမိသည် (၂ တိ ၄:၆)။ ယခုတွင် သာသနာခရီးစဥ်များ၊ အသင်းတော်သို့စာရေးခြင်းများ မရှိတော့ပေ။ သူ့ဘဝကိုသူ ပြန်လည်သုံးသပ်ကာ “ကောင်းစွာသောတိုက်လှန်ခြင်းကို ငါပြုပြီ။ ပြေးရသောလမ်းကို အဆုံးတိုင် အောင် ပြေးပြီ။ ယုံကြည်ခြင်းတရားကို စောင့်ရှောက်ပြီ”…

နက်နဲ၍ ရစ်ပတ်ချည်နှောင်ထားသော တစ်စုံတစ်ရာ

အီရတ်မှပြောင်းရွှေ့လာသူ အမီနာ နှင့် အမေရိကန်နိုင်ငံဖွား အမေရိကန်နိုင်ငံသား ဂျိုးဇက်တို့သည် နိုင်ငံရေးဆိုင်ရာ ဆန္ဒပြပွဲတစ်ခုတွင် တစ်ဘက်စီမှပါဝင်ခဲ့ကြသည်။ လူမျိုးရေးအရ၊ နိုင်ငံရေးအရ ခံယူချက်ကွဲပြားသူတို့သည် တစ်ဦးနှင့်တစ်ဦးအပေါ် မုန်းတီးမှုကို ဖုံးကွယ် ထိန်းချုပ်စရာအကြောင်းမရှိဟု ကျွန်ုပ်တို့ ရိုက်သွင်းခံထားရသည်။ သို့သော် လူအချို့က ရိုင်းစိုင်းစွာ အော်ဟစ်ပြောဆိုလျက် ဂျိုးဇက်၏ရှပ်အင်္ကျီကို မီးရှို့ရန် ကြိုးစားသောအခါ အမီနာက အမြန်ဝင်ရောက် ကာကွယ်လိုက်သည်။ “လူသားတွေအနေနဲ့ ကျွန်တော်တို့တွေ နောက်ထပ် ကွဲပြားသင့်တယ်လို့ ကျွန်တော်မထင်ဘူး။ ဒါပေမဲ့လည်း အခုဖြစ်ပျက်နေတာကတော့ ဖြစ်နေကျ အဆင်မပြေတဲ့ အခိုက်အတန့်လေးပါပဲ”ဟု ဂျိုးဇက်က သတင်းထောက်ကို ပြောခဲ့သည်။ နိုင်ငံရေးထက် ပိုမိုနက်နဲသော တစ်စုံတစ်ရာသည် အမီနာနှင့် ဂျိုးဇက်ကို ရစ်ပတ်ချည်နှောင်လျက်ရှိသည်။

ကျွန်ုပ်တို့၌ တစ်ဦးနှင့်တစ်ဦးအပေါ် တကယ့်ကို သဘောထားမတိုက်ဆိုင်မှုများရှိပြီး၊ လျစ်လျူ၍မရနိုင်သော ကြီးမားသည့် ကွဲပြားခြားနားမှုများဖြစ်လင့်ကစား ကျွန်ုပ်တို့ကိုပေါင်းစည်းထားသော အလွန်နက်နဲသည့်အမှန်တရားများ ရှိသည်။ကျွန်ုပ်တို့အားလုံးကို ဘုရားသခင် ဖန်ဆင်းထားပြီး သူချစ်သော…