လှုပ်ရှားမှုတိုင်းကို အကျိုးရှိစေပါ

မြောက်ကယ်ရိုလိုင်းနားတက္ကသိုလ် စာကြည့်တိုက်၏ မော်ကွန်းတိုက်ရှိ အိတ်ဆောင် နာရီတစ်လုံး၏ ရပ်နေသောလက်တံများက အလွန်စိတ်ထိခိုက်စရာကောင်းသည့် ဇာတ်လမ်းကို ပြောပြနေသည်။ ၁၈၅၇ ခုနှစ်၊ ဇွန်လ (၂၇) ရက်နေ့ မနက်ပိုင်း၌ Appalachian (အပလေချီယန်)တောင်ရှိ ရေတံခွန်၌ ခြေချော်ပြီး အသက်ဆုံးခဲ့ရသည့် နာရီပိုင်ရှင် Elisha Mitchell (ဧလိရှဲ မစ်ချယ်)၏ နောက်ဆုံးအသက်ထွက်ချိန် (၈:၁၉ မိနစ်၊ ၅၆ စက္ကန့်)ကို နာရီလက်တံများက အတိအကျညွှန်ပြနေသည်။

ထိုတက္ကသိုလ်၏ ပါမောက္ခတစ်ဦးဖြစ်သူ မစ်ချယ်က သူရောက်ရှိနေသည့်တောင်ထိပ်၊ ယခုအချိန်၌ သူ့အမည်တွင်သော မစ်ချယ်တောင်သည် အမေရိကန်နိုင်ငံ၊ မစ္စစ္စပီပြည်နယ် အရှေ့ဘက်ခြမ်းတွင် အမြင့်ဆုံးဖြစ်‌ကြောင်း သူ၏အဆို မှန်ကန်ကြောင်းကို သက်သေပြရန် အချက်အလက်များ စုဆောင်းနေချိန်ဖြစ်သည်။ သူပြုတ်ကျသည့်နေရာနှင့် မဝေးလှသည့် တောင်ထိပ်တွင် သူ့အုတ်ဂူရှိသည်။

မကြာသေးမီ ထိုတောင်ထိပ်သို့ ကျွန်ုပ်တက်ရောက်ခဲ့စဉ်က မစ်ချယ် အကြောင်း၊ မိမိကိုယ်တိုင်၏ မတည်မြဲမှုအကြောင်း၊ ကျွန်ုပ်တို့တစ်ယောက်စီတိုင်း၌…

မြည်းပေါ်မှ ဘုရင်

ယနေ့ တနင်္ဂနွေသည် သံလွင်ခက်တနင်္ဂနွေဟု ကျွန်ုပ်တို့ ယခုခေါ်ဆိုသောနေ့ဖြစ်သည်။ ထိုနေ့က သခင်ယေရှု ယေရုရှလင်မြို့သို့ ပထမဆုံးလာရောက်ခြင်း မဟုတ်သည်ကို သံသယဖြစ်စရာ မရှိပါ။ ဘာသာရေးကိုင်းရှိုင်းသော ဂျူးလူမျိုးတစ်ဦးအနေနှင့်၊ ကြီးမြတ်သောပွဲတော် သုံးပွဲအတွက် နှစ်စဉ် ထို မြို့သို့ သွားခဲ့လိမ့်မည်(လု ၂:၄၁-၄၂၊ ယော ၂:၁၃၊ ၅:၁)။ လွန်ခဲ့သည့် (၃)နှစ်က ခရစ်တော်သည် ယေရုရှလင်မြို့၌ အမှုဆောင်ပြီး ဆုံးမသြဝါဒပေးခဲ့သည်။ သို့သော် ဤတနင်္ဂနွေတွင် မြို့ထဲသို့ သခင်ကြွလာပုံက တစ်မူထူးခြားသည်။

ယေရုရှလင်မြို့သို့ ဝတ်ပြုသူထောင်ပေါင်းများစွာ ရောက်ရှိနေချိန်တွင် မြည်းကလေးတစ်ကောင်ကိုစီး၍ ဝင်လာခြင်းက အများအာရုံစူးစိုက်စရာ ဖြစ်ခဲ့သည် (မ ၂၁:၉-၁၁)။ လွန်ခဲ့သည့်သုံးနှစ်တာကာလအတွင်း သခင်သည် တမင် မထင်မရှားနေခဲ့ပြီး ယခု ထောင်ပေါင်းများစွာသောလူများရှေ့တွင်မှ အဘယ်ကြောင့် ထင်ပေါ်မှုကို ရွေးခဲ့သနည်း။ သူမသေဆုံးမီ (၅) ရက် အလိုတွင် သူသည် ဘုရင်ဖြစ်ကြောင်း လူအများ၏ကြွေးကြော်ချက်ကို…

စကားပြောသောဘတ်စ်ကား

၂၀၁၉ ခုနှစ်တွင် Oxford (အောက်စဖို့) ဘတ်စ်ကားကုမ္ပဏီသည် တမဟုတ်ချင်း ရေပန်းစားသွားသော “စကားပြောသောဘတ်စ်ကား”ကို စတင်ပြေးဆွဲခဲ့သည်။ ဘတ်စကား၌ စိတ်ဝင်စားသောခရီးသည်များ စကားပြောဆိုနိုင်သည့် လူများကို တာဝန်ချထားသည်။ ဗြိတိန်နိုင်ငံသား (၃၀)ရာခိုင်နှုန်းသည် တစ်ပတ်လျှင်အနည်းဆုံး တစ်ရက်တာကို အဓိပ္ပာယ်ရှိသော စကားစမြည်ပြောဆိုခြင်းမရှိဘဲ ဖြတ်သန်းကြကြောင်း တွေ့ရှိခဲ့သည့် အစိုးရသုတေသနစစ်တမ်းကြောင့် ထို ဘတ်စ်ကားလိုင်း ပြေးဆွဲမှုကို စတင်ခဲ့ခြင်းဖြစ်သည်။

လိုအပ်ချိန်၌ စကားပြောနိုင်မည့်သူ တစ်စုံတစ်ယောက် မရှိခြင်းကြောင့် ဖြစ်ပေါ်လာသောအထီးကျန်မှုကို ကျွန်ုပ်တို့အများစု ခံစားဖူးကြပေမည်။ ကျွန်ုပ်၏ ဘဝတွင် အရေးကြီးသော စကားဝိုင်းများ၏တန်ဖိုးကို ဆင်ခြင်တွေးမိသောအခါ ကျေးဇူးတရားနှင့်ပြည့်သော ဆွေးနွေးမှုများကို အထူးသတိရမိပါသည်။ ထိုအချိန်များက ကျွန်ုပ်အတွက် ဝမ်းမြောက်မှုနှင့်ခွန်အားပေးမှုများ ယူဆောင်လာပြီး ပိုလေးနက်သည့် ဆက်ဆံရေးကို ပြုစုပျိုးထောင်ပေးရန် မစခဲ့သည်။

ကောလောသဲအသင်းတော်သို့ ပေးပို့သောစာအဆုံးတွင် ရှင်ပေါလုက ကျွန်ုပ်တို့ကြုံဆုံရသူတိုင်းကို မိမိ၏စကားအပြောအဆိုများအားဖြင့် မေတ္တာပြသနိုင်သည့် နည်းလမ်းများအပါအဝင်၊ သခင်ယေရှုကိုယုံကြည်သူများအတွက် စစ်မှန်သော အသက်ရှင်မှု၏စည်းကမ်းများဖြင့်…

အမြဲတမ်းလိပ်စာ

မကြာသေးမီက ကျွန်ုပ်တို့သည် အိမ်အဟောင်းနှင့် မလှမ်းမကမ်းရှိ အိမ်အသစ်သို့ ပြောင်းခဲ့သည်။ မလှမ်းမကမ်းဆိုသော်လည်း၊ ငွေကြေးလွှဲပြောင်းမှု အချိန်ဇယားကြောင့် ကျွန်ုပ်တို့၏ပစ္စည်းများအားလုံးကို ရွေ့ရှားထရပ်ကားပေါ်သို့ ပြောင်းရွေ့ရန် လိုအပ်သေးသည်။ အရောင်းနှင့်ဝယ်ယူမှုကြား ကာလတွင်၊ ကျွန်ုပ်တို့၏ ပရိဘောဂများကို ထရပ်ကားပေါ်ထားပြီး ကျွန်ုပ်တို့မိသားစုမှာ ယာယီတည်းရန်နေရာကို ရှာဖွေခဲ့ရသည်။ ထိုအတောအတွင်း၊ နေထိုင်ရာအိမ်မှ ရွှေ့ပြောင်းရသော်လည်း ကျွန်ုပ်အချစ်ဆုံးသူများဖြစ်သော ကျွန်ုပ်၏မိသားစုနှင့် အတူရှိခြင်းကြောင့် ရိုးရိုးလေးပြောရလျှင် နေသားကျသော “အိမ်”၏ ခံစားမှုရသကို ရှာဖွေတွေ့ရှိရသဖြင့် အံ့အားသင့်ခဲ့ရသည်။

ဒါဝိဒ်၏ဘဝ တစ်စိတ်တစ်ပိုင်းတွင် နေထိုင်စရာအိမ်ဟူ၍ သတ်သတ်မှတ်မှတ် မရှိခဲ့ပါ။ ရှောလုမင်းလက်မှလွတ်အောင် ပြေးလွှားရသည့်ဘဝဖြင့် သူအသက်ရှင်ခဲ့ရသည်။ ရာဇပလ္လင်ကိုဆက်ခံရန် ဘုရားသခင် ခန့်အပ်ထားသောကြောင့်၊ ဒါဝိဒ်အား အန္တရာယ်အဖြစ် တွေးဆပြီး သတ်ဖြတ်ရန် ရှောလု ရှာကြံခဲ့သည်။ ဒါဝိဒ်သည် မိမိအိမ်မှထွက်ပြေးပြီး ခိုလှုံနိုင်သောနေရာတိုင်း၌ အိပ်ခဲ့ရသည်။ သူ့၌အဖော်အသင်းရှိသော်လည်း ဒါဝိဒ်၏အပြင်းပြဆုံးဆန္ဒမှာ ‘ထာဝရဘုရား၏ အိမ်တော်၌နေ’ကာ ကိုယ်တော်နှင့် ထာဝရမိတ်သဟာယဖွဲ့လျက်…

စစ်မှန်သောဧည့်ဝတ်ပြုမှု

“Kumain ka naba?” (ကူမာအင်းကာနာဘာ) - “စားပြီးပြီလား”။

ကျွန်မ၏ဇာတိမြေ ဖိလစ်ပိုင်နိုင်ငံရှိ အိမ်များစွာ၌ ဧည့်သည်တစ်ယောက်အနေဖြင့် ထိုစကားကို အမြဲကြားရပါသည်။ ၎င်းသည် ဧည့်သည်များအပေါ် ဂရုစိုက်မှုနှင့်ကြင်နာမှုကို ဖော်ပြသည့် ဖိလစ်ပိုင်လူမျိုးတို့၏လောကွတ်စကား ဖြစ်သည်။ သင့်အဖြေမည်သို့ပင်ဖြစ်စေ၊ အိမ်ရှင်က စားရန် အစာတစ်ခုခုကို အမြဲပြင်ဆင်ပေးလိမ့်မည်။ ကြင်နာမှုအစစ်အမှန်သည် နှုတ်ဆက်စကားဆိုရုံမျှမက စကားလုံးများထက်သာလွန်သော စစ်မှန်သည့် ဧည့်ဝတ်ပြုမှုကိုပြသခြင်းဟု ဖိလစ်ပိုင်လူမျိုးများက ယုံကြည်ကြသည်။

ရေဗက္ကသည်လည်း ကြင်နာသနားခြင်းက မည်သို့ဖြစ်သည်ကို သိသည်။သူမ၏နေ့စဉ်ဝတ္တရားများတွင် မြို့ပြင်ရေတွင်းမှရေငင်ခြင်းနှင့် လေးလံသောရေအိုးကို အိမ်ပြန်သယ်ယူခြင်းတို့ ပါဝင်သည်။ ခရီးဝေးနှင်ခဲ့ပြီး အလွန်ရေငတ်နေသူ အာဗြဟံ၏ကျွန်က အိုးထဲမှရေအနည်းငယ် တောင်းသောအခါ၊ တုံ့ဆိုင်းမနေဘဲ သောက်ရေကို သူပေးခဲ့သည် (က ၂၄:၁၇-၁၈)။

သို့သော် ထိုမျှမက ပို၍ပင် ရေဗက္ကာဧည့်ဝတ်ကျေခဲ့သည်။ ဧည့်သည်၏ ကုလားအုပ်များ ရေငတ်သည်ကို မြင်သောအခါ၊ လျင်မြန်စွာကမ်းလှမ်း၍ သူတို့အတွက် ရေတစ်ဖန်ခပ်ရန် အမြန်ပြန်သွားခဲ့သည်…

ကားရပ်နားကွင်းမှငြင်းခုံမှုရန်ပွဲ

ယာဉ်ရပ်နားကွင်းရှိမြင်ကွင်းသည် ကြေကွဲဖွယ်မဟုတ်လျှင် ရယ်စရာဖြစ်နိုင်သည်။ ကားတစ်စီးက အခြားကားသွားမရအောင် လမ်းကြောပိတ်နေသည့် အတွက် ကားပိုင်ရှင် ယာဉ်မောင်းနှစ်ဦးက ကျယ်လောင်စွာ ငြင်းခုံလျက် ကြမ်းတမ်းသောစကားလုံးများဖြင့် အပြန်အလှန် ပြောဆိုနေကြသည်။

မြင်ရသည်မှာ စိတ်မချမ်းသာပါ။ ပို၍နာကျင်စရာကောင်းသည်မှာ ဘုရားကျောင်း၏ကားရပ်နားရာနေရာ၌ ဤသို့စကားများရန်ဖြစ်နေခြင်း ဖြစ်သည်။ သူတို့နှစ်ဦးသည် ချစ်ခြင်းမေတ္တာ၊ သည်းခံခြင်း၊ ခွင့်လွှတ်ခြင်းအကြောင်းစသည့် တရားဒေသနာတစ်ခုခုကို ကြားနာခဲ့ရမည်ဖြစ်သော်လည်း ယခုတွင်မူ သွေးဆူလျက် ကြားခဲ့သမျှကို မေ့လျော့သွားခဲ့သည်။

၎င်းတို့ကို ဖြတ်သွားရင်း ကျွန်တော်ခေါင်းကို ခါယမ်းလိုက်မိသည်။ ပြီးမှကျွန်တော်လည်း ထူးမခြားနားဟု သိလိုက်ရသည်။ သမ္မာကျမ်းစာကို အကြိမ်ကြိမ်ဖတ်ခဲ့ပြီးမှ ကြင်နာစာနာမှုကင်းမဲ့သည့် အတွေးဖြင့် ထိမိ၍လဲစရာ အပြစ်ထဲကျခဲ့လေခြင်း။ “မှန်၌ကြည့်၍ မိမိပကတိမျက်နှာကို ... ကြည့်ပြီးမှ အခြားသို့သွား၍ မိမိအဆင်းသဏ္ဌာန်ကို ချက်ခြင်းမေ့လျော့”သူကဲ့သို့ ကျွန်တော် ဘယ်နှစ်ကြိမ် ပြုမူခဲ့မိသနည်း (ယာ ၁:၂၃-၂၄)။

ရှင်ယာကုပ်က သူ၏စာဖတ်သူများအား ဘုရားသခင်၏ညွှန်ကြားချက်ကို ဖတ်ရှုပြီး ဆင်ခြင်သုံးသပ်ရန်သာမက…

ကောင်းသောအလုပ်

ဆယ်ကျော်သက် Charles Spurgeon (ချားလ်စ် စပါဂျင်) သည် ဘုရားသခင်နှင့်နပန်းလုံးခဲ့ရသည်။ အသင်းတော်၌ ဝတ်ပြုပါဝင်လျက် ကြီးပြင်းခဲ့သော်လည်း တရားဒေသနာများက သူ့အတွက် အဓိပ္ပာယ်မရှိ၊ အရေးမပါသောအရာများသာ ဖြစ်သည်။ သူ့အနေဖြင့် ဘုရားရှင်ကိုယုံကြည်ရန် ခက်ခဲနေပြီး သူ့စကားအရ သူသည် “တော်လှန်ပုန်ကန်” ခဲ့သည်။ ညတစ်ည၌ နှင်းမုန်တိုင်းထန်သဖြင့် (၁၆) နှစ်အရွယ် ချားလ်စ် မှာ မက်သဒစ်ဘုရားကျောင်းလေးတစ်ခု၌ သွားရောက်ခိုလှုံခဲ့သည်။ သင်းအုပ်ဆရာ၏ဒေသနာသည် သူတစ်ဦးတည်းအတွက် ရည်ညွှန်းနေသကဲ့သို့ ခံစားခဲ့ရသည်။ ထိုအခိုက်အတန့် နပန်းလုံးပွဲတွင် ဘုရားရှင်အနိုင်ရခဲ့ပြီး ချားလ်စ်သည်လည်း သူ့နှလုံးသားကို ယေရှုခရစ်တော်ထံ ပေးအပ်ခဲ့သည်။

ချားလ်စ် စပါဂျင်က “ခရစ်တော်နဲ့ ကျွန်ုပ်အစမပြုခင်မှာပဲ ခရစ်တော်က ကျွန်ုပ်နဲ့အစပြုခဲ့တယ်” ဟုရေးခဲ့သည်။ ကျွန်ုပ်တို့ ဘုရားရှင်နှင့်အတူလျှောက်လှမ်းမှု ဘဝသည် ကယ်တင်ခြင်းရသည့် အခိုက်အတန့်မှသာ အစပြုခြင်း မဟုတ်ပါ။ ဆာလံဆရာက “ကိုယ်တော်သည် အကျွန်ုပ်၏ကျောက်ကပ်ကိုပင် ဖန်ဆင်း၍၊ အမိဝမ်းထဲမှာ…

အမြော်မြင်ရှိသောအကြုံပြုချက်

ကျွန်မသည် ကျမ်းစာကျောင်းတက်နေရင်း အချိန်ပြည့်အလုပ်ကို လုပ်နေခဲ့သည်။ ထို့ပြင် အသင်းတော်တွင် အမှုတော်ဆောင်တာဝန်ကို အလှည့်ကျယူပြီး အလုပ်သင် အဖြစ်လည်း ပါဝင်ခဲ့သည်။ ကျွန်မအလွန်အလုပ်များခဲ့သည်။ အဖေ ကျွန်မကို လာတွေ့ချိန်တွင် “သမီးကျန်းမာရေးထိခိုက်လိမ့်မယ်” ဟုသတိပေးခဲ့သည်။ အဖေ၏ သတိပေးမှုကို လျစ်လျူရှုပြီး ခေတ်ကွာခြားမှုကြောင့် လူကြီးများသည် ယခုကဲ့သို့ရည်မှန်းချက်ထားပြီး အလုပ်လုပ်ရခြင်းကို နားမလည်နိုင်ကြ ဟူ၍သာ ယူဆခဲ့သည်။

ကျွန်မ၏ကျန်းမာရေး ဆိုးဝါးစွာမထိခိုက်ခဲ့သော်လည်း ပင်ပန်းနွမ်းလျချိန်တွင် စိတ်ဓာတ်ကျအားငယ်ခဲ့ရသည်။ ထိုအချိန်မှစ၍ သတိပေးမှုများကို ကျွန်မနားထောင်ခဲ့ပြီး အထူးသဖြင့် ချစ်ခင်သူများက သတိပေးလာလျှင် ပို၍အလေးထားခဲ့သည်။

ထိုအဖြစ်က မောရှေအကြောင်းကို သတိရစေသည်။ သူသည်လည်း လုံ့လကြီးစွာ စိုက်ထုတ်လျက် ဣသရေလလူမျိုးတို့အား တရားစီရင်ပေးသူ ဖြစ်သော်လည်း (ထွက် ၁၈:၁၃)၊ သူ့ယောက္ခမ၏သတိပေးချက်ကို လိုက်နာခဲ့သည် (:၁၇-၁၈)။ ယေသရောအနေဖြင့် ဝင်ရောက်စွက်ဖက်ခြင်း မဟုတ်ပါ။ သူသည် မောရှေနှင့်မိသားစုကိုချစ်ပြီး ရှေ့တွင် ကြုံတွေ့နိုင်သောအခက်အခဲကို တွက်ဆမိ…

ဘုရားသခင်၏ကြီးမားသောချစ်ခြင်းမေတ္တာ

သန့်ရှင်းစင်ကြယ်မှုကိုမြှင့်တင်ရေး ဆွေးနွေးပွဲတစ်ခုတွင် ဆယ်ကျော်သက်မိန်းကလေးများကို အားပေးစကားပြောပေးရန် သူငယ်ချင်းက ဖိတ်ခေါ်သောအခါ ကျွန်မငြင်းဆိုခဲ့သည်။ ဆယ်ကျော်သက်အရွယ်တွင် အိမ်ပြေးဖြစ်ခဲ့သော ကျွန်မသည် အတော်ရုန်းကန်ခဲ့ရပြီး စာရိတ္တပျက်ပြားခဲ့သောကြောင့် အမာရွတ်များနှင့် ဆယ်စုနှစ်များစွာ ဒဏ်ရာအနာတရဖြစ်ခဲ့သည်။ အိမ်ထောင်ပြုပြီးနောက် ကျွန်မတို့၏ ပထမဦးဆုံးကလေး ပျက်ကျသောအခါ ပြုခဲ့သောအပြစ်များအတွက် ဘုရားသခင် ဒဏ်ခတ်သည်ဟု ကျွန်မတွေးထင်မိသည်။ အသက် (၃၀) တွင် အသက်တာကို ခရစ်တော်ထံ ဆက်ကပ်အပ်နှံပြီးနောက် နောင်တကြီးစွာဖြင့် ကျွန်မ၏အပြစ်ကို “အဖန်တလဲလဲ” ဝန်ချတောင်းပန်ခဲ့သည်။ သို့သော်လည်း အပြစ်နှင့်ရှက်ကြောက်ခြင်းက ကျွန်မကို ဆုံးရှုံးခြင်းသို့ တွန်းပို့နေဆဲဖြစ်သည်။ “ဘုရားရှင်၏ ကြီးမားသောချစ်ခြင်းမေတ္တာကို ကိုယ်တိုင် ပြည့်ပြည့်ဝဝ မခံယူနိုင်သေးဘဲ ဘုရား၏ချစ်ခြင်းမေတ္တာအကြောင်းကို ကျွန်မမည်ကဲ့သို့ ဝေမျှနိုင်မည်နည်း။” ကျေးဇူးတော်ကြောင့် အချိန်ကာလတစ်ခုလွန်သောအခါ အပြစ်မဝန်ချခင်အချိန်က ကျွန်မသည် ဘယ်ပုံဘယ်ချမ်းသာဟူ၍ မုသာ၏ချည်နှောင်ခံရမှုကို ဘုရားရှင်ဖယ်ရှားပေးခဲ့သည်။ အစဉ်ကမ်းပေးနေသောခွင့်လွှတ်ခြင်းကို အဆုံးတွင် ကျွန်မ“လက်ခံရရှိ”ခဲ့သည်။

ခံစားရသည့်ဖိစီးနှိပ်စက်မှုတို့ကြောင့် မြည်တမ်းခြင်းများ၊ အတိတ်မှ အပြစ်၏…

အတူတကွ တည်ဆောက်ခြင်းဖြင့် အစေခံပါ

ကျေးလက် Amish (အားမစ်ရှ်)လူမျိုးတို့၏ယဉ်ကျေးမှုတွင် ကျီတစ်ခုတည်ဆောက်ခြင်းသည် လူအများ စုပေါင်းလုပ်ဆောင်သောအလုပ် ဖြစ်သည်။ လယ်သမားမိသားစု တစ်ခုအတွက် ကျီတစ်ခုတည်ဆောက်ရန် လနှင့်ချီကြာမြင့်နိုင်သော်လည်း အားမစ်ရှ်များအတွက်မူ အတူတကွလုပ်ဆောင်ခြင်းဖြင့် စောလျင်စွာ ပြီးမြောက်စေသည်။ သစ်များကို အချိန်မီစုထားပြီး ကိရိယာများကိုလည်း ကြိုတင်ပြင်ဆင်ထားသည်။ သတ်မှတ်ထားသည့်ရက်ရောက်သော် တစ်ရွာလုံး နံနက်စောစောစုဝေးကာ ကျီဆောက်ရန်အတွက် ကိုယ်စီတာဝန်များ ခွဲဝေယူကြပြီး ဝိုင်းဝန်းကူညီကြသည်။ တစ်ခါတစ်ရံ တစ်ရက်တည်းနှင့်ပင် အလုပ်ပြီးမြောက်တတ်သည်။

၎င်းသည် အသင်းတော်နှင့် အသင်းတော်ရှိ ကျွန်ုပ်တို့၏အခန်းကဏ္ဍအပေါ် ဘုရားသခင်ထားရှိသော အမြော်အမြင်ပင်ဖြစ်သည်။ သမ္မာကျမ်း၌ “သင်တို့သည် ခရစ်တော်၏ကိုယ်ဖြစ်ကြ၏။ အသီးအသီးအင်္ဂါတော်ဖြစ်ကြ၏” (၁ ကော ၁၂:၂၇) ဟုဖော်ပြထားသည်။ သခင်သည် ကျွန်ုပ်တို့အတွက် အစွမ်းအစများကို ကွဲပြားစွာ ပြင်ဆင်ပေးထားပြီး၊ ကိုယ်လက်အစိတ်ပိုင်း တစ်ခုစီသည် ခန္ဓာကိုယ်တွင် အံဝင်ခွင်ကျ ဖြစ်သကဲ့သို့ (ဧဖက် ၄:၁၆) မိမိကျွမ်းကျင်ရာလုပ်ဆောင်ရန် ကျွန်ုပ်တို့အား သင့်လျော်သည့်တာဝန်များကို ပေးအပ်ထားသည်။ “ထမ်းရွက်စရာဝန်ချင်းတို့ကို…