အဘယ်အရာကမျှ မခွဲခွာနိုင်ပါ

ဖရီစ် ၏ဖခင်သင်းအုပ်ဆရာသည် အင်ဒိုနီးရှားနိုင်ငံရှိ သေးငယ်သောကျွန်းပေါ်တွင် ရှေ့ဆောင်အဖြစ် ဧဝံဂလိလုပ်ဆောင်ရန် ဘုရားခေါ်သောအသံကို ဝန်ခံလျက် သွားခဲ့ရာ သူတို့မိသားစုသည် ယခင်က တိရစ္ဆာန်များထားသည့် ခနော်ခနဲ့တဲအိမ် တွင် နေထိုင်ခဲ့ရသည်။ ကြမ်းပြင်ပေါ်ထိုင်ကာ ချီးမွမ်းသီချင်းဆိုလျက် ခရစ်စမတ် ပွဲတော်ဆင်နွှဲနေစဥ် ကောက်ရိုးများဖြင့် မိုးထားသောခေါင်မိုးမှ မိုးရေများ စိမ့်ကျနေခဲ့သည်ကို ဖရီစ် အမှတ်ရမိသည်။ သို့သော် သူမ၏ဖခင်က "ဖရီစ်၊ အဖေတို့ ဆင်းရဲ နေတာ၊ ဘုရားက အဖေတို့ကို မချစ်လို့မဟုတ်ဘူးနော်" ဟု သတိပေးခဲ့ပါသည်။

အချို့က အသက်တာတွင် ကြွယ်ဝချမ်းသာ၊ ကျန်းမာပြီးအသက်ရှည်မှ ဘုရားကောင်းချီးပေးသော အသက်တာဟုမြင်ကြသည်။ ထို့ကြောင့် ခက်ခဲချိန်တွင် ဘုရားရှင် ကိုယ့်ကို ချစ်ရောချစ်သေးရဲ့လားဟု တွေးမိကောင်း တွေးမိပါလိမ့်မည်။ ရောမသြဝါဒစာ ၈:၃၁-၃၉ တွင် ရှင်ပေါလုက အခက်အခဲပြဿနာ၊ ညှဉ်းပန်းနှိပ်စက်မှု၊ အစာငတ်မွတ်ခြင်းဘေး အပါအဝင် မည်သည့်အရာကမျှ ခရစ်တော်၏ချစ်ခြင်းမေတ္တာနှင့် ကျွန်ုပ်တို့ကို…

ဘုရားသခင်၏အံ့သြဖွယ်ရာ ဖန်ဆင်းခြင်း

နွေဦးပေါက်ရာသီ သဘာဝအလှကိုခံစားရန် ကျွန်ုပ်၏ဇာတိမြို့ရှိ Grand River (ဂရဲန်းမြစ်) တစ်လျှောက် ကျွန်ုပ်တို့ဇနီးမောင်နှံ အေးအေးလူလူ လမ်းလျှောက် ထွက်ခြင်းက ထူးခြားအံ့ဖွယ်အဖြစ်သို့ ပြောင်းလဲသွားသည်။ လိပ်ကြီး ငါးကောင်ခြောက်ကောင်ခန့်သည် လှုပ်ခတ်နေသောရေထဲရှိ သစ်တုံးပေါ်တွင် နေပူဆာလှုံနေကြသည်။ လပေါင်းများစွာ မတွေ့ခဲ့ရသော ဤတွားသွားသတ္တဝါများ၏ အံ့ဖွယ်မြင်ကွင်းကို မြင်လိုက်ရ၍ ကျွန်ုပ်တို့ပြုံးရယ်မိသည်။ ၎င်းတို့ပြန်ပေါ်လာသဖြင့် ကျွန်ုပ်တို့ ဝမ်းသာပြီး ဘုရားရှင်၏အံ့ဖွယ်ဖန်ဆင်းခြင်းလက်ရာကို ပျော်မွေ့ခံစားခဲ့ရသည်။

ဘုရားသခင်သည် ယောဘအား လမ်းလျှောက်ရင်း သဘာဝတရားကို ခံစား ရန် ခေါ်ခဲ့ပါသည် (ယောဘ ၃၈)။ ဒုက္ခပင်လယ်ဝေနေသူ ယောဘသည် ဖန်ဆင်းရှင်ဘုရားထံမှ သူ၌ဖြစ်ပျက်နေသောအခြေအနေအတွက် အဖြေကို လိုအပ်နေသည် (:၁)။ ဘုရားနှင့်အတူထွက်ခဲ့သောခရီးတွင် ဖန်ဆင်းခြင်းလက်ရာများမှတစ်ဆင့် သူမြင်တွေ့ခဲ့သောအရာများမှ သူလိုအပ်နေသော အားပေးမှုခွန်အားကို ရရှိခဲ့သည်။

ဘုရားသခင်သည် သူပုံဖော်ထားသည့် ခမ်းနားကြီးကျယ်သော ကမ္ဘာကြီး အားဖြင့် ယောဘကို သတိပေးသောအခါ ယောဘ၏ အံ့သြမှင်သက်သွားမှုကို…

သတင်းကောင်း

၁၉၄၁ ခုနှစ်တွင် ဥရောပတစ်ခွင် ကျယ်ပြန့်လာသော ဟစ်တလာ၏အုပ်ချုပ်မှုကြောင့် ဝတ္ထုရေးဆရာ John Steinbeck (ဂျွန်စတိန်းဘတ်ခ်)သည် စစ်ဘက်ဆိုင်ရာအားထုတ်မှုအတွက် ကူညီရန် တောင်းဆိုခံရသည်။ ရှေ့တန်းစစ်မျက်နှာပြင်သို့ စစ်တိုက်သွားရန်၊ တပ်သားများကို သွားအားပေးရန် မဟုတ်ဘဲ ဝတ္ထုတစ်အုပ်ရေးပေးရန် ဖြစ်သည်။ သို့ဖြင့် မတရားကြမ်းကြုတ်သော အုပ်ချုပ်မှုအောက်ရောက်သွားသည့် ငြိမ်းချမ်းသာယာသော နိုင်ငံတစ်ခုအကြောင်းကို ရေးထားသော The Moon Is Down (လကွယ်သွားပြီ) ဂန္တဝင် စာအုပ်ထွက်လာသည်။ ထိုစာအုပ်ကို တရားမဝင်ပုံနှိပ်ပြီး နာဇီလက်အောက်ရောက်နေသော နိုင်ငံများသို့ လျှို့ဝှက်စွာဖြန့်ဝေခဲ့သည်။ ဝတ္ထုထဲတွင် မဟာမိတ်တပ်လာနေပြီဖြစ်ကြောင်း၊ ဝတ္ထုဇာတ်ကောင်များကို နမူနာယူပြီး စာဖတ်သူတို့လည်း သူတို့၏လွတ်လပ်မှုကို ကာကွယ်နိုင်ကြောင်း သတင်းပါးထားသည်။ The Moon Is Down အားဖြင့် လွတ်မြောက်မှုသည် လက်တစ်ကမ်း၌ရှိနေကြောင်း Steinbeck က သတင်းကောင်းဆောင်ကြဥ်းခဲ့သည်။

Steinbeck ၏ဝတ္ထုမှ ဇာတ်ဆောင်များကဲ့သို့ပင် ပထမရာစုနှစ်က ဂျူးလူမျိုးများသည်လည်း ရက်စက်သော ရောမအုပ်စိုးမှုအောက်သို့…

သင်တစ်ယောက်တည်း မဟုတ်ပါ

"မင်းကိုတွေ့ရတာ အရမ်းဝမ်းသာတယ်"၊ "ဟယ် နင်လည်းပါတယ်ပေါ့"၊ "မင်းဒီမှာ ရှိနေတာ ဝမ်းသာတယ်ဟေ့" စသည့် နှုတ်ဆက်သံများက နွေးထွေးပြီး့ ဖက်လဲတကင်းရှိလှသည်။ အမေရိကန်နိုင်ငံ၊ တောင်ပိုင်းကယ်လီဖိုးနီးယားရှိ အမှုတော်လုပ်ငန်း၏ အဖွဲ့ဝင်များက ညပိုင်းအစီအစဉ် မစတင်မီ အွန်လိုင်းပေါ်၌ တွေ့ဆုံခဲ့ကြသည်။ဧည့်သည်ဆရာအနေနှင့် စကားပြောရမည့် ကျွန်မက ကိုလိုရာဒိုပြည်နယ်မှနေ၍ အွန်လိုင်းဗွီဒီယိုသို့ ဝင်လာသူ တစ်ယောက်ပြီးတစ်ယောက်ကို တိတ်တဆိတ်ကြည့်နေမိသည်။ ကျွန်မ မည်သူ့ကိုမှ မသိသဖြင့် အပြင်လူတစ်ယောက်ကဲ့သို့ ခံစားရသည်။ ရုတ်တရက် ကျွန်မ၏သင်းအုပ်ဆရာဝင်လာပြီး နှစ်ရှည်လများ သိကျွမ်း ခဲ့သည့် ဘုရားကျောင်းမှသူငယ်ချင်းလည်း ဝင်လာသည်။ သူတို့ကိုမြင်လိုက်မှ အထီးကျန်သည်ဟု မခံစားရတော့ပါ။ ဘုရားက အထောက်အပံ့ပို့လိုက်သလိုပင်။

ဧလိယသည် အာဟပ်နှင့်ယေဇဗေလတို့၏ အမျက်ဒေါသရန်မှ ရှောင်ပြေး ပြီးနောက် ကျန်ရစ်ခဲ့သည့် တစ်ဦးတည်းသောပရောဖက်ဟု ခံစားရသော်လည်း (၃ ရာ ၁၉:၁၀) သူတစ်ယောက်တည်း ကျန်ခဲ့သည် မဟုတ်ပါ။ ရက်ပေါင်း ၄၀၊ ညပေါင်း…

သခင်ယေရှု၏ စစ်မှန်သောနောက်တော်လိုက်

Christian Mustad (ခရစ္စတန်မာ့စတတ်)က သူပိုင်သော ပန်းချီဆရာ Van Gogh (ဗန်ဂိုး)၏ ရှုခင်းပန်းချီကို ပန်းချီကားစုဆောင်းသူ Auguste Pellerin (သြဂတ်စ်ဖဲလာရင်)အား ပြသသည့်အခါ Pellerin က တစ်ချက်ကြည့်ပြီး Van Gogh ၏ လက်ရာအစစ်မဟုတ်ဟု ပြောခဲ့သည်။ Mustad သည် ပန်းချီကားကို အိမ်ထပ်ခိုးတွင် နှစ်ပေါင်း၅၀ ကြာ သိမ်းထားလိုက်သည်။ Mustad ဆုံးသွားပြီးနောက် ထိုပန်းချီကားသည် နောက်ထပ် နှစ်ပေါင်း ၄၀ အတွင်း မကြာခဏ အစစ်ခံခဲ့ရသော်လည်း ၂၀၁၂ ခုနှစ်အထိ အတုဟုသာ သတ်မှတ်ခံရသည်။ ၂၀၁၂ ခုနှစ်တွင် ကျွမ်းကျင်သူပညာရှင်တစ်ဦးက ပန်းချီကား၏ကင်းဗတ် ပိတ်စမှ ချည်များ၏ အကွာအဝေးကို ကွန်ပျူတာဖြင့် ရေတွက်ခဲ့ရာ၊ ၎င်းသည် Van Gogh ၏အခြားပန်းချီကား၏ပိတ်စနှင့် အတူတူဖြစ်ပြီး ပိတ်တစ်ခုတည်းမှ ဖြတ်ထားသည်ကို တွေ့ရှိခဲ့သည်။ Mustad…

ဘုရားသခင်၏ဂုဏ်တော်ကို ချီးမွမ်းကျူးဧပါ

တပည့်တော်ဖြစ်ခြင်းဆိုင်ရာ အစည်းအဝေးကျင်းပသည့် တစ်ပတ်တာလုံးတွင် အနောက်အလယ်ပိုင်းဒေသ၏ နွေဥတုအပူဒဏ်နှင့် စိုထိုင်းမှုဒဏ်ကို ကျွန်ုပ်တို့ ခံစားခဲ့ရသည်။ သို့သော် နောက်ဆုံးရက်တွင်မူ အရှေ့ဘက်မှလေအေးကို ခံစားခဲ့ရသည်။ ရာသီအပြောင်း လေအေးနှင့် ဘုရားပြုပေးသည့်အံ့ဖွယ်အရာအတွက် ကျေးဇူးတော်ချီးမွမ်းလျက် ရာနှင့်ချီသည့်လူတို့စုပေါင်းလျက် ဘုရားသခင်ကို ဝတ်ပြုကိုးကွယ်ကြသည်။ စိတ်ရောကိုယ်ပါ ကျူးဧသီဆိုပြီး ခန္ဓာစိတ်ဝိညာဉ်ကို သခင့်ထံအပ်နှံလျက် လူများစွာတို့ လွတ်မြောက်ခြင်းကို ခံစားခဲ့ရသည်။ ၁၀ နှစ် ကြာပြီးမှ ထိုနေ့အကြောင်း ပြန်တွေးမိစဥ် ဘုရားရှင်ကိုချီးမွမ်းစဥ် ခံစားခဲ့ရသည့် ပကတိအံ့ဩမှု၊ ဝမ်းမြောက်မှုကို ပြန်လည်အမှတ်ရမိသည်။

ဒါဝိဒ်မင်းသည် ဘုရားသခင်ကို မည်သို့ စိတ်နှလုံးအကြွင်းမဲ့ချီးမွမ်းရမည်ကို သိသည်။ ယေရုရှလင်မြို့သို့ ဘုရားသခင်ကျိန်းဝပ်တော်မူရာ ပဋိညာဉ်သေတ္တာကို ယူဆောင်လာစဉ် သူသည် ဝမ်းမြောက်စွာ ကခုန်ခဲ့သည် (၅ ရာ ၁၅:၂၉)။ ဒါဝိဒ်ဇနီး မိခါလသည် သူ၏စိတ်လွတ်နေသည့်အခြေအနေကို ကြည့်ပြီး "စိတ်နှလုံးထဲ၌ မထီမဲ့မြင်ပြု" (:၂၉)သည့်တိုင် သူမ၏ဝေဖန်မှုကြောင့် စစ်မှန်သော၊…

သခင်ယေရှုအမည်နာမ

"သား၊ အဖေ့မှာမင်းကိုပေးစရာအများကြီးမရှိဘူး။ ဒါပေမဲ့ အဖေ့မှာနာမည်ကောင်းရှိတယ်။ ဒါ့ကြောင့် အလဟဿဖြစ်အောင်မလုပ်ပါနဲ့" ဟူသည့် အမြော်အမြင်ရှိပြီးလေးနက်သည့် စကားကို Johnnie Bettis (ဂျွန်နီဘက်တိစ်)က ကောလိပ်တက်ရန် အိမ်မှထွက်ခွာသွားတော့မည့်သား Jerome (ဂျယွန်းမ်)အား ပြောခဲ့ခြင်းဖြစ်သည်။ နာမည်ကျော် အမေရိကန် ထူးချွန်ဘောလုံးကစားသမားအား ဆုချီးမြှင့်ပွဲတွင် Jerome က သူ့ဖခင်၏စကားကို ကိုးကားပြီး မိန့်ခွန်းပြောခဲ့သည်။ ဤပညာရှိစကားကို သူ့ဘဝတစ်လျှောက်လုံး မှတ်သားထားပြီး သူ၏သားကိုလည်း "သား၊ ငါတို့ရဲ့နာမည်ကောင်းထက် ပိုအရေးပါတဲ့အရာပေးဖို့ အဖေ့မှာဘာမှမရှိဘူး" ဟုအလားတူစကားကိုပြောပြီး သူ၏စိတ်ဝင်စားဖွယ်မိန့်ခွန်းကို နိဂုံးချုပ်ခဲ့သည်။

သခင်ယေရှုကို ယုံကြည်သူတို့အတွက် နာမည်ကောင်းသည် အရေးကြီးသည်။ ကောလောသဲသြဝါဒစာ ၃:၁၂-၁၇ မှ ရှင်ပေါလု၏စကားများက မည်သူအား ကျွန်ုပ်တို့ကိုယ်စားပြုသည်ကို သတိပေးထားသည် (:၁၇)။ ပင်ကိုအကျင့်စရိုက်ဆိုသည်မှာ မိမိဝတ်ဆင်သည့် အဝတ်အထည်နှင့်တူပြီး အထက်ပါကျမ်းပိုဒ်တွင် "သခင်ယေရှုတံဆိပ်" ခတ်နှိပ်ထားသည့်အထည်များကို ဖော်ပြထားသည်။ "ထို့ကြောင့် သင်တို့သည် ဘုရားသခင်ရွေးကောက်သောသူ၊ သန့်ရှင်းသောသူ၊…

ပူဆွေးမှုအတွက် အဘိဓာန်

Hugh (ဟုဂျ်) နှင့် DeeDee (ဒီးဒီး) တို့သည် သူတို့၏တစ်ဦးတည်းသောကလေး ကောင်းကင်သို့ထွက်ခွာသွားပြီးနောက် မည်သို့ပြောရမှန်းမသိသည့် ဝေဒနာနှင့်ရုန်းကန်ခဲ့ရသည်။ အင်္ဂလိပ်ဘာသာ၌ သားသမီးကိုဆုံးရှုံးလိုက်ရသည့် မိဘကိုဖော်ပြရန် တိကျသည့် စကားလုံးမရှိပါ။ ခင်ပွန်းဆုံးသွားသည့်မိန်းမဆိုလျှင် မုဆိုးမ၊ ဇနီးဆုံးသွားသည့် ယောက်ျားဆိုလျှင် မုဆိုးဖို၊ စွန့်ပစ်ခံရသည့် ကလေးဆိုလျှင် မိဘမဲ့ဖြစ်သည်။ ရင်သွေးကို ဆုံးရှုံးလိုက်ရသည့်မိဘများသည် ပြောမပြတတ်သည့်နာကျင်မှုကို ခံစားရပါသည်။

ကိုယ်ဝန်ပျက်ကျခြင်း၊ မွေးကင်းစကလေးသေဆုံးခြင်း၊ ကိုယ့်ကိုကိုယ် အဆုံးစီရင်ခြင်း၊ ဖျားနာခြင်း၊ မတော်တဆဖြစ်ခြင်း စသည်ဖြင့် သေခြင်းတရားသည် ဤကမ္ဘာမြေမှ ကလေးငယ်ကို ခိုးယူပြီး သက်ရှင်ကျန်ရစ်သည့် မိဘများကို ဖွဲ့နွဲ့ မကုန်နိုင်အောင်ခံစားရစေသည်။

ဘုရားသခင်၏ တစ်ပါးတည်းသောသားတော် သခင်ယေရှုသည် လက်ဝါးကပ်တိုင်၌ သေလုဆဲဖြစ်ချိန်တွင် "အိုအဘ၊ အကျွန်ုပ်စိတ်‌ဝိညာဉ်ကို ကိုယ်တော်လက်၌ အကျွန်ုပ်အပ်ပါ၏" (လု ၂၃:၄၆)ဟု ကိုယ်တော့်ကို ဟစ်ခေါ်ခဲ့သည့်အတွက် ဆိုးရွားလှသည့် ပူဆွေးမှုကြီးကို ဘုရားသခင်ကိုယ်တိုင်က နားလည်ပြီးသားဖြစ်သည်။ သခင်ယေရှုကို…

အနတ္တအမှုတွင် ဝမ်းမြောက်ခြင်းကို ရှာတွေ့ခြင်း

I like Boring Things (ငြီးငွေ့ဖွယ်အရာကို ကြိုက်သည်) ဟူသည့် ဘလော့ဂ်ကို ဖန်တီးသူ James Ward (ဂျိမ်းစ်ဝါ့ဒ်)သည် ၂၀၁၀ ခုနှစ်က "ငြီးငွေ့ဖွယ်ကွန်ဖရင့်" အစီအစဥ်တစ်ခုကို ကျင်းပခဲ့သည်။ ၎င်းသည် စိတ်ဝင်စားဖွယ်မကောင်းသော၊ သာမန်အရာ၊ သတိမပြုမိသောအရာများကို တစ်ရက်တာဖော်ပြခြင်းဖြစ်သည်။ ယခင်က ဟောပြောသူများက နှာချေသံ၊ စက်သံနှင့် ၁၉၉၉ ခုနှစ်ထုတ် ကွန်ပြူတာသုံး မင်ပုံနှိပ်စက်သံ စသည့်အဓိပ္ပာယ်မရှိသည့်ပုံပေါ်သည့် အကြောင်းအရာများကို ဟောပြောကြသည်။ ခေါင်းစဥ်ကြည့်လိုက်သည်နှင့် ငြီးငွေ့စရာဖြစ်မှန်း ဝါ့ဒ် သိသော်လည်း ဟောပြောသူများက စိတ်ဝင်စားစရာမကောင်းသည့် ခေါင်းစဥ်ကို စိတ်ဝင်စားဖွယ် အဓိပ္ပာယ်ရှိရှိနှင့် ပျော်ရွှင်ဖွယ်ဖြစ်အောင် ဟောပြောနိုင်ကြသည်။

ရှေးနှစ်ထောင်ပေါင်းများစွာက ပညာအရှိဆုံးဘုရင် ရှောလမုန်မင်းသည် အဓိပ္ပာယ်မဲ့၍အနတ္တဖြစ်သောအရာများနောက်လိုက်ပြီး ဝမ်းမြောက်မှုကိုရှာခဲ့သည်။ အလုပ်အကိုင်၌၊ တိရိစ္ဆာန်၊ စည်းစိမ်နှင့် သီချင်းသည်များ စုဆောင်းပိုင်ဆိုင်ခြင်း၌၊ အဆောက်အဦများ တည်ဆောက်ခြင်း၌ ရှာဖွေသည် (ဒေ ၂:၄-၉)။ အမှုအချို့က…

မိုးရွာသောနေ့များ

အမေရိကန်နိုင်ငံ၊ တင်နစီပြည်နယ်၌ ကိုဗစ်-၁၉ ကူးစက်မှုကို ဟန့်တားရန်ကြိုးစားမှုအနေဖြင့် လုပ်ငန်းငယ်လေးများကို ရပ်ဆိုင်းလိုက်ရသောအခါ လုပ်ငန်းရှင်များက သူတို့၏ ဝန်ထမ်းများကို မည်သို့စောင်မရမည်၊ ဆိုင်ခန်းငှားခများကို မည်သို့ဖြေရှင်းရမည်၊ ဤကပ်ဘေးအတွင်း မည်သို့ရှင်သန်ရုန်းကန်ကြရမည် စသည်ဖြင့် ပူပန်ခဲ့ကြသည်။ သူတို့၏သောကကို စာနာသိမှတ်လျက် နာ့ရှ်ဗေးလ်ဒေသမှ သင်းအုပ်တစ်ပါးက ရုန်းကန်နေရသည့်လုပ်ငန်းရှင်များအား ငွေကြေးထောက်ပံ့ပေးခဲ့သည်။

"လူတစ်ယောက်က မိုးရေထဲမှာ ကြွက်စုတ်ဖြစ်နေတဲ့အချိန်မှာ မိုးရာသီ ရံပုံငွေ ပေါ်ထိုင်ပြီး ကျွန်တော်တို့ မနေနိုင်ပါဘူး" ဟု ဆရာက ရှင်းပြပြီး အခြားသော အသင်းတော်များလည်း ပူးပေါင်းပါဝင်ကူညီကြရန် တိုက်တွန်းခဲ့သည်။

မိုးရာသီရံပုံငွေဆိုသည်မှာ အချိန်အတိုင်းအတာတစ်ခုထိ သာမန်ဝင်ငွေ ကျဆင်းသွားပြီး လုပ်ငန်း ဆက်လက်ပုံမှန်လည်ပတ်ရန်ရှိနေသည့် အခြေအနေအတွက် ဖယ်ထားသည့်ငွေဖြစ်သည်။ မိမိအတွက်သာ အရင်ကြည့်တတ်ခြင်းက သဘာဝကျသော်လည်း မိမိ၏လိုအပ်မှုထက်ကျော်ကြည့်ရန်၊ အခြားသူကို အစေခံနိုင်မည့် နည်းလမ်းများရှာကြံရန်၊ ရက်ရောသောစေတနာစိတ်ကို လေ့ကျင့် ပျိုးထောင်ရန် သမ္မာကျမ်းစာမှ တိုက်တွန်းအား‌ပေးထားပါသည်။ သုတ္တံကျမ်း အခန်းကြီး…