ဒီအိမ်ကို ဖြိုဖျက်ကြ

မစ်ရှီဂန်ပြည်နယ် ပွန်ထိရက်ဒေသရှိ အဆောက်အဦများဖြိုဖျက်သည့်ကုမ္ပဏီ တစ်ခုသည် အဆောက်အဦတစ်ခုကို မှားပြီးဖြိုချမိသည်။ ဖြိုချရန်စာရင်းဝင်သော အိမ်၏ပိုင်ရှင်မှာ အိမ်ဖြိုချမခံရအောင် သူ့အိမ်နံပါတ်ကို အိမ်နီးချင်း၏အိမ်၌ သွားရိုက်ထားသည်ဟု စုံစမ်းရေးမှူးများက ယူဆကြသည်။

သခင်ယေရှုကတော့ ဆန့်ကျင်ဘက်ပါ။ လူအများအကျိုးအတွက် သူ့ကိုယ်ပိုင် အိမ်ဖြိုချမည့်စေစားမှုကို သူခွင့်ပြုခဲ့သည်။ ထိုမြင်ကွင်းကို မြင်ယောင် ကြည့်ပါ။ ရှင်ယေရှု၏တပည့်တော်များအပါအဝင် လူတို့စိတ်ရှုပ်ထွေးလိုက်မည်ဖြစ်ခြင်း။ “ဤဗိမာန်တော်ကိုဖြိုဖျက်ကြလော့။ သုံးရက်အတွင်းတွင် ငါတည်ဆောက်မည်” ဟု (ယော ၂:၁၉) သခင်ယေရှုပြောပြီး ဘာသာရေးခေါင်းဆောင်များကို သူစိန်ခေါ်သည့်အခါ တပည့်တော်တို့ တစ်ယောက်မျက်နှာ တစ်ယောက်ကြည့်လိုက်ကြလိမ့်မည်။ ထိုခေါင်းဆောင်များကလည်း “အနှစ်လေးဆယ်ခြောက်နှစ်ပတ်လုံး ဤဗိမာန်တော်ကို တည်ဆောက်ကြ၏။ သင်မူကား သုံးရက်တည်းနှင့် တည်ဆောက်မည်လော”(:၂၀) ဟု စိတ်ဆိုးမာန်ဆိုး ပြန်ပက်ကြသည်။ သို့သော် သခင်ယေရှုက သူ၏ကိုယ်ခန္ဓာဗိမာန်တော်အား ရည်ညွှန်းပြောနေပြီး(:၂၁) ၎င်းတို့က ယင်းကို မသိပါ။

ကျွန်ုပ်တို့ မိမိကိုယ်နှင့် အချင်းချင်းတစ်ဦးနှင့်တစ်ဦးကို ထိခိုက်နာကျင်အောင် လုပ်ဆောင်နေမှုများက နောက်ဆုံး…

ရည်ရွယ်ချက်ဖြင့် အပန်းဖြေခြင်း

ရာမက်ချ်သည် အခြားသူများအား သခင်ယေရှုအကြောင်းပြောရခြင်းကို နှစ်သက် သည်။ သူ့လုပ်ဖော်ဆောင်ဖက်များအား ရဲရင့်စွာပြောပြသည်။ တစ်လ တစ်ကြိမ် စနေ၊ တနင်္ဂနွေပိတ်ရက်တိုင်း သူ့ရွာသို့ပြန်ကာ တစ်အိမ်တက်တစ်အိမ်ဆင်း ဧဝံဂေလိတရားဟောပြောသည်။ အထူးသဖြင့် အနားယူရန်အချိန်ယူခြင်း၏ တန်ဖိုးကို သူသိသွားသည့်အတွက် သူ့စိတ်အားထက်သန်မှုက ကူးစက်သွားသည်။

ယခင်က စနေတနင်္ဂနွေညနေပိုင်းအချိန်ကို ဧဝံဂေလိပြောကြားရန် ရာမက်ချ် အသုံးပြုသည်။ သူအပြင်သွားသည့်အခါ သူ့ဇနီးနှင့်ကလေးများက သူ့ကိုအောက်မေ့ပြီး သူတို့အနီးအပါး၌ရှိချိန်ဆိုလျှင် ရာမက်ချ် မောပန်းနေသည်ကိုသာ တွေ့ကြရသည်။ အချိန်တိုင်း၊ စကားတိုင်းအကျိုးရှိအောင်လုပ်ရန် သူလိုလားခဲ့သည်။ ပေါ့ပေါ့ပါးပါးဂိမ်းကစားခြင်းနှင့် စကားစမြည်ပြောခြင်းကို သူ မကြည်နူးနိုင်။ ရာမက်ချ် ခမျာ အကြပ်ရိုက်နေခဲ့သည်။

သူ့ဇနီး၏ရိုးသားပွင့်လင်းသောအပြော၊ မိတ်ဆွေများ၏အကြံပေးမှုနှင့် သိပ်မထင်ရှားသော ကျမ်းပိုဒ်အချို့ကြောင့် သူ၏ဟန်ချက်မညီဖြစ်ခြင်းမှ လန့်နိုး လာခဲ့သည်။ သုတ္တံ ၃၀ ၌ ပုရွက်ဆိတ်၊ ရှာဖန်ယုန်နှင့် ကျိုင်းကောင်စ‌သော အရေးမပါသည့်သတ္တဝါများအကြောင်း ပြောထားသည်။ အိမ်မြှောင်ကို လက်ဖြင့်ဖမ်းနိုင်သော်လည်း ၎င်းသည်…

သစ်ပင်များကိုအားပေးနှစ်သိမ့်သူ

အချို့က သူ့ကို “သစ်ပင်များကို အားပေးနှစ်သိမ့်သူ” (tree whisperer) ဟု ခေါ်ကြသည်။ စင်စစ် တိုနီရီနောဒို(Tony Rinaudo)သည် ဝေါဗွီးရှင်း-သြစတြေးလျ မှ သစ်တောစိုက်ပျိုးသူဖြစ်သည်။ သူသည် ဆာဟာရကန္တာရ တောင်ပိုင်း၊ အာဖရိက ဆာဟဲနယ်တစ်လျှောက် သစ်တောပြုန်းတီးခြင်းကိုကာကွယ်ပြီး ပြန်လည် စိမ်းလန်းစိုပြေရန် နှစ်ပေါင်း ၃၀ ကြိုးစားအားထုတ်ခြင်းအားဖြင့် ခရစ်တော်အကြောင်း ဝေငှခဲ့သော သာသနာပြုနှင့် စိုက်ပျိုးရေးပညာရှင်ဖြစ်သည်။

သေးညှက်နေသော “အပင်ပုများ” သည် အမှန်တွင် ကြီးထွားမှုတန့်နေသော သစ်ပင်များဖြစ်ကြောင်း သူသိသဖြင့် အကိုင်းချိုင်၊ ပြုစုလျက် ရေလောင်းပေး ခဲ့သည်။ သူ့လုပ်ဆောင်ချက်က ထောင်ပေါင်းများစွာသောလယ်သမားများ အတွက် လှုံ့ဆော်မှုဖြစ်ခဲ့ပြီး သူတို့သည် အနီးအနားရှိ သစ်တောများကို ထိန်းသိမ်းခြင်း၊ မြေဆီလွှာပြုန်းတီးမှုကို ပြုပြင်ခြင်းအားဖြင့် စိုက်ပျိုးမရသည့် သူတို့၏လယ်ယာမြေများ ပြန်ကောင်းလာအောင် ဆောင်ရွက်နိုင်ခဲ့သည်။ ဥပမာ - နိုင်ဂါရှိလယ်သမားများသည် သီးနှံနှစ်ဆထွက်ရှိပြီး ဝင်ငွေနှစ်ဆရသဖြင့် တစ်နှစ်လျှင်…

ဘုရားသခင်သည် အရာခပ်သိမ်းကို ကြားတော်မူ၏

သမိုင်း၌ စာပို့စနစ်နှောင့်နှေးကြန့်ကြာမှု အကြာဆုံးစံချိန်မှာ ၈၉ နှစ် ဖြစ်သည်။ ယူကေရှိ အိမ်ပိုင်ရှင်တစ်ဦးသည် သူ့အိမ်၌နေထိုင်ခဲ့သော ယခင်အိမ်ပိုင်ရှင်ထံသို့ ပါတီပွဲတက်ရောက်ရန် ၁၉၁၉ ခုနှစ်က ပေးပို့သောဖိတ်စာကို ၂၀၀၈ ခုနှစ်မှ သူရရှိ ခဲ့သည်။ တော်ဝင်စာပို့စနစ်ဖြင့်ပို့သည်ဟူသောမှတ်ချက်ဖြင့် စာတိုက်ပုံးထဲထည့်ခဲ့သော်လည်း အဘယ်ကြောင့် ထိုမျှကြန့်ကြာခဲ့ရသနည်း။ ပဟေဠိဆန်လှသည်။

ဆက်သွယ်ရေးကဏ္ဍ၌ လူသားတို့၏အကောင်းဆုံးအားထုတ်မှုပင်လျှင် တစ်ခါတစ်ရံ စိတ်ပျက်စရာဖြစ်သည်။ သို့သော် ဘုရားသခင်သည် သစ္စာတည်သည့် သူ့လူများ၏စကားကို မပျက်ကွက်ကြားနာသည်ဟု သမ္မာကျမ်းစာက ရှင်းလင်းစွာ ဖော်ပြထားသည်။ ၃ ရာ ၁၈ တွင် ဧလိယသည် ဗာလဘုရားနှင့် ယေဟောဝါဘုရား ၏ကွဲပြားခြားနားချက်ကို ပေါ်လွင်စွာသရုပ်ပြခဲ့သည်။ ဗာလပရောဖက်များက နာရီကြာမြင့်စွာ ဆုတောင်းပြီးနောက် မည်သူက ဘုရားအစစ်အမှန်ဖြစ်သည်ကို ဖော်ပြရာတွင် ဧလိယက “ကျယ်သောအသံနှင့် ဟစ်ကြလော့။ ... ဗာလသည် ဘုရား ဖြစ်တော်မူ၏။ ဆင်ခြင်လျက်နေတော်မူ၏။ ...တစ်စုံတစ်ခုကို လိုက်၍ရှာတော်မူ၏။…

တာကိုမက္ကဆီကန်အသားလိပ်မုန့်နှင့်ညီမျှသော

အက်ရှ်တန်နှင့် အော်စတင်ဆင်မြူရယ်ဆန် ညီအစ်ကိုတို့သည် ရှင်ယေရှုကို အစေခံရန် ပြင်းပြသောဆန္ဒတို့ဖြင့် ခရစ်ယာန်ကောလိပ်တက်ပြီး ဘွဲ့ရခဲ့ကြသည်။ သို့သော် သမားရိုးကျအသင်းတော်၌အမှုတော်ဆောင်ရန် နှစ်ဉီးစလုံး စိတ်မပါ။ လောကကြီးထဲအမှုတော်ဆောင်ခြင်းဆိုလျှင် သူတို့ဆန္ဒနှင့်လုံးဝကွက်တိ။ သို့နှင့် ကလေးများ အစာငတ်မွတ်ခြင်း‌ဘေးကို တိုက်ဖျက်ရန် သူတို့ဝန်တာရှိခြင်းနှင့် ဘုရားပေးသော စီးပွားရေးစွမ်းရည်များတို့ကို ပေါင်းစပ်ပြီး ၂၀၁၄ ခုနှစ်တွင် တာကိုမက္ကဆီကန် အသားလိပ်မုန့်ရောင်းသော စားသောက်ဆိုင်ဖွင့်ခဲ့သည်။ သို့သော် အခြားဆိုင်များနှင့်မတူပါ။ ‘တစ်ခုဝယ် တစ်ခုပေး’ စနစ်ဖြင့် သူတို့လုပ်ငန်း လည်ပတ်ခဲ့သည်။ မုန့်တစ်ပွဲ ဝယ်ယူတိုင်း ရရှိသောငွေဖြင့် အာဟာရချို့တဲ့သော ကလေး များအတွက် အထူးအာဟာရဖြည့်စွက်အစာတစ်နပ် ထောက်ပံ့ပေးသည်။ ယနေ့ ထိတိုင် နိုင်ငံပေါင်း ၆၀ ကျော်သို့ သူတို့ ပေးလှူနေဆဲဖြစ်သည်။ ကလေးများ ငတ်မွတ်ခြင်းဘေးကို အဆုံးသတ်ရန် တစ်စိတ်တစ်ဒေသပါဝင်သည့်အနေဖြင့် တစ်ကြိမ်လျှင် တာကိုတစ်ပွဲမှာ သူတို့၏ပန်းတိုင်ဖြစ်သည်။

မဿဲ ၁၀ ရှိ သခင်ယေရှု၏စကားက…

တုတ်ချောင်းများ၊ အုတ်ခဲများနှင့် ဘုရားသခင်

နောက်တစ်ဆင့်ဘာလုပ်ရမည်၊ ဘုရားသခင် ဘာစေစားမည်နည်းဟု ဆုတောင်း ပြီးနောက် မြို့ပြအချက်အချာနေရာသို့ ပြောင်းရွှေ့ရန်မှာ သူတို့ လုပ်ဆောင်ရမည့် အရာဖြစ်ကြောင်း မာခ့်နှင့် နီနာတို့ ဆုံးဖြတ်ခဲ့ကြသည်။ သူတို့သည် အိမ်အလွတ် တစ်လုံးကို ဝယ်ခဲ့ကြပြီး၊ ပြင်ဆင်မွမ်းမံမှုကို ဆောင်ရွက်နေစဉ် မုန်တိုင်း တိုက်ခတ် ခဲ့သည်။ “ဒီမနက် အံ့ဩစရာကြုံခဲ့ရတယ်။ ဂျက်ဖာဆင်မြို့တော်မှာ လေဆင်နှာမောင်းတိုက်ခဲ့ပြီး၊ ငါတို့ရဲ့ပြင်ဆင်မွမ်းမံမှုတွေကို တုတ်ချောင်း တွေ၊ အုတ်ခဲတွေဖြစ်အောင် လုပ်ပစ်လိုက်တယ်။ ဘုရားသခင် တစ်ခုခုလုပ် နေတယ်” ဟု မာခ့်က ကျွန်တော့်ထံ စာတိုလေးတစ်စောင် ပို့ခဲ့သည်။

ဘဝ၌ မထိန်းချုပ်နိုင်သောမုန်တိုင်းများသာ ကျွန်တော်တို့ကို အံ့ဩစေလျက် စိတ်ရှုပ်ထွေးစေသည်မဟုတ်ပါ။ ကြမ္မာဆိုးများအလယ်တွင် ဘုရားသခင်ကို မျက်ခြေမပြတ်သွားရန်မှာ ဘဝရှင်သန်နိုင်ရေး၏သော့ချက်ဖြစ်သည်။

ယောဘအသက်တာ၏ဆိုးရွားသောရာသီတွင် အိမ်နှင့်သားသမီးများ ဆုံးရှုံးခဲ့ရခြင်းသည်(၁:၁၉)။ သူရင်ဆိုင်ခဲ့ရသော အံ့သြတုန်လှုပ်ဖွယ်ရာများ အနက် တစ်ခုသာဖြစ်သည်။ ထိုမတိုင်မီ သတင်းဆိုးများ ယူဆောင်လာသော စေတမန်သုံးဦး ရောက်လာခဲ့ပြီးဖြစ်သည်…

လူတိုင်းဦးဆောင်လမ်းပြသူကို လိုအပ်သည်

ကြီးကြပ်ရေးမှူးအသစ်၏ရုံးခန်းအတွင်းသို့ ဝင်ရောက်စဉ် သတိကြီးစွာထား လျက်၊ ထိတ်လန့်တုန်လှုပ်သည့်ခံစားချက်ကို ကျွန်မခံစားရသည်။ ယခင် ကြီးကြပ်ရေးမှူးသည် ကျွန်မတို့ဌာနအပေါ် ကြမ်းတမ်းခက်ထန်စွာ မညှာမတာ ဆက်ခံခဲ့သောကြောင့် ကျွန်မနှင့် အခြားသူတို့ မကြာခဏ မျက်ရည်ကျခဲ့ရသည်။ “ယခုကြီးကြပ်ရေးမှုအသစ်က ဘယ်လိုလူမျိုးဖြစ်မလဲ”ဟု တွေးမိသည်။ ရုံးခန်း ထဲသို့ရောက်သော် သူက ကျွန်မကို နွေးထွေးစွာကြိုဆိုပြီး၊ ကျွန်မအကြောင်းနှင့် ပြဿနာများအကြောင်း ပြောပြခိုင်းသောကြောင့် ကျွန်မ၏မျက်ရည်များ လွင့်ပြယ်သွားသည်ဟုထင်ရသည်။ သူ၏ ဂရုတစိုက်နားထောင်မှု၊ ကြင်နာသော အပြုအမူ၊ နူးညံ့သောစကားများကြောင့် အမှန်ဂရုစိုက်ကြောင်း ကျွန်မသိခဲ့သည်။ ခရစ်တော်ကို ယုံကြည်သူတစ်ဦးအနေဖြင့် သူသည် ကျွန်မ၏လုပ်ငန်းခွင်မှဆရာ၊ ခွန်အားပေးသူ၊ မိတ်ဆွေတစ်ဦးဖြစ်လာခဲ့သည်။

ရှင်ပေါလုသည် “သူ၏ယုံကြည်ခြင်းအားဖြင့် သားစစ်”(တိတု ၁:၄) ဖြစ်သော တိတုအတွက် ဝိညာဉ်ရေးရာဆရာဖြစ်သည်။ အသင်းတော်တွင် တိတုထမ်းဆောင် ရသည့်ကဏ္ဍအတွက် အထောက်အကူပြု လမ်းညွှန်ချက်နှင့်မစမှုများကို တိတုထံသို့ သူရေးသောစာ၌ ညွှန်ကြားပေးသည်။ “စင်ကြယ်သောဩဝါဒနှင့် ထိုက်တန်သမျှတို့ကို ဟောပြောရန်(၂:၁)”၊…

ကုန်တင်ယာဉ်မောင်း၏လက်များ

ကြားရသည့်သတင်းကြောင့် တုန်လှုပ်မိခဲ့သည်။ ဆီးကျိတ်ကင်ဆာမှ သက်သာ ပျောက်ကင်းခဲ့ပြီး၊ ယခု အဖေသည် သရက်ရွက်ကင်ဆာကို ခံစားခဲ့ရပြန်သည်။ အခြေအနေများရှုပ်ကုန်ပြီ။ အဖေသည် နာတာရှည်ဖျားနာနေသည့် အမေ့ကို အချိန်ပြည့်ကြည့်ရှုစောင့်ရှောက်ပေးနေသူ ဖြစ်သည်။ မိဘနှစ်ဦးစလုံး ဂရုစိုက်မှု လိုအပ်လျက်ရှိပြီး၊ ရှေ့လာမည့်နေ့ရက်များကား အခက်ကြုံစရာဖြစ်သည်။

သူတို့နှင့်အတူရှိရန် လေယာဉ်ဖြင့် အိမ်ပြန်လာခဲ့ပြီးနောက်၊ တစ်ခုသော တနင်္ဂနွေနေ့တွင် မိဘများ၏အသင်းတော်သို့ တက်ရောက်ခဲ့သည်။ ဟဲမတ် ဆိုသူ သည် ကျွန်ုပ်ထံ‌‌ရောက်လာပြီး သူကူညီပေးလိုကြောင်း ပြောပြီး နှစ်ရက် အကြာတွင် စာရင်းစာရွက်တစ်ရွက်ဖြင့် သူအိမ်သို့ရောက်လာသည်။ “ဓာတ်ရောင်ခြည်ကုထုံး စတင်ရင် အစာစားဖို့ လိုလိမ့်မယ်။” “ချက်ပြုတ်ပေးမဲ့သူစာရင်းကို ကျွန်တော် စီစဉ်ပေးမယ်။ မြက်ရိတ်ဖို့ကော၊ ဒါတော့ ကျွန်တော် လုပ်နိုင်ပါတယ်။ အမှိုက်တွေကို ဘယ်နေ့လာသိမ်းလဲ” စသည်ဖြင့် စီမံသည်။ ဟဲမတ်သည် ကုန်တင်ယာဉ်မောင်းဘဝမှ အနားယူခဲ့သူဖြစ်သော်လည်း ကျွန်ုပ်တို့အတွက် ကောင်းကင်တမန် ဖြစ်ပါသည်။ အခြားသူများ၊ တစ်ကိုယ်တည်း…

ဘယ်သူ့အတွက်လဲ

ကျွန်တော်အသံထွက်အောင် ရယ်မိပါသည်။ ဓာတ်ပုံတွင် လူအုပ်ကြီးသည် မက္ကစီကန်လမ်းမပေါ်တွင် စီတန်းကာ၊ အလံများကိုဝေ့ယမ်းလျက်၊ ရောင်စုံ စက္ကူစ အမှုန်များကျဲကာ၊ ပုပ်ရဟန်းမင်းကြီးအား စောင့်ကြိုနေခဲ့ကြသည်။ လမ်းအလယ်၌ လေလွင့်ခွေးလေးတစ်ကောင်သည် လမ်းလျှောက်လာကာ၊ သူ့အား သောင်းသောင်းဖျဖျကြိုဆိုကြသည့်နှယ် ပျော်မြူးနေသည်။ ဟုတ်ပါသည်။ ဤကဲ့သို့ ပျော်စရာကောင်းသောနေ့ကို ခွေးတိုင်း ပိုင်ဆိုင်သင့်ပါသည်။

ခွေးလေးတစ်ကောင်က ဤပွဲ၏အာရုံကို ဖမ်းစားသွားခဲ့သည်မှာ ချစ်စရာ ကောင်းပါသည်။ သို့သော် အခြားသူတစ်ယောက်၏ချီးမွမ်းခြင်းကို လုယူခြင်း သည် ကျွန်တော်တို့ကို ပျက်စီးစေနိုင်သည်။ ဤအချက်ကို ဒါဝိဒ်သိသည်။ ထို့ကြောင့် သူ၏စစ်သူရဲတို့ အသက်စွန့်ကာ ခပ်လာခဲ့သောရေကိုသောက်ရန် သူငြင်းဆန်ခဲ့သည်။ တစ်စုံတစ်ယောက်သောသူသည် ဗက်လင်မြို့တံခါးနားမှာရှိသော ရေတွင်းထဲကရေကို ခပ်၍ပေးလျှင် ကောင်းလိမ့်မည်ဟု တောင့်တစိတ်နှင့် သူဆိုမိရာ၊ စစ်သူရဲသုံးယောက်တို့သည် ရန်သူ့တပ်ကို ဖျက်ဝင်ကာ ရေခပ်ပြီး သူ့ထံယူဆောင်လာခဲ့သည်။ ဒါဝိဒ်သည် သူတို့၏ စွန့်လွှတ်မှုကြောင့် စိတ်ထိခိုက်ကာ၊ ရေကိုသောက်ရန် ငြင်းဆန်ပြီး၊ ဘုရား…

မျှော်လင့်ခြင်းကို ရွေးချယ်ခြင်း

ကမ္ဘာအနှံ့အပြား နေ့တာတိုသောဆောင်းရာသီ၌ နေရောင်ခြည်ရရှိမှု အကန့်အသတ်ရှိသော ဒေသများတွင်ဖြစ်လေ့ရှိသည့် ရာသီအလိုက်စိတ်ပိုင်းဆိုင်ရာ ရောဂါ SAD စိတ်ကျဝေဒနာခံစားရသူ သန်းပေါင်းများစွာအနက် ကျွန်မသည် တစ်ဦးအပါအဝင်ဖြစ်သည်။ ရေခဲတစ်မျှ အေးခဲလှသော ဆောင်းတွင်းကျိန်စာ ဘယ်တော့မှအဆုံးမသတ်နိုင်ဟု ကြောက်စိတ်စတင်ဝင်လာစဉ် နေ့တာရှည်ပြီး ပူနွေးသောအချိန်ရောက်လာမည့် လက္ခဏာများကို အလွန်တောင့်တမိသည်။

တအိအိကျနေသောနှင်းမှုံများကိုဖောက်ပြီး ပန်းလေးများ အောင်မြင်စွာ ပွင့်လန်းနေခြင်းက နွေဦးရာသီ၏ပထမဆုံးလက္ခဏာဖြစ်သည်။ ၎င်းသည် အမှောင်မိုက်ဆုံးရာသီ၌ပင် ဘုရားသခင်၏မျှော်လင့်ခြင်းသည်လည်း ထိုးဖောက်ဝင်ရောက်လာနိုင်ကြောင်း ကျွန်မကို အစွမ်းကုန်သတိပေးနေသည်။ ဣသရေလ လူတို့ ဘုရားသခင်ကို ကျောခိုင်းသွားခဲ့စဉ်၊ ဤသို့ရှည်လျားသော၊ စိတ်ကြေကွဲဖွယ် ဆောင်းရာသီဝေဒနာကို ပရောဖက် မိက္ခာခံစားခဲ့ရသည်။ သူသည် ဤမှောင်မိုက်သော အခြေအနေကို ကြုံတွေ့ခံစားရစဉ်၊ “ဖြောင့်မတ်သောသူ တစ်ယောက်မျှ မကျန်ရစ်တော့” ဟုမြည်တမ်းခဲ့သည် (မိ ၇:၂)။

အခြေအနေများ ဆိုးရွားနေပုံပေါ်သော်လည်း၊ သူသည် မျှော်လင့်ချက်ကို မစွန့်ခဲ့ပါ။ သက်သေကို မမြင်နိုင်လည်း၊ စိတ်ပျက်ဖွယ်အခြေအနေဖြစ်လည်း ဘုရားသခင်သည်…