ကျွန်ုပ်တို့အနာဂတ်အတွက် ဘုရားရှင်၏အကူအညီ
စိတ်ပညာရှင် Meg Jay (မဂ်ဂျေး)၏အဆိုအရ ကျွန်ုပ်တို့၏စိတ်သည် မိမိတို့၏ အနာဂတ်ကိုတွေးရန် ဦးတည်နေပြီး ထိုသို့တွေးတောခြင်းသည် လုံးဝတစိမ်းဆန်သည့်အရာများကို တွေးတောခြင်းနှင့် အလားသဏ္ဌာန်တူသည်။ အဘယ့်ကြောင့်ဆိုသော် “စာနာစိတ် လိုအပ်ချက်” ဟု တစ်ခါတစ်ရံ ခေါ်ဆိုသည့် မိမိကိုယ်တိုင်ကိုယ်ကျ မသိကျွမ်းသူများကို စာနာနားလည်ရန်၊ ဂရုစိုက်ရန် ခက်ခဲနိုင်ခြင်း၊ မိမိ၏ရှေ့ရေးအနာဂတ်ကိုပင် နားလည်နိုင်ရန် ခက်ခဲခြင်းကြောင့် ဖြစ်ကောင်းဖြစ်နိုင်သည်။ ထို့ကြောင့် ဂျေးသည် သူမ၏အလုပ်တွင် လူငယ်များကို မိမိတို့၏အနာဂတ်ကို ပုံဖော်မြင်ယောင်ပြီး ထိုရည်ရွယ်ချက်အတိုင်း ဂရုတစိုက် လျှောက်လှမ်းနိုင်အောင် ကြိုးစားကူညီသည်။ ဤသို့ကူညီရာတွင် လူငယ်များ သူတို့၏အိပ်မက်နောက်သို့ လိုက်ရန်၊ ဆက်လက်ကောင်းမွန်အောင်မြင်စွာ လုပ်ဆောင်ရန် လမ်းကြောင်းပေးပြီး၊ တစ်နေ့တွင် ၎င်းတို့ဖြစ်ချင်သည့်သူများ ဖြစ်လာအောင် သူတို့လုပ်နိုင်သည့် လက်တွေ့ကျသောအစီအစဥ်များကို ဖန်တီးအကောင်အထည်ဖော်ခြင်းလည်း ပါဝင်သည်။
ဆာလံကျမ်း ၉၀ တွင် ကျွန်ုပ်တို့သည် လက်ရှိဘဝကိုသာ တွေ့မြင်နားလည်ခြင်း မဟုတ်ဘဲ အသက်တာတစ်ခုလုံးအတွက် “အကျွန်ုပ်တို့သည်…
ကယ်တင်ခြင်း၏ အံ့ဖွယ်ရာ
ဘလော့ဂါ Kevin Lynn (ကီဗင်လင်း)၏ဘဝသည် တစ်စစီ ကျိုးပဲ့ပျက်စီးခဲ့ဟန်တူသည်။ မကြာမီက ဆောင်းပါးတစ်ခုတွင် “ကျွန်တော်တကယ်ပဲ ကျွန်တော့်ခေါင်းကို သေနတ်နဲ့တေ့ခဲ့တယ်။ အဲဒီအခါမှာ သဘာဝကိုကျော်လွန်ပြီး နားမလည်နိုင်စွာ ကျွန်တော့် အခန်းထဲ၊ ကျွန်တော့်ဘဝထဲ ဘုရားသခင်ဝင်ရောက်လာခဲ့တယ်။ အဲဒီအခိုက်အတန့်မှာ ဘုရားသခင်ကိုတွေ့ရှိခဲ့တယ်ဆိုတာ အခုသိပါပြီ” ဟု သူပြန်ပြောင်းပြောပြသည်။ ဘုရားသခင်သည် လင်း၏ဘဝသို့ ဝင်ရောက်လျက် သူ့ကိုယ်ကို အဆုံးစီရင်မည့်အန္တရာယ်မှ ကာကွယ်ပေးခဲ့သည်။ သူ၏နှစ်သက်ဖွယ်တည်ရှိမှုကို လင်းအား အတည်ပြုဖော်ပြလျက် အံ့သြဖွယ်သတိပေးပြသခဲ့သည်။ လွှမ်းမိုးအားကြီးသော ဤအတွေ့အကြုံကို လင်းသည် ဖုံးကွယ်မထားဘဲ လောကကြီးသို့ ဝေမျှခဲ့သည်။ သူသည် ယူကျု့သာသနာကို တည်ထောင်ကာ သူ့ကိုယ်ပိုင်ပြောင်းလဲမှုအတွေ့အကြုံနှင့် အခြားသူများ၏ဇာတ်ကြောင်းများကို ဝေမျှလျက်ရှိပါသည်။
သခင်ယေရှု၏ နောက်တော်လိုက်မိတ်ဆွေ လာဇရုသေဆုံးသောအခါ လူအများက သခင်ယေရှုအလွန်နောက်ကျမှ ရောက်လာသည်ဟု ယူဆကြသည် (ယော ၁၁:၃၂)။ သခင်ယေရှု ရောက်မလာမီအထိ လာဇရုသည် သချိုင်းတွင်း၌ လေးရက်ပတ်လုံး ရှိနေပြီး၊…
ပညာအမြော်အမြင်ရှိစွာ ရွေးချယ်ပါ
အာကာသယာဉ်တွင် လိုက်ပါမည့်ယာဉ်မှူးများအား ဦးဆောင်မည့် အာကာသ ယာဉ်မှူး Chris Ferguson (ခရစ် ဖါဂါဆန်)သည် အပြည်ပြည်ဆိုင်ရာ အာကာသစခန်းသို့သွားရောက်ရန် ခရီးစဉ်နှင့်ပတ်သက်ပြီး ခက်ခဲစွာဆုံးဖြတ်ချမှတ်ခဲ့ရသည်။ သို့သော် ထိုဆုံးဖြတ်ချက်က အာကာသယာဉ်ဆိုင်ရာ စက်ယန္တရားများ၊ အာကာသ ယာဉ်မှူးများ၏လုံခြုံရေး စသည်တို့နှင့်ပတ်သက်ခြင်းမရှိပါ။ ထိုအချက်အလက်များအစား သူ့ဘဝ၏အရေးကြီးဆုံးကဏ္ဍဟု သူသတ်မှတ်ထားသည့် မိသားစုနှင့် ပတ်သက်သောကိစ္စအတွက် ဆုံးဖြတ်ချက်ချရခြင်းဖြစ်သည်။ သူ၏သမီးမင်္ဂလာပွဲတွင် ပါဝင်နိုင်ရန် ကမ္ဘာမြေပေါ်၌သာရှိနေရန် သူရွေးချယ်ခဲ့သည်။
ဘဝ၌ မည်သည့်အရာက ပို၍အရေးကြီးကြောင်း သုံးသပ်ရသည့် ခက်ခက်ခဲခဲ ဆုံးဖြတ်ချက်ချရသည့်အချိန်များ ရှိသည်။ အဘယ့်ကြောင့်ဆိုသော် ရွေးချယ်မှုတစ်ခုအတွက် အခြားသူတစ်ဉီးက အနစ်နာခံပေးရခြင်းကြောင့်ဖြစ်သည်။ သူ့နောက်တော်လိုက်လျှောက်ရန်ဟူသည့် ဘဝတွင် အရေးကြီးဆုံးသော ဆုံးဖြတ်ချက်နှင့်ပတ်သက်၍ သခင်ယေရှုက သူ၏တပည့်တော်များအပါအဝင် လူပရိသတ်အပေါင်းတို့အား ဤအမှန်တရားကို ပြောကြားရန် ရည်ရွယ်ခဲ့သည်။ သူ၌ ဆည်းကပ်သောတပည့်တော် ဖြစ်ရန်အတွက် “ကိုယ့်ကိုယ်ကိုယ်ငြင်းပယ်”ရန် လိုအပ်ကြောင်း မိန့်ကြားတော်မူခဲ့သည် (မာ ၈:၃၄)။ သူတို့အနေဖြင့်…
အမည်နာမ၏စွမ်းပကား
အိန္ဒိယနိုင်ငံ မွမ်ဘိုင်းမြို့တွင်းလမ်းများ၌ နေထိုင်ကျက်စားနေသော ကလေးများကို အားပေးရန်နည်းလမ်းရှာလျက် Ranjit (ရန်ဂျစ်)က သူတို့အမည်များကို သီချင်းစပ်ပေးခဲ့သည်။ သူတို့ကိုမှည့်ခေါ်သည့်၊ သူတို့အခေါ်ခံရသည့်နာမည်၏ အဓိပ္ပာယ်အတိုင်း အပြုသဘောအမှတ်တရများ ရပါစေဟုမျှော်လင့်လျက် ကလေးများအား သူတို့နာမည်တစ်ခုစီအတွက် သီးသန့်တေးသွားများကို စပ်ဆိုကာသင်ပေးခဲ့သည်။ သူတို့၏အမည်ကို ချစ်ခြင်းဖြင့်ခေါ်သံကို တစ်ခါမျှမကြားဖူးသော ထိုကလေးများအတွက် လေးစား အလေးထားခြင်းလက်ဆောင်ကို သူပေးလိုက်ခြင်းပင်ဖြစ်သည်။
သမ္မာကျမ်းစာတွင် အမည်နာမများသည် အလွန်အရေးကြီးပြီး တစ်ခါတစ်ရံနာမည်ပိုင်ရှင်၏အကျင့်စရိုက် သို့မဟုတ် အသက်တာ၏ကဏ္ဍသစ်ကို ထင်ဟပ်ဖေါ်ပြသည်။ ဥပမာ - ဘုရားသခင်သည် အာဗြံနှင့်စာရဲတို့နှင့် မေတ္တာပဋိညာဉ်ပြုစဉ် သူတို့၏နာမည်များကိုပြောင်းပေးပြီး ကိုယ်တော်သည် သူတို့၏ဘုရားဖြစ်ပြီး၊ သူတို့သည်လည်း ကိုယ်တော်၏လူမျိုးတော် ဖြစ်ကြလိမ့်မည်ဟု ကတိပြုခဲ့သည်။ “ချီးမြှောက်ခြင်းခံရသောဖခင်” ဟုအဓိပ္ပာယ်ရသည့် ‘အာဗြံ’သည် “လူမျိုးတကာတို့၏ဖခင်” ဟုအဓိပ္ပာယ်ဆောင်သော ‘အာဗြဟံ’ ဖြစ်လာသည်။ “မင်းသမီးတော်” ဟု အဓိပ္ပာယ်ရသော ‘စာရဲ’သည် “အများ၏မိခင်” ဟုအဓိပ္ပာယ်ရသော ‘စာရာ’ ဖြစ်လာသည် (က…
ဇာတ်လမ်း မပြီးသေးပါ
‘Line of Duty’ (တာဝန်ထမ်းဆောင်နေစဥ်) အမည်ရှိ ဗြိတိသျှဒရာမာဇာတ်လမ်း အဆုံးတွင် စနစ်တကျ ပြစ်မှုကျူးလွန်သည့်အဖွဲ့ကို တွန်းလှန်တိုက်ခိုက်မှု မည်သို့မည်ပုံ ဖြစ်သွားမည်ကို စောင့်ကြည့်သူဉီးရေ စံချိန်တင်ခဲ့သည်။ နောက်ဆုံး၌ ထိုလူဆိုးများ အနိုင်ရသွားသည့်အခါ ကြည့်ရှုသူအများစုသည် အလွန်စိတ်ပျက်သွားကြသည်။ “ကျွန်တော်ဖြစ်ချင်တာက လူဆိုးတွေကို တရားစီရင်ဖို့ပဲ။ သင်ခန်းစာယူလို့ရတဲ့ အဆုံးသတ်မှုကို ကျွန်တော်တို့လိုအပ်တယ်” ဟုပရိသတ်တစ်ဦးက ပြောပါသည်။
တစ်နေ့တွင် အဆိုးကိုအနိုင်ရပြီး ပြုခဲ့သည့်အပြစ်အတွက်ပြန်လည်ပေးဆပ်ရမည်ဟူသော မျှော်လင့်ချက်နှင့် တရားမျှတမှုတို့ကို ကျွန်ုပ်တို့ဆာငတ် တောင့်တကြသည်ဟု လူမှုဗေဒပညာရှင် Peter Berger (ပီတာဘာဂါ)က မှတ်ချက်ချခဲ့ဖူးသည်။ ဆိုးသွမ်းသူများအနိုင်ရနေသည့် ကမ္ဘာကြီးသည် ကျွန်ုပ်တို့မျှော်လင့်ထားသော ဖြစ်တည်သင့်သည့်ကမ္ဘာကြီးနှင့် ဆန့်ကျင်ဘက်ဖြစ်သည်။ ထိုအချက်ကိုသတိမမူမိဘဲ စိတ်ပျက်နေသော ပရိသတ်ကြီးသည် တရားမျှတပြီး စစ်မှန်သည့်လူမှုအခွင့်အရေးများနှင့် ပြည့်မည့် ကမ္ဘာလောကကြီးအား ဖော်ပြတောင်းဆိုနေကြခြင်းဖြစ်သည်။
ပတ္ထနာတော်တွင် မကောင်းမှုနှင့်ပတ်သက်၍ လက်တွေ့ကျကျပင် သခင်ယေရှု ဖော်ပြသည်။ ကျွန်ုပ်တို့အကြားတွင် ဆိုးညစ်မှုများရှိနေပြီး ခွင့်လွှတ်ခြင်း…
လူသားအချင်းချင်းကို လိုအပ်သောလူသား
ထင်ပေါ်ကျော်ဇောသည့် အားကစားသတင်းဆောင်းပါးရှင် Dave Kindred (ဒေ့ဗ် ကင်းဒြက်)သည် အထင်ကရအားကစားပွဲစဉ်များ၊ ချန်ပီယံများ၏မှတ်တမ်းများကို ရာနှင့်ချီ၍ မှတ်တမ်းပြုစုထားသူဖြစ်ပြီး မိုဟာမက်အလီ၏အတ္ထုပ္ပတ္တိကို ရေးသား ပြုစုသူလည်းဖြစ်သည်။ ထိုအလုပ်မှ သူအနားယူပြီးနောက် အလုပ်မရှိသဖြင့် ပျင်းပျင်းနှင့် ဒေသခံကျောင်းတစ်ကျောင်း၏ မိန်းကလေးဘတ်စကက်ဘောပြိုင်ပွဲသို့ သွားရောက်ကြည့်ရှုခဲ့သည်။ မကြာမီ ထိုပြိုင်ပွဲတစ်ခုစီအကြောင်းကို သူရေးသား ပြုစုပြီး အွန်လိုင်းပေါ်၌ မျှဝေခဲ့သည်။ ထို့နောက် သူ့မိခင်နှင့်မြေးယောင်္ကျားလေး ဆုံးပါးသွားပြီး သူ့ဇနီးလည်း လေဖြတ်၍ချိနဲ့နေစဉ် သူရေးနေသည့် အားကစားအသင်းသည် သူ့ကို စည်းလုံးသောအသိုင်းအဝိုင်းနှင့် ရည်ရွယ်ချက်ရှိသောအသက်တာကို သိမြင်ခံစားစေခဲ့သည်။ သူတို့ သူ့ကိုလိုအပ်သကဲ့သို့ သူကလည်း သူတို့ကို လိုအပ်ခဲ့သည်။ “ဒီအသင်းအဖွဲ့က ကျွန်တော့်ကို ကယ်ခဲ့တယ်။ ကျွန်တော့်ဘဝက မှောင်မိုက်အတိဖြစ်ချိန်မှာ သူတို့က အလင်းဖြစ်တယ်”ဟု ကင်းဒြက် ပြောခဲ့သည်။
အဘယ့်ကြောင့် အထင်ကရဆောင်းပါးရှင်က လူငယ်အဖွဲ့၏စုစည်းမှုအပေါ် အမှီပြုခဲ့ရသနည်း။ ထိုနည်းတူ အထင်ကရဖြစ်သည့် တမန်တော်တစ်ဦးက သူ၏ သာသနာခရီးစဉ်များတွင်…
သက်စမ်းရေ
တောင်အမေရိကတိုက်ရှိ အက်ကွေဒေါနိုင်ငံ (Ecuador)မှ ဖြတ်ထားသောပန်းစည်း ရောက်ရှိလာသည်။ ကျွန်မအိမ်သို့ရောက်ခါစက ပန်းပွင့်များသည် ခရီးဝေးပြီးပင်ပန်းမှုကြောင့် ညှိုးနွမ်းကာ ငိုက်စိုက်ကျနေသည်။ အညွှန်းတွင် ထိုပန်းများပြန်လည် လန်းဆန်းစေရန် အေးမြသောရေ တိုက်ကျွေးရမည်ဖြစ်သည်။ သို့သော် ရေမတိုက်ကျွေးမီ ပန်းပွင့်များ ရေများများရစေရန် ၎င်းတို့၏ရိုးတံများကို တိပေးရမည်။ သို့သော် ၎င်းတို့အမှန် ပြန်ရှင်သန်နိုင်မည်လော။
နောက်တစ်နေ့မနက်တွင် ကျွန်မသိချင်သည့်အဖြေကို တွေ့ပါပြီ။ အက်ကွေဒေါပန်းစည်းသည် ကျွန်မလုံးဝမထင်ထားသည့် တင့်တယ်လှပမှုနှင့် ပွဲဝင်နိုင်သည့်အင်္ဂါရပ်နှင့်ပြည့်စုံနေပါသည်။ အေးမြသောရေက တစ်မူထူးခြားမှုကို ဖြစ်စေပြီး၊ သခင်ယေရှုမိန့်ကြားသည့် သက်စမ်းရေနှင့် ယုံကြည်သူများအတွက် မည်သို့သော အဓိပ္ပာယ် သက်ရောက်မှုရှိသည်ကို သတိပေးနေသည်။
ရှမာရိအမျိုးသမီးကိုယ်တိုင် ရေတွင်းမှခပ်ပေးသည့်ရေကို သောက်သုံးရန် သခင်ယေရှု တောင်းခဲ့ပြီးနောက် သူမ၏အသက်တာကို ပြောင်းလဲစေခဲ့သည်။ ကိုယ်တော်၏တောင်းဆိုမှုအပေါ် သူမအံ့သြခဲ့သည်။ ယုဒလူမျိုးတို့သည် ရှမာရိလူမျိုးအပေါ် အထင်အမြင်သေးကြသည်။ သို့သော် သခင်ယေရှုက “ဘုရားသခင် ၏ ကျေးဇူးတော်ကိုလည်းကောင်း၊ ငါသောက်ဖို့ ရေပေးပါဟု…
မဆင်မခြင် ဆုံးဖြတ်ချက်များ
ဆယ်ကျော်သက်အရွယ်က အထက်တန်းကျောင်း ဘတ်စကတ်ဘောလေ့ကျင့်မှုအပြီး ကျွန်တော့်သူငယ်ချင်းအိမ်သို့ လိုက်လည်ရန် အရှိန်ပြင်းပြင်းနှင့် သူ့ကားကိုအမီ ကြိုးစားလိုက်မောင်းခဲ့သည်။ မိုးသည်းနေသဖြင့် သူ့ကားကိုမီရန် ခက်နေသည်။ ရုတ်တရက် ကားရေသုတ်တံက ရေစိုနေသည့်လေကာမှန်ကို ရှင်းလင်းလိုက်စဉ် သူငယ်ချင်း၏ နောက်ဖုံးဖွင့်ဆီဒင်ကားသည် ကျွန်တော့်ကားရှေ့၌ ရပ်နေသည်ကို တွေ့လိုက်ရပြီး၊ ဘရိတ်ကို ဆောင့်နင်းလိုက်သော်လည်း လမ်းချော်ကာ သစ်ပင်ကြီးတစ်ပင်ကို တိုက်မိပြီး ကျွန်တော့်ကား ပျက်စီးသွားသည်။ သည့်နောက်တွင် ဒေသခံဆေးရုံ၏ သတိမေ့မြောသူများထားရာအဆောင်၌ ကျွန်တော်နိုးလာခဲ့သည်။ ဘုရားသခင်၏ကျေးဇူးတော်ကြောင့် အသက်ရှင်ခဲ့ပြီး၊ ကျွန်တော်၏ မဆင်မခြင် လုပ်ရပ်သည် အဖိုးအခကြီးကြောင်း သက်သေပင်ဖြစ်သည်။
မောရှေ၏ မဆင်မခြင်ဆုံးဖြတ်ချက်တစ်ခုက သူ့အား အလွန်နစ်နာစေခဲ့သည်။ ၎င်း၏ညံ့ဖျင်းသောရွေးချယ်မှုတွင် (ကျွန်ုပ်ကိစ္စကဲ့သို့) ဘာမှမဟုတ်သည့် ရေမရှိခြင်းပြဿနာကြောင့်ဖြစ်သည်။ ဣသရေလလူမျိုးတို့သည် ဇိနတော၌ ရေမရှိ၍ မောရှေကို ဆန့်ကျင်ဘက်ပြု၍ စုဝေးခဲ့ကြသည် (တော၂၀:၂)။ ဘုရားသခင်သည် ခြေကုန်လက်ပန်းကျနေသော ခေါင်းဆောင်အား ကျောက်တုံးကို အမိန့်ပေးရန်၊ ထို့နောက် ကျောက်သည်…
စိတ်ကူးယဉ်ယုံကြည်မှု
“ကြည့်ပါဦးဘိုးဘိုးရယ်။ အဲဒီသစ်ပင်တွေက ဘုရားသခင်ကို ဝှေ့ယမ်းပြနေတယ်” မုန်တိုင်းမလာမီ လေထဲ၌ ကွေးညွတ်နေသည့်သစ်ပင်ငယ်များကို ကြည့်ပြီး မြေးလေး၏ စိတ်လှုပ်ရှားစူးစမ်းမှုကို ကျွန်ုပ်ပြုံးမိသည်။ မိမိကိုယ်ကိုလည်း “ငါ့မှာအဲ့လိုစိတ်ကူးယဥ်တဲ့ ယုံကြည်ခြင်းမျိုး ရှိသလား” ဟုပြန်မေးမိသည်။
မောရှေနှင့် မီးလောင်နေသောချုံပုတ်ဇာတ်လမ်းကို ဆင်ခြင်ကာ ကဗျာဆရာမ Elizabeth Barrett Browning (အဲလိဇဘက် ဘာရတ် ဘရောင်းနင်း)က “ကမ္ဘာမြေသည် ဘုရားဘုန်းနှင့်ပြည့်နှက်နေပြီး/ ချုံပင်တိုင်း၌ ဘုရားဘုန်းအလင်း ထွန်းလင်းနေလည်း/ မြင်သောသူသာ ပြပ်ဝပ်စိတ်ဖြင့် ခြေနင်းချွတ်၏” ဟုရေးခဲ့သည်။ ဘုရားသခင်ဖန်ဆင်းသည့် အံ့ဖွယ်အရာများဖြင့် ကျွန်ုပ်တို့၏ပတ်ဝန်းကျင်တွင် ဘုရားသခင်၏လက်ရာများ ထင်ရှားပေါ်လွင်နေပြီး၊ တစ်နေ့တွင်၊ မြေကြီးသစ်ကို ဖန်ဆင်းသောအခါ၊ တစ်ခါမျှမမြင်ဖူးသော အရာများကို ကျွန်ုပ်တို့မြင်ရလိမ့်မည်။
ဤနေ့ရက်အကြောင်းကို ဘုရားသခင်သည် ပရောဖက်ဟေရှာယအားဖြင့် “သင်တို့သည် ဝမ်းမြောက်သောစိတ်နှင့်ထွက်၍ ချမ်းသာစွာပို့ခြင်းကို ခံရကြလိမ့်မည်။ တောင်ကြီးတောင်ငယ်တို့သည် သင့်တို့ရှေ့မှာ သီချင်းဆိုသံနှင့် ကြွေးကြော်၍ တော၌ရှိသမျှသောအပင်တို့သည် လက်ခုတ်တီးကြလိမ့်မည်”ဟု ဖော်ပြထားသည်…
သင်ယူခြင်းနှင့် ချစ်ခြင်း
စကော့တလန်နိုင်ငံ၊ Greenock (ဂရင်းနော့ခ်)မြို့ရှိ မူလတန်းကျောင်းတွင် မီးဖွား ခွင့်ယူထားသည့် ဆရာမသုံးဦးသည် သူတို့၏ လသားအရွယ်ကလေးငယ်များကို ကျောင်းသူကျောင်းသားများနှင့် ထိတွေ့ဆက်ဆံရန် နှစ်ပတ်တစ်ကြိမ် ကျောင်းသို့အမြဲ ခေါ်ဆောင်ခဲ့သည်။ လသားကလေးနှင့်ကစားချိန်က ကလေးသူငယ်များအား စာနာတတ်ရန် (သို့) အခြားသူများအား ဂရုပြုသည့် ခံစားချက်ကိုရရှိရန် သင်ပေးသည်။ ဆရာမတစ်ဉီးပြောသကဲ့သို့ အများအားဖြင့် သင်ကြားမှုပိုင်း၌ “အနည်းငယ်ခက်ခဲမှု”ရှိသည့်ကျောင်းသားများမှာ ၎င်းကို လက်ခံရန် အသင့်ရှိသူများဖြစ်ပြီး“တစ်ခါတစ်ရံ ကလေးနှင့်နှစ်ယောက်တည်း သီးသန့်ရှိနေချိန်၌ ကျောင်းသားများသည် ပို၍ တုံ့ပြန်တတ်ကြသည်။” “ကလေးငယ်တစ်ဦးကို ပြုစုစောင့်ရှောက်ရန် မည်မျှကြိုးစားအားထုတ်သည်”ကို သူတို့သင်ယူရသည်။ “အချင်းချင်း၏ခံစားချက်ကို သူတို့ ပို၍ သိရှိသည်”ဟု ပြောပါသည်။
အခြားသူများကို ဂရုပြုရန် မွေးကင်းစကလေးထံမှသင်ယူခြင်းသည် ရှင်ယေရှုကို ယုံကြည်သူများအတွက် အဆန်း မဟုတ်ပေ။ သူငယ်တော်ယေရှုအဖြစ် ကြွလာသောအရှင်ကို ကျွန်ုပ်တို့သိသည်။ သူ၏မွေးဖွားလာခြင်းသည် အချင်းချင်းဂရုပြုသော ဆက်ဆံရေးနှင့်ပတ်သက်၍ ကျွန်ုပ်တို့နားလည်ထားသော အရာအားလုံးကို ပြောင်းလဲခဲ့သည်။ ခရစ်တော်မွေးဖွားခြင်းကို…