အတွင်းမှ လှိုက်ပြိုပျက်စီးနေခြင်း

ကျွန်မ ဆယ်ကျော်သက်အရွယ်က အမေသည် ဧည့်ခန်းနံရံပေါ်၌ နှစ်အတော်တန်ကြာအောင် စွဲထင်နေသော နံရံဆေးပန်းချီတစ်ခု ရေးဆွဲခဲ့သည်။ ဘေးတစ်ဘက် တစ်ချက်တွင် ပြိုလဲနေသော ကျောက်တိုင်များ၊ ကြွေမွနေသော အုတ်မြစ်များ၊ ကျိုးပဲ့နေသောရုပ်တုများနှင့် ပျက်စီးနေသော ဂရိဘုရားကျောင်းပုံဖြစ်သည်။ တစ်ချိန်က ခမ်းနားထည်ဝါစွာ လှပခဲ့သော Hellenistic (ဘီစီ ၄ရာစုမှ ၁ရာစုနှစ်က ဂရိစာပေနှင့် ယဉ်ကျေးမှုဆိုင်ရာ) ဗိသုကာလက်ရာများကို ကြည့်ရင်း ၎င်းတို့ကိုအဘယ်အရာက ဖျက်ဆီးပစ်သနည်းဟု မြင်ယောင်တွေးကြည့်မိသည်။ အထူးသဖြင့် တစ်ခေတ်တစ်ခါက အရှိန်အဝါဖြင့် ကြီးကျယ်ခမ်းနားခဲ့သော ယဥ်ကျေးမှု၏ပြိုကျပျက်စီးမှုအဖြစ်ဆိုးသည် 'အတွင်းမှလှိုက်စားခြင်းကြောင့်' ဟု စတင်လေ့လာရသောအခါ ကျွန်မ၏သိချင်စိတ်ပိုတိုးလာတော့သည်။

ယနေ့ ကျွန်မတို့၏ဝန်းကျင်၌ တွေ့မြင်နေရသော ညစ်ညမ်းသောအပြစ်ဒုစရိုက်များ၊ အပျက်အစီးများက စိတ်ပျက်စရာ ကောင်းလှသည်။ ဘုရားသခင်ကိုငြင်းပယ်နေသောလူမျိုးနှင့် တိုင်းနိုင်ငံများကြောင့် ထိုသို့ ဖြစ်နေရကြောင်း လက်ညိုးထိုးကာ ကြိုးစားပြီး ရှင်းပြနေခြင်းက သဘာဝကျပါသည်။ သို့သော် မိမိအတွင်းပိုင်းကို ကျွန်ုပ်တို့စစ်ဆေးရန် မလိုအပ်ပေဘူးလား။ မိမိ၏နှလုံးသားကို…

စွန့်လွှတ်အနစ်နာခံရမည့်အချိန်

၂၀၂၀ခုနှစ်၊ ဖေဖော်ဝါရီလ၊ ကိုဗစ်-၁၉ ကပ်ရောဂါစစဖြစ်ချင်းတွင် သတင်းရေးသူတစ်ဉီး၏စိုးရိမ်မှုက ကျွန်ုပ်ကိုလည်း ရိုက်ခတ်ခဲ့သည်။ အခြားသူများကို ရောဂါ မကူးစက်ရန် အခြားသူများနှင့်ခပ်ခွာခွာနေပြီး အလုပ်လုပ်ခြင်း၊ ခရီးသွားခြင်း၊ စျေးဝယ်ထွက်ခြင်းပုံစံတို့ကို ပြောင်းလဲရန် ကျွန်ုပ်တို့လိုလိုလားလားရှိပါမည်လား။ "ဤအရာက ဆေးဝါးကုသမှုအတွက် စစ်တမ်းကောက်နေခြင်း မဟုတ်ဘဲ သူတစ်ပါးအကျိုးအတွက် မိမိကိုယ်ကိုငြင်းပယ်ကာ အနစ်နာခံလိုသောစိတ်ပင် ဖြစ်သည်" ဟုသူမ ရေးသားခဲ့သည်။ ရုတ်ခြည်းပင် စာနာတတ်သော အကျင့်တရားလိုအပ်မှုသည် သတင်းစာ၏ခေါင်းကြီးပိုင်း မျက်နှာဖုံးသတင်းဖြစ်လာပါတော့သည်။

မိမိ၏လိုအပ်မှုအတွက် စိုးရိမ်ကြောင့်ကြနေလျှင် အခြားသူ၏လိုအပ်မှုကို စဥ်းစားပေးရန် လွယ်ကူမည်မဟုတ်ပါ။ လိုအပ်မှုကို မစထောက်ပံ့ရန်အတွက် ကျွန်ုပ်တို့၌ စိတ်စွမ်းအားတစ်ခုတည်းသာ ရှိသည်မဟုတ်သောကြောင့် ကျေးဇူးတင်ရမည်။ ဥပက္ခာပြုသည့်စိတ်ကိုပြောင်းလဲပေးမည့် 'ချစ်ခြင်း'၊ ဝမ်းနည်းခြင်းကို တုံ့ပြန်ပေးမည့် 'ဝမ်းမြောက်ခြင်း'၊ စိုးရိမ်မှု၌ အစားထိုးဝင်လာမည့် 'ငြိမ်သက်ခြင်း'၊ စိတ်လိုက်မာန်ပါဖြစ်ခြင်းကို တွန်းလှန်ပေးမည့်'သည်းခံစိတ်ရှည်ခြင်း'၊ တစ်ပါးသူကို 'ကရုဏာပြကျေးဇူးပြုခြင်း'၊ လိုအပ်မှုကိုမြင်သော 'ကောင်းမြတ်ခြင်း'၊ မိမိ၏ကတိကို တည်စေသော 'သစ္စာ'၊ ခက်ထန်တင်းမာမှုကို…

စကားပြောရမည့်အချိန်

အာဖရိကန်-အမေရိကန်အမျိုးသမီးတစ်ဦးသည် ကမ္ဘာလုံးဆိုင်ရာအမှုတော် သာသနာလုပ်ငန်းတွင် နှစ်ပေါင်း-၃၀တိုင် သစ္စာရှိစွာ ပါဝင်အမှုတော်ဆောင်ခဲ့ သည်။ သို့သော် လူမျိုးရေးမတရားမှုနှင့်ပတ်သက်ပြီး လုပ်ဖော်ဆောင်ဘက်တို့နှင့် ဆွေးနွေးရန် ကြိုးစားတိုင်း တုံ့ပြန်မှုကို မရခဲ့ပါ။ နောက်ဆုံး လူမျိုးရေးခွဲခြားမှုဝါဒကို ပွင့်လင်း မြင်သာစွာ ဆွေးနွေးမှုများ ကမ္ဘာနှင့်အဝန်း ကျယ်ပြန့်စွာ ဖြစ်ပေါ်လာသော ၂၀၂၀ နွေဦးတွင် သူမ၏သာသနာကွင်းမှ မိတ်ဆွေများသည် ပွင့်လင်းစွာ ဆွေးနွေးမှုအချို့ စတင်ပြုလုပ်လာတော့သည်။ ရှုပ်ထွေးနေသောခံစားမှု၊ နာကျင်မှုများဖြင့် ထိုစကားဝိုင်း အစပျိုးလာသည်ကို ကျေးဇူးတင်မိသော်လည်း သူမ၏ လုပ်ဖော်ေဆောင်ဘက်များသည် ထိုကိစ္စကို ထုတ်ဖော်ပြောကြားရန်၊ ရပ်တည်ပေးရန် အဘယ်ကြောင့် ထိုမျှအချိန်ကြာခဲ့ရသနည်းဟု အတွေးဝင်မိပါသည်။

အချို့သောအခြေအနေများတွင် နှုတ်ဆိတ်နေခြင်းက ဆောင်သင့်သောသီလတစ်ခုဖြစ်နိုင်ပါသည်။ ဒေသနာကျမ်းတွင် ရှောလမုန်မင်းကြီး ရေးသားသကဲ့သို့ "ခပ်သိမ်းသောအမှုအရာတို့သည် မိမိတို့အချိန်ရှိ၏။ .... တိတ်ဆိတ်စွာနေရသော အချိန်နှင့် စကားပြောရသောအချိန်လည်းရှိ၏" (ဒေ ၃:၁၊ ၇)။

သို့သော် တစ်ယူသန်သဘောထားနှင့် မတရားသောအမှုများကို…

ဝိညာဥ်တော်ပြသည့် ထိုးထွင်းအမြင်

ပြင်သစ်စစ်သားသည် သဲကန္တာရထဲတွင် အခြေချစခန်း ခံတပ်တည်ဆောက်ရန် မြေတူးနေစဥ် အရေးပါသောအရာကို ရှာဖွေတွေ့ရှိမည်ဟု မတွေးမိပါ။ သဲများကို ဂေါ်ဖြင့်တစ်ဂေါ်ပြီးတစ်ဂေါ် ကော်ပြီးနောက် ကျောက်တုံးတစ်တုံးကို တွေ့လိုက်သည်။ သာမန်ကျောက်တုံးတော့မဟုတ်ပါ။ ဘာသာစကားသုံးမျိုးဖြင့် ရေးထားသော King Ptolemy V (ပဥ္စမမြောက်ထောလမီဘုရင်)က သူ၏ဘုန်းတော်ကြီးများနှင့် လူများအတွက် ပြုသောကောင်းကျိုးများ၏ စာရင်းပါရှိသော Rosetta (ရိုဆက်တာ)ကျောက်တုံးကြီး ဖြစ်သည်။ ယခုအခါ ဗြိတိသျှပြတိုက်တွင် ပြသထားသော ယင်းကျောက်တုံးသည် ၁၉ ရာစု၏ ရှေးဟောင်းသုတေသနဆိုင်ရာ အရေးပါဆုံးသောတွေ့ရှိမှု တစ်ခုဖြစ်သည်။ ပုံဖြင့် သရုပ်ဖော်ရေးဆွဲသော Hieroglyphics (အရုပ်စာ)ဟုထင်ရှားသည့် ရှေးဟောင်းအီဂျစ်စာ အရေးအသား ၏ နက်နဲ ရှုပ်ထွေးမှုကို ဖော်ထုတ်ရာ၌ ထိုတွေ့ရှိမှုက အထောက်အကူဖြစ်ခဲ့သည်။

လူများစွာအတွက် နှုတ်ကပတ်ကျမ်းစာသည် နားမလည်နိုင်၊ လျှို့ဝှက်နက်နဲ သောအရာဖြစ်သည်။ သခင်ယေရှုကားတင်သတ်ခြင်းမခံရမီညကသူ့နောက်တော်လိုက်များအား သန့်ရှင်းသောဝိညာဥ်တော်ကိုစေလွှတ်ပေးမည်ဟု မိန့်ကြားခဲ့သည်။ယေရှုက"သမ္မာတရားနှင့်ပြည့်စုံသော ထိုဝိညာဥ်တော်သည်ရောက်လာသောအခါ၊သမ္မာတရားကို သင်တို့အား အကြွင်းမဲ့ သွန်သင်ပြသလိမ့်မည်။…

ကောင်းစွာ ဘဝရှင်သန်ရာ၏

အသက်ရှင်သူများအတွက် အခမဲ့နာရေးဝန်ဆောင်မှုကို တောင်ကိုးရီးယားနိုင်ငံ၌ စတင်တည်ထောင်ခဲ့သော အဖွဲ့အစည်းတစ်ခုမှ ဆောင်ရွက်ပေးခြင်းဖြစ်သည်။ ၂၀၁၂ ခုနှစ်တွင် စတင်ခဲ့သည့်အချိန်မှစပြီး ဆယ်ကျော်သက်အရွယ်မှ အငြိမ်းစား များအထိ လူပေါင်း ၂၅,၀၀၀ ကျော်တို့သည် "ရှင်လူတို့၏နာရေး" အခမ်းအနား များတွင် ပါဝင်ခဲ့ကြပြီး မိမိကိုယ်ကို သေပြီဟုသတ်မှတ်ကာ သူတို့၏ဘဝကို တိုးတက်ပြောင်းလဲစေလိုသော မျှော်လင့်ချက်ဖြင့် ပါဝင်ကြခြင်းဖြစ်သည်။ တာဝန်ရှိသူများက "အခုလို မိမိသေပြီလို့ သတ်မှတ်ထားတဲ့ နာရေးပွဲအတုတွေဟာပါဝင်သူတွေအတွက် သူတို့ဘဝကို အမှန်အတိုင်းသိလာစေတယ်၊ ကျေးဇူးတင်တတ်လာပြီး မိသားစုနှင့် သူငယ်ချင်းများအကြား ခွင့်လွှတ်ခြင်းနဲ့ ပြန်လည် ပေါင်းစည်းခြင်းအတွက် အထောက်အမများ ဖြစ်စေတယ်" ဟု ဆိုသည်။

ဤစကားများသည် ဒေသနာဆရာရေးသားခဲ့သော ပညာစကားကို ထင်ဟပ်နေသည်။ "လူခပ်သိမ်းတို့သည် မသာအိမ်၌ လမ်းဆုံးရကြ၏။ အသက်ရှင်လျက် ရှိသောသူတို့လည်း အသင့်နှလုံးသွင်းမိကြလိမ့်မည်" (ဒေ ၇:၂)။ သေခြင်းတရား သည် ကျွန်ုပ်တို့အား ဘဝ၏တိုတောင်းလှပုံနှင့် ကျွန်ုပ်တို့ ကောင်းစွာအသက်ရှင်…

သင့်အတွက် ဘုရားသခင်၏အကြံအစည်

အဂ္ဂနက်စ်သည် သူချစ်မြတ်နိုးရသော ဆရာကတော်လည်းဖြစ်သည့် ယောက္ခမကို စံနမူနာယူပြီး သူမကိုသူမ "စုံလင်သော ဓမ္မဆရာတစ်ဉီး၏အကောင်းဆုံးဇနီး" အဖြစ် ၆ နှစ်တိုင် ကြိုးစားခဲ့သည်။ ဤ‌အနေအထားဖြင့် သူမသည် စာရေးဆရာရော၊ ပန်းချီဆရာရော မဖြစ်နိုင်ကြောင်း သူမသိနေပြီး သူမ၏ဖန်တီးမှုစွမ်းရည်များကို ထုတ်မသုံးရဘဲ မြှုပ်ထားရခြင်းကြောင့် စိတ်ဓာတ်ကျကာ မိမိကိုယ်ကို အဆုံးစီရင်ရန်အထိ စဥ်းစားခဲ့သည်။ အိမ်နီးချင်းသင်းအုပ်တစ်ဉီး၏ကူညီမစမှုအားဖြင့် ထိုအမှောင်ထဲမှ သူလွတ်မြောက်ခဲ့သည်။ ဆရာက သူနှင့်အတူဆုတောင်းပြီး နံနက်တိုင်း အချိန် ၂ နာရီ ပေးပြီး စာရေးသားရန် အလုပ်ပေးသည်။ ၎င်းသည် သူမအတွက် ဘုရားရှင်ပေးထားသော "တံဆိပ်ခတ်အပ်ထားသောအမိန့်" ဖြစ်ကြောင်း သူရှင်းလင်းစွာ သိခဲ့ရသည်။ "ကျွန်မရဲ့ဖြစ်တည်မှုအတိုင်း အရှိကိုအရှိအတိုင်းဖြစ်ဖို့ ဘုရားရှင် ကျွန်မကို ပေးသနားထားတဲ့ ဖန်တီးမှုစွမ်းရည် စီးဆင်းသွားရမဲ့လမ်းကြောင်းကို အရင်ရှာဖွေရမယ်" ဟု သူရေးခဲ့ပါသည်။

ထို့နောက်တွင် ဒါဝိဒ်ရေးစပ်သောဆာလံသီချင်းများမှ သူမဘဝအတွက် စေစားမိန့်မှာမှုကို တွေ့ရှိခဲ့ကြောင်း ဖော်ပြခဲ့သည်။…

ဘဝအတွက် အခြေခံလမ်းညွှန်

ကျွန်တော့်အမေရုတ်တရက်ကွယ်လွန်သွားပြီးနောက်တွင် အင်တာနက် ဘလော့ စရေးရန် ကျွန်တော်စိတ်အားထက်သန်ခဲ့သည်။ ကမ္ဘာပေါ်တွင် အသက်ရှင်နေရသည့် မိနစ်များကို ထူးခြားသော ဘဝအခိုက်အတန့်ဖြစ်စေရန် လူတို့ကို နိုးဆော်သောစာများကို ကျွန်တော်ရေးချင်သည်။ ထို့ကြောင့် ဘလော့ရေးနည်း အခြေခံလမ်းညွှန်ကို လေ့လာခဲ့သည်။ မည်သည့်နည်းလမ်းများ သုံးရမည်၊ မည်သို့ ခေါင်းစဥ်ရွေးချယ်ရမည်၊ စိတ်ဝင်စားဖွယ်စာများ မည်သို့ရေးရမည်ကိုလေ့လာခဲ့သည်။ ၂၀၁၆ ခုနှစ် တွင် ကျွန်တော်၏ပထမဆုံးဘလော့ စတင်မွေးဖွားခဲ့သည်။

ရှင်ပေါလုသည် ထာဝရအသက်ကို မည်သို့လက်ခံရရှိနိုင်ကြောင်း "အခြေခံ လမ်းညွှန်"ကို ရေးသားခဲ့သည်။ ရောမသြဝါဒစာ ၆:၁၆-၁၈ တွင် ကျွန်ုပ်တို့အားလုံးသည် ဘုရားသခင်ကို ဆန့်ကျင်သူ (အပြစ်သားများ)အဖြစ် မွေးဖွားခဲ့ခြင်းနှင့် သခင်ယေရှု ကျွန်ုပ်တို့ကို အပြစ်မှရွေးနုတ်ကယ်တင်သည့် သမ္မာတရားကို နှိုင်းယှဥ်ဖော်ပြ သည် (:၁၈)။ ထို့နောက် အပြစ်၏ကျေးကျွန်နှင့် ဘုရားသခင်နှင့် သခင်၏အသက်ရှင်ခြင်းတရား၏ကျွန်ဖြစ်ရခြင်း၏ ကွဲပြားမှုကို ဖော်ပြသည် (:၁၉-၂၀)။ "အပြစ်တရား၏အခကား သေခြင်း"၊ "ဘုရားသခင်ပေးတော်မူသော ဆုကျေးဇူးတော်ကား…

တည်မြဲသောစကားတော်များ

၁၉ ရာစုအဦးပိုင်းတွင် Thomas Carlyle (သောမတ်စ်ခါးလိုင်)သည် သူ့ဝတ္ထုကိုသုံးသပ်ပေးရန် အတွေးအခေါ်ပညာရှင် John Stuart Mill (ဂျွန်စတီးဝထ်မေးလ်) ထံသို့ လက်ရေးမူစာမူတစ်ခုပေးပို့ခဲ့သည်။ မတော်တဆလား၊ တမင်တကာလားမသိ၊ ထိုစာမူမှာ မီးဖိုထဲကျသွားပြီး ဖျက်ဆီးခြင်းခံခဲ့ရသည်။ ထိုစာမူသည် Carlyle ၏ တစ်ခုတည်းသော လက်ရေးမူဖြစ်သည်။ စိတ်ဓာတ်ကျမသွားဘဲ သူသည် ပျောက်ပျက်သွားသောအခန်းကို ပြန်ရေးခဲ့သည်။ ဘာမဟုတ်သောမီးစသည် သူ့အသိဉာဏ်၌ စွဲကပ်တည်နေသောဝတ္တုကို မဟန့်တားနိုင်ခဲ့ပါ။ Carlyle သည် ကြီးမားသောဆုံးရှုံးမှုမှ အလွန်လှပကောင်းမွန်သော The French Revolution (ပြင်သစ်တော်လှန်ရေး) စာအုပ်ကို ထုတ်ဝေနိုင်ခဲ့သည်။

အကျင့်စာရိတ္တပျက်ပြားသော ယုဒမင်းဆက်အုပ်စိုးသည့် စိတ်ပျက်စရာခေတ်တွင် ဘုရားသခင်က ပရောဖက်ယေရမိအား "သင်သည် စာလိပ်ကိုယူပြီးလျှင် ... သင့်အား ငါပြောသော...စကားအတိုင်း ရေးထားလော့" (ယေ ၃၆:၂) ဟု မိန့်တော်မူသည်။ ထိုသတင်းစကားသည် ရောက်လတံ့သောဘေးဥပါဒ်များမှ ကွယ်ကာလိုသောကြောင့် သူ့လူမျိုးတော်တို့…

အကြီးမြတ်ဆုံးသောဆရာ

ခဲတံကို စားပွဲပေါ်ပစ်ချလိုက်ပြီး "နားကိုမလည်တော့ဘူး" ဟု သမီးက ပြောသည်။ သူမက သင်္ချာအိမ်စာတွက်နေရင်း ကျွန်မလည်း အိမ်၌ စာသင်ပေးသည့် အမေ/ဆရာမ ဖြစ်ရပါတော့သည်။ သင်္ချာတွက်ရင်း ကျွန်မတို့အတော်ဒုက္ခတွေ့ခဲ့သည်။ လွန်ခဲ့သော ၃၅ နှစ်က သင်ခဲ့ရသည့် ဒဿမကိန်းမှအပိုင်းကိန်းသို့ ပြောင်းပုံကို ဘယ်လိုမှ မမှတ်မိနိုင်တော့ပါ။ ကျွန်မ မသိသောအရာကို သင်မပေးနိုင်သဖြင့် အွန်လိုင်းမှ ဆရာမရှင်းပြသည့်တွက်နည်းကိုပင် ကြည့်လိုက်တော့သည်။

လူသားဖြစ်သည့်အလျောက် ကျွန်မတို့သည်လည်း တစ်ချိန်မဟုတ်တစ်ချိန်တွင် မိမိမသိနားမလည်သောအရာများနှင့် ရုန်းကန်ရပါလိမ့်မည်။ ဘုရားရှင်ကမူ ထိုသို့ မဟုတ်ဘဲ အရာခပ်သိမ်းကို သိသူဖြစ်သည်။ ဟေရှာယက "ထာဝရဘုရား၏ ဝိညာဥ်ကို အဘယ်သူစစ်ကြောသနည်း။ ထိုဘုရားနှင့်တိုင်ပင်၍ အဘယ်သူသည် အကြံပေးသနည်း။ အဘယ်သူနှင့် တိုင်ပင်တော်မူသနည်း။ ထိုဘုရားကို အဘယ်သူ သွန်သင်သနည်း။ ထိုဘုရားအား တရားလမ်းကိုပြသောသူ၊ ပညာနည်းကို ပေးသောသူ၊ ဉာဏ်လမ်းကို ညွှန်သောသူကား အဘယ်သူနည်း" (ဟေရှာ ၄၀:၁၃-၁၄)…

ရှင်ဘုရင်၏စားပွဲ၌

"သူအသက်ရှင်မှာပါ။ ဒါပေမဲ့ ခြေထောက်တော့ ဖြတ်ပစ်ရမယ်"ဟု တိရစ္ဆာန် ဆရာဝန်က ပြောသည်။ ကျွန်မသူငယ်ချင်းက ကားတိုက်ခံရသည့် လမ်းဘေးက ခွေးလေးကို ဆေးခန်းခေါ်လာပြခြင်းပါ။ "ခင်ဗျားက ပိုင်ရှင်လား။ ခွဲစိတ်ဖို့အတွက် ငွေအတော်ကုန်ကျမယ်။ ပြီးတော့ ပြန်သက်သာတဲ့အထိ သေချာဂရုစိုက်ရလိမ့် မယ်"ဟု ဆရာဝန်ကပြောရာ၊ သူက "အခုတော့ ကျွန်မက ခွေးပိုင်ရှင်ဖြစ်သွားတာပေါ့" ဟုပြန်ဖြေလိုက်သည်။ သူမ၏ကရုဏာပြကြင်နာမှုက ထိုခွေးလေးအတွက် သာယာကြည်နူးဖွယ် အနာဂတ်နှင့်နားခိုရန် အိမ်လေးကို ရရှိစေပါသည်။

မေဖိဗောရှက်သည် သူ့ကိုယ်သူ မျက်နှာသာမခံထိုက်သော "ခွေးသေကောင်" အဖြစ်မြင်သည် (၂ ရာ ၉:၈)။ မတော်တဆမှုဖြင့် ခြေနှစ်ဘက်လုံး ခြေဆွံ့ခဲ့သဖြင့် အကာအကွယ်နှင့် အထောက်အပံ့အတွက် အခြားသူအပေါ် သူမှီခိုရသည် (၄:၄)။ထို့ပြင် သူ့အဘိုးရှောလုမင်းနတ်ရွာစံပြီးနောက် ဘုရင်ဖြစ်လာသူဒါဝိဒ်က ထိုခေတ် က လုပ်ရိုးလုပ်စဥ်ဖြစ်သော ထီးနန်းအရိုက်အရာအတွက် အန္တရာယ်ရှိသောရန်သူ နှင့်ပြိုင်ဘက်မှန်သမျှကိုသေဒဏ်ပေးမည်ကိုလည်း သူကြောက်ရွံ့နေပေလိမ့်မည်။

သို့သော် သူငယ်ချင်းယောနသန်ကို ချစ်သောကြောင့်…