အဲဒီမှာ ဘုရားသခင်ရှိတယ်

သြဗရီ သည် သက်ကြွယ်အရွယ်ဖခင်ကြီးအတွက် သားမွေးကုတ်အင်္ကျီတစ်ထည် ဝယ်ယူခဲ့သော်လည်း ၎င်းကို မဝတ်လိုက်ရမီမှာပင် ဖခင်ကွယ်လွန်သွားသည်။ ထို့ကြောင့် သူသည် ခွန်အားပေးစာတိုလေးတစ်စောင်နှင့် ဒေါ်လာ ၂၀ တန် တစ်ရွက်ကို အင်္ကျီအိတ်ထဲထည့်ကာ လူမှုရေးအဖွဲ့သို့ ပေးလှူခဲ့သည်။

မိုင် ၉၀ ကွာဝေးသည့်အရပ်တွင် သူ့မိသားစု၏ အဆင်မပြေမှုဒဏ်ကို မခံနိုင်တော့၍ ၁၉ နှစ်အရွယ် ကယ်လီ သည် ကုတ်အင်္ကျီကိုပင် ကောက်မဝတ်နိုင်တော့ဘဲ အိမ်မှထွက်လာခဲ့သည်။ သူသွားနိုင်သည့်တစ်ခုတည်းသောနေရာမှာ သူ့အတွက် ဆုတောင်းပေးနေသည့် အဘွား၏အိမ်သည်သာ ဖြစ်ကြောင်းကို သူသိထားသည်။ နာရီပေါင်းများစွာ ကားစီးခဲ့ပြီးနောက် ဘတ်စ်ကားပေါ်မှအဆင်း အဘွား၏ရင်ခွင်ထဲ ပြေးဝင်ခဲ့သည်။ ဆောင်းလေအေးဒဏ်မှ သူ့ကိုကာပေးရင်း "သားအတွက် ကုတ်အင်္ကျီတစ်ထည်ဝယ်ရအောင်"ဟု အဖွားက ပြောသည်။ သာသနာပြု စတိုးဆိုင်တွင် သူကြိုက်သည့်ကုတ်အင်္ကျီကို ကယ်လီ စမ်းဝတ်ကြည့် လိုက်သည်။ အင်္ကျီအိတ်ထဲလက်နှိုက်လိုက်ရာ ဒေါ်လာ ၂၀ တန် ငွေစက္ကူတစ်ရွက်နှင့် သြဗရီ…

ဘုရားသခင်သည် သင့်အတွက် တိုက်ခိုက်ပေးမည်

နာမည်ကျော် Charge of the Light Brigade (အလင်းရောင်တပ်မဟာ၏ တစ်ဟုန်ထိုးတိုက်ခိုက်ခြင်း) တိုက်ပွဲအတွင်း ဗြိတိသျှစစ်သည်များကို စစ်မြေပြင်သို့ ပို့ဆောင်ပေးသော စစ်မြင်း ၁၁၂ ကောင် အနက် ဒဏ်ရာရသွားသည့်မြင်းကို ဒရမ်မာ ဘွိုင်း (ဒရမ်သမားလေး) ဟု အမည်မှည့်ခေါ်သည်။ အဆိုပါမြင်း၏ရဲရင့်မှု၊ သက်လုံ ကောင်းမှုကြောင့် ၎င်းကို စီးနင်းသည့် ဗိုလ်မှူးချုပ် Colonel de Salis (ကိုလိုနယ်ဒီ စာလစ်)က ရဲစွမ်းသတ္တိရှိသောစစ်သည်များနှင့်အတူ သူ့မြင်းလည်း ဆုတံဆိပ်နှင့်ထိုက်တန်ကြောင်း ဆုံးဖြတ်ခဲ့သည်။ ရန်သူတပ်များနှင့် တိုက်ခိုက်ရှုံးနိမ့်သွားသည့်တိုင် မြင်းတပ်၏ရဲစွမ်းသတ္တိကို သူတို့၏မြင်းများနှင့်အတူ ဗြိတိသျှတပ်မတော်၏ အကြီးမြတ်ဆုံးသောဂုဏ်ပြုပွဲအဖြစ် ယနေ့ထိတိုင်ကျင်းပဆဲဖြစ်သည်။

ဤတိုက်ပွဲက "စစ်တိုက်ရာကာလဖို့ မြင်းများကိုပြင်ဆင်သော်လည်း ထာဝရ ဘုရား၏ကျေးဇူးတော်ကြောင့် ချမ်းသာရာရပါ၏" (သု ၂၁:၃၁) ဟု ဓမ္မဟောင်းကျမ်းမှ သုတ္တံစကား၏အမြော်အမြင်ကို ဖော်ပြနေ၏။ ဤသဘောတရားကို ကျမ်းစာက ရှင်းလင်းစွာ အတည်ပြုပေး၏။…

ဘုရားသခင်နှင့် အချိန်ယူခြင်း

Norman Maclean (နော်မန် မက်ကလင်း)၏ လက်ရာမြောက်လှသော ‘A River Runs Through It’ (မြစ်တစ်ခု ဖြတ်သန်းစီးဆင်းသွားသည်) ဇာတ်လမ်း သည် အမေရိကန်နိုင်ငံ၊ မွန်တားနားပြည်နယ်အနောက်ပိုင်း၌ ပရက်ဘေ တေးရီးယန်းသင်းအုပ်ဖခင်နှင့်အတူ ကြီးပြင်းခဲ့ရသည့် လူငယ်နှစ်ဦးအကြောင်း ရေးသားထားသည်။ တနင်္ဂနွေနေ့မနက်တိုင်း နော်မန် နှင့် သူ့ညီအစ်ကို ပေါလ် တို့သည် ဘုရားကျောင်းသို့သွားပြီး ဖခင်၏တရားဒေသနာကို ခံယူရသည်။ ညနေပိုင်း၌ ဝတ်ပြုစည်းဝေးခြင်း တစ်ကြိမ်ထပ်ရှိပြီး သူတို့ဖခင်က နောက်တစ်ကြိမ် ဟောပြောသည်။ သို့သော် ထိုဝတ်ပြုချိန်နှစ်ကြိမ်ကြား အားလပ်ချိန်တွင် ဖခင်က "ဝတ်ပြုစည်းဝေးနှစ်ချိန်ကြား စိတ်ဖိစီးမှုကို ဖြေလျှော့"စဉ် သူတို့ မှာမူ ဖခင်နှင့်အတူ တောင်ကုန်းများပေါ်၊ စမ်းချောင်းဘေးတစ်လျှောက် လမ်းလျှောက်ထွက်ကြ သည်။ "ညနေခင်းတရားဟောချက်အတွက် သူ့ဝိညာဉ်ကို တစ်ဖန် အားပြန်ဖြည့်ရန်၊ အားပြည့်လျှံစေရန်"အလို့ငှာ ဖခင်က တမင်တောထဲသွားခြင်းဖြစ်သည်။

ခရစ်ဝင်ကျမ်းများတွင် ယေရှုသည် တောင်စောင်းပေါ်နှင့်…

ကျွန်ုပ်တို့၏ပြဿနာများထက် ကြီးမြတ်သော

အသက်ရှင်နေသော ဒိုင်နိုဆော၏အဆင်းသဏ္ဌာန်ကို မည်သို့ထင်မှတ်မိသနည်း။ ဧရာမသွား၊ အကြေးခွံနှင့် အမြီးရှည်ရှိသည့် သတ္တဝါလား။ ပန်းချီဆရာမ Karen Carr (ခယ်ယန်ခါး)က ဤမျိုးတုန်းသွားသည့်သတ္တဝါများကို နံရံဆေးရေးပန်းချီဖြင့် ပြန်လည်ဖန်တီးရေးဆွဲခဲ့သည်။ ပန်းချီကားတစ်ခုမှာ ပေ ၂၀ ကျော် အမြင့်ရှိပြီး ပေ ၆၀ ကျော် ရှည်သောကြောင့် Sam Noble Oklahoma သဘာဝသမိုင်းပြတိုက်၌ ပြသထားနိုင်ရန်အတွက် ကျွမ်းကျင်သူ အဖွဲ့တစ်ဖွဲ့ပင် လိုအပ်ခဲ့သည်။

ဤနံရံဆေးရေးပန်းချီရှေ့ရပ်ပြီး ဒိုင်နိုဆောများကို ကြည့်သောအခါ သိမ်ငယ်စိတ် မခံစားရဘဲမနေ။ အင်အားကြီးသည့် ‘ဗေဟမုတ်’ ဟုခေါ်သည့် သတ္တဝါအကြောင်း ဘုရားသခင်၏နှုတ်ကပတ်တော်၌ ဖတ်ရသည့်အခါ ကျွန်ုပ် လည်း အလားတူခံစားမှုမျိုး ခံစားခဲ့ရသည် (ယောဘ ၄၀:၁၅)။ ဤသတ္တဝါကြီး သည် နွားကဲ့သို့ပင် တမြုံ့မြုံ့နှင့်မြက်စားပြီး သူ့အမြီးမှာ သစ်ပင်ပင်စည်အရွယ် ရှိသည်။ အရိုးများမှာမူ သံပိုက်များကဲ့သို့ဖြစ်၏။ တောင်ကုန်းစားကျက်မြေများပေါ် တရွှေ့ရွေ့ သွားလာပြီး…

ငြိမ်းချမ်းသောဘဝ

သြစတြေးလျနိုင်ငံ၊ ပါသ်မြို့၌ ရှာလုမ်ဂေဟာ ဟုခေါ်သော မူးယစ်ဆေးစွဲသူများ အကူအညီရယူနိုင်သည့်နေရာတစ်ခုရှိသည်။ ရှာလုမ် ဂေဟာ၌ သူတို့ကို ဘုရားသခင်၏ ငြိမ်သက်ခြင်း 'ရှာလုမ်' ('ငြိမ်းချမ်းရေး' ဟုအဓိပ္ပာယ်ရှိသည့် ဟေဗြဲစကားလုံး)နှင့် မိတ်ဆက်ပေးမည့် ဂရုပြုစောင်မသည့်ဝန်ထမ်းနှင့် တွေ့ဆုံ ကြသည်။ မူးယစ်ဆေး၊ အရက်၊ လောင်းကစားနှင့် အခြားသော မိမိကိုယ်ကို ဖျက်ဆီးသည့် အကျင့်စသည့် စွဲလန်းမှုဝန်အောက်၌ ပျက်စီးနေသောဘဝများသည် ဘုရားရှင်၏ မေတ္တာတော်အားဖြင့် ပြုပြင်ပြောင်းလဲကုန်သည်။

ဤပြောင်းလဲမှု၏အဓိကဗဟိုချက်မှာ ကားတိုင်၏သတင်းစကားဖြစ်သည်။ ရှာလုမ်ဂေဟာရှိ ဘဝပျက်ခဲ့သူများသည် ယေရှု၏ရှင်ပြန်ထမြောက်ခြင်းအားဖြင့် သူတို့၏ကိုယ်ပိုင်ဘဝများလည်း တစ်ဖန် ရှင်သန်လာမှုကို တွေ့ရှိနိုင်ကြသည်။ ခရစ်တော်၌ စစ်မှန်သောငြိမ်းချမ်းခြင်းနှင့် အနာငြိမ်းခြင်းကို ရရှိပါသည်။

ငြိမ်သက်ခြင်းဆိုသည်မှာ ပဋိပက္ခ မရှိခြင်းမျှသာ မဟုတ်၊ ဘုရားသခင်၏ စုံလင်ခြင်းတည်ရှိနေခြင်းဖြစ်သည်။ ဤငြိမ်သက်ခြင်းကို ကျွန်ုပ်တို့အားလုံးလိုအပ် ပြီး ၎င်းကို ခရစ်တော်နှင့် သူ၏ဝိညာဉ်တော်၌သာ တွေ့ရှိနိုင်သည်။ ထို့ကြောင့် ရှင်ပေါလုက ဂလာတိလူများအား…

ယုံကြည်ခြင်း၏နည်းလမ်း

ထြီနီဒတ်နှင့်တိုဘာဂိုအသင်းနှင့် အမေရိကန်အသင်းတို့ ယှဉ်ပြိုင်ရသည့် ၂၀၁၇ ကမ္ဘာ့ဖလားခြေစစ်ပွဲ၌ ဆိုကာစစ်သည်များက သူတို့ထက် အဆင့်အများကြီးမြင့်သည့် အမေရိကန်ဘောလုံးအသင်းကို နိုင်ခဲ့၍ တစ်ကမ္ဘာလုံးအံ့သြသွားရသည်။ အမေရိကန်အသင်းသည် ၂ ဂိုး-၁ ဂိုးဖြင့် ၂၀၁၈ ကမ္ဘာ့ဖလားမှ ထွက်ခဲ့ရသည်။

အမေရိကန်ပြည်ထောင်စု၏လူဦးရေနှင့် အရင်းအမြစ်များနှင့် နှိုင်းစာလျှင် ကာရေဘီယံနိုင်ငံလေးက သိမ်ငယ်စရာဖြစ်သော်လည်း ထြီနီဒတ်နှင့် တိုဘာဂို ကျွန်းနိုင်ငံ၏အောင်မြင်မှုက လုံးဝမထင်မှတ် မမျှော်လင့်သောအရာဖြစ်သည်။ သို့သော် အဆိုပါ မကျော်လွှားနိုင်ဟုထင်ရသောအားသာချက်က ဆိုကာစစ်သည် များ၏ စိတ်ဇောအဟုန်ကို အနိုင်မယူနိုင်ခဲ့ပါ။

တိုက်ခိုက်ရေးသမားအနည်းစုနှင့် အင်အားကြီးစစ်တပ်ကို ရင်ဆိုင်ရသည့် ဂိဒေါင်နှင့် မိဒျန်လူများအကြောင်းသည်လည်း အလားတူ ပြောင်းပြန်အနေအထား မျိုးဖြစ်သည်။ အမှန်တွင် ဣသရေလတပ်၌ စစ်သည် ၃၀,၀၀၀ ကျော်ရှိသော်လည်း သူတို့၏အောင်မြင်မှုသည် သူတို့၏စစ်တပ်အင်အား၊ ဘဏ္ဍာတိုက်ရှိ ငွေကြေး ပမာဏ၊ သူတို့ခေါင်းဆောင်၏ စွမ်းရည်တို့ကြောင့် မဟုတ်ဘဲ ဘုရားသခင်အပေါ် အမှီပြုခြင်းကြောင့်ရရှိခြင်းဖြစ်ကြောင်း သင်ယူကြရန်အတွက် ဘုရားသခင်က…

ရှင်ယေရှု၏ထိုင်ခုံ

ကျွန်ုပ်၏မိတ်ဆွေ မာဂီသည် ကျမ်းစာသင်တန်းတစ်ခုတွင် တာမီ နှင့် သိကျွမ်းခဲ့ပြီး သူတို့နှစ်ဦး၏ အခြေခံတူညီမှု ကွာဟလွန်းကြောင်းကို သတိထားမိခဲ့သည်။ သို့သော် မာဂီသည် သူနှင့်မိတ်ဖွဲ့ပြီး မိတ်ဆွေသစ်ထံမှ အဖိုးတန်သင်ခန်းစာတစ်ခု သင်ယူရရှိခဲ့သည်။

တာမီသည် ကျမ်းစာသင်တန်းကို တစ်ခါမှမတက်ဖူးပါ။ သင်တန်းမှ အခြား အမျိုးသမီးများ ဆွေးနွေးနေသည့် ဘုရားသခင်သည် သူတို့နှင့်ဆက်သွယ်ကြောင်း အချက်ကို သူတစ်ခါမှ မကြုံဖူးသည့်အတွက် နားမလည်ဘဲ အခက်ကြုံခဲ့သည်။

ထို့ကြောင့် ဘုရားသခင်ထံမှစကားကြားရရန် သူလက်တွေ့ လုပ်ဆောင်ခဲ့ သည်။ "ကျွန်မလေ သစ်သားထိုင်ခုံအဟောင်းတစ်လုံးကို သီးသန့်ထားပြီး ကျွန်မ ကျမ်းစာလေ့လာတဲ့အခါတိုင်း သခင်ယေရှုကို အဲဒီမှာလာထိုင်ဖို့ ဖိတ်ခေါ်တယ်"ဟု နောက်ပိုင်းတွင် သူက မာဂီအား ပြောပြခဲ့သည်။ ထို့နောက် တာမီသည် သူမကို ထိတွေ့သည့်ကျမ်းပိုဒ်ကို ဖတ်ရတိုင်း ထိုင်ခုံပေါ်တွင် မြေဖြူနှင့် ထိုကျမ်းပိုဒ်ကို ရေးချသည်။ ထိုထိုင်ခုံမှာ ထူးခြားသော "ယေရှု၏ထိုင်ခုံ" ဖြစ်လာပြီး…

ကျွန်ုပ်တို့အဘဘုရား၏ စောင့်ရှောက်မှု

အရှိန်ပြင်းပြင်းရိုက်သံကြောင့် ‌ကျွန်မမော့ကြည့်လိုက်ပြီး အသံလာရာသို့ နားစွင့် လိုက်မိသည်။ ပြတင်းပေါက်မှန်မှ စွန်းထင်းရာများကို တွေ့လိုက်ရသောကြောင့် အပြင်ဘောင်သို့ လှမ်းကြည့်လိုက်သောအခါ ဖုတ်လှိုက်ဖုတ်လှိုက်ဖြစ်နေသည့် ငှက်တစ်ကောင်ကိုတွေ့လိုက်ရသည်။ ထိုငှက်လေးကို ကူညီချင်စိတ်ဖြစ်သွားသည်။

ရှင်မဿဲခရစ်ဝင် အခန်းကြီး ၁၀ တွင် တပည့်တော်များအား ၎င်းတို့တွေ့ကြုံ ရမည့် ညှဉ်းဆဲမှုများကို သတိပေးရင်း သူတို့ကိုနှစ်သိမ့်ပေးရန် ဘုရားသခင်သည် စာငှက်များကိုပင် စောင့်ရှောက်တော်မူကြောင်း သခင်ယေရှု မိန့်ကြားခဲ့သည်။ သခင်သည် တပည့်တော်များအား "ညစ်ညူးသောနတ်တို့ကို နှင်ထုတ်ခြင်းငှာ လည်းကောင်း၊ အနာရောဂါအမျိုးမျိုးတို့ကို ငြိမ်းစေခြင်းငှာလည်းကောင်း အခွင့် ပေးတော်မူ"ခဲ့သည်(:၁)။ ထိုအမှုများကို ပြုနိုင်သောတန်ခိုးသည် တပည့်တော်များ အတွက် အံ့မခန်းဖြစ်သော်လည်း အုပ်ချုပ်မင်းလုပ်သူများ၊ အာဏာရှင်များ၊ သူတို့ မိသားစုဝင်များမှအစ များစွာသောလူတို့သည် သူတို့ကို ဆန့်ကျင်ဘက်ပြုမည်၊ ဆိုးညစ်မှုကျော့ကွင်း၌ သူတို့ဖမ်းဆီးခြင်းခံရမည်ဖြစ်သည် (:၁၆-၂၈)။

ထို့နောက် အခန်းငယ် ၂၉ မှ ၃၁ တွင် မည်သို့ပင်ကြုံတွေ့ရင်ဆိုင်ရလည်း…

ဘုရားသခင်၏တန်ခိုးတော်

ရေဗက္ကာနှင့်ရာစယ်တို့၏ဆရာဝန်များက သူတို့ကလေးမရနိုင်ကြောင်း ပြောခဲ့ သည်။ သို့သော် ဘုရားသခင်၌ အခြားအကြံအစည်ရှိ‌နေကာ ၁၀ နှစ်အကြာတွင် ရေဗက္ကာသည် ကိုယ်ဝန်ဆောင်ခဲ့သည်။ ကျန်းမာသန်စွမ်းသောကလေးကို လွယ်ထားရပြီး ဗိုက်စနာလာသောအခါ သူတို့သည် စိတ်လှုပ်ရှားစွာဖြင့် ဆေးရုံသို့ အပြေးသွားခဲ့ကြသည်။ မီးတွင်းထဲတွင် အချိန်ကြာလာပြီး ပိုမိုနာကျင်လာ သော်လည်း ရေဗက္ကာ၏ဗိုက်အနေအထားမှာ မီးဖွားရန် အသင့် ဖြစ်မနေသေးပါ။ နောက်ဆုံး ဆရာဝန်က အရေးပေါ်ဗိုက်ခွဲမွေးရန် ဆုံးဖြတ်လိုက်သည်။ ရေဗက္ကာ သည် သူမနှင့်ကလေးအတွက် စိုးရိမ် ကြောက်လန့်သဖြင့် ငိုမိသည်။ ဆရာဝန်က "ကျွန်မအစွမ်းကုန်ကြိုးစားမယ်။ ဒါပေမဲ့ ဘုရားရှင်က သာ၍တတ်စွမ်းနိုင်လို့ သူ့ဆီမှာ ဆုတောင်းရအောင်" ဟု တည်ငြိမ်စွာဖြင့် သူမစိတ်သက်သာမှုရရှိရန် ပြောလိုက်သည်။ ဆရာဝန်သည် ရေဗက္ကာနှင့်အတူ ဆုတောင်းလိုက်ပြီး ၁၅ မိနစ် အကြာ ကျန်းမာသန်စွမ်းသော သားလေးဘရုစ် ကို မွေးဖွားခဲ့ပါသည်။

ဘုရားသခင်နှင့်သူ့တန်ခိုးတော်အ‌ပေါ်၌ ခိုလှုံအမှီပြုရမည်ကို ထိုဆရာဝန်…

ဘုရားသခင်၏နိုင်ငံတော်

ကျွန်တော့်အမေသည် သူ့ဘဝသက်တမ်းတစ်လျှောက်တွင် ကတိကဝတ်များစွာ ပြုခဲ့ပါသည်။ သို့သော် သူ့စိတ်တွင် အမြဲရှိနေသောအရာတစ်ခုမှာ ကလေးများကို သခင်ယေရှုနှင့်မိတ်ဆက်ပေးလိုသောဆန္ဒလေးပင်ဖြစ်သည်။ သူသဘောမတူ သောကိစ္စကို အမေ လူသိရှင်ကြားထုတ်ဖော်သော အဖြစ်အပျက်တချို့ကို ကျွန်တော်ကိုယ်တွေ့ ကြုံခဲ့ဖူးသည်။ ထိုအဖြစ်အပျက် အားလုံးသည် သူတို့အထင် ပို၍အရေးကြီးသောအသုံးစရိတ်အတွက် ကလေးသာသနာမှ ရန်ပုံငွေကို ဖြတ်တောက်ရန် တစ်စုံတစ်ဉီးက ကြိုးစားချိန်များတွင် ဖြစ်သည်။ အမေက "သားညီလေးကို အမေကိုယ်ဝန်ဆောင်တဲ့ နွေရာသီမှာပဲ ခွင့်ယူဖူးတယ်။ အဲဒီ တစ်ကြိမ်ပဲ နားခဲ့တာ" ဟုကျွန်တော့်ကိုပြောပြသည်။ ကျွန်တော်ပြန်တွက်ကြည့် လိုက်သောအခါ အမေသည် အသင်းတော်ရှိ ကလေးများအတွက် (၅၅)နှစ်မျှ အလုပ်လုပ်ခဲ့သည်ပင်။

ခရစ်ဝင်ကျမ်းများတွင် "ရှင်ယေရှုနှင့် ကလေးသူငယ်များ" ဟု ခေါင်းစဥ် တပ်သည့် ချစ်နှစ်သက်ဖွယ်ဇာတ်လမ်းကို ရှင်မာကုခရစ်ဝင် အခန်းကြီး ၁၀ တွင် မှတ်တမ်းတင်ထားသည်။ လူအများက သူတို့ကလေးများကို သခင်ယေရှုထိတွေ့ပြီး ကောင်းချီးပေးရန် ကိုယ်တော်ထံ ခေါ်ဆောင်လာကြသည်။…