လောကဝမ်းမြောက်
ကမ္ဘာတစ်ဝန်း၌ ခရစ္စမတ်ရောက်တိုင်း အိမ်များတွင် ခရစ်တော်ဖွားမြင်ခြင်း ရုပ်ပုံများဖြင့် အလှဆင်လေ့ရှိသည်။ ကျွန်မတို့အိမ်တွင် ဂျာမန် ရိုးရာဓလေ့အတိုင်း ပိရမစ်ပုံတဲနှင့် ဗက်လင်မြို့ထွက်သံလွင်သားနှင့်ပြုလုပ်ထားသည့် နွားစားခွက်ပုံ၊ မက္ကဆီကန် ကျေးလက်ပုံစံ တောက်ပသောအရောင်များနှင့် သရုပ်ဖော်ထားသည့် ဖွားမြင်ခန်း စသည်ဖြင့်ရှိသည်။ ကျွန်မတို့မိသားစုအနှစ်သက်ဆုံးပုံမှာ တစ်မျိုးတစ်ဘာသာဆန်းသစ်သော အာဖရိကစတိုင် ဖွားမြင်ခန်းဖြစ်သည်။ ပုံတွင် ရှေးအစဉ်အလာအတိုင်း သိုးနှင့်ကုလားအုတ်များအစား ရေမြင်းကိုထည့်ထားပြီး ထိုရေမြင်းက သူငယ်ယေရှုကို အားရကျေနပ်စွာ ကြည့်နေသည်။
ဤတစ်မူထူးသောယဉ်ကျေးမှုများဖြင့် ဆင်ယင်ထားသည့် ခရစ်တော်ဖွားမြင်တော်မူခြင်းမြင်ကွင်းက သခင်ယေရှုမွေးဖွားခြင်းသည် နိုင်ငံတစ်နိုင်ငံ (သို့) ယဉ်ကျေးမှုတစ်ခုတည်းအတွက် မဟုတ်ကြောင်း လှပသောသတိပေးချက် တစ်ခုချင်းစီကို တစိမ့်စိမ့်တွေးပြီး ကျွန်မနှလုံးသား၌ နွေးထွေးစွာ ခံစားရသည်။ ၎င်းသည် တစ်လောကလုံးအတွက် သတင်းကောင်းဖြစ်သည်။ နိုင်ငံတိုင်း၊ လူမျိုးစုတိုင်းအတွက် ၀မ်းမြောက်စရာအကြောင်းရင်းဖြစ်သည်။
နိပါတ်တော်ဇာတ်ဝင်ခန်းတစ်ခုချင်းတွင် ရေးဆွဲထားသော ဤသူငယ်သည် တစ်လောကလုံးအတွက် ဘုရားသခင်၏နှလုံးသား သမ္မာတရားကို ဖော်ပြနေသည်။ စေ့စေ့ပေါက်ပေါက်စူးစမ်းလာသော ဖာရိရှဲနိကောဒင်အား ခရစ်တော်…
ငြိမ်သက်ခြင်းဖြစ်ပေါ်လာသောအခါ
၁၉၁၄ ခုနှစ် ၏အေးသောခရစ္စမတ်အကြိုညတွင် ဘယ်လ်ဂျီယမ်နိုင်ငံ၌ စစ်သားများခိုနေသည့် ကတုတ်ကျင်းမှ သီချင်းဆိုသံများ ပျံ့လွှင့်ခဲ့သည်။ “တိတ်ဆိတ်ည” သီချင်းသည် ဂျာမန်ဘာသာ၊ ထို့နောက် အင်္ဂလိပ်ဘာသာဖြင့် ကျယ်လောင်စွာ ထွက်ပေါ်လာခဲ့သည်။ နေ့ခင်းဘက်၌ အချင်းချင်းပစ်ခတ်နေသောစစ်သားများသည် သူတို့၏ လက်နက်များကိုချပြီး နယ်မြေနှစ်ခုစပ်ကြားတွင် လက်ဆွဲနှုတ်ဆက်ရန် သူတို့၏ ကတုတ်ကျင်းမှ ထွက်လာကြသည်။ ခရစ္စမတ်နှုတ်ခွန်းဆက်လျက် သူတို့၏ရိက္ခာများမှ အပြန်အလှန်လက်ဆောင်ပေးကြသည်။ နောက်တစ်နေ့ထိ အပစ်အခတ်ရပ်လျက် စစ်သားများသည် စကားစမြည်ပြောကြ၊ ရယ်မောကြပြီး ဘောလုံးကန်ရန်ပင် စီစဉ်ခဲ့ကြသည်။
ပထမကမ္ဘာစစ်၏ အနောက်ဘက်နယ်စပ်တစ်လျှောက် ဖြစ်ပေါ်ခဲ့သော ၁၉၁၄ ခုနှစ်၏ ခရစ္စမတ်နေ့အပစ်အခတ်ရပ်စဲရေးသည် လွန်လေသော ပထမဆုံးသော ခရစ္စမတ်အကြိုညတွင် ကောင်းကင်တမန်များပြောကြားသည့် ငြိမ်သက်ခြင်း၏မြင်ကွင်းကို လှစ်ကနဲဖော်ပြနေသည်။ ကောင်းကင်တမန်က ကြောက်လန့်နေသောသိုးထိန်းများအား “ကြောက်ရွံ့ခြင်းမရှိကြနှင့်။ လူအပေါင်းတို့သည် အလွန်ဝမ်းမြောက်ဝမ်းသာစရာသတင်းကို ငါသည် သင်တို့အား ကြားပြောရ၏။ ယနေ့တွင် ဒါဝိဒ်မြို့၌ သခင်ခရစ်တော်တည်းဟူသော ကယ်တင်သောအရှင်သည် သင်တို့အဖို့အလို့ငှာ ဘွားမြင်ခြင်းကို…
လင်းလက်တောက်ပမှုမလို၊ ဘုန်းတော်သာလို
ကျွန်မ၏သား နှစ်များစွာပြုလုပ်ခဲ့သော ခရစ္စမတ်အဆင်တန်ဆာလက်မှုများနှင့် နှစ်စဉ်သူ့အဖွားပေးပို့သော မလိုက်ဖက်သည့် အဆင်တန်ဆာမျိုးစုံကိုကြည့်ပြီး အဘယ်ကြောင့် ကျွန်မကျေနပ်မှုမရှိပါလိမ့်ဟု စဉ်းစားမရပါ။ လက်မှုတစ်ခု ချင်းစီ၏ပုံဆောင်ချက်နှင့် ဖန်တီးမှုအမှတ်တရများကို ကျွန်မအမြဲ တန်ဖိုးထားခဲ့သည်။ သို့သော် စျေးဆိုင်များ၌ ခင်းကျင်းပြသထားမှုများက လိုက်ဖက်လှပသောမီးလုံးများ၊ တလက်လက်နှင့်တောက်ပသောဘောလုံးလေးများ၊ ပြောင်လက်သောဖဲပြားများဖြင့် ဆင်ယင်ထားသော ခရစ္စမတ်သစ်ပင်ကို ဆင်ရန် ကျွန်မကို အဘယ့်ကြောင့် ဆွဲဆောင်နေသနည်း။
ကျွန်မတို့၏အညတရအပြင်အဆင်မှ မျက်နှာလွှဲလိုက်စဉ် အနီရောင် အသဲနှလုံးပုံပေါ် ရိုက်နှိပ်ထားသော “ယေရှု - ကျွန်ုပ်၏ကယ်တင်ရှင်” ဟူသော ရိုးရှင်းသောစာကြောင်းကို ဖြတ်ခနဲမြင်လိုက်သည်။ ကျွန်မနှင့် ကျွန်မမိသားစုတို့၏ ခရစ်တော်၌ရှိသောမျှော်လင့်ခြင်းသည် ခရစ္စမတ်ကို နှစ်ခြိုက်စွာကျင်းပရသည့် အကြောင်းရင်းဖြစ်ကြောင်း ကျွန်မအဘယ့်ကြောင့် မေ့သွားပါလိမ့်။ ကျွန်မတို့၏ အပင်ရိုးရိုးလေးက ဆိုင်မှသစ်ပင်နှင့်မယှဥ်သာသော်လည်း အပြင်အဆင် တစ်ခုစီ၌ရှိသော ချစ်ခြင်းမေတ္တာသည်သာ အလှတရားကို ဖြစ်စေပါသည်။
ကျွန်ုပ်တို့၏မထယ်ဝါသောသစ်ပင်ကဲ့သို့ မေရှိယသည် လောကမှ မျှော်လင့်ထားသောအချက်များနှင့်တစ်ခုမျှ မကိုက်ညီပါ (ဟေရှာ ၅၃:၂)။…
ကောင်းမွန်သောစာအုပ်တစ်အုပ်နှင့် ခွေနေခြင်း
အိုက်စ်လန်နိုင်ငံငယ်လေးသည် စာဖတ်သူများ၏နိုင်ငံဖြစ်သည်။ အစီရင်ခံတင်ပြမှုများအရ ဤနိုင်ငံသည် နှစ်စဉ် စာအုပ်ပုံနှိပ်ထုတ်ဝေမှုနှင့် လူတစ်ယောက်၏ စာဖတ်သည့်အုပ်ရေက အခြားနိုင်ငံများထက် ပိုများကြောင်း တင်ပြထားသည်။ အိုက်စ်လန် နိုင်ငံသားများ၏အလေ့အထမှာ ခရစ္စမတ်အကြိုနေ့တွင် မိသားစု၀င်နှင့်သူငယ်ချင်းများကို စာအုပ်များပေးလေ့ရှိပြီး ညသန်းခေါင်ထိ စာဖတ်ကြသည်။ ဤအလေ့အထသည် သွင်းကုန်များကို ကန့်သတ်ထားပြီး စက္ကူများ စျေးပေါပေါနှင့်ရသော ဒုတိယကမ္ဘာစစ် အချိန်ကတည်းက ရှိခဲ့သည်။ ဆောင်းဦးနှောင်းပိုင်းတွင် အိုက်စ်လန်မှ ပုံနှိပ်ထုတ်ဝေသူများသည် အသစ်သောစာစဉ်များဖြင့် စျေးကွက်ကျဆင်းအောင် စတင်လုပ်ခဲ့သည်။ ယခုအခါ နိုင်ငံ၏အသစ်ထွက်ရှိသော စာအုပ်စာရင်းကို နိုင်ငံတွင်းရှိအိမ်တိုင်းသို့ နို၀င်ဘာလလယ်ခန့်တွင် ပေးပို့ကြသည်။ ဤအလေ့အထကို ခရစ္စမတ်စာအုပ်ပွဲတော်ဟုခေါ်ကြသည်။
အခြားသူများကို ပညာပေးရန်၊ တွန်းအားပေးရန်၊ လှုံဆော်ပေးရန်၊ ကောင်းမွန်သောပုံပြင်၊ အကြောင်းအရာ၊ ဇာတ်လမ်းကို ဖန်တီးနိုင်စွမ်းရှိသူများကို ဘုရားသခင် ကောင်းချီးပေးထားခြင်းအတွက် ကျွန်ုပ်တို့ ကျေးဇူးတင်သင့်သည်။ စာအုပ်ကောင်းတစ်အုပ်နှင့် တူသောအရာဘာမှမရှိပါ။ ရောင်းအားအကောင်းဆုံးစာအုပ်ဖြစ်သည့် သမ္မာကျမ်းစာ၌ စာရေးသူများစွာတို့က “ကဗျာ၊ စကားပြေ၊ ဇာတ်လမ်းကောင်းများ၊…
ကလေးနာမည်ကို မည်သို့မှည့်ခေါ်မည်နည်း
မာရိသည် သူလွယ်ထားသောကိုယ်ဝန်မှ ကလေးမွေးဖွားမည့်အချိန်ကို စောင့်စားစဉ် “ယောသပ်၊ ကျွန်မတို့ကလေးရဲ့နာမည်ကို ဘယ်လိုမှည့်ကြမလဲ” ဟူသည့်အကြောင်းကို ယောသပ်နှင့် ပြောစရာမလိုခဲ့ပါ။ ကလေးမွေးမည့်အချိန်ကို စောင့်စားသည့်လူအများစုနှင့်မတူဘဲ သူတို့အတွက် ဤမေးခွန်း မရှိခဲ့ပါ။
မာရိနှင့်ယောသပ်တို့ထံ ရောက်လာခဲ့သော ကောင်းကင်တမန်က ကလေး၏အမည်ကို ယေရှုဟုမှည့်ရမည်ဟု သူတို့နှစ်ဦးကိုပြောခဲ့သည် (မ ၁:၂၀-၂၁၊ လု ၁:၃၀-၃၁)။ ယောသပ်ထံ ကိုယ်ထင်ပြသောကောင်းကင်တမန်က ထိုသူငယ်သည် မိမိလူတို့ကို အပြစ်မှကယ်ချွတ်မည်အကြောင်း ထိုနာမည်က ဖော်ညွှန်းသည်ဟု ရှင်းပြခဲ့သည်။
ထိုသူငယ်သည် ‘ငါတို့နှင့်အတူရှိတော်မူသောဘုရားသခင်’ ဟုအဓိပ္ပာယ် ရှိသည့် ‘ဧမာနွေလ’ဟု ခေါ်ဝေါ်ခြင်းကိုခံရမည် (ဟေရှာ ၇:၁၄)။ အဘယ်ကြောင့်ဆိုသော် သူသည် အနှီးဖြင့်ထုပ်ပိုးထားသော လူဇာတိခံသောဘုရား - လူသဏ္ဌာန် ဆောင်ထားသောဘုရားဖြစ်သည်။ ပရောဖက်ဟေရှာယက နောက်ထပ်အမည်နာမများအဖြစ် အံ့သြဖွယ်၊ တိုင်ပင်ဖက်၊ တန်ခိုးကြီးသော ဘုရားသခင်၊ ထာဝရအဘ၊ ငြိမ်သက်ခြင်းအရှင် (၉:၆) ဟု ဖော်ထုတ်ခဲ့သည်။ ထိုသူငယ်သည်…
စိမ်းလန်းသောအရပ်ကို ရှာဖွေခြင်း
လေယာဥ်မှူး၏တည်ငြိမ်သောအသံနှင့်ကြေညာပြီးသွားသော်လည်း နှောင့်နှေးပြန်ပါပြီ။ ခရီးသည်အပြည့်ဖြစ်သော်လည်း ၂ နာရီ ကြာသည်အထိ လေယာဥ်မရွေ့ သေး၍ ကျွန်မစိတ်မရှည်တော့ပါ။ တစ်ပတ်တာလုံး အလုပ်လုပ်ခဲ့ပြီးနောက် အိမ်ပြန်ပြီး အနားယူလိုလှပါပြီ။ မည်မျှကြာဦးမည်နည်း။ ပြူတင်းပေါက်နားရှိထိုင်ခံုကိုရထား၍ မိုးစက်လေးများတင်နေသည့် ပြူတင်းမှန်မှတစ်ဆင့်လှမ်းကြည့်စဥ် ကွန်ကရစ်လေယာဥ်ပြေးလမ်းကြားမှ တြိဂံပံုအကွက်၌ မြက်ပင်စိမ်းစိမ်းကိုသတိပြုမိလိုက်သည်။ ကွန်ကရစ်များကြားမှ ထိုမြင်ကွင်းလေးက ထူးဆန်းနေပါသည်။
အတွေ့အကြုံရင့်ကျက်သည့် သိုးထိန်းတစ်ဦးအနေဖြင့် ဒါဝိဒ်သည် သိုးများနားနေရန် စိမ်းလန်းသောစားကျက်ကို ရှာဖွေပေးရန်လိုအပ်ကြောင်း ကောင်းစွာသိသည်။ ဆာလံ ၂၃ တွင် အရေးကြီးသော သင်ခန်းစာတစ်ခုကို သူရေးသားခဲ့သည်။ ၎င်းသည် ဣသရေလလူတို့၏ဘုရင်အဖြစ်ဦးဆောင်ရင်း ပင်ပန်းနွမ်းလျချိန်များတွင် သူ့အား ရှေ့ဆက်တက်လှမ်းစေမည့် သင်ခန်းစာဖြစ်သည်။ “ထာဝရဘုရားသည် ငါ၏သိုးထိန်းဖြစ်တော်မူ၏။ ငါသည် ဆင်းရဲမခံရ။ စိမ်းလန်းသော ကျက်စားရာအရပ်၌ ငါ့ကို အိပ်စေတော်မူ၍ သာယာသောမြစ်နားသို့ လမ်းပြတော်မူ၏”(:၁-၃)။
နိုင်လွန်ကတ္တရာ လေယာဥ်ပြေးလမ်းရှိ ကွန်ကရစ်များကြားတွင် မိမိသွားလိုသည့်ခရီးက ကြန့်ကြာနေပြီး နှစ်သိမ့်မှုမဲ့လျက် အနားမရသကဲ့သို့ ခံစားနေရချိန်၌…
သင်မည်သူ့ကို ယူတင်ဝတ်ဆင်ထားသနည်း။
အာဂျင်တီးနားအမျိုးသမီးဘစ်စကတ်ဘောအသင်းသည် ပြိုင်ပွဲတွင် ယူနီဖောင်းမှားပြီးဝတ်ဆင်လာမိခဲ့ကြသည်။ ၎င်းတို့၏ရေတပ်ပြာအရောင်အင်္ကျီသည် ကိုလံဘီယာအသင်း၏နက်ပြာရောင်အင်္ကျီနှင့် ဆင်တူယိုးမှားဖြစ်နေပြီး စင်စစ် ဧည့်သည်အသင်းအနေဖြင့် သူတို့က အဖြူရောင်ဝတ်ကြရမည်ဖြစ်သည်။ အစားထိုးလဲဝတ်ရန်အတွက် အင်္ကျီရှာရန် အချိန်မရှိတော့သည့်အတွက် ပြိုင်ပွဲကို အရှုံးခံလိုက်ရသည်။ နောက်ပိုင်းတွင် အာဂျင်တီးနားအဖွဲ့သည် ၎င်းတို့ ဘာဝတ်ရမည်ကို နှစ်ခါပြန် ပြန်စစ်မည်မှာ အသေချာပင်ဖြစ်သည်။
ပရောဖက်ဇာခရိခေတ်က အမြင့်ဆုံးသော ယဇ်ပရောဟိတ်ယောရှုသည် ဘုရားသခင်၏ရှေ့တော်မှောက်သို့ ညစ်ညူးသောအဝတ် ဝတ်ပြီး ဝင်လာသည်ကို သူ့အား ဘုရားသခင်ရူပါရုံဖွင့်ပြသည်။ စာတန်သည် လက်ညိုးထိုးလျက်သရော်သည်။ ယဇ်ပရောဟိတ်ယောရှုသည် သတ်မှတ်အရည်အချင်း မပြည့်မီဘဲ ပွဲပြီးသွားသည်။ သို့သော် အဝတ်လဲလှယ်ချိန်ရှိခဲ့ပြီး၊ ဘုရားသခင်သည် စာတန်အား ပြစ်တင်မောင်းမဲကာ ယောရှု၏ညစ်ညူးသောအဝတ်ကိုလဲပေးရန် ကောင်းကင်တမန်အား မိန့်ကြားသည်။ ထိုနောက် ယောရှုအား “သင့်အပြစ်ကို ငါဖြေရှင်းပြီ။ တင့်တယ်သောအဝတ်ကို ငါဝတ်စေမည်” ဟု မိန့်တော်မူသည် (ဇာ ၃:၄)။
ကျွန်ုပ်တို့သည် အာဒံ၏အပြစ်အပေါ်တွင် မိမိ၏ကိုယ်ပိုင်အပြစ်များနှင့် ထပ်ဖုံးပြီး ညစ်ညူးသောအရာများကို…
ကားတိုင်ဘာသာစကား
သင်းအုပ်ဆရာ တင်းမ်ကယ်လာက “လူဆိုတာ မိမိဘယ်လိုလူမျိုးဖြစ်တယ်ဆိုတာ အခြားသူ၏အပြောသက်သက်နှင့် မသိနိုင်ပါ။ လက်တွေ့ပြဖို့ လိုပါတယ်”ဟု ပြောပါသည်။ နားလည်အောင်ပြောရလျှင် “လက်တွေ့အပြုအမူဟာ အပြောထက် ပိုထိရောက်တယ်” ဟူသည့် ဆိုရိုးစကားအတိုင်းဖြစ်သည်။ ဇနီးမောင်နှံနှစ်ဦးက တစ်ယောက်စကားကို တစ်ယောက်ကနားထောင်ပေးပြီး အချင်းချင်း ချစ်ခြင်းမေတ္တာပြသကြသည်။ မိဘများက ကြင်နာစွာဂရုစိုက်ခြင်းဖြင့် သားသမီးများကို တန်ဖိုးထားကြောင်း ဖော်ပြတတ်ကြသည်။ နည်းပြက အားကစားသမားများ၏အလားအလာရှိကြောင်းကိုပြသရန် ၎င်းတို့၏စွမ်းရည်တိုးတက်မှုတွင် ရင်းနှီးမြှုပ်နှံပေးသည်။ ပြော၍မကုန်ပါ။ သို့သော် လူတို့အတွက် နာကျင်စရာကို ထောက်ပြပေးသည့်၊ လူတို့လက်မခံချင်သည့် နှစ်သက်ဖွယ်မကောင်းသည့် သတင်းစကားကို ဆက်သွယ်ပေးသည့် လုပ်ရပ်များလည်းရှိပါသည်။
ဤစကြဝဠာတွင် လက်တွေ့လုပ်ရပ်၌ အခြေခံသောသတင်းများအနက် အရေးအကြီးဆုံးသောသတင်းတစ်ခုရှိသည်။ ဘုရား၏အမြင်၌ မိမိသည် မည်သို့ပေါ်လွင်နေသည်ကိုဖော်ပြရန် ကားတိုင်ပေါ်မှ သခင်ဘုရား၏လုပ်ရပ်အပြင် အခြားဘာမှ မလိုအပ်ပါ။ ရောမ ၅:၈တွင် ရှင်ပေါလုက “ငါတို့သည် အပြစ်ရှိစဉ်ပင် ခရစ်တော်သည် ငါတို့အတွက်ကြောင့် အသေခံတော်မူသည်ဖြစ်၍ ဘုရားသခင်သည် ငါတို့ကို…
အနည်းငယ် ချန်ထားပေးပါ
ပဲနိ၊ နီကယ်၊ ဒိုင်း၊ ကွာတား စသည့် အကြွေစေ့များသည် တစ်ခါတစ်ရံ တစ်ဒေါ်လာ၏တစ်ဝက်မျှ တန်ဖိုးရှိတတ်သည်။ ထိုအကြွေစေ့များကို အဖိုး၏ ခုတင်ဘေးရှိ စားပွဲပေါ်တွင် တွေ့ရပါမည်။ အဖိုးက ညတိုင်း သူ့အိပ်ထဲမှအကြွေမှန်သမျှကိုထုတ်ပြီး စားပွဲပေါ်တင်ထားလေ့ရှိသည်။ မကြာမီ မြေးများရောက်လာတော့မည်ကို သူသိနေသည်။ ဤနှစ်များအတွင်း မြေးများကလည်း အဖိုးအိမ်သို့သူတို့ရောက်တိုင်း ထိုစားပွဲသို့သာသွားသည့် အကျင့်ဖြစ်နေပါပြီ။ အဖိုးအနေဖြင့် အပိုအကြွေစေ့များကို စုဘူးထဲထည့် (သို့) ဘဏ်၌စုဆောင်းထားနိုင် သော်လည်း မစုပါ။ သူ့အိမ်သို့အလည်လာသည့် အဖိုးတန်ဧည့်သည်တော်များအတွက် ထိုသို့ပြုပေးရသည်ကို သူဝမ်းသာကျေနပ်သည်။
ထိုစိတ်သဘောကို ဝတ်ပြုရာကျမ်း ၂၃ တွင် ဖော်ပြထားပါသည်။ကောက်ပဲသီးနှံများ ရိတ်သိမ်းချိန်တွင် “စပါးကိုရိတ်သောအခါ လယ်ထောင့်ကို အကုန်အစင် မရိတ်ရ” (:၂၂)ဟု မောရှေမှတစ်ဆင့် ဘုရားသခင်က လူတို့ အလိုလိုမသိနိုင်သည့်အချက်ကို မိန့်တော်မူသည်။ အဓိကအားဖြင့် “နည်းနည်းချန်ထားပေးရန်”ဆိုလိုခြင်းဖြစ်သည်။ ၎င်းသည် လူတို့အား သူတို့၏ကောက်ပဲသီးနှံများ၏နောက်ကွယ်တွင် ဘုရားသခင်သည် အဓိကရှိနေပြီး၊…
အံသြဖွယ်ခရစ်စမတ်
အစည်းအဝေးတက်ရောက်ရန် လန်ဒန်သို့ ကျွန်တော်ရောက်ရှိနေသည်။ မိုးတဖွဲဖွဲရွာနေပြီး ကျွန်တော်နောက်ကျနေခဲ့သည်။ လမ်းသွယ်များကြား အလျင်စလိုဖြတ်ဝင်ပြီး ထောင့်အကွေ့တစ်ခုမှ ချိုးအထွက်တွင် ကျွန်တော်ကြက်သေသေသွားသည်။ ဒါဇင်နှင့်ချီသော ကောင်းကင်တမန်များ ရီးဂျန့်လမ်းမထက်၌ ရစ်ဝဲနေကာ ၎င်းတို့၏တောက်ပလင်းလက်သောအတောင်ပံများက ကားတန်းတစ်လျှောက်အပေါ်ဖြန့်ကျက်ထားသည်။ လျှပ်စစ်မီးသီးထောင်ပေါင်းများစွာဖြင့် အလှဆင်ထားသည်မှာ ကျွန်တော်မြင်ဖူးခဲ့သမျှ ခရစ္စမတ်အပြင်အဆင်တွင် အံ့မခမ်းအလှဆုံးဖြစ်သည်။ ရာပေါင်းများစွာသောလူများသည်လည်း လမ်းတစ်လျှောက် တန်းစီကာ အံ့သြမှုအပြည့်နှင့် ငေးမောနေကြသည်။
အံသြမှုသည် ခရစ္စမတ်ပံုပြင်၏အဓိကအချက်တစ်ခုဖြစ်သည်။ ကောင်းကင်တမန်သည် ကိုယ်ထင်ပြကာ မာရိအား သူမသည် အလွန်ထူးခြားစွာဖြင့် ကိုယ်ဝန်ဆောင်ရမည်ကိုရှင်းပြစဥ် (လု ၁:၂၆-၃၈)၊ သခင်ယေရှုဖွားမြင်သောအခါ သိုးကျောင်းသားများကို သတင်းကောင်းပြောကြားချိန် (၂:၈-၂၀)တို့တွင် ထိုသူတို့သည် ကြောက်လန့်ခြင်း၊ အံ့သြမှင်သက်ခြင်းဖြင့် တုံ့ပြန်ခဲ့ကြသည်။ ရီးဂျန့်လမ်းမှ လှည့်ပတ်ကြည့်ရှုနေသော လူအုပ်ကြီးကိုကြည့်ရင်း ပထမဆုံးအကြိမ်ကောင်းကင်တမန်များနှင့် တွေ့ကြုံခဲ့ရသူတို့ကဲ့သို့ ကျွန်တော်တို့ခံစားနေရ သလားဟု ကျွန်တော်အတွေးဝင်မိပါသည်။
ခဏအကြာတွင် နောက်ထပ်အချက်တစ်ချက်ကို ကျွန်တော် သတိပြုမိသည်။ ကောင်းကင်တမန်အချို့က လက်များပင့်လျက် တစ်စုံတစ်ရာကို လှမ်းကြည့်နေသကဲ့သို့…