တစ်ဦးချင်းဖြစ်စေ၊ အားလုံးဖြစ်စေ

​အဲလ်ဆာဗေဒိုနိုင်ငံတွင် သခင်ယေရှုကိုချီးမြှောက်လျက် ကိုယ်တော်၏ရုပ်တုကြီးကို မြို့တော်၏အလယ်တွင် စိုက်ထူထားသည်။ ယာဉ်အသွားအလာများသော မြို့လယ်ခေါင်ဖြစ်သော်လည်း မြင့်မားသည့်ရုပ်တုနှင့် “ဤလောက၏ ကယ်တင်ရှင် ဘုရားသခင်” ဟူသည့်နာမတော်က ထင်ရှားပေါ်လွင်လျက် အများသူငှာတို့ အလွယ်တကူမြင်နိုင်ပြီး သခင်၏အံ့မခမ်းကြီးမြတ်မှုကို ရိုသေ လေးမြတ်ရန် ဆက်သွယ်ဖော်ပြနေသည်။

ဤရုပ်တုတွင်ဖော်ပြထားသည့် အမည်နာမသည် သမ္မာကျမ်းစာထဲတွင် ဖော်ပြထားသော သခင်ယေရှု (၁ ယော ၄:၁၄)၏အကြောင်းကို ပိုမိုခိုင်မာစေ သည်။ကိုယ်တော်သည် လူသားတိုင်းအား ကယ်တင်ခြင်းကိုပေးသော သခင် ဖြစ်သည်။ ကိုယ်တော်သည် မတူညီသောယဉ်ကျေးမှု၊ ဓလေ့ထုံးတမ်းများကို ဂရုမပြု။ မည်သည့် အသက်အရွယ်၊ ပညာ၊ လူမျိုးစု၊ အတိတ်မှအပြစ်၊ လူမှု အဆင့်အတန်းမဆို သူ့အား သိကျွမ်းရင်းနှီးလိုသူမှန်သမျှကို လက်ခံသည်။

ရှင်ပေါလုသည် ရှေးခေတ်ကမ္ဘာ့နေရာအနှံ့အပြားသို့ လှည့်လည်ပြီး ယေရှု၏ အသက်တာ၊ အသေခံခြင်းနှင့် ရှင်ပြန်ထမြောက်ခြင်းအကြောင်းကို ဟောပြော ခဲ့သည်။ ဤသတင်းကောင်းကို နိုင်ငံရေးသမား၊ ဘာသာရေးခေါင်းဆောင်၊ စစ်သား၊…

ကြက်ဆင်ပေးသောသင်ခန်းစာ

ကြက်ဆင်တစ်အုပ်ကို မည်ကဲ့သို့ခေါ်ဆိုသည်ကို သင်သိပါသလား။ ‘Rafter’ ဟု ခေါ်ပါသည်။ ကြက်ဆင်အကြောင်းကို ကျွန်တော်ရေးသားရခြင်းမှာ လွန်ခဲ့သော စနေတနင်္ဂနွေပိတ်ရက်က တောင်ပေါ်စခန်းတစ်ခုသို့ သွားလည်ခဲ့ရာ၊ ကျွန်တော်တည်းခိုသည့်အခန်း၏ဆင်ဝင်ကိုဖြတ်ပြီး တန်းစီသွား‌ေနေသည့် ကြက်ဆင်များကို တွေ့ပြီး တအံ့တသြကြည့်မိသည်။

ယခင်က ကျွန်တော်ကြက်ဆင်များကို သတိထားမကြည့်ခဲ့ဘူးပါ။ ၎င်းတို့သည် အံ့ဖွယ်ခြေသည်းကြီးများနှင့် မြေကြီးကို ပြင်းထန်စွာ ကုတ်ခြစ်သည်။ ထို့နောက် အစာကို နှုတ်သီးဖြင့်ထိုးဆိတ်၍စားသည်ဟု ကျွန်တော်ထင်ပါသည်။ (ကျွန်တော့် အတွက် ပထမဆုံးအကြိမ် ကြက်ဆင်များကို လေ့လာခြင်းဖြစ်သဖြင့် ရာနှုန်းပြည့် တော့ မသေချာပါ)။ အရိုးအပြိုင်းပြိုင်းနှင့်ကြုံလှီသောချုံပုတ်များကို ကြည့်ပြီး ဤအရပ်၌ ၎င်းတို့အသက်ရှင်နိုင်မည်ပုံမပေါ်ပါ။ သို့သော် ဤနေရာတွင် တစ်ဒါဇင် မကသောကြက်ဆင်များ ဝဝဖြိုးဖြိုးလှလှပပနှင့်အသက်ရှင်နေသည်ကိုတွေ့ရသည်။

ဝလင်စွာစားသောက်ရသော ထိုကြက်ဆင်များကိုကြည့်ပြီး မဿဲ ၆:၂၆ မှ သခင်ယေရှု၏စကားက အတွေးထဲဝင်လာသည်။ “မိုးကောင်းကင်၌ ကျင်လည်သော ငှက်များကို ကြည့်ရှုဆင်ခြင်ကြလော့။ ထိုငှက်တို့သည်မျိုးစေ့ကို မစိုက်မကြဲ၊ စပါးကို…

ကျွန်ုပ်အတွက်နေရာ

အပြောအဆိုကြမ်းတမ်းသော သက်ကြွယ်စစ်မှုထမ်းဟောင်းတစ်ဦးရှိပါသည်။ တစ်နေ့တွင် သူ့အပေါ်ဂရုတစိုက်ရှိသည့် မိတ်ဆွေတစ်ဦးက သူ၏ဝိညာဉ်ရေး ယုံကြည်ခြင်းအခြေအနေကို မေးမြန်းစူးစမ်းရာ၊ “ကျွန်တော့်လို လူမျိုးအတွက် ဘုရားသခင်ဆီမှာ နေရာမရှိပါဘူး” ဟု ထိုပုဂ္ဂိုလ်က စိတ်အားငယ်စွာဖြင့် အလျင်အမြန် ပြန်ဖြေသည်။

ဤအဖြေက ထို “လူကြမ်းကြီး” ပြောလေ့ပြောထရှိသောစကားဖြစ်ကောင်းဖြစ်မည်။ သို့သော် သူ၏စကားသည် အလုံးစုံမမှန်ပါ။ ထာဝရဘုရားသည် ကြမ်းတမ်းသူ၊ အပြစ်၌ပျော်မွေ့သူ၊ အပယ်ခံရသူတို့ကို ပိုင်ဆိုင်ပတ်သက်လိုပြီး သူ၏အသိုက်အဝန်းထဲသို့ သွတ်သွင်းလိုသည်။ သခင်ခရစ်တော်၏အမှုတော် စတင်ချိန်၌ တပည့်တော်များကို ရွေးကောက်ရာတွင် ဤအချက်ကို ထင်ရှားစွာ တွေ့နိုင်သည်။ “ဆင်းရဲစွာ အသက်မွေးရသူ” ဟု ယေရုရှလင်မြို့သားများ သတ်မှတ်ထားသည့် ဂါလိလဲအိုင်မှတံငါသည်များကို သူ၏တပည့်တော်အဖြစ် ကိုယ်တော်က ရွေးချယ်ခဲ့သည်။ အဖိနှိပ်ခံပြည်သူများအား ခြိမ်းခြောက်၍ အခွန် ကောက်ခံသူ မဿဲကိုလည်း ရွေးချယ်ခဲ့သည်။ ထိုမျှမက သခင်ခရစ်တော်သည် ‘ဇေလုပ်’ ဖြစ်သည့် ‘အခြား’သော ရှိမုန်ကိုလည်း ရွေးချယ်ခဲ့သည်…

လှစ်ဟထားသောစွန့်ကြဲလိုသည့်နှလုံးသား

ဗစ်ကီ၏ကားမှာ စက်ချို့ယွင်းပြီး ပြင်၍မရတော့သဖြင့် သူသည် ရှိသမျှငွေကို စုလိုက်ပြီး နောက်ကားတစ်စီးဝယ်ရန်စီစဉ်သည်။ တစ်နေ့တွင် ဗစ်ကီအလုပ် လုပ်သည့်စားသောက်ဆိုင်၏ ဖောက်သည်ဖြစ်သူ ခရစ်က သူမအတွက် ကားလိုနေကြောင်း ပြောသံကြားလိုက်သည်။ “ဒီအကြောင်းကိုမစဉ်းစားဘဲ မနေနိုင်ဘူး။ သူ့အတွက် တစ်ခုခုတော့ လုပ်ပေးရမယ်” ဟုခရစ်ပြောသည်။ ထိုကြောင့် (ရောင်းရန် ကြော်ငြာထားသည့်) သူ့သား၏တစ်ပတ်ရစ်ကားကို ဝယ်ယူပြီး ပြုပြင်မွမ်းမံကာ ကားသော့အား ဗစ်ကီထံအပ်ရာ ဗစ်ကီက တအံ့တသြဖြင့် “ဒါဘယ်သူ့လက်ရာလဲ”ဟုကျေးဇူးတင်စွာ ပြောလိုက်သည်။

လက်ကိုဖွင့်လျက် အကူအညီလိုအပ်သူများကို တတ်အားသရွေ့ ပေးလှူခြင်းဖြင့် အသက်ရှင်ကြရန် နှုတ်ကပတ်တော်က ကျွန်ုပ်တို့အား နှိုးဆော်ထားသည်။ တိမောသေပြောသကဲ့သို့ “ငွေရတတ်သောသူတို့အား ... သူတစ်ပါးအား ကျေးဇူးပြုခြင်း၊ ကောင်းသောအကျင့်၌ကြွယ်ဝပြည့်စုခြင်း၊ ... တို့ကိုပြုရမည့် အကြောင်း” ပညတ်ထားသည် (၁ တိ ၆:၁၈)။ ကျွန်ုပ်တို့သည် စေတနာပြ စွန့်ကြဲခြင်းကို လုပ်ဆောင်ခြင်းမျှသာမဟုတ်ဘဲ ပေးကမ်းခြင်းစိတ်သဘောကို အားရရွှင်လန်းစွာ…

ငြိမ်သက်ခြင်း၏တန်ဆာပလာများ

၁၉၁၄ ခုနှစ် ပထမကမ္ဘာစစ်ပြင်းထန်လျက်ရှိစဥ် ဗြိတိသျှနိုင်ငံရေးခေါင်းဆောင် ဆာ အက်ဒွတ် ဂရေး က “ဥရောပတစ်ခွင်လုံး မီးငြိမ်းတော့မည်။ ဒီတစ်သက် အလင်းကို ဘယ်သောအခါမှ မြင်ရတော့မည်မဟုတ်” ဟုကြေညာခဲ့သည်။ ဂရေး ၏စကားသည် အမှန်ပင်ဖြစ်သည်။ စစ်ပွဲအားလုံးကို အဆုံးသတ်မည့် ကမ္ဘာစစ်ကြီး ပြီးသွားသော် လူပေါင်း သန်း ၂၀ ခန့် အသက်ဆုံးရှုံးခဲ့ရပြီး (၁၀ သန်းသည် အရပ်သားများဖြစ်သည်) ၂၁ သန်းသည် ထိခိုက်ဒဏ်ရာရရှိခဲ့ကြသည်။

ကျွန်ုပ်တို့၏ဘဝတွင် ထိုမျှမကြီးမားသည့်သည့်တိုင် ဆုံးရှုံးမှုများနှင့် ရင်ဆိုင်ကြုံရနိုင်သည်။ ပဋိပက္ခအရိပ်မဲကြီးသည် ကျွန်ုပ်တို့၏အိမ်၊ အလုပ်ခွင်၊ ဘုရားကျောင်းနှင့် အိမ်နီးနားချင်းတို့အပေါ် ဖုံးကွယ်နိုင်သည်။ ၎င်းသည် ဘုရား သခင်က ကျွန်ုပ်တို့အား ထူးခြားမှုကိုပြုသူဖြစ်ရန် စေစားရသည့်အကြောင်းရင်း တစ်ခုဖြစ်သည်။ ထိုသို့လုပ်ဆောင်နိုင်ရေး ဘုရားသခင်၏ဉာဏ်ပညာ၌ အမှီပြုရ မည်ဖြစ်သည်။ ရှင်ယာကုပ်က “အထက်မှသက်ရောက်သောပညာမူကား ရှေ့ဦးစွာ စင်ကြယ်၏။ ... အသင့်အတင့်နေတတ်၏။…

ပဋိပက္ခများကို ကျောခိုင်းလျက်...

အဲလ်ဘတ်အိုင်းစတိုင်းသည် ချစ်ခင်နှစ်သက်ဖွယ် သူ့မိတ်ဆွေ၊ ထင်ရှားသော ဒတ်ချ်လူမျိုး သိပ္ပံပညာရှင် ဟဲန်ဒရစ် အေ လောရင့်ဇ်၏ စျာပနာ၌ သူတို့၏ သိပ္ပံဆိုင်ရာ အငြင်းအခုန်အကြောင်းများ မပြောဘဲ သက်သောင့်သက်သာ ရှိသည့် လောရင့်စ်၏အပြုအမူ၊ သဘောထားနှင့် အခြားသူအပေါ် မျှတစွာ ဆက်ဆံတတ်မှု၊ “မပျက်ကွက်သောအကြင်နာတရားရှိသူ”ဟု ပြန်ပြောင်း အောက်မေ့သတိရလျက်၊ “သူက သူတစ်ပါးအပေါ်လွှမ်းမိုးဖို့ ဘယ်တော့မှ မစဉ်းစားဘူး။ အသုံးဝင်တဲ့သူဖြစ်ဖို့ပဲ တွေးတယ်လို့ လူတိုင်းခံစားရလို့ သူ့ရဲ့ ဉီးဆောင်မှုနောက်ကို ဝမ်းမြောက်စွာနဲ့လိုက်ကြတယ်” ဟု ပြောကြားခဲ့သည်။

အထူးသဖြင့် ပထမကမ္ဘာစစ်နောက်ပိုင်းတွင် လောရင့်စ်က သိပ္ပံပညာရှင်များ အား နိုင်ငံရေးအရဘက်လိုက်မှုကိုဘေးဖယ်ကာ အတူတကွ ပူးပေါင်းလုပ်ဆောင် ကြရန် နှိုးဆော်ခဲ့သည်။ “စစ်ကြီးမပြီးခင်ကတည်းက ပြန်လည်သင့်မြတ် ငြိမ်းချမ်းရေးအတွက် စိတ်နှစ်ပြီး သူလုပ်ဆောင်ခဲ့တယ်” ဟု သူ၏ လုပ်ဖော် ဆောင်ဖက် နိုဘယ်ဆုရှင်ကြီးလောရင့်စ် အကြောင်းကို အိုင်းစတိုင်းပြောခဲ့သည်။

သင့်မြတ်ငြိမ်းချမ်းရေးအတွက် ဆောင်ရွက်ခြင်းသည်…

ရဲရင့်သောလုပ်ရပ်များ

ဂျွန်ဟာပါနှင့် ၆ နှစ်အရွယ်သမီးလေးတို့ တိုင်တဲနစ်သင်္ဘောထဲသို့ ဝင်သွားချိန်တွင် ရှေ့ဆက်ဘာဖြစ်မည်ကို သူတို့ စိုးစင်းမျှမသိခဲ့ပါ။ သို့သော် ယေရှုကို သူချစ်ပြီး အခြားသူများအားလည်း ယေရှုကိုသိစေချင်သည်က သူ့ဆန္ဒပါ။ သင်္ဘောကြီးက ရေခဲတုံးကိုတိုက်မိပြီး သင်္ဘောထဲသို့ ရေများဝင်လာသည်နှင့် ဟာပါသည် သမီးကို အသက်ကယ်လှေပေါ်တင်ပြီးသည်နှင့် လူများကို တတ်နိုင်သမျှကယ်ထုတ်ရန် ပွက်လောရိုက်နေသည့်သင်္ဘောထဲသို့ ပြန်ဝင်သွားခဲ့သည်။ အသက်ကယ်အင်္ကျီကို ဝေပေးရင်း ပါးစပ်မှလည်း “အမျိုးသမီးတွေ၊ ကလေးတွေနဲ့ ကယ်တင်ခြင်း မရသေးသူတွေ အသက်ကယ်လှေပေါ် အရင်တက်ပါစေ” ဟု အော်ပြောသည်။ သူ၏နောက်ဆုံးထွက်သက်ထိ သူ့အနီးပတ်လည်ရှိလူတို့အား သခင်ယေရှု အကြောင်းကို ဝေမျှပြောကြားခဲ့သည်။ အခြားသူတို့ အသက်ရှင်နိုင်အောင် သူ့အသက်ကို လိုလားစွာ ပေးဆပ်ခဲ့သည်။

သင်နှင့်ကျွန်ုပ် ယခုဘဝအသက်သာမက ထာဝရအသက်ရှင်နိုင်ရေး အတွက် လွန်ခဲ့သော နှစ်ပေါင်း ၂၀၀၀ ကျော်က သူ့အသက်ကို လိုလားစွာ ပေးဆပ်ခဲ့သူတစ်ဉီးရှိပါသည်။ သခင်ယေရှုက ရုတ်တရက်စိတ်ကူးပေါက်ပြီး လူသား၏အပြစ်အဖိုးအခဖြစ်သည့်…

မှားယွင်းသောတလွဲစိတ်ချမှု

လွန်ခဲ့သောနှစ်အတန်ကြာက ဆရာဝန်က ကျွန်ုပ်၏ကျန်းမာရေးနှင့်ပတ်သက်၍ ခပ်တင်းတင်း ပြောဆိုညွှန်ကြားသဖြင့် သူ့စကားကိုနာခံပြီး လေ့ကျင့်ခန်းလုပ်ကာ အစားအသောက်ကိုလည်း ချင့်ချိန်စားသုံးခဲ့သည်။ အချိန်အတန်ကြာသော် ကိုလက်စထရောဓာတ်ကျပြီး ကိုယ်အလေးချိန်လည်း ကျသွားသည်။ မိမိကိုယ်ကို တန်ဖိုးထားမှုမှာကား မြင့်တက်လာသည်။ သို့သော် မကောင်းသည့်အကျင့်တစ်ခုဖြစ်လာသည်။ အခြားသူများ၏အစားအသောက်ရွေးချယ်မှုကိုကြည့်ပြီး ကျွန်ုပ် ဝေဖန်တတ်လာခြင်းဖြစ်သည်။ မိမိကအမှတ်ကောင်းနေလျှင် မိမိကိုယ်ကိုဂုဏ်ယူ တတ်ပြီး အခြားသူကိုနှိမ်မိခြင်းက ရယ်စရာဖြစ်မနေဘူးလား။ အခြားသူများကို ဝေဖန်စီရင်ရန် မိမိရေးဆွဲထားသည့် စံချိန်စံနှုန်း၌ ကုပ်ကပ်တွယ်လိုသည့်သဘော ရှိခြင်းက မွေးရာပါလူ့အတွင်းစိတ်ဖြစ်ပုံရသည်။

ထိုသို့ပြုကျင့်ခြင်းနှင့်စပ်လျဉ်း၍ ဖိလိပ္ပိမြို့သားများကို ရှင်ပေါလု သတိပေး ခဲ့သည်။ အချို့က ၎င်းတို့၏ဘာသာရေးအကျင့်အကြံများ၊ ဓလေ့ထုံးတမ်းများနှင့် လိုက်လျောညီထွေစွာ နာခံလိုက်လျှောက်နိုင်မှုအပေါ် အားကိုးစိတ်ချမှုရှိသည်။ ထိုသို့စိတ်ချကြေးဆိုလျှင် သူက ပို၍ပင်ဝါကြွားစရာအကြောင်းရှိကြောင်း၊ “အခြားသူမည်သူကား၊ ဇာတိ၌ ကိုးစားစရာအကြောင်းရှိသည်ဟုထင်လျှင် ငါမူကား သာ၍ရှိ၏” (:၃-၄)။ သို့သော် “သခင်ယေရှုကို သိသောပညာ” နှင့် ယှဉ်လျှင်(:၈)၊ သူ၏မျိုးရိုး နှင့်ဇာတိပကတိအကျင့်အကြံများသည်…

ဖြစ်နိုင်လျှင်...

အလက်စကား မိုးမခပင်ကြီးမှာ မိုးသက်မုန်တိုင်းကြား ဟိုဒီယိမ်းထိုးနေသည်။ နွေရာသီ၌အရိပ်ကိုပေးရုံမကာ မိသားစုအတွက် သီးသန့်ဆိတ်ငြိမ်ရာနေရာ ဖြစ်ပေးသည့်အပင်ကြီးကို ရယ်ဂျီချစ်သည်။ ယခုတွင် ကြောက်မက်ဖွယ် လေပြင်းက အပင်ကြီးကို အမြစ်မှဆွဲလှန်နေသည်။ ရယ်ဂျီနှင့် ၁၅ နှစ် အရွယ် သူ့သားတို့ အမြန်ပြေးထွက်လာကာ အပင်ကြီးလဲမသွားအောင် ကျားကန် ထားသော ပေါင် ၉၀ လေးသည့် ထောက်တိုင်ကို တွန်းထားသော်လည်း သူတို့အားနှင့် မတတ်နိုင်ခဲ့ပါ။

အခြားသောမုန်တိုင်းတစ်ခုတွင် ဒါဝိဒ်ဟစ်ခေါ်ချိန်၌ ဘုရားသခင်သည် သူ၏ခွန်အားအစွမ်းဖြစ်ခဲ့သည် (ဆာ ၂၈:၈)။ ဓမ္မပညာရှင်အချို့က ဒါဝိဒ်သည် သူ့ဘဝတစ်စစီပြိုပျက်ချိန်၌ ထိုဆာလံကျမ်းကို ရေးခဲ့သည်ဟု ဆိုကြသည်။ သူ၏ သားရင်းက သူ့ကိုပုန်ကန်ပြီး ထီးနန်းသိမ်းရန် ကြိုးပမ်းခဲ့သည် (၂ ရာ ၁၅)။ အကာအကွယ်မဲ့စွာ အားနည်းစွာ ခံစားရလျက် ဘုရားသခင် နှုတ်ဆိတ်နေပြီး သူသေသွားမည်လားဟု ဒါဝိဒ်မင်းစိုးကြောက်ခဲ့သည် (ဆာ ၂၈:၁)။ “ကိုယ်တော်ကို…

ငှားစီးခဲ့သော ရှူးဖိနပ်

၂၀၁၈ ခုနှစ် ကယ်လီဖိုးနီးယားတောမီးကြောင့် အိုးအိမ်စွန့်ပြေးခဲ့ရသဖြင့် နှစ်ကြီး အထက်ကျောင်းသားဂေ့ဘ်သည် တောလမ်းခရီးကြမ်းအပြေးပြိုင်ပွဲအတွက် လေ့ကျင့်ခဲ့ပြီးမှ အရည်အချင်းစစ်အပြေးပြိုင်ပွဲကို မဝင်ခဲ့ရပါ။ အရည်အချင်း မပြည့်မီခြင်းက သူ၏ ၄ နှစ်တာ အပြေးသမားဘဝ၏အမြင့်ဆုံးပွဲဖြစ်သည့် ပြည်နယ်အဆင့်ပြိုင်ပွဲဝင်ရန် အခွင့်မရှိတော့ခြင်းပင်ဖြစ်သည်။ အခြေအနေ အရပ်ရပ်ကို ထောက်ထားလျက် ပြည်နယ်အပြေးအားကစားသမားများ ဘုတ်အဖွဲ့က ဂေ့ဘ်အား နောက်ထပ်အခွင့်အရေးတစ်ခုပေးခဲ့သည်။ ပြိုင်ဘက် အထက်တန်းကျောင်း၏ အပြေးလေ့ကျင့်ကွင်းတွင် သတ်မှတ်ထားသည့် လေ့ကျင့်ချိန်ပြည့်မီအောင် သူ့ဘာသာသူ ပြေးရန်ဖြစ်သည်။ သူ့အားကစား ဖိနပ်က မီးထဲပါသွားသည့်အတွက် အားကစားရှူးဖိနပ်ဖြင့်မဟုတ်ဘဲ သာမန် ရှူးဖိနပ်ဖြင့်သာ သူပြေးရပါမည်။ သို့နှင့် ပြိုင်ပွဲကွင်းသို့ ရောက်လာသောအခါ သူ့ပြိုင်ဘက်အပြေးသမားများက သူ့အတွက် သင့်တော်သည့် အားကစား ဖိနပ်ကို ပြင်ဆင်ပေးထားပြီး ပြည်နယ်အဆင့်အရည်အချင်းမီ သူ၏အမြန်နှုန်းအတိုင်းပြေးနိုင်အောင် သူနှင့်အတူပြေးခဲ့သဖြင့် ဂေ့ဘ် အံ့အားသင့်ခဲ့ရသည်။

ဂေ့ဘ်၏ပြိုင်ဘက်အနေဖြင့် ထိုသို့လုပ်စရာအကြောင်းမရှိပါ။ လူ့သဘာဝ အတိုင်းတွက်ပြီး ကိုယ်အကျိုးကိုသာ ကြည့်မည်ဆိုလျှင် ကြည့်နိုင်ပါသည်…