ယုံကြည်ခြင်းအမွေအနှစ်

၂၀၁၉ ခုနှစ်တွင် အမေရိကန်နိုင်ငံရှိ ယုံကြည်သူများ၏ဝိညာဉ်ရေးရာအမွေဆက်ခံမှုကို သုတေသနလုပ်ရာ၊ အမေနှင့် အဘွားများသည် ဝိညာဉ်ပိုင်းဆိုင်ရာ ကြီးထွားမှုတွင် အဓိကလွှမ်းမိုးသူများဖြစ်ကြောင်း တွေ့ရသည်။ သုံးပုံနှစ်ပုံသောလူတို့က ယုံကြည်ခြင်းအမွေကို ၎င်းတို့၏မိခင်များထံမှရရှိပြီး ကျန်သုံးပုံတစ်ပုံသည် ဘိုးဘွားတို့ထံမှ (အများအားဖြင့် အဘွားထံမှ) ရရှိကြောင်းဖွင့်ဟ ဝန်ခံကြသည်။

“ဝိညာဉ်ရေးရာကြီးထွားမှုတွင် မိခင်များ၏ ရာသက်ပန်တည်တံ့သော သက်ရောက်မှုကို အဖန်တစ်လဲလဲ မြင်ရသည်” ဟုအစီရင်ခံစာ၏ အယ်ဒီတာက မှတ်ချက်ပေးခဲ့သည်။ ထိုသက်ရောက်မှုကို သမ္မာကျမ်းစာတွင်လည်း တွေ့ရသည်။

တိမောသေထံ ရှင်ပေါလုရေးသည့်စာတွင် တိမောသေ၏ယုံကြည်ခြင်းသည် သူ၏အဘွားလောဣ၊ မိခင်ဥနိတ်တို့၏ ပုံသွင်းမှုဖြစ်ကြောင်း အသိအမှတ်ပြုထားသည် (၂ တိ ၁:၅)။ ရှေးဦးအသင်းတော်၏ ခေါင်းဆောင်တစ်ဦးအပေါ် အမျိုးသမီးနှစ်ဦး၏လွှမ်းမိုးမှုကို မီးမောင်းထိုးပြထားသည်မှာ ဝမ်းမြောက်စရာဖြစ်သည်။ တိမောသေထံရေးသည့် ရှင်ပေါလု၏ အားပေးစာတွင် သူတို့၏လွှမ်းမိုးမှုကို တွေ့ရသည်။ “ယေရှုခရစ်ကို ယုံကြည်ခြင်းအားဖြင့် ကယ်တင်ခြင်းအလိုငှာ ပညာကိုပေးနိုင်သော ဓမ္မကျမ်းစာကို ငယ်သောအရွယ်မှစ၍ လေ့ကျက်သည်ကိုလည်းကောင်း သိမှတ်သည်နှင့်၊…

တစ်သက်တာမိတ်ဆွေများ

အင်္ဂလိပ်ကဗျာဆရာ William Cowper (ဝီလျံကူးပါး) (၁၇၃၁-၁၈၀၀)သည် ယခင်ကကျွန်ကုန်ကူးသူ ဖြစ်ခဲ့သည့် သူ၏သင်းအုပ်ဆရာ John Newton (ဂျွန်နယူတန်) (၁၇၂၅-၁၈၀၇)နှင့် မိတ်ဆွေဖြစ်ခဲ့သည်။ ကူးပါးသည် စိတ်ကျခြင်းနှင့် စိုးရိမ်ပူပန်မှုဝေဒနာကိုခံစားခဲ့ရပြီး တစ်ကြိမ်ထက်မက သူ့ကိုယ်သူ သေကြောင်းကြံစည်ခဲ့သူဖြစ်သည်။ သူ့ထံသို့ နယူတန် လာရောက်လည်ပတ်သည့်အခါ သူတို့နှစ်ဦးအတူတူ လမ်းကြာကြာလျှောက်ကြကာ ဘုရားသခင်အကြောင်း ဆွေးနွေးလေ့ရှိသည်။ ကူးပါးအနေဖြင့် တစ်မူဆန်းသစ်မှုဖြင့် ကဗျာရေးစပ်ရန် အကြောင်းရင်းရှိခြင်းကြောင့် ၎င်းမှ သူ့အတွက်အကျိုးဖြစ်လိမ့်မည်ဟုတွေးကာ သူ၏ဓမ္မတေးပေါင်းချုပ်တစ်ခု စုစည်းထုတ်ဝေရန် နယူတန် အကြံရခဲ့သည်။ ကူးပါးသည် ‘God Moves in a Mysterious Way’ (နက်နဲသည့်နည်းလမ်းဖြင့် ဘုရားသခင် လှုပ်ရှားသည်) ဟူသည့် သီချင်းအပါအဝင် ဓမ္မတေးသီချင်းပေါင်းများစွာကို ရေးသားခဲ့သည်။ အခြားအသင်းတော်သို့ နယူတန် ပြောင်းရွှေ့သွားသည့်အခါ သူနှင့်ကူးပါးသည် ဆက်ဆံရေးခိုင်မာသည့်မိတ်ဆွေများအဖြစ် ဆက်လက်ရှိနေခဲ့ပြီး ကူးပါး၏ ကျန်ရှိသည့်ဘဝတစ်လျှောက်တွင်လည်း ပုံမှန် အဆက်အသွယ်မပြတ်…

သူ၏လက်တော်ထဲ၌

William Shatner (ဝီလျံရှက်တ်နာ)သည် Star Trek ရုပ်သံဇာတ်လမ်းတွဲ၌ ကက်ပတိန်ကာ့ခ်နေရာတွင် ပါဝင်သရုပ်ဆောင်ခဲ့သော်လည်း လက်တွေ့သွားရောက်ရမည့် အာကာသခရီးစဥ်အတွက် သူကြိုတင်ပြင်ဆင်မှု မရှိခဲ့ပေ။ ကမ္ဘာ့ဂြိုဟ်ပတ်လမ်း တစ်စိတ်တစ်ပိုင်းသို့ (၁၁) မိနစ်ကြာပျံသန်းခဲ့သည့် ခရီးစဥ်အား “တကယ်ဖြစ်လာတဲ့ ကြီးကျယ်အခမ်းနားဆုံး အတွေ့အကြုံဖြစ်တယ်”ဟု သူဆိုသည်။ “အာကာသဒုံးပျံထဲက ထွက်လိုက်တော့ အပြာရောင်က ကိုယ့်ဘေးကနေ ဖြတ်သန်းသွားပြီး ကိုယ်က အမှောင်ထုထဲကို ငေးစိုက်ကြည့်နေရတယ်။ တကယ့်ကို မယုံနိုင်စရာပါပဲ။ အောက်ကိုကြည့်ရင် အပြာရောင်ကိုတွေ့ရပြီး အပေါ်ကို ပြန်ကြည့်တော့ အမည်းရောင်ကို တွေ့ရတယ်။ လှပတဲ့အရောင်ရဲ့ပါးလွှာမှုထဲ တခဏလေးအတွင်းမှာ ကိုယ်ဖြတ်သွားနေရတယ်” ဟု သူ အံ့သြမိန်းမောခဲ့ရကြောင်းပြောသည်။

ကျွန်ုပ်တို့၏ကမ္ဘာဂြိုဟ်သည် ဥဿုံအမှောင်ထုက ဝန်းရံထားသည့် အပြာရောင် အစက်တစ်စက်ဖြစ်အနေနှင့် လှုပ်ရှားနေသည်။ အပြာရောင် ကောင်းကင်မှ အမှောင်ထုထဲသို့ ပျံသန်းသွားရခြင်းသည် သေခြင်းတရားဆီသို့ ပျံသန်းသွားရသလိုပင်ဟု ရှက်တ်နာက ဆိုသည်။ “ချက်ခြင်းဆိုသလို ဖြတ်သန်းနေရတာကို ‘ဟာ…

ဘဝ၏အဓိပ္ပာယ်

အာဂျင်တီးနား စာရေးဆရာ Jorge Luis Borges (ဂျော့လူးဝစ်ဘော့ဂျက်စ်)ရေးသားသည့် ဝတ္ထုတို တစ်ပုဒ်မှာ “သေမျိုးဖြစ်သောလူသားတို့အား သန့်စင်ပေးသည့် လျှို့ဝှက်သောမြစ်တစ်ခုမှရေ”ကို သောက်သုံးသည့် ရောမစစ်သား Marcus Rufus (မားကပ်စ်ရုဖတ်စ်) အကြောင်းကို ဖော်ပြထားသည်။ မသေဆုံးနိုင်ခြင်းသည် အလွန်ထူးခြား ကောင်းမွန်သည့်အရာမဟုတ်၊ အကန့်အသတ်မရှိသောဘဝသည် ထူးခြားမှုမရှိသည့်ဘဝသာဖြစ်ကြောင်း အချိန်ကြာလာသည့်နှင့်အမျှ မားကပ်စ် သဘောပေါက်လာသည်။ အမှန်စင်စစ် သေခြင်းတရားကိုယ်၌ကပင် ဘဝအသက်တာကို အဓိပ္ပာယ်ရှိစေသည်။ သန့်ရှင်းသည့်စမ်းရေဟူသည့်ဖြေဆေးကို မားကပ်စ်တွေ့ရှိခဲ့ပြီး၊ ထိုရေကို သောက်သုံးပြီးနောက် ဆူးတစ်ချောင်းဖြင့် သူ့လက်ကို သွေးစက်ပုံခြစ်လိုက်ရာ သူ၏သေမျိုး/အနိစ္စကို ပြန်လည်ရယူနိုင်ခဲ့သည်။

မားကပ်စ်ကဲ့သို့ပင် ကျွန်ုပ်တို့သည်လည်း တစ်ခါတစ်ရံ ဘဝအရည်အသွေး ကျဆင်းမှုနှင့် သေခြင်းတရားကြောင့် စိတ်ပျက်မိကြသည် (ဆာ ၈၈:၃)။ သေခြင်းတရားက ဘဝအသက်တာကို ထူးခြားစေကြောင်း ကျွန်ုပ်တို့သဘောတူကြသည်။ သို့ရာတွင် ထိုနေရာ၌ ဘဝဇာတ်လမ်းများ ခြားနားကြသည်။ မားကပ်စ်ကဲ့သို့ မဟုတ်ဘဲ ခရစ်တော်၏အသေခံခြင်းအားဖြင့် ဘဝအသက်တာ၏…

ခေါင်းလောင်းသံများ ကြားရသည်

၁၈၆၃ ခုနှစ်က Henry Wadsworth Longfellow (ဟင်နရီဝဒ်စ်ဝသ်လောင်းဖဲလို) ရေးခဲ့သည့် ကဗျာတစ်ပုဒ်အပေါ် အခြေပြုရေးစပ်ထားသည့် ‘I Heard the Bells on Christmas Day’ (ခရစ္စမတ်နေ့၌ ခေါင်းလောင်းသံများ ကျွန်ုပ်ကြားရသည်) သီချင်းသည် သာမန်ကြားနေကျမဟုတ်သော ခရစ္စမတ်သီချင်းတစ်ပုဒ်ဖြစ်သည်။ မျှော်လင့်ထားသည့် ခရစ္စမတ်၏ပျော်ရွှင်ဝမ်းမြောက်မှုအစား သီချင်းစာသားများက “စိတ်ပျက်ခြင်း၌ ခေါင်းငိုက်စိုက်လျက် ကမ္ဘာမြေပေါ်မှာ ငြိမ်သက်ခြင်း မရှိ ဟုကျွန်ုပ်ဆို၏။ အမုန်းတရားက ပြင်းထန်ပြီး ‘မြေကြီးပေါ်၌ ငြိမ်သက်ခြင်း ရှိစေ၊ လူတို့အား မေတ္တာကရုဏာရှိစေ’ သီချင်းကို ပျက်ရယ်ပြုလေပြီ”ဟူ၍ မြည်တမ်းချက်ကို ရေးဖွဲ့ထားသည်။ သို့ရာတွင် ထိုမြည်တမ်းခြင်းက မျှော်လင့်ခြင်းဆီသို့ ရှေးရှုလျက် “ဘုရားသခင် မသေဆုံး၊ ငိုက်မြည်းအိပ်ပျော်ခြင်း မရှိပါ။ မတရားမှုကျရှုံးပြီး အမှန်တရားအောင်လိမ့်မည်။ မြေကြီးပေါ်၌ ငြိမ်သက်ခြင်းရှိစေ၊ လူတို့အား မေတ္တာကရုဏာရှိစေ”ဟူ၍ ပြန်လည်အာမခံရေးဖွဲ့ထားသည်။

မြည်တမ်းခြင်းမှ မျှော်လင့်ခြင်းထွက်ပေါ်လာခြင်းကို သမ္မာကျမ်းစာရှိ…

ကောင်းမွန်သောအမှု၌ မှီဝဲဆည်းကပ်ခြင်း

လယ်ကွင်းပြင်တစ်ခုအနီး၌ ကားကိုရပ်ထားပြီး ထိုကွင်းပြင်ကိုဖြတ်လျှောက်ကာ ကျွန်မတို့အိမ်သို့ သွားသည့်အခါတိုင်း အထူးသဖြင့် ဆောင်းတွင်း၌ ကပ်စေးနှဲစေ့များ ကျွန်မတို့၏အဝတ်များ၌ ကပ်ပါလာလေ့ရှိသည်။ အဆိုပါသေးငယ်သော “လမ်းကြုံလိုက်သူများ”သည် အဝတ်အစား၊ ရှုးဖိနပ်နှင့် ၎င်းတို့အနားဖြတ်သန်းသွားသည့်အရာပေါ် ကပ်လျက် ၎င်းတို့၏ နောက်ထပ်မျိုးပွားခရီးစဥ်အတွက် လိုက်ပါလာကြသည်။ ၎င်းသည် လယ်ကွင်းနှင့် ကမ္ဘာတစ်ဝန်းတွင် ကပ်စေးနှဲစေ့များကို ပျံ့နှံ့စေသည့် သဘာဝတရား၏လုပ်ဆောင်ချက် နည်းလမ်းပင်ဖြစ်သည်။

တွယ်ကပ်နေသည့် ကပ်စေးနှဲစေ့များကို ဂရုတစိုက်ဖယ်ရှားရင်း သခင်ယေရှုကို ယုံကြည်သူတို့အား “ကောင်းမွန်သောအမှု၌ မှီဝဲဆည်းကပ်ရန်”တိုက်တွန်းသည့် (ရော ၁၂:၉) ကျမ်းချက်ကို ကျွန်မ မကြာခဏဆင်ခြင်မိသည်။ တစ်ပါးသူတို့အား ချစ်နိုင်ရန်ကြိုးစားသည့်အခါ ခက်ခဲနိုင်ပါသည်။ သို့သော် ရှိသမျှအစွမ်းဖြင့် ကောင်းသောအမှု၌ မှီဝဲဆည်းကပ်နိုင်အောင် သန့်ရှင်းသောဝိညာဥ်တော်က မစခြင်းကြောင့် ကျွန်မတို့သည် ဝိဉာဥ်တော်၏လမ်းပြမှုဖြင့် ဆိုးညစ်မှုတို့ကို ဖယ်ရှားနိုင်ပြီး ‘စစ်မှန်သည့်’ မေတ္တာသဘောကို ပြနိုင်မည်ဖြစ်သည် (:၉)။

ကပ်စေးနှဲစေ့များသည် လက်နှင့်ခါချရုံဖြစ် မကွာကျသွားဘဲ ဆက်လက်တွယ်ကပ်နေတတ်သည်။ ဘုရားသခင်၏သနားခြင်းကရုဏာတော်နှင့်…

ကျွန်ုပ်တို့၏ကွယ်ကာရာသို့ ပြေးသွားခြင်း

ဆဋ္ဌမတန်း ဘတ်စကတ်ဘောကစားပွဲသည် ကောင်းမွန်စွာ စတင်နေပြီဖြစ်သည်။ မိဘများနှင့် အဖိုးအဖွားများက ၎င်းတို့၏သားမြေးကစားသမားများကို အားပေးနေကြစဉ် ကစားသမားများ၏ ညီငယ်ညီမငယ်များက ကျောင်းစင်္ကြံတွင် သူတို့ ဘာသာသူတို့ ကစားနေကြသည်။ ရုတ်တရက် ဥသြဆွဲသံများ ထွက်ပေါ်လာပြီး အားကစားခန်းမထဲ မီးများလင်းလက်သွားသည်။ မီးလောင်လျှင် အချက်ပေးသည့်ခလုတ် ပွင့်သွားခြင်းဖြစ်သည်။ ချက်ချင်းပင် ကလေးငယ်များသည် မိဘများကို လိုက်ရှာရင်း အထိတ်တလန့်ဖြင့် အားကစားရုံထဲသို့ ပြေးဝင်လာကြသည်။

မီးအမှန်တကယ်လောင်ခြင်းမဟုတ်ဘဲ၊ အချက်ပေးခလုတ် မတော်တဆ ပွင့်သွားခြင်း ဖြစ်သည်။ သို့သော် ထိုသို့ ကလေးသူငယ်များသည် အကြပ်အတည်းတစ်ခုဟု ခံစားမိလျှင် ရှက်ရွံ့ခြင်းများမရှိဘဲ မိဘများထံသို့ တိုးဝင်ပွေ့ဖက်ရန် ပြေးလာကြသည့် မြင်ကွင်းသည် ကျွန်တော့်စိတ်နှလုံးကို ရိုက်ခတ်ခဲ့သည်။ ၎င်းသည် ကြောက်ရွံ့နေသည့်အချိန်တွင် ဘေးကင်းမှုနှင့် စိတ်ချလုံခြုံမှု ပေးစွမ်းနိုင်သူများအပေါ် ယုံကြည်မှုရှိခြင်းကို ပြသလိုက်သည့် မြင်ကွင်းပင်ဖြစ်သည်။

ဒါဝိဒ် အလွန်ကြောက်ရွံ့ခဲ့ရသည့်အချိန်ကို သမ္မာကျမ်းစာတွင် ဖော်ပြထား သည်။ ရှောလုနှင့်…

ဝန်ကို ပေါ့ပါးစေပါ

ကျွန်မတို့အသစ်ဖွဲ့ထားသော ကျမ်းစာလေ့လာခြင်းအဖွဲ့မှ အမျိုးသမီးများသည် အဖြစ်ဆိုးအမျိုးမျိုးကို ကြုံတွေ့ရသောအခါ နက်ရှိုင်းသော ကိုယ်ရေးကိုယ်တာ အတွေ့အကြုံများကို အတူတကွ မျှဝေပြောပြကြသည်ကို တွေ့ခဲ့ရသည်။ ဖခင် ကွယ်လွန်သွားခြင်း၊ အိမ်ထောင်ကွဲပြီးနောက် မင်္ဂလာနှစ်ပတ်လည်ကို ဖြတ်သန်းရသည့်ဝေဒနာ၊ နားမကြားသောကလေးကို မွေးဖွားခြင်း၊ မိမိရင်သွေးကို အရေးပေါ်ခန်းသို့ အသည်းအသန်ပို့ရခြင်းအတွေ့အကြုံ စသည်တို့ကို တစ်ဦးတည်း ရင်ဆိုင်ကျော်လွှားရန်မှာ ကြီးလေးပြင်းထန်လှသည်။ တစ်ဦးစီ၏ခံနိုင်ရည်မဲ့မှုများကို မျှဝေခြင်းဖြင့် ပို၍ပွင့်လင်းမြင်သာမှု ရှိလာစေသည်။ ကျွန်မတို့အတူ ငိုယိုဆုတောင်းခဲ့ကြသည်။ သို့နှင့် သီတင်းပတ်အနည်းငယ်အတွင်းတွင် အချင်းချင်း အကျွမ်းဝင်မှုမရှိသောအုပ်စုမှ အလွန်ခင်မင်ရင်းနှီးသော မိတ်ဆွေတစ်စု ဖြစ်လာသည်။

အသင်းတော်၏အစိတ်အပိုင်းအနေဖြင့်၊ သခင်ယေရှုကို ယုံကြည်သူများသည် မိမိအဆင်ပြေသလို ဆင်းရဲဒုက္ခခံစားနေရသူများနှင့်အတူ မျှဝေခံစားနိုင်ပါသည်။ ခရစ်တော်၌ညီအစ်ကိုမောင်နှမများ၏ အချင်းချင်းချည်နှောင်သော ဆက်ဆံရေးသည် ကျွန်ုပ်တို့ တစ်ဦးနှင့်တစ်ဦးသိကျွမ်းခဲ့ကြသည့် အချိန်ကာလ (သို့) စိတ်တူသဘောတူဖြစ်မှုပေါ်တွင် မမူတည်ပါ။ ၎င်းအစား “ထမ်းရွက်စရာ ဝန်ချင်းတို့ကို အချင်းချင်းကူညီ၍ ထမ်းရွက်”ရန် ရှင်ပေါလုက သွန်သင်ခဲ့သည်…

အသင့်စားအစာဖြင့်ခွန်အားပေးမှု

မာရီယာသည် သူမ၏အသင့်စားနေ့လယ်စာကို သယ်ပြီး စားပွဲလွတ်တစ်ခုသို့ သွားလိုက်သည်။ သူမ ဘာဂါကိုကိုက်ရင်း စားပွဲခပ်လှမ်းလှမ်းတွင် ထိုင်နေသော လူငယ်တစ်ယောက်ဆီသို့ သူမ၏မျက်လုံးများ အာရုံစိုက်မိသွားသည်။ သူ့အဝတ် အစားများက ညစ်ပတ်နေပြီး၊ ဆံပင်ဖရိုဖရဲနှင့် စက္ကူခွက် အလွတ်တစ်လုံးကို ဆုပ်ကိုင်ထားသည်။ သူဗိုက်ဆာနေ‌ကြောင်း အတပ်ပြောနိုင်ပါသည်။ သူမ မည်သို့ကူညီနိုင်မည်နည်း။ ငွေသားပေးခြင်းက မသင့်လျော်၊ စားစရာ တစ်နပ်စာဝယ်ပြီး လက်ဆောင်ပေးလျှင် သူရှက်နေမည်လား။

ထိုအခိုက် ရုသ၏ ဇာတ်လမ်းကို မာရီယာ သတိရသွားသည်။ မြေပိုင်ရှင် သူဌေးကြီး ဗောဇသည် ဆင်းရဲနွမ်းပါးသော ရွှေ့ပြောင်းလာသူ မုဆိုးမအား သူ့လယ်ကွက်၌ ကောက်သင်းကောက်ရန် ဖိတ်ခေါ်ခဲ့သည်။ ဗောဇသည် သူ၏လူတို့အား “ထိုမိန်းမသည် ကောက်လှိုင်းစုထဲမှာ ကျန်သောစပါးကို ကောက်သိမ်းပါစေ၊ အရှက်မခွဲကြနှင့်။ ရိတ်ပြီးသောစပါးအချို့ကိုလည်း သူ့အဖို့ချထားလော့။ ကောက်ယူပါစေ။ အပြစ်မတင်ကြနှင့်ဟု မှာထား၏” (ရု ၂:၁၅-၁၆)။ အမျိုးသမီးများ၏ အသက်ရှင်ရပ်တည်နိုင်ရေးသည် အမျိုးသားများနှင့်ပတ်သက်ဆက်နွယ်မှုအပေါ်…

သင့်နောက်သို့ ဘုရားသခင် အသေအချာလိုက်နေခြင်း

လွန်ခဲ့သည့် နှစ်အနည်းငယ်က ကျွန်တော့်အရှေ့ ဘလောက်တစ်ခုအကွာခန့်တွင် လူတစ်ယောက်သွားနေပြီး သူ့လက်၌ အထုပ်အပိုးများ အပြည့်ဖြစ်သည်ကို အထင်းသား မြင်ရသည်။ ရုတ်တရက်ပင် ထိုသူသည် ခလုတ်တိုက်ပြီး လက်မှပစ္စည်းအားလုံး လွတ်ကျသွားသည်။ လူတစ်ချို့က သူ့ကို ဆွဲထူမပေးပြီး ပြုတ်ကျသွားသည်များကို ပြန်လည်၍ကူညီကောက်ပေးခဲ့သည်။ သို့သော် သူ၏ပိုက်ဆံအိတ်ကို မတွေ့ဘဲ ကျန်နေခဲ့သည်။ ပိုက်ဆံအိတ်ကို ကျွန်တော်ကောက်ယူပြီး ဤအရေးကြီးပစ္စည်းကို ပြန်ပေးရန် မျှော်လင့်ချက်ဖြင့် ထိုသူစိမ်းနောက်သို့ အသည်းအသန် လိုက်ခဲ့သည်။ “အစ်ကို အစ်ကို” ဟု ကျွန်တော် အော်ခေါ်သည်။ နောက်ဆုံးတွင် သူသတိထားမိပြီး ကျွန်တော်သူ့ဆီအရောက် သူကလှည့်အကြည့်၊ ပိုက်ဆံအိတ်ကို သူ့အားကမ်းပေးချိန်တွင် အံ့ဩလျက် သက်သာရာရမှုနှင့် ကျေးဇူးတင်ကြောင်း ပေါ်လွင်နေသည့် သူ၏မျက်နှာကို ကျွန်တော် ဘယ်တော့မှ မေ့နိုင်တော့ပါ။

အစတွင် ထိုလူနောက်ပြေးလိုက်ခြင်းဖြစ်သော်လည်း ထူးခြားသောအရာအဖြစ် ပြောင်းလဲသွားသည်။ အကျွမ်းတဝင်ရှိလှသော ဆာလံကျမ်း ၂၃ ၏ နောက်ဆုံးအခန်းငယ်တွင်…