အချင်းချင်းကို အနီးကပ်ကြည့်ရှုစောင်မပါ
အသက် (၇၇)နှစ်အရွယ် အချိန်ပိုင်းအစားထိုးစာသင်ပေးသည့် ဆရာဂျိုစီသည် နှစ်ပေါင်း (၈၀)မျှ ကားထဲ၌ နေထိုင်ခဲ့သူဖြစ်သည်။ ညစဥ်ညတိုင်းတွင် သူ၏ ၁၉၉၇ ထုတ် Ford (ဖို့ဒ်) ကားလေးထဲမှ ဘက်ထရီကို ပုံမှန် စစ်ဆေးသည်။ ထိုဘက်ထရီဖြင့် ကွန်ပြူတာကိုအားသွင်းကာ ညနေပိုင်းအလုပ်ကို လုပ်သည်။ အိမ်ငှားမည့်ငွေကို သူ့ထက်ပို၍လိုအပ်သည့် မက်ဆီကိုနိုင်ငံရှိ သူ့မိသားစုထံသို့ ပေးပို့ခဲ့သည်။ နေ့စဥ်နံနက်စောစောတွင် ကားထဲ၌ ဟိုဟိုဒီဒီ လုပ်နေသည့် ဆရာဂျိုစီကို ကျောင်းသားဟောင်းတစ်ဦးက တွေ့မြင်ခဲ့ပြီး၊ “ကျွန်တော် တစ်ခုခုလုပ်ဖို့ လိုနေပြီလို့ ခံစားခဲ့ရတယ်”ဟု ဆိုကာ ဆရာ့အတွက် ရံပုံငွေကောက်ခံခဲ့သည်။ ရက်သတ္တပတ်အတန်ကြာတွင် ကောက်ခံရရှိသောငွေကို ဆရာဂျိုစီထံပေးအပ်ပြီး အိမ်ငှားနေရန်ကူညီပေးခဲ့သည်။
သမ္မာကျမ်းစာမှ တစ်ဦးနှင့်တစ်ဦးဂရုစိုက်လျက် စောင်မကြည့်ရှုရန် ကျွန်ုပ်တို့ကို အထပ်ထပ်ညွှန်ကြားထားသော်လည်း၊ တစ်ခါတစ်ရံတွင် မိမိ၏သောက ပူပန်စရာများထက်ကျော်ပြီး ကြည့်ရန်ခက်ခဲပါသည်။ ပရောဖက်ဇာခရိက ဣသရေလလူမျိုးတို့အား ၎င်းတို့သည် ဘုရားသခင်ကိုကိုးကွယ်ပြီး အခြားသူများအား အစေခံမည့်အစား…
စိတ်ကူးယဥ်မျှော်လင့်သူတို့အဖွဲ့
မလန်နီနှင့် ထရေဗာသူငယ်ချင်းနှစ်ဦးတို့ တောင်တက်လမ်းကြောင်းအတိုင်း မိုင်ပေါင်းများစွာ ခြေလျင်ခရီးနှင်ခဲ့ကြသည်။ သူတို့နှစ်ဦးသည် တစ်ဦးကိုတစ်ဦး လိုအပ်ကြသည်။ မလန်နီသည် မွေးရာပါကျောရိုးအက်ပြီး ဘီးတပ်ကုလားထိုင်ကို အသုံးပြုရသူ၊ ထရေဗာကမူ မျက်စိအာရုံကြောရောဂါကြောင့် မျက်မမြင်တစ်ဦးဖြစ်သည်။ တောင်တက်ရာတွင် ထရေဗာက မလန်နီကို ကျောပိုးပြီး၊ မလန်နီက သူ့ကို နှုတ်ဖြင့် လမ်းညွှန်သည်။ အမေရိကန်နိုင်ငံ၊ ကော်လိုရာဒို တောတောင်သဘာဝကို ခံစားရရန်အတွက် ၎င်းတို့သည် အကောင်းဆုံးသော တွဲဘက်များဖြစ်ကြောင်း သိကြသည်။ သူတို့ကိုယ်သူတို့ “စိတ်ကူးယဥ်မျှော်လင့်သူတို့အဖွဲ့” ဟု ဖော်ပြကြသည်။
ထိုနည်းတူ ရှင်ပေါလုက ခရစ်တော်၏ကိုယ်ဖြစ်သော သခင်ယေရှုကိုယုံကြည်သူများအား “စိတ်ကူးယဥ်မျှော်လင့်သူတို့အဖွဲ့” ဟူ၍ ဖော်ပြထားသည်။ ရောမအသင်းသားတို့အား ၎င်းတို့တစ်ဦးချင်းစီ ရရှိထားသောဆုကျေးဇူး ကောင်းချီးများသည် ပိုမိုကြီးမားသောအစုအဖွဲ့တွင် မည်မျှအကျိုးကျေးဇူးဖြစ်စေသည်ကို သိမှတ်ရန် ရှင်ပေါလု တိုက်တွန်းနှိုးဆော်ထားသည်။ ကျွန်ုပ်တို့၏ခန္ဓာကိုယ်တွင် မတူညီသော တာဝန်များထမ်းဆောင်သည့် အင်္ဂါအစိတ်အပိုင်းများစွာဖြင့် ဖွဲ့စည်းထားသကဲ့သို့ ကျွန်ုပ်တို့အတူတကွ ပေါင်းစည်းခြင်းအားဖြင့် (ဝိညာဥ်ရေးဆိုင်ရာ)ခန္ဓာတစ်ခုဖြစ်လာပြီး၊ မိမိ၌ရှိသည့်ဆုကျေးဇူးအသီးသီးဖြင့်…
ချစ်ကြောင်းပြောသောအစားအစာ
ကျွန်မသွားရောက်ခဲ့သည့် မွေးနေ့ပွဲတွင် အိမ်ရှင်မက အိမ်အပြင်အဆင်၊ လက်ဆောင်များ၊ အကောင်းဆုံးအစားအစာ၌ “သူ့အကြိုက်” ဆိုသည့်အချက်လေး ပေါ်လွင်နေအောင် ဖန်တီးစီစဥ်ထားသည်။ မွေးနေ့ရှင်ကလေးမလေးက အမဲသားကင်နှင့်အရွက်သုပ်၊ အဖြူရောင်ချောကလက်နှင့်ရတ်စ်ဘယ်ရီသီး ကိတ်မုန့်ကို ကြိုက် နှစ်သက်သဖြင့်၊ မိခင်က အမဲသားကင်နှင့်ဟင်းနုနယ်ကို ပြင်ဆင်ထားပြီး အကြိုက်ဆုံးကိတ်မုန့်ကို မှာပေးထားသည်။ သူ့အကြိုက်ဆုံးအစားအစာများက “သမီးကို ချစ်တယ်” ဟူ၍ အဓိပ္ပာယ် ပေါ်လွင်နေသည်။
သမ္မာကျမ်းစာထဲတွင် ဘုရားသခင်၏ သစ္စာတော်နှင့်ပြည့်စုံခြင်းအတွက် ဂုဏ်ပြုချီးမွမ်းခြင်းနှင့်တွဲပြီး စားသောက်ပွဲများကျင်းပကြသဖြင့် စားသောက်ပွဲကြီးများနှင့် ပွဲတော်များအကြောင်း ဖော်ပြထားသည်။ စားသောက်ပွဲကျင်းပခြင်းသည် ယဇ်ပူဇော်ခြင်းဖြင့် ဝတ်ပြုကိုးကွယ်သော ဣသရေလလူမျိုးတို့၏အလေ့အထ ဖြစ်သည်။ ပသခါပွဲတော်ကို (၇)ရက် (သို့) (၈)ရက် ကျင်းပပြီး၊ လဆန်းပွဲတော်ကို တစ်လတစ်ကြိမ် ကျင်းပသည် (တော ၂၈:၁၁-၃၁)။ ဆာလံကျမ်း ၂၃:၅ တွင် သူ၏ ကရုဏာနှင့်ချစ်ခြင်းမေတ္တာတို့ ပြည့်လျှံသည့် စားကောင်းသောက်ဖွယ် အလျှံပယ်နှင့် စားသောက်ပွဲကို ဘုရားရှင်ပြင်ဆင်ပေးကြောင်း…
အလျင်လိုချိန်၌ မျှော်လင့်စောင့်ဆိုင်းပါ
၁၉၃၀ နှစ်တွင် စီးပွားရေးပညာရှင် John Maynard Keynes (ဂျွန်မေးနာ့ဒ်ခိန်းစ်) ရေးသော ဆောင်းပါးတစ်ပုဒ်တွင် “အားလပ်နေချိန်၌ ကျွန်ုပ်တို့ဘာလုပ်မည်နည်း” ဟူသည့်မေးခွန်းက အဓိကသော့ချက်အတွေးဖြစ်သည်။ ၎င်းဆောင်းပါး၌ ခိန်းစ်က နှစ်ပေါင်း (၁၀၀)အတွင်း နည်းပညာပိုင်းဆိုင်ရာနှင့် စီးပွားရေးဆိုင်ရာ တိုးတက်မှုများသည် လူသားတို့အား တစ်နေ့လျှင် (၃)နာရီ၊ တစ်ပတ်လျှင် (၁၅)နာရီ အလုပ်လုပ်မည့် အခြေအနေတစ်ခုသို့ ဆောင်ကြဥ်းပေးလိမ့်မည်ဟု အဆိုပြုတင်ပြခဲ့သည်။
ကျော်ကြားလှသည့် ထိုစာအုပ်ကို ခိန်းစ်ရေးသားထုတ်ဝေခဲ့သည်မှာ နှစ်ပေါင်း (၉၀)ကျော်မျှ ကြာခဲ့ပြီဖြစ်သည်။ သို့သော် နည်းပညာများက အားလပ်ချိန်ကို ပိုမိုဖန်တီးသည်ထက် ကျွန်ုပ်တို့အား ပို၍အလုပ်ရှုပ်စေပါသည်။ နေ့စဥ်သွားလာသည့်အချိန်နှင့် အစားအသောက်ပြင်ဆင်ချိန်များ နည်းသွားသည့်တိုင် တစ်နေ့တာလုပ်ဆောင်စရာများက အချိန်ပြည့်ဖြစ်ပြီး ကျွန်ုပ်တို့အလျင်လိုနေဆဲ ဖြစ်သည်။
ကျွန်ုပ်တို့အလျင်စလိုဖြစ်နေချိန်တွင် မည်ကဲ့သို့တည်ငြိမ်စွာနေရမည်ကို ဒါဝိဒ် ၏အသက်တာမှ ထိထိမိမိပေါ်လွင်သည့် ဖြစ်ရပ်တစ်ခုက ပြသသည်။ ဒါဝိဒ်သည် (သူ့ကိုသတ်ရန် ကြိုးစားနေသည့်) ရှောလုမင်းထံမှ ထွက်ပြေးရစဥ်က…
မင်းလုပ်နိုင်တယ်
တိုက်တွန်းခွန်အားပေးခြင်းသည် အောက်ဆီဂျင်နှင့် တူ၏။ အောက်စီဂျင်မရှိလျှင် ကျွန်ုပ်တို့အသက်မရှင်နိုင်။ အသက် (၉)နှစ် အရွယ် James Savage (ဂျိမ်းဆားဗေ့) အတွက် ထိုအချက်က မှန်ကန်သည်။ သူသည် အမေရိကန်နိုင်ငံ၊ ဆန်ဖရန်စစ်ကိုကမ်းခြေမှ အယ်လ်ခါထရဇ်ကျွန်းသို့ နှစ်မိုင်ကျော်အကွာအဝေးကို အသွားအပြန် ရေကူးပြီး အသက်အငယ်ဆုံး အောင်မြင်မှုစံချိန်ချိုးခဲ့သူအဖြစ် မှတ်တမ်းဝင်ခဲ့သည်။ ရေစကူးပြီး မိနစ် (၃၀)အကြာတွင် အလွန်အေးသောရေကြောင့် ဂျိမ်းလက်လျှော့ချင်ခဲ့သည်။ သို့သော် လှေလှော်သမားများက “မင်းလုပ်နိုင်တယ်” ဟုအော်ပြောခဲ့သည်။ ထိုစကားများက သူပန်းတိုင်သို့ အောင်မြင်စွာရောက်ရှိရန် အားအင်ကို ပေးခဲ့သည်။
ဆင်းရဲဒုက္ခလှိုင်းကြမ်းများကြောင့် ခရစ်တော်ကိုယုံကြည်သူများ လက်လျှော့လိုကြသောအခါ ရှင်ပေါလုနှင့်ဗာနဗတို့က သူတို့အား ရှေ့ခရီးဆက်ရန် အားပေးတိုက်တွန်းခဲ့သည်။ ဒေရဗေမြို့တွင် သတင်းကောင်းကို ဟောကြားပြီးနောက် လုတ္တရမြို့၊ ဣကောနိမြို့၊ အန္တိအုတ်မြို့များသို့ပြန်လာကာ တပည့်တော်များကို ခိုင်ခံ့စေလျက် စစ်မှန်သောယုံကြည်ခြင်း၌တည်ရန် နှိုးဆော်ခဲ့သည် (တ ၁၄:၂၁-၂၂)။ ရှင်ယေရှု၌ ယုံကြည်ခြင်းစိတ် ခိုင်မြဲရန်…
ပညာ နှင့် နားလည်နိုင်သောဉာဏ်
၁၃၇၃ ခုနှစ်တွင် အသက် (၃၀)အရွယ် အင်္ဂလန်နိုင်ငံ၊ နော်ဝစ်ချ်မြို့သူ Julian (ဂျူလီယန်)သည် နာမကျန်းဖြစ်ပြီး သေလုနီးပါးဖြစ်ခဲ့သည်။ ဘုန်းတော်ကြီးက သူမအတွက် ဆုတောင်းပေးသောအခါ ရူပါရုံများစွာကို သူမြင်ခဲ့ရပြီး၊ ၎င်းတို့အနက် ယေရူကားစင်တင်သတ်ခံရခြင်းကို သူမ ဆင်ခြင်ခဲ့မိသည်။ အံ့ဩဖွယ်ကောင်းလှစွာ ပြန်လည်ကျန်းမာလာပြီးနောက် သူမသည် ဘုရားကျောင်း၏ဘေးခန်းတွင် တစ်ဦးတည်းနေထိုင်ကာ နောက်အနှစ် (၂၀)ထိတိုင် သူမကြုံတွေ့ခဲ့ရသောအရာများကို ဆင်ခြင်ဆုတောင်းခဲ့သည်။ သူမက “ဘုရားဖော်ပြသော ချစ်ခြင်းမေတ္တာ” ဟုဆို၍ ခရစ်တော်၏စွန့်လွှတ်ပူဇော်မှုသည် ဘုရားသခင်၏မေတ္တာကို အကြီးမြတ်ဆုံး ထင်ရှားဖော်ပြခြင်းဟု ကောက်ချက်ချခဲ့သည်။
ဂျူလီယန်၏ဖွင့်ပြချက်များသည် ထင်ရှားကျော်ကြားသည်။ သို့သော် ဘုရား သခင် သူမအား ဖွင့်ပြသည့်အရာကို အချိန်ပေး အားထုတ်၍ ဆုတောင်းပြီးအဖြေရှာ ခဲ့ရခြင်းကို လူအများသတိမမူမိပါ။ ထိုအနှစ် (၂၀)အတွင်း ဘုရားရှင်၏ ဉာဏ်ပညာနှင့်မစမှုကို တောင်းခံလျက် သူမခံစားရသည့် ဘုရားရှင်တည်ရှိခြင်း အတွေ့အကြုံသည် မည်သည့်အဓိပ္ပာယ်ဖြစ်သည်ကို ပိုင်းခြားသိနိုင်ရန် ရှာဖွေခဲ့သည်။…
သာ၍မြတ်သောမေတ္တာ မရှိ
၂၀၁၉ ခုနှစ်တွင် (၇၅) နှစ်မြောက် ဒီဒေး (ဒုတိယကမ္ဘာစစ်အတွင်း မဟာမိတ်တပ်များ ပြင်သစ်သို့ ဝင်ရောက်သောနေ့) အထိမ်းအမှတ်ပွဲသည် အနောက်ဥရောပဒေသ လွတ်မြောက်ရေးအတွက် အကြီးမားဆုံးသော ပင်လယ်ရေကြောင်းထိုးစစ်၌ ပါဝင်ခဲ့ကြသောတပ်ဖွဲ့ဝင် ၁၅၆,၀၀၀ ကျော်ကို ဂုဏ်ပြုခြင်းဖြစ်သည်။ ၁၉၄၄ ခုနှစ် ဇွန်လ ၆ ရက် နေ့တွင် ရေဒီယိုမှ ထုတ်လွှင့်သော သမ္မတ Roosevelt (ရုစဗက်)၏ ဘုရားသခင်ကာကွယ်စောင့်ရှောက်ရန် ဆုတောင်းချက်တွင် “သူတို့သည် သူတစ်ပါးအပေါ် အနိုင်ယူလိုသည့်ရမက်စိတ်ဖြင့် တိုက်ပွဲဝင်ခြင်း မဟုတ်ပါ။ သူတစ်ပါးအပေါ် အနိုင်ယူစိုးမိုးချုပ်ကိုင်လိုမှုကို အဆုံးသတ်ရန်နှင့် လွတ်မြောက်မှုအတွက် တိုက်ပွဲဝင်ခြင်းသာဖြစ်သည်”ဟု ဖော်ပြပါရှိသည်။
မကောင်းမှုကိုထိန်းချုပ်ပြီး အဖိနှိပ်ခံများကို လွတ်မြောက်မှုပေးနိုင်ရေး အန္တရာယ်ကို ခါးစည်းခံယူလျက် မိမိကိုယ်ကို ပေးဆပ်ရန် စိတ်ဆန္ဒရှိခြင်းက “ကိုယ်အဆွေတို့အဖို့အလိုငှာ ကိုယ်အသက်ကို စွန့်ခြင်းမေတ္တာထက် သာ၍မြတ်သောမေတ္တာသည် အဘယ်သူ၌မျှမရှိ” (ယော ၁၅:၁၃)ဟူသည့် ရှင်ယေရှု၏စကားများကို သတိရစေသည်။ နောက်တော်လိုက်တပည့်တော်များ…
ကျွန်ုပ်စိတ်နှလုံးကို သူသိသည်
ကုန်စုံဆိုင်တစ်ခု၏ ကိုယ်တိုင်ငွေရှင်းရသည့်နေရာတွင် စျေးဝယ်သူတစ်ဦးသည် ငွေပေးချေပြီးသွားသဖြင့် ကျွန်ုပ်သည် ကျွန်ုပ်၏ကုန်ပစ္စည်းများကို စကင်န်ဖတ်ပြီးငွေပေးချေရန် ထိုငွေရှင်းသည့် နေရာသို့သွားရောက်ခဲ့သည်။ ထိုစဥ် မမျှော်လင့်ဘဲ သိသိသာသာ ဒေါသထွက်နေသူတစ်ဦးကို ရင်ဆိုင်လိုက်ရသည်။ ငွေရှင်းရန်တန်းစီနေသော သူမအလှည့်ဖြစ်သည်ကို ကျွန်ုပ်သတိမထားမိခြင်းပါ။ ကိုယ့်အမှားကို ကိုယ် သတိပြုမိလိုက်ပြီးနောက် “တောင်းပန်ပါတယ်”ဟု ရိုးသားစွာ ပြောလိုက်သော်လည်း သူမက “မဟုတ်ဘူး၊ ရှင်တောင်းပန်နေတာ မဟုတ်ဘူး” အစရှိသည့် စကားလုံးများစွာဖြင့် ကျွန်ုပ်ကို ပြန်ပက်ခဲ့သည်။
မိမိမှားခဲ့ပြီး၊ ထိုအမှားကို ဝန်ခံလျက်၊ အခြေအနေကို မှန်ကန်တည့်မတ်ရန် ကြိုးစားခဲ့လည်း စိမ်းကားစွာ အငြင်းပယ်ခံလိုက်ရသည့် အဖြစ်မျိုး သင်ကြုံဖူးပါသလား။ နားလည်မှုလွဲခြင်း (သို့) အထင်မှားမှုများကြောင့် ခံစားရချက်က မသက်သာ၊ မိမိစော်ကားမိသူ (သို့) မိမိကိုစော်ကားသူများက မိမိနှင့်အသိအကျွမ်းများဖြစ်ပါက ပိုနာကျင်လေဖြစ်သည်။ ကျွန်ုပ်တို့၏ခံစားချက် စိတ်နှလုံးသားကို သူတို့အား မြင်စေချင်စမ်းပါဘိ။
ဟေရှာယအနာဂတ္တိကျမ်း ၁၁:၁-၅ တွင် ပြီးပြည့်စုံသော တရားစီရင်ခြင်းအတွက်…
ရှင်သန်ခြင်းနှင့် တိုးတက်ကြီးပွားခြင်း
‘The Croods’ ဂူတွင်းနေ ခရုဒ်မိသားစု ကာတွန်းရုပ်ရှင်တွင် အသက်ရှင်သန်ရန် တစ်ခုတည်းသောနည်းလမ်းမှာ သူတို့မိသားစုလေး တစ်စုတည်းနေထိုင်ရန် ဖြစ်သည်ဟု သူတို့ယုံကြည်ထားသည်။ သူတို့သည် ကမ္ဘာကြီးနှင့်အခြားသူများကို ကြောက်ကြသည်။ ထို့ကြောင့် လုံခြုံသောနေရာကို ရှာဖွေရင်း သူတို့ရွေးချယ်သောဒေသတွင် ထူးဆန်းသောမိသားစုတစ်စုရှိနေသည်ကို တွေ့သောအခါ သူတို့အလွန်ကြောက်ရွံ့စိုးရိမ်မိသည်။ သို့သော် များမကြာမီ အိမ်နီးချင်းအသစ်များနှင့် သူတို့၏ မတူညီမှုများကို လက်ခံတတ်လာပြီး ၎င်းတို့ထံမှ ခွန်အားယူကာ အတူတကွ ရှင်သန်ကြသည်။ ဘဝကို ပြည့်ဝစွာရှင်သန်နိုင်ရေး အခြားသူများကို သူတို့ လိုအပ်ပြီး အမှန်တကယ် ပျော်ရွှင်စွာ အတူနေနိုင်ကြောင်း သူတို့တွေ့ရှိလာသည်။
ပေါင်းသင်းဆက်ဆံရေးအမှုသည် ဘေးရန်မကင်းပါ။ ကျွန်ုပ်တို့ကို သူတစ်ပါးက နာကျင်စေနိုင်သည်။ သို့သော် အသင်းတော်တည်းဟူသော အဖွဲ့အစည်းတစ်ခုတည်းတွင် ဘုရားရှင်သည် သူ၏လူများကို ပေါင်းစည်းထားခြင်းသည် ကောင်းကျိုးအတွက်ပင်ဖြစ်သည်။ အခြားသူများနှင့် မိတ်သဟာယဖွဲ့သောအခါ ကျွန်ုပ်တို့ရင့်ကျက်လာသည် (ဧ ၄:၁၃)။ “စိတ်နှိမ့်ချခြင်း၊ နူးညံ့သိမ်မွေ့ခြင်းနှင့် စိတ်ရှည်ခြင်း”…
အာကာသမှပွဲတော်မင်္ဂလာ
၁၉၆၉ ခုနှစ်၊ ဇူလိုင်လ ၂၀ ရက်တွင် အပိုလို ၁၁ ၏ Eagle lunar module (အီးဂဲ လူနာ မော်ဂျူး) အာကာသယာဥ်သည် လပေါ်ရှိ Sea of Tranquility (ငြိမ်သက်ခြင်းပင်လယ်)စခန်း၌ ဆင်းသက်သောအခါ အာကာသယာဥ်မှူးများသည် လမျက်နှာပြင်ပေါ်ခြေမချမီ ကိုယ်ခန္ဓာတည်ငြိမ်မှုရရန် အချိန်ယူခဲ့ရသည်။ အာကာသယာဉ်မှူး Buzz Aldrin (ဘဇ်အောဒရင်း)သည် ပွဲတော်သုံးဆောင်ရန်အတွက် မုန့်နှင့်စပျစ်ရည်ယူဆောင်လာရန် ခွင့်ပြုချက်ရရှိထားပြီးဖြစ်သည်။ ကျမ်းစာဖတ်ပြီးနောက် လပေါ်တွင် ပထမဆုံးသောအစာကို အရသာခံစားခဲ့ရသည်။ “အသင်းတော်က ပေးလိုက်တဲ့ခွက်ထဲ စပျစ်ရည်လောင်းထည့်လိုက်တဲ့အခါ လရဲ့ခြောက်ပုံတစ်ပုံဆွဲငင်အားမှာ စပျစ်ရည်က ခွက်တစ်ဘက်ကို ဖြည်းညင်းစွာ ကွေးညွှတ်တက်သွားတယ်”ဟု နောက်ပိုင်းတွင် သူရေးသားခဲ့သည်။ အောဒရင်းသည် အာကာသ၌ ပွဲတော်ခံယူခြင်းအမှုကို ကြည်နူးသည်နှင့်အမျှ သူ၏လုပ်ရပ်က ခရစ်တော်ကားတိုင်ပေါ်တွင် အသက်စွန့်ပူဇော်ခဲ့ခြင်းနှင့် ခရစ်တော်ဒုတိယအကြိမ် ကြွလာခြင်း အာမခံချက်ကို သူ့ယုံကြည်ကြောင်း ကြွေးကြော်ခြင်းဖြစ်သည်။
“ရန်သူလက်သို့အပ်နှံခြင်းကို ခံသောနေ့ည”တွင်…