ကိုယ်တော်၏အံ့ဖွယ်ကူညီမှု

၂၀၂၀ ခုနှစ် နွေဉီးကာလတွင် အမေရိကန်နိုင်ငံ၊ ကော်လိုရာဒို တောင်တန်းတွင် ‘The East Troublesome Fire’ (အရှေ့အရပ်ကို ဒုက္ခပေးသည့်မီး) တောမီးလောင်ခဲ့ရာ၊ ငြိမ်ဝပ်ပိပြားရေးအရာရှိတစ်ဉီးက “ဆုတောင်းချက်များသည် ထောင်ပေါင်းများစွာ (သို့) သိန်းပေါင်းများစွာလောက်ရှိမယ်” ဟုခန့်မှန်းရင်း ဘုရားသခင်မစရန် တောင်းလျှောက်မှုကို သူအံ့သြခဲ့ရသည်။ စတင်မီးလောင်ချိန်မှစ၍ ၁၂ နာရီ အတွင်း သစ်တောဧကတစ်သိန်း မီးလောင်ကျွမ်းခဲ့ပြီး နေအိမ် ၃၀၀ ခန့် ပျက်စီးခဲ့သည်။ မီးလောင်ရာလမ်းကြောင်း တစ်လျှောက်ရှိ မြို့များကိုလည်း ခြောက်လှန့်ခဲ့သည်။ မိုးလေဝသပညာရှင်တစ်ဉီးက “ထာဝရဘုရားစေလွတ်သောအရာ”ဟု သူခေါ်ဆိုသည့်အရာ ရောက်လာသည်။ မိုးမဟုတ်ပါ။ အချိန်ကောင်းမှ ကျသောနှင်းဖြစ်သည်။ မီးလောင်ပြင်၌ ထိုနှစ်အတွက် စောပြီးနှင်းကျလာကာ တစ်ပေခန့်မြင့်သော နှင်းရည်ကြောင့် မီးလောင်ခြင်းကို အရှိန်လျော့စေခဲ့ပြီး နေရာအချို့တွင် မီးငြိမ်းသွားသည်။

ကရုဏာလွှမ်းသော ထိုကူညီမစမှုမှာ ရှင်းပြရန်မစွမ်းသာ၊ အံ့သြစရာပါ။ နှင်းကျရန်၊ မိုးရွာရန် ကျွန်ုပ်တို့ဆုတောင်းခြင်းကို ထာဝရဘုရား…

မတည်မြဲခြင်းနှင့် နှိမ့်ချခြင်း

​ေခေတ်ဟောင်းဓမ္မကျမ်းပညာရှင် Jerome (ဂျရုမ်း)နှင့် Tertullian (တာတူလီယန်)တို့က ရှေးခေတ်ရောမနိုင်ငံတွင် စစ်သူကြီးတို့ မည်သို့ပြောင်မြောက်စွာ အောင်ပွဲခံကြသည်ကို ကိုးကားဖော်ပြသည်။ စစ်သူကြီးသည် မြို့တော်၏မြို့လယ်ခေါင်လမ်းမတွင် နေထွက်ချိန်မှစ၍ နေဝင်ချိန်ထိ လှည့်လည်အောင်ပွဲခံသည်။ ပြည်သူများကလည်း အားပေးသည်။ စစ်သူကြီးသည် သူ့ဘဝတွင် ဂုဏ်ယူရဆုံးအချိန်တစ်ခုကို ကောင်းမွန်စွာ ဖြတ်သန်းနေသည်။ သူ့နောက်တွင် ကျွန်တစ်ဦးက တစ်နေကုန် မတ်တပ်ရပ်ပြီး စစ်သူကြီးအား ‘Memento mori’ (“သင်လည်း တစ်နေ့သေရမှာပဲဆိုတာ သတိရပါ”)ဟု တိုးတိုးလေး‌‌ရေရွတ်နေသည်။ တိုင်းသူပြည်သားများ၏ သောင်းသောင်းဖြဖြ အားပေးမှုကြားတွင် စစ်သူကြီးအနေဖြင့် သူသည် သေမျိုးဖြစ်ပြီး တစ်နေ့သေရမည်ဟုသတိရစေသည့် နှိမ့်ချမှုကို မဖြစ်မနေ လိုအပ်ပေသည်။

ရှင်ယာကုပ်က မာနထောင်လွှားသူများ၊ ကိုယ့်အကျိုးအတွက်သာ ကြည့်သော စိတ်ထားကျဉ်းမြောင်းသောသူများရှိသည့် အသိုင်းအဝန်းသို့ “ထောင်လွှားစော်ကားသောသူတို့ကို ထာဝရဘုရား ဆီးတားတော်မူ၏။ စိတ်နှိမ့်ချသောသူတို့အား ကျေးဇူးပြုတော်မူ၏” (ယာ ၄:၆)ဟု စာရေးလျက် သူတို့၏ မောက်မာမှုကို ထိပ်တိုက်ပြောဆိုခဲ့သည်။…

အောင်မြင်ခြင်းနှင့် စွန့်လွှတ်ခြင်း

​ေနွေရာသီသင်တန်းတစ်ခုတွင် ကျွန်မသားသည် ဆွစ်ဇာလန်နိုင်ငံရှိ အယ်လ်ပိုင်း တောင်တန်းကိုတက်ချင်သော လူငယ်လေးတစ်ယောက်အကြောင်း ရေးသားထားသည့် စာအုပ်ကို ဖတ်နေသည်။ ထိုလူငယ်သည် အချိန်တော်တော်များများ‌ပေးပြီး တောင်တက်လေ့ကျင့်ခဲ့သည်။ တောင်စတက်ကြသောအခါ၊ ကိစ္စတိုင်းသည် ထင်ထားသလို မဖြစ်လာခဲ့ပါ။ တောင်တက်ခရီးစဥ် လမ်းတစ်ဝက်တွင် တောင်တက် အဖွဲ့ဝင်တစ်ဉီး ဖျားသဖြင့် ဇာတ်လိုက်လူငယ်သည် သူ၏ရည်မှန်းချက်ကို လက်လျှော့လိုက်ပြီး ဖျားနေသော အဖွဲ့ဝင်ကို ကူညီရန် ဆုံးဖြတ်လိုက်သည်။

ကျောင်းစာသင်ခန်းတွင် သား၏ဆရာမက “တောင်ဆက်မတက်ခြင်းကြောင့် ၎င်းသည် ဇာတ်ကောင်၏အရှုံးလား”ဟု မေးရာ ကျောင်းသားတစ်ဉီးက “ဟုတ်ပါတယ်၊ သူ့ရဲ့ဗီဇထဲမှာ ရှုံးနိမ့်ဖို့ကို ပါလာတာ”ဟု ဖြေသည်။ သို့သော် အခြားကလေးတစ်ဉီးက ထိုအဆိုကိုသဘောမတူ၊ “ဇာတ်လိုက်ကောင်လေး၏ ရှုံးနိမ့်မှု မဟုတ်ပါ။ တစ်ဉီးတစ်ယောက်ကို ကူညီဖို့ အရေးကြီးသည့်အရာတစ်ခုကို သူလက်လွှတ်လိုက်ခြင်းပါ” ဟု ဖြေခဲ့သည်။

ကျွန်ုပ်တို့၏အစီအစဉ်များကို ဘေးဖယ်ပြီး သူတစ်ပါးအား ဂရုစိုက်ခြင်းသည် ယေရှုခရစ်တော်ကဲ့သို့ အသက်ရှင်ခြင်းဖြစ်သည်။ ခရစ်တော်သည် ဘုရားသခင်၏…

မိမိလိုချင်သမျှကို ရယူရာဝယ်

Aaron Burr (အယ်ရန်ဘာ)သည် အမေရိကန်လွှတ်တော်ကိုယ်စားလှယ်ရုံးမှ မဲရလဒ်ကို ရင်ခုန်စွာ စောင့်နေသည်။ သမ္မတရွေးကောက်ပွဲတွင် Thomas Jefferson (သောမတ်(စ်) ဂျက်ဖာဆန်)နှင့် သရေပူးတွဲဖြစ်နေရာမှ အယ်ရန်ဘာ က အိမ်ဖြူတော်သည် သူ့အား အနိုင်ရသူအဖြစ်ကြေညာမည်ဟု ယုံကြည်နေ သည်။ သို့သော် သူရှုံးနိမ်ခဲ့ပြီး သူ၏စိတ်ဝိညာဉ်တွင် ခါးသီးမှုက တစစ်စစ်ထိုးနှက်လာသည်။ Alexander Hamilton (အလက်ဇန်းဒါ ဟမ်မင်တန်) သူ့အား မဲမပေးခဲ့ခြင်းကို တေးမှတ်ထားပြီး ဝမ်းနည်းနာကြည်းမှုကို ဖြစ်စေလျက် နောက် ၄ နှစ်မတိုင်ခင်တွင် အယ်ရန်ဘာသည် ဟမ်မင်တန်ကို သေနတ်ဖြင့် ပစ်သတ်ခဲ့သည်။ ထိုသို့ ပစ်သတ်မှုအပေါ် အံ့သြတုန်လှုပ်လျက် နိုင်ငံသားတို့မှာ အယ်ရန်ဘာအား ရွံ့မုန်းခဲ့ပြီး ခေါင်းမာပြီး မုန်းဖို့ကောင်းသည့် အဖိုးကြီးအဖြစ် သူ့ဘဝနိဂုံးချုပ်ခဲ့ရသည်။

နိုင်ငံရေးအားပြိုင်မှု လှည့်ကွက်များသည် သမိုင်းတွင် ဝမ်းနည်းစရာကောင်း သည့် အစိတ်အပိုင်းတစ်ခုအဖြစ် ရှိနေသည်။ ဒါဝိဒ်မင်း ကွယ်လွန်ခါနီးတွင်…

ချိုမြိန်သောအိပ်စက်ခြင်း

ကျွန်မသူငယ်ချင်း ဖလော့(စ်)သည် ညအချိန်၌ အိပ်မရတိုင်း “ယေရှုရှင်၊ ကိုယ်တော်ကို ချစ်ပါ၏ကျူး” ဓမ္မသီချင်းမှစာသားများကို ဆင်ခြင်သည်။ သူမက ၎င်းသီချင်းကို “သန်းခေါင်ယံသီချင်း” ဟု ခေါ်သည်။ အဘယ်ကြောင့်ဆိုသော် ထာဝရဘုရား၏ ကတိတော်နှင့် ထာဝရဘုရားကို သူမချစ်ရသည့် အကြောင်းပြချက်များစွာကို သတိရစေသောကြောင့် ဖြစ်သည်။

အိပ်စက်ခြင်းသည် ဘဝ၏တစ်စိတ်တစ်ပိုင်း ဖြစ်သောကြောင့် လိုအပ်ပါသော်လည်း တစ်ခါတစ်ရံ အိပ်မပျော်နိုင်ပါ။ တစ်ခါတစ်ရံတွင် ကျွန်ုပ်တို့ ဝန်မခံသောအပြစ်များကို ဖော်ပြသည့် သန့်ရှင်းသောဝိညာဉ်တော်၏အသံကို ခံစားရ၊ ကြားရသည်။ သို့မဟုတ် အလုပ်အကိုင်၊ ပေါင်းသင်းဆက်ဆံရေး၊ ငွေရေးကြေးရေး၊ ကျန်းမာရေး၊ သားရေးသမီးရေးအတွက် စိတ်ပူနေမိသည်။ မကြာမီမှာပင် ဉီးနှောက်အတွင်း ရှေ့လာမည့်အနာဂတ်ကို စတင်စိတ်ကူးယဉ်ပုံဖော်မိသည်။ မှေးခနဲအိပ်ပျော်သွားသည်ဟု ထင်သော်လည်း နာရီကြည့်မိသည့်အခါ အချိန်ကုန်ခဲလှပါဘိ။

သုတ္တံကျမ်း ၃:၁၉-၂၄ တွင် ထာဝရဘုရား၏ပညာတော်၊ ဉာဏ်ေတော်၊ သိပ္ပံအတတ်တို့ကို ကိုင်စွဲလျှင် ကောင်းစွာ အိပ်ပျော်ရလိမ့်မည်ဟု ရှောလမုန်မင်းကြီးက…

ကျွန်ုပ်တို့ သက်သောင့်သက်သာဖြစ်ဖို့မဟုတ်

ကားတစ်စီးမှာ လမ်းချော်ကာ သူ့လမ်းကြောထဲဝင်လာပြီး ဒန် စီးနေသောမော်တော်ဆိုင်ကယ်ကို ဝင်တိုက်ခဲ့မှုကြောင့် စိတ်ဒဏ်ရာ ကုသဆောင်တွင် ၂ ပတ် ကြာမျှ သတိမေ့နေပြီးမှ သူနိုးလာခဲ့သည်။ အဆိုးဆုံးဒဏ်ရာမှာ ကျောရိုးထိခိုက်ခဲ့ပြီး သူ့ခန္ဓာကိုယ်အောက်ပိုင်းသေသွားသည်။ ဒန်သည် ခံစားရသောဝေဒနာပျောက် ကင်းရန် ဆုတောင်းသော်လည်း အနာမပျောက်ခဲ့ပါ။ “ဒီဘဝမှာ အသက်ရှင်ရတဲ့ရည်ရွယ်ချက်က ခရစ်တော်ရဲ့သဏ္ဌာန်တော်နဲ့အညီ ပြောင်းလဲဖို့ဖြစ်တယ်။ အဲလိုပြောင်းလဲဖို့ဆိုတာ အစစအရာရာ အဆင်ပြေနေတယ်ဆိုရင် မဖြစ်နိုင်ဘူး။ ဘဝက ကြမ်းတမ်းခက်ခဲနေမှ၊ အသက်ရှင်ရတဲ့နေ့ရက်တွေကို ကျော်ဖြတ်နိုင်ဖို့ ဘုရားရှင်ကို ဆုတောင်းခြင်းဖြင့် အားကိုးမှီခိုမှ ပြောင်းလဲနိုင်တယ်”ဟု ဘုရားရှင်သည် သူ့အား မေတ္တာကရုဏာဖြင့် သွန်သင်ခြင်းဖြစ်သည်ဟု သူယုံကြည်ကြောင်း ပြောပြသည်။

ရှင်ပေါလုက “သည်းခံခြင်းနှင့် ဒုက္ခဆင်းရဲခြင်းကိုခံ၍ ဝါကြွားဝမ်းမြောက်ခြင်း” (ရော ၅:၃-၄) ဟူသည့် ထာဝရဘုရား၌ မှန်ကန်စွာတည်နေခြင်း၏ ကောင်းကျိုးနှစ်ခုကို ရှင်းပြထားသည်။ ဤအချက်နှစ်ချက်သည် ဆင်းရဲဒုက္ခကို မညည်းတွားဘဲ သည်းခံရန်၊ နာကျင်ဝေဒနာခံရသည့်အမှု၌ ပျော်မွေ့ရန်…

ဖန်ဆင်းခြင်း၏အံ့သြဖွယ်

အမေရိကန်နိုင်ငံ၊ အလာစကာပြည်နယ်ရှိ “Root Glacier” (ရေခဲမြစ်၏အမြစ်) ရေခဲပြင်လမ်းကြောတွင် တင်းမ် တောင်တက်ခဲ့စဥ် တစ်ခါမှမမြင်ဖူးခဲ့သောအရာကို မြင်ခဲ့ရသည်။ ရေခဲမြစ်များအကြောင်းကို တင်းမ် ထဲထဲဝင်ဝင်လေ့လာခဲ့ဖူးသော်လည်း ယခုမြင်တွေ့ရသော မြောက်များစွာသော ရေညှိလုံးသေးသေးများက သူနှင့် အစိမ်းသက်သက်ဖြစ်နေသည်။ ၎င်းကို နှစ်အတန်ကြာလေ့လာခဲ့ပြီးနောက် တင်းမ်နှင့် သူ၏လုပ်ဖော်ကိုင်ဖက်များက ယင်း“ကြွက်ပုံရေညှိ”များသည် သစ်ပင်များပေါ်မှရေညှိများနှင့်မတူ၊ ကပ်ညှိမနေဘဲ၊ ပိုထူးဆန်းသည်မှာ သိုးအုပ်၊ ငှက်အုပ်များကဲ့သို့ အစုလိုက် ရွေ့လျားကြသည်ကို လေ့လာတွေ့ရှိကြသည်။ အစတွင် သူတို့က ယင်းရေညှိများသည် လေနှင့်လွှင့်သွားခြင်း၊ တောင်အောက်သို့ လှိမ့်သွားခြင်းဟု ထင်မိပြီး ထိုခန့်မှန်းချက်က မဖြစ်နိုင်ကြောင်း လေ့လာတွေ့ရှိချက်က ပြနေသည်။

ထိုရေညှိလုံးများ မည်ကဲ့သို့ ရွေ့လျားသည်ကို တိတိကျကျရှာဖွေတွေ့ရှိခြင်းတော့ မရှိသေးပါ။ ဤကဲ့သို့ လျှို့ဝှက်ဆန်းကြယ်မှုသည် ထာဝရဘုရား၏ ဖန်ဆင်းခြင်းကို ထင်ဟပ်စေသည်။ ထာဝရဘုရား၏ ဖန်ဆင်းခြင်းတွင် မြေကြီးကို ကောင်းချီး ပေးကာ “သစ်သီးမျိုးကို ဖြစ်စေ”သည်ဟုဆိုရာတွင် အပင်နှင့်…

အသစ်သောအစပြုခြင်း

ဒေသအသီးသီးမှ တရုတ်လူမျိုးများ ကျင်းပလေ့ရှိသော တရုတ်နှစ်သစ်ကူးပွဲသည် တရုတ်ပြက္ခဒိန်ရက်စွဲကို ယူထားပြီး၊ ဇန်နဝါရီ နှောင်းပိုင်းနှင့် ဖေဖော်ဝါရီ အလယ်ခန့်တွင် ကျရောက်လေ့ရှိသည်။ နှစ်သစ်ကူးချိန်၌ မိသားစုဝင်များ တွေ့ဆုံခြင်းအပြင် အခြားသော အထင်ကရရိုးရာအစဥ်အလာများ ကျင်းပဆင်နွဲကြသည်။ အဝတ်အစားအသစ် ဝယ်ယူဆင်မြန်းခြင်း၊ အိမ်သန့်ရှင်းရေးပြုလုပ်ခြင်း၊ အကြွေးဟောင်းများဆပ်ခြင်းဖြင့် နှစ်ဟောင်းမှအရာများကို နှစ်ဟောင်းတွင်ထားခဲ့ပြီး နှစ်သစ်တွင် အသစ်သောအရာဖြင့် စတင်ခြင်းဖြစ်သည်။

ဤဓလေ့ထုံးစံများသည် ခရစ်တော်အားဖြင့်ရရှိသည့် ကျွန်ုပ်တို့၏ အသက်တာသစ်ကို သတိရစေသည်။ ကျွန်ုပ်တို့ဘာဘဲဖြစ်ခဲ့ဖြစ်ခဲ့၊ ဘာဘဲလုပ်ခဲ့လုပ်ခဲ့၊ အရာအားလုံးကိုထားခဲ့ကာ ဘဝသစ်ကို စတင်နိုင်ပါပြီ။ ကားတိုင်ထက် အသေခံခဲ့သော ရှင်ယေရှုအားဖြင့် ခွင့်လွှတ်ခြင်း ခံခဲ့ရပြီကိုသိလျက် အတိတ်တွင် ဖြစ်ပျက်ခဲ့သည့်အရာများအတွက် မိမိကိုယ်ကို ထိုးနှက်ခြင်း၊ အပြစ်တင်ခြင်းများကို ရပ်ပစ်နိုင်ပါပြီ။ ရှင်ယေရှုနှင့်တူလာအောင် ကျွန်ုပ်တို့ကိုနေ့စဉ်ပြုပြင်ပြောင်းလဲပေးရန် သန့်ရှင်းသောဝိညာဉ်တော်ကိုအမှီပြုနိုင်ကြောင်း သိမှတ်လျက် ဘဝသစ်ကို စတင်နိုင်ပါသည်။

ထို့ကြောင့် ရှင်ပေါလုက “ဟောင်းသောအရာတို့သည် ပြောင်းလဲ၍ ခပ်သိမ်း သောအရာတို့သည် အသစ်ဖြစ်ကြပြီ”ဟု…

နှိမ့်ချသော ကိုယ်အမူအရာ

“လက်ကို နောက်ပစ်ထားလိုက်ပါ။ မင်းအဆင်ပြေမှာပါ” ဤသည်မှာ လူအုပ်စုကို ဂျန် စကားမပြောမီတိုင်း သူမ၏ခင်ပွန်းသည်၏ ချစ်ဖွယ်သောသတိပေးပုံဖြစ်သည်။ လူလေးစားအောင်၊ အခြေအနေတစ်ခုကို တည်ငြိမ်အောင် ပြုလုပ်ရာ၌ သူမ ခံယူနိုင်အောင်၊ နားထောင်ပေးနိုင်သည့် အနေအထား၌ ရှိစေသောကြောင့် ဤအမူအရာကို သူသုံးခြင်းဖြစ်သည်။ သူ့ရှေ့၌ရှိနေသူများကို ချစ်ရန်၊ နှိမ့်ချလျက် သန့်ရှင်းသောဝိညာဉ်တော်ကို နေရာပေးရန် သူမကိုယ်ကို သတိပေးသည့်အခါတွင် သုံးသော ကိုယ်အမူအရာ ဖြစ်သည်။

ဂျန် ၏နှိမ့်ချခြင်းကို နားလည်မှုသည် “အရာရာတိုင်းသည် ဘုရားထံမှ လာသည်” ဟူသော ဒါဝိဒ်မင်း၏ ခံယူတွေ့ရှိချက်၌ အခြေတည်သည်။ “ကိုယ်တော်သည် အကျွန်ုပ်၏သခင်ဖြစ်တော်မူသည်။ ... ကျေးဇူးတော်မှတစ်ပါး အခြားသောမင်္ဂလာသည် အကျွန်ုပ်၌မရှိပါ” (ဆာ ၁၆:၂)ဟု ဒါဝိဒ်က ထာဝရဘုရားအား လျှောက်ဆိုသည်။ ဒါဝိဒ်က “ညဉ့်အချိန်၌ပင် ငါ့နှလုံးသည် ငါ့ကို နှိုးဆော်တတ်၏” (:၇)ဟု ထာဝရဘုရားကို ရှာပြီး တိုင်ပင်အကြံဉာဏ်ရယူရန်…

သွားလေရာရာမှာ ချစ်ပါ

အားလပ်ရက်ခရီးထွက်စဥ်က ကျွန်မသည် ဘောတံတားတွင်ထိုင်ကာ ကျမ်းစာဖတ်ရင်း၊ ခင်ပွန်းသည် ငါးမျှားသည်ကို ကြည့်နေသည်။ ထိုစဉ် လူငယ်တစ်ဦး ရောက်လာပြီး တစ်ခြားငါးစာသုံးကြည့်ရန် အကြံပြုသည်။ သူက ကျွန်မကိုကြည့်ပြီး ဆုတ်တွန့်သောခြေလှမ်းဖြင့် လှမ်းရင်း “ကျွန်တော် ထောင်ကျဖူးတယ်”ဟု ပြောသည်။ ထိုနောက် သမ္မာကျမ်းစာကို လက်ညှိုးထိုးပြီး သက်ပြင်းချကာ “ကျွန်တော်တို့လိုလူမျိုးကို ထာဝရဘုရား တကယ်ဂရုစိုက်တယ်လို့ အစ်မထင်သလား”ဟု မေးသည်။

ထောင်ကျနေသူများကို တပည့်တော်တို့ သွားတွေ့သည့်အကြောင်း သခင်ယေရှုပြောပြသော ရှင်မဿဲခရစ်ဝင်ကျမ်း ၂၅ ကို ကျွန်မဖွင့်ဖတ်ပြလိုက်သည်။

သူ၏သားသမီးများအပေါ် လူတစ်ဦးဦးက ကရုဏာကြင်နာမှုပြခြင်းကို သူ့အပေါ်ပြခြင်းအဖြစ် ထာဝရဘုရားမှတ်ယူကြောင်း (မ ၂၅:၃၁-၄၀) ကျွန်မပြောပြသည့်အခါ လူငယ်လေး၏မျက်ဝန်း၌ မျက်ရည်ဝိုင်းသွားသည်။ “ကျမ်းစာထဲမှာ အဲ့လိုပြောတာလား။ ထောင်ထဲကအကြောင်းလေ” ဟု မေးရှာသည်။

“ကျွန်တော့်မိဘတွေလည်း ကျွန်တော့်ကို ခွင့်လွတ်ရင်ကောင်းမှာပဲ”ဟု ခေါင်းငိုက်စိုက်နှင့်ပြောပြီး “ကျွန်တော်ပြန်လာခဲ့မယ်” ဟုပြောကာ ထွက်သွားသည်။ ထို့နောက် စုတ်ပြဲနေသည့်…