သူရဲကောင်း၊ အာဏာရှင်နှင့် ယေရှု

Beethoven (ဘီသိုဗင်) စိတ်ဆိုးခဲ့သည်။ သူ၏တတိယမြောက် သံစုံတေးသွားကို “The Bonaparte” (ဗိုနာပါ့ထ်)ဟု အမည်ပေးရန် ရည်ရွယ်ခဲ့သည်။ ဘာသာရေးနှင့် နိုင်ငံရေး အာဏာရှင်ခေတ်တွင် သူက နပိုလီယံဗိုနာပါ့ထ်ကို ပြည်သူ့သူရဲကောင်း၊ လွတ်လပ်ရေးကို ရပ်တည်ကာကွယ်ပေးသူအဖြစ် ရှုမြင်ခဲ့သည်။ သို့သော် ထိုပြင်သစ် ဗိုလ်ချုပ်က သူ့ကိုယ်သူဧကရာဇ်ဟု ကြေညာလိုက်သောအခါ နာမည်ကြီး တေးရေးဆရာ စိတ်ပြောင်းသွားသည်။ သူ၏ယခင်သူရဲကောင်းကို ရက်စက်ကြမ်းကြုတ်သော အာဏာရှင်ဟုရှုတ်ချကာ “Bonaparte” အမည်ကို ခပ်ကြမ်းကြမ်း ပွတ်တိုက်ဖျက်ပစ်ရာ မူလတေးသွားသံပုံစာရွက်တွင် အပေါက်တစ်ပေါက် ကျန်ရစ်ခဲ့သည်။

ရှေးဦးခရစ်ယာန်တို့၏ နိုင်ငံရေးပြုပြင်ပြောင်းလဲရန် မျှော်လင့်ချက် ပျက်ပြားသွားသောအခါ သူတို့စိတ်ပျက်ခဲ့ရသည်။ ကဲသာဘုရင်ကဲ့သို့ ကြီးမားသောအခွန် အတုတ်၊ စစ်တပ်၏လွှမ်းမိုးမှုနှင့် နိုင်လိုမင်းထက်ပြုမှု မရှိဘဲ ဘဝမျှော်လင့်ချက်ကို သခင်ယေရှုနှိုးဆွပေးခဲ့သည်။ သို့သော် ဆယ်စုနှစ်များစွာကြာသည့်တိုင် ရောမတို့ ကမ္ဘာကြီးကို အုပ်ချုပ်ဆဲဖြစ်ပြီး သခင်ယေရှု၏တမန်တို့သည် ကြောက်ရွံခြင်း၊ အားနည်းခြင်းနှင့် ကျန်ရစ်ခဲ့သည်။ သူ၏တပည့်တော်များသည်…

လိုအပ်နေသူများကို စောင့်ရှောက်ခြင်း

တံခါးလာခေါက်သဖြင့် Elvis Summers (အဲဗစ်စမ်းမား) တံခါးဖွင့်လိုက်ရာ ငွေသားနှင့်ပြန်ဖလှယ်ရန် သံဘူးအလွတ်များကို ပုံမှန်လာတောင်းတတ်သော ချည့်နဲ့နေသည့်အမျိုးသမီး Smokey (စမုတ်ကီ)ကိုတွေ့လိုက်ရသည်။ ဤငွေသည် သူမ၏အဓိကဝင်ငွေဖြစ်သည်။ အဲဗစ် စိတ်ကူးတစ်ခုရလိုက်ပြီး “အစ်မဘယ်မှာအိပ်လဲဆိုတာ ကျွန်တော့်ကိုပြနိုင်မလား” ဟုမေးရာ သူမက အိမ်တစ်အိမ်၏ဘေး ၂ ပေခန့် ကျယ် သော ဖုန်အလိမ်းလိမ်းနှင့် နေရာကျဥ်းကျဥ်းလေးသို့ သူ့ကိုခေါ်သွားသည်။ သနားကရုဏာစိတ်ဖြင့် သူမလုံခြုံစွာအိပ်စက်နိုင်ရန် ရိုးရှင်းသောခိုလှုံရာနေရာ အိမ်ငယ်လေးတစ်လုံးကို သူဆောက်ပေးခဲ့သည်။ အဲဗစ်သည် သူ့စိတ်ကူးအတိုင်းဆက်လက်လုပ်ဆောင်ခဲ့သည်။ သူသည် “GoFundMe” (ကျွန်ုပ်ကိုထောက်ပံ့ပါ) အင်တာနက်ဝဘ်ဆိုဒ်ကို စတင်ခဲ့ပြီး အခြားအိမ်ယာမဲ့များအတွက် ခိုလှုံရာနေရာများဆောက်လုပ်နိုင်ရန် လိုအပ်သောမြေနေရာရရန် ဒေသခံအသင်းတော်များနှင့် ပူးပေါင်းခဲ့သည်။

သမ္မာကျမ်းစာတစ်အုပ်လုံးတွင် ဆင်းရဲနွမ်းပါးကာ လိုအပ်နေသူများကို ဂရုပြုဖေးမရန် ဘုရားသခင်၏လူများအား သတိပေးထားသည်။ ကတိထားရာပြည်သို့ဝင်ရောက်မည့် ဣသရေလလူမျိုးတို့ကို ပြင်ဆင်လျက် “သင်၏လက်ကို (ဆင်းရဲသူတို့)အဖို့ ကျယ်ကျယ်ဖွင့်၍ သူ၏ဆင်းရဲပျောက်လောက်အောင် ချေးငှားရမည်” (တရား ၁၅:၈)ဟု…

ခွန်အားကြီးမားသောရန်သူများမှ ကယ်တင်ခဲ့သည်

၂၀၁၀ ခုနှစ်၌ အသက် ၉၄ နှစ်အရွယ် George Vujnovich (ဂျော့ချ်ဗူနာဗစ်ချ်)အား ကြေးဝါကြယ်ပွင့်ကို ချီးမြှင့်ခဲ့သည်။ နယူးယောက်တိုင်းမ်စ် သတင်းစာက “ဒုတိယကမ္ဘာစစ်အတွင်း ကယ်ဆယ်ရေးအတွက် စွမ်းစွမ်းတမံအားထုတ်ကြိုးပမ်းမှု” အတွက်ဟု ဖော်ပြခဲ့သည်။ ဗူနာဗစ်ချ်သည် အမေရိကန်နိုင်ငံသို့ ပြောင်းရွေ့နေထိုင်သူ ဆားဘီးယားလူမျိုးတစ်ဉီး၏ သားဖြစ်ပြီး အမေရိကန် စစ်တပ်ထဲ ဝင်ခဲ့သည်။ ယူဂိုဆလားဗီးယား၌ အမေရိကန်လေတပ်မှလေယာဥ်မှူးများ သူပုန်များ၏ဝိုင်းရံ ဖမ်းဆီးခံထားရကြောင်း သတင်းရသောအခါ ဗူနာဗစ်ချ်သည် သူ့မိသားစု၏ဇာတိမြို့သို့ပြန်ကာ ၎င်းတို့ကိုခြေရာခံရန် လေထီးဖြင့် တောထဲခုန်ချခဲ့သည်။ စစ်သားများကို အဖွဲ့ငယ်များစွာ ခွဲကာ သူတို့အား (ဆားဘီးယားလူမျိုးကဲ့သို့ ဝတ်ဆင်၊ စားသောက်ကာ) ဆားဘီးယားတို့နှင့် မည်သို့သဟဇာတဖြစ်အောင် ရောနှောပေါင်းသင်း ရမည်ကို သင်ပေးခဲ့သည်။ လပေါင်းများစွာ ကြာပြီးနောက် လေယာဥ် ဆင်းသက်နိုင်အောင် သူတို့ရှင်းလင်းထားသည့် မြေတလင်းတွင် အသင့်စောင့်ဆိုင်းနေသော C-47 ပို့ဆောင်ရေးလေယာဥ်များဆီသို့ တစ်ဖွဲ့ပြီးတစ်ဖွဲ့ ခေါ်ဆောင်သွားသည်။ ဗူနာဗစ်ချ် သည်…

ကြီးမားမြောက်များလှစွာသောလူထုကြီး

တနင်္ဂနွေနေ့မနက်၌ အတူတကွ ဝတ်ပြုကိုးကွယ်ရန် ဝမ်းမြောက်ခြင်း၊ မျှော်လင့်ခြင်းအပြည့်နှင့် ဘုရားကျောင်းသို့ ကျွန်ုပ်တို့ရောက်လာခဲ့ကြသည်။ ကိုရိုနာဗိုင်းရပ် ကပ်ရောဂါကြောင့် နေရာခြားပြီး ခပ်ကွာကွာနေရသော်လည်း ဂါဗင်နှင့် တီဂျာနာ တို့၏မင်္ဂလာပွဲကို ဆင်နွဲရန်အခွင့်ကို ရယူခဲ့ကြသည်။ နည်းပညာပိုင်းတွင် ပါရမီရှိသော အီရန်မိတ်ဆွေများက စပိန်၊ ပိုလန်၊ ဆားဘီးယားနိုင်ငံအပါအဝင် နိုင်ငံအသီးသီး၌ ဖြန့်ကျက်နေထိုင်ကြသော သူငယ်ချင်းများ၊ မိသားစုဝင်များအတွက် မင်္ဂလာအခမ်းအနားကို ထုတ်လွှင့်ပြသပေးကြသည်။ ဆန်းသစ်‌ေသော နည်းပညာ သည် ကန့်သတ်မှုများကို ကျွန်ုပ်တို့ကျော်လွှားနိုင်အောင် ကူညီပေးပြီး လက်ထပ် ထိမ်းမြားခြင်းပဋိညာဥ်ပြုပွဲတွင် ရွှင်လန်းဝမ်းမြောက်ခဲ့ကြရသည်။ ဘုရားသခင်၏ ဝိညာဥ်တော်သည် ကျွန်ုပ်တို့အားလုံးကိုပေါင်းစည်းပေးပြီး ပျော်ရွှင်မှုကိုပေးပါသည်။

အံ့သြဖွယ် နိုင်ငံပေါင်းစုံမှဧည့်ပရိသတ်များ တက်ရောက်နိုင်သော ထိုတနင်္ဂနွေနေ့နံနက်ကား ကောင်းကင်နိုင်ငံတွင် တိုင်းနိုင်ငံများ၊ လူအမျိုးအနွယ်အသီးသီးနှင့် ဘာသာစကားမျိုးစုံပြောသူများ ဘုရားသခင်ရှေ့မှောက်ရပ်ချိန်တွင် ပေါ်ထွန်းမည့်ဘုန်းအသရေ တစ်စိတ်တစ်ဒေသကို ခံစားရစေသည် (ဗျာ ၇:၉)။ သခင်ချစ်သော တပည့်တော်ယောဟန်သည် ကြီးမားသောလူအစုအဝေးနှင့် စပ်လျဥ်း၍ ဖွင့်ပြခံရသည့်ရူပါရုံကို…

အတူနေထိုင်ပါ

ကြက်ပေါင်တစ်ချောင်းကြောင့် Dewberry နှစ်ခြင်းခရစ်ယာန်အသင်းတော်သည် ၁၈၀၀ ပြည့်နှစ်များတွင် ပြိုကွဲခဲ့သည်။ ဇာတ်လမ်းအမျိုးမျိုး ပြောကြသော်လည်း လက်ရှိအသင်းသားတစ်ဦး၏ ပြောပြချက်အရ ဘုရားကျောင်းမိတ်ဆုံစားပွဲတွင် နောက်ဆုံးကျန်သော ကြက်ပေါင်တစ်ချောင်းကို လူနှစ်ဦး လုရာမှစခဲ့သည်။ တစ်ဦးက ဘုရားသခင် သူ့ကို့စားစေချင်သည်ဟုပြောရာ၊ အခြားတစ်ယောက်က ဤကိစ္စကို ဘုရားသခင် အလေးမထားပါ။ သူသာ အမှန်တကယ် ကြက်ပေါင်စားချင်ကြောင်း ပြန်ပြောသည်။ ထိုလူနှစ်ဦးသည် ဒေါသအမျက်ချောင်းချောင်း ထွက်ကာ တစ်ယောက်က တစ်လမ်းတည်းရှိ ၂ ကီလိုမီတာအကွာလောက်တွင် Dewberry အသင်းတော် အမှတ်-၂ ကို အစပြုခဲ့သည်။ အသင်းတော်နှစ်ပါးလုံးသည် သူတို့၏ ကွဲပြားခြားနားမှုများကိုဖြေရှင်းနိုင်ခဲ့ခြင်းက ကျေးဇူးတင်စရာဖြစ်ပြီး သူတို့ကွဲရသည့် အကြောင်းရင်းမှာ အဓိပ္ပာယ်မဲ့ပြီး ရယ်စရာဖြစ်ကြောင်း ပြောစမှတ်တွင်ခဲ့သည်။

၎င်းကို သခင်ယေရှု သဘောတူပါသည်။ သူအသတ်မခံရမီညက “အဘ၊ ကိုယ်တော်သည် အကျွန်ုပ်၌ရှိတော်မူ၍၊ အကျွန်ုပ်သည်လည်း ကိုယ်တော်၌ရှိသကဲ့သို့ ထိုသူအပေါင်းတို့သည် ငါတို့၌ တစ်လုံးတစ်ဝတည်း ဖြစ်စေခြင်းငှာ…

စုံလင်သောနာမည်

ပူနွေးစွတ်စိုသော သြဂုတ်လ ၁ ရက်တွင် ကျွန်တော့်ဇနီးသည် ကျွန်တော်တို့၏ ဒုတိယသားကို မွေးဖွားခဲ့သည်။ သားအတွက် နာမည်ရွေးပြီးအတည်ပြုရန် လုပ်နေရင်း သားလေးမှာ ခေါ်စရာနာမည် မရှိဖြစ်နေခဲ့သည်။ ရေခဲမုန့်ဆိုင်ထဲတွင် နာရီပေါင်းများစွာထိုင်၊ ကားအကြာကြီးပတ်မောင်းပြီး စဥ်းစားသော်လည်း မည်သို့နာမည်မှည့်ခေါ်ရမည်ကို မဆုံးဖြတ်နိုင်ခဲ့ပါ။ နောက်ဆုံး Micah (မိက္ခာ)ဟု နာမည်မမှည့်ခင် သုံးရက်လောက်အထိ “Baby Williams”ဟုသာ ရိုးရိုးပင်ခေါ်ဆိုခဲ့သည်။

သင့်လျော်သောနာမည်ရွေးချယ်ခြင်းသည် အနည်းငယ် စိတ်ရှုပ်စရာကောင်း နိုင်သည်။ သင်သာ အရာရာကို ထာဝရပြောင်းလဲစေမည့် သူတစ်ယောက်အတွက် ပြီးပြည့်စုံသည့် နာမည်ပေးခဲ့သူ ဘုရားသခင် ဖြစ်ခဲ့လျှင်တော့ စိတ်မရှုပ်ရတော့ပါ။ ရေဇိန်မင်းအား သူ့ယုံကြည်ခြင်းကိုခိုင်ခံ့စေရန်အတွက် “ထာဝရဘုရားထံမှာ နိမိတ်လက္ခဏာကို” (ဟေရှာ ၇:၁၀-၁၁) တောင်းရန် ပရောဖက်ဟေရှာယအားဖြင့် ဘုရားရှင်မိန့်ကြားသည်။ ရေဇိန်မင်းကြီးသည် နိမိတ်လက္ခဏာတောင်းရန် ငြင်းဆန်ခဲ့သော်လည်း ဘုရားသခင်သည် သူ့အား နိမိတ်တစ်ခုပေးခဲ့သည်။ “သတို့သမီးကညာသည် ပဋိသန္ဓေယူ သားယောက်ျားကို ဘွားမြင်လတံ့။…

ရွှင်လန်းအားရစွာ ပေးကမ်းဝေမျှသူ

တတိယရာစု၌ မွေးဖွားခဲ့သူ Nicholas (နီကိုးလပ်စ်)သည် သူသေဆုံးပြီးနောက် ရာစုနှစ်များစွာအကြာတွင် သူ့ကို စန်တာကလော့စ်ဟု လူသိများလာလိမ့်မည်ကို သိခဲ့မည်မဟုတ်ပါ။ သူသည် ဘုရားသခင်ကိုချစ်မြတ်နိုးသူ၊ လူတို့ကို အမှန်တကယ်ဂရုစိုက်သူဖြစ်ပြီး၊ သူ၏ဥစ္စာပစ္စည်းများကို ရွှင်လန်းအားရစွာ ပေးကမ်းခြင်း၊ ကြင်နာမှုပြခြင်းတို့ကြောင့် လူသိထင်ရှားသူဖြစ်သည်။ ဇာတ်ကြောင်းပြန်ရလျှင် ငွေကြေးအလွန်ကြပ်တည်းသော မိသားစုအကြောင်းကို နီကိုးလပ်စ် ကြားပြီး ညအချိန်တွင် ထိုအိမ်သို့သွား၍ ပွင့်နေသောပြူတင်းပေါက်မှတစ်ဆင့် ရွှေထုပ်တစ်ထုပ်ကို ပစ်ထည့်လိုက်ရာ မီးလင်းဖိုအနီးရှိ ဖိနပ် (သို့) ခြေအိတ်ထဲသို့ ကျသွားသည်။

နီကိုးလပ်စ် မတိုင်မီ ရှေးကာလက တမန်တော်ရှင်ပေါလုသည် ကောရိန္သုမြို့ရှိ ယုံကြည်သူများအား ပြုံးပျော်ရွှင်စွာပေးလှူသူများ ဖြစ်အံ့သောငှာ တိုက်တွန်းခဲ့သည်။ သူသည် ယေရုရှလင်မြို့ရှိ ညီအစ်ကိုမောင်နှမများ၏ ကြီးမားသော ငွေကြေးအခက်အခဲ လိုအပ်ချက်အကြောင်းကို ရေးသားပြီး ရက်ရောစွာပေးကမ်းစွန့်ကြဲရန်အတွက် တိုက်တွန်းအားပေးခဲ့သည်။ ထို့ပြင် မိမိ၏ပိုင်ဆိုင်မှုများကို ပေးကမ်းသူတို့ထံ ကျရောက်သော အကျိုးကျေးဇူးနှင့် ကောင်းချီးများကိုလည်း ရှင်းပြထားသည်။ “အနည်းငယ်သောမျိုးစေ့ကို…

သမ္မာကျမ်းစာကို ပုံဖော်ခြင်း

ဒတ်ချ်လူမျိုးတို့၏အိမ်များတွင် တွေ့ရလေ့ရှိသော အပြာရောင်နှင့်အဖြူရောင် အလှဆင်ကြွေပြားများကို Delft (ဒက်) မြို့တွင် မူလပထမပြုလုပ်ခဲ့သည်။ တစ်ခါတစ်ရံ ထိုကြွေပြားများပေါ်တွင် အကျွမ်းတဝင်ရှိလှသော နယ်သာလန်နိုင်ငံ ၏ လှပသော တောတောင်ရေမြေရှုခင်း၊ နေရာအနှံ တွေ့ရလေ့ရှိသော လေရဟတ်များနှင့် အလုပ်လုပ်နေသူ၊ ကစားနေသူများ၏ပုံများကို ရေးဆွဲထားလေ့ရှိသည်။

၁၉ ရာစုနှစ်က Charles Dickens (ချားလ်စ်ဒစ်ကင်း)၏ “A Christmas Carol” (ခရစ်စမတ် နာတာလူးသီချင်း)စာအုပ်တွင် ထိုကြွေပြားများအား ကျမ်းပိုဒ်များ သရုပ်ဖော်ရေးဆွဲရာ၌ အသုံးပြုထားသည်။ ဒတ်ချ်လူမျိုးတစ်ဦး၏လက်ရာ ရှေးဟောင်းမီးလင်းဖိုတွင် “ကာဣနနှင့် အာဗြေလ၊ ဖာရောမင်း၏သမီးတော်များ၊ ရှေဘပြည်မှ မိဖုရားများနှင့် ပင်လယ်ထဲသို့ခရီးနှင်နေသော တမန်တော်ပုံများ”ပါရှိသော တစ်မူထူးခြားသော Delft ကြွေပြားများဖြင့် ဆောက်လုပ်ထားပုံကို ဖော်ပြထားသည်။ အိမ်‌ထောင်စုများစွာသည် နွေးထွေးသောမီးပုံနားတွင် မိသားစုဝင်များစုရုံးမီးလှုံရင်း ကျမ်းစာထဲမှ ပုံဝတ္ထုများကို ဝေငှလျက် ယင်းကြွေပြားများကို သင်ကြားရေးကိရိယာအဖြစ် အသုံးပြုကြသည်။ ဘုရားသခင်၏သဘောလက္ခဏာများဖြစ်သော တရားမျှတခြင်း၊…

မျက်မှောက်ခေတ်မျိုးဆက်

၁၉၆၄ ခုနှစ်၌ သဘာဝပတ်ဝန်းကျင် ထိန်းသိမ်းရေးသမား Jack Weinberg (ဂျက်ဝိန်းဘာ့ဂျ်)က “အသက် ၃၀ နဲ့အထက် လူတွေကို မယုံနဲ့” ဟုပြောခဲ့သည်။ သူ့မှတ်ချက်က မျိုးဆက်တစ်ခုလုံးကို တရားသေ အမြင်ကျဥ်းမြောင်းစေကာ နောက်ပိုင်းတွင် ထိုသို့ ပြောမိသည့်အတွက် သူနောင်တရခဲ့သည်။ သူက ပြန်ပြောင်းဆင်ခြင်ရင်း “ရုတ်တရက် အမှတ်တမဲ့ ပြောလိုက်မိတဲ့စကားက လုံးဝကို မှားယွင်းပြီး နားလည်မှုလွဲမှားစေသော အရာတစ်ခုဖြစ်လာခဲ့တယ်” ဟုပြောပါသည်။

ထောင်စုဖွားမျိုးဆက်များကို ရည်ရွယ်သော ချိုးနှိမ်သည့်ဝေဖန်ချက်များ (သို့) အပြန်အလှန်အနေဖြင့် မျိုးဆက်သစ်တို့၏တုံ့ပြန်မှုကို ကြားဖူးပါသလား။ မျိုးဆက်တစ်ခုမှတစ်ခုသို့ ဦးတည်တိုက်ခိုက်နေသော မကောင်းသော အတွေးကြံစည်မှုများသည် နှစ်ဖက်စလုံးကို ထိခိုက်ပျက်စီးစေနိုင်သည်။ ပိုကောင်းသောနည်းလမ်း တစ်ခုခုရှိမည်မှာ သေချာပါသည်။

ထက်မြက်သောမင်းတစ်ပါး ဖြစ်လင့်ကစား ဟေဇကိမင်းသည် နောင်လာမည့် မျိုးဆက်အတွက် ကြောင့်ကြဝန်တာစိတ် စိုးစင်းမျှမရှိခဲ့ပါ။ လူငယ်အရွယ်၌ သူသည် သေနာစွဲကပ်ခဲ့ပြီး (၄ ရာ၂၀:၁)၊ အသက်ချမ်းသာရရန်…

စစ်မှန်သောဖြစ်တည်မှု

သူငယ်ချင်းက ကျွန်မရိုက်ပေးသည့်ဓာတ်ပုံများကိုပြန်ကြည့်ရင်း သူမြင်တွေ့သော အားနည်းချက်များကို ထောက်ပြသည်။ ကျွန်မက သူမကို အနီးကပ်ကြည့်ရန် ပြောလိုက်ပြီး “ဘုရင်တကာတို့ရဲ့ဘုရင်၊ အနန္တတန်ခိုးရှင်ဘုရားရဲ့ လှပပြီး ချစ်စရာကောင်းတဲ့သမီးတစ်ယောက်ကို ငါမြင်တယ်။ သူမမှာရှိတဲ့ စစ်မှန်တဲ့ ကြင်နာမှု၊ ရက်ရောစွာပေးကမ်းမှုနှင့် သစ္စာရှိမှု၊ အခြားသူတွေရဲ့ အသက်တာကို ထူးခြားမှုဖြစ်စေတဲ့ ဘုရားသခင်နှင့် အခြားသူများကိုချစ်တဲ့ သူတစ်ယောက်ကို တွေ့နေရတယ်” ဟု သူ့ကိုပြောလိုက်ပြီးမှ မျက်ရည်ဝိုင်းသောသူ့မျက်ဝန်းလေးကို သတိထားမိသဖြင့် “သရဖူလေးလိုသေးတယ် ထင်တယ်”ဟု ကျွန်မပြောလိုက်သည်။ ထို့နေ့မွန်းလွဲပိုင်းတွင် သူမ၏စစ်မှန်သောဖြစ်တည်မှုကို ဘယ်တော့မှ မေ့မသွားအောင် သူမနှင့်လိုက်ဖက်သည့် အပြစ်ဆိုဖွယ်မရှိသောသရဖူတစ်ခုကို ရွေးချယ်ဝယ်ပေးခဲ့သည်။

သခင်ယေရှုကို ကျွန်မတို့ကိုယ်တိုင်ကိုယ်ကျ သိလာသောအခါ ကျွန်မတို့ကိုသူ၏ချစ်မေတ္တာဖြင့် အုပ်မိုးကာ သူ၏သားသမီးဟု ခေါ်ပါသည် (၁ ယော ၃ :၁)။ “သားတော်သည် ထင်ရှားပေါ်ထွန်းတော်မူသောအခါ ငါတို့သည် အထံတော်သို့ရောက်လျှင် ရဲရင့်သောအခွင့်ရှိ၍ ရှက်ကြောက်ခြင်းနှင့်ကင်းလွတ်မည် အကြောင်း” (၂:၂၈) ယုံကြည်ခြင်းဖြင့်…