တုတ်ချောင်းများ၊ အုတ်ခဲများနှင့် ဘုရားသခင်

နောက်တစ်ဆင့်ဘာလုပ်ရမည်၊ ဘုရားသခင် ဘာစေစားမည်နည်းဟု ဆုတောင်း ပြီးနောက် မြို့ပြအချက်အချာနေရာသို့ ပြောင်းရွှေ့ရန်မှာ သူတို့ လုပ်ဆောင်ရမည့် အရာဖြစ်ကြောင်း မာခ့်နှင့် နီနာတို့ ဆုံးဖြတ်ခဲ့ကြသည်။ သူတို့သည် အိမ်အလွတ် တစ်လုံးကို ဝယ်ခဲ့ကြပြီး၊ ပြင်ဆင်မွမ်းမံမှုကို ဆောင်ရွက်နေစဉ် မုန်တိုင်း တိုက်ခတ် ခဲ့သည်။ “ဒီမနက် အံ့ဩစရာကြုံခဲ့ရတယ်။ ဂျက်ဖာဆင်မြို့တော်မှာ လေဆင်နှာမောင်းတိုက်ခဲ့ပြီး၊ ငါတို့ရဲ့ပြင်ဆင်မွမ်းမံမှုတွေကို တုတ်ချောင်း တွေ၊ အုတ်ခဲတွေဖြစ်အောင် လုပ်ပစ်လိုက်တယ်။ ဘုရားသခင် တစ်ခုခုလုပ် နေတယ်” ဟု မာခ့်က ကျွန်တော့်ထံ စာတိုလေးတစ်စောင် ပို့ခဲ့သည်။

ဘဝ၌ မထိန်းချုပ်နိုင်သောမုန်တိုင်းများသာ ကျွန်တော်တို့ကို အံ့ဩစေလျက် စိတ်ရှုပ်ထွေးစေသည်မဟုတ်ပါ။ ကြမ္မာဆိုးများအလယ်တွင် ဘုရားသခင်ကို မျက်ခြေမပြတ်သွားရန်မှာ ဘဝရှင်သန်နိုင်ရေး၏သော့ချက်ဖြစ်သည်။

ယောဘအသက်တာ၏ဆိုးရွားသောရာသီတွင် အိမ်နှင့်သားသမီးများ ဆုံးရှုံးခဲ့ရခြင်းသည်(၁:၁၉)။ သူရင်ဆိုင်ခဲ့ရသော အံ့သြတုန်လှုပ်ဖွယ်ရာများ အနက် တစ်ခုသာဖြစ်သည်။ ထိုမတိုင်မီ သတင်းဆိုးများ ယူဆောင်လာသော စေတမန်သုံးဦး ရောက်လာခဲ့ပြီးဖြစ်သည်…

လူတိုင်းဦးဆောင်လမ်းပြသူကို လိုအပ်သည်

ကြီးကြပ်ရေးမှူးအသစ်၏ရုံးခန်းအတွင်းသို့ ဝင်ရောက်စဉ် သတိကြီးစွာထား လျက်၊ ထိတ်လန့်တုန်လှုပ်သည့်ခံစားချက်ကို ကျွန်မခံစားရသည်။ ယခင် ကြီးကြပ်ရေးမှူးသည် ကျွန်မတို့ဌာနအပေါ် ကြမ်းတမ်းခက်ထန်စွာ မညှာမတာ ဆက်ခံခဲ့သောကြောင့် ကျွန်မနှင့် အခြားသူတို့ မကြာခဏ မျက်ရည်ကျခဲ့ရသည်။ “ယခုကြီးကြပ်ရေးမှုအသစ်က ဘယ်လိုလူမျိုးဖြစ်မလဲ”ဟု တွေးမိသည်။ ရုံးခန်း ထဲသို့ရောက်သော် သူက ကျွန်မကို နွေးထွေးစွာကြိုဆိုပြီး၊ ကျွန်မအကြောင်းနှင့် ပြဿနာများအကြောင်း ပြောပြခိုင်းသောကြောင့် ကျွန်မ၏မျက်ရည်များ လွင့်ပြယ်သွားသည်ဟုထင်ရသည်။ သူ၏ ဂရုတစိုက်နားထောင်မှု၊ ကြင်နာသော အပြုအမူ၊ နူးညံ့သောစကားများကြောင့် အမှန်ဂရုစိုက်ကြောင်း ကျွန်မသိခဲ့သည်။ ခရစ်တော်ကို ယုံကြည်သူတစ်ဦးအနေဖြင့် သူသည် ကျွန်မ၏လုပ်ငန်းခွင်မှဆရာ၊ ခွန်အားပေးသူ၊ မိတ်ဆွေတစ်ဦးဖြစ်လာခဲ့သည်။

ရှင်ပေါလုသည် “သူ၏ယုံကြည်ခြင်းအားဖြင့် သားစစ်”(တိတု ၁:၄) ဖြစ်သော တိတုအတွက် ဝိညာဉ်ရေးရာဆရာဖြစ်သည်။ အသင်းတော်တွင် တိတုထမ်းဆောင် ရသည့်ကဏ္ဍအတွက် အထောက်အကူပြု လမ်းညွှန်ချက်နှင့်မစမှုများကို တိတုထံသို့ သူရေးသောစာ၌ ညွှန်ကြားပေးသည်။ “စင်ကြယ်သောဩဝါဒနှင့် ထိုက်တန်သမျှတို့ကို ဟောပြောရန်(၂:၁)”၊…

ကုန်တင်ယာဉ်မောင်း၏လက်များ

ကြားရသည့်သတင်းကြောင့် တုန်လှုပ်မိခဲ့သည်။ ဆီးကျိတ်ကင်ဆာမှ သက်သာ ပျောက်ကင်းခဲ့ပြီး၊ ယခု အဖေသည် သရက်ရွက်ကင်ဆာကို ခံစားခဲ့ရပြန်သည်။ အခြေအနေများရှုပ်ကုန်ပြီ။ အဖေသည် နာတာရှည်ဖျားနာနေသည့် အမေ့ကို အချိန်ပြည့်ကြည့်ရှုစောင့်ရှောက်ပေးနေသူ ဖြစ်သည်။ မိဘနှစ်ဦးစလုံး ဂရုစိုက်မှု လိုအပ်လျက်ရှိပြီး၊ ရှေ့လာမည့်နေ့ရက်များကား အခက်ကြုံစရာဖြစ်သည်။

သူတို့နှင့်အတူရှိရန် လေယာဉ်ဖြင့် အိမ်ပြန်လာခဲ့ပြီးနောက်၊ တစ်ခုသော တနင်္ဂနွေနေ့တွင် မိဘများ၏အသင်းတော်သို့ တက်ရောက်ခဲ့သည်။ ဟဲမတ် ဆိုသူ သည် ကျွန်ုပ်ထံ‌‌ရောက်လာပြီး သူကူညီပေးလိုကြောင်း ပြောပြီး နှစ်ရက် အကြာတွင် စာရင်းစာရွက်တစ်ရွက်ဖြင့် သူအိမ်သို့ရောက်လာသည်။ “ဓာတ်ရောင်ခြည်ကုထုံး စတင်ရင် အစာစားဖို့ လိုလိမ့်မယ်။” “ချက်ပြုတ်ပေးမဲ့သူစာရင်းကို ကျွန်တော် စီစဉ်ပေးမယ်။ မြက်ရိတ်ဖို့ကော၊ ဒါတော့ ကျွန်တော် လုပ်နိုင်ပါတယ်။ အမှိုက်တွေကို ဘယ်နေ့လာသိမ်းလဲ” စသည်ဖြင့် စီမံသည်။ ဟဲမတ်သည် ကုန်တင်ယာဉ်မောင်းဘဝမှ အနားယူခဲ့သူဖြစ်သော်လည်း ကျွန်ုပ်တို့အတွက် ကောင်းကင်တမန် ဖြစ်ပါသည်။ အခြားသူများ၊ တစ်ကိုယ်တည်း…

ဘယ်သူ့အတွက်လဲ

ကျွန်တော်အသံထွက်အောင် ရယ်မိပါသည်။ ဓာတ်ပုံတွင် လူအုပ်ကြီးသည် မက္ကစီကန်လမ်းမပေါ်တွင် စီတန်းကာ၊ အလံများကိုဝေ့ယမ်းလျက်၊ ရောင်စုံ စက္ကူစ အမှုန်များကျဲကာ၊ ပုပ်ရဟန်းမင်းကြီးအား စောင့်ကြိုနေခဲ့ကြသည်။ လမ်းအလယ်၌ လေလွင့်ခွေးလေးတစ်ကောင်သည် လမ်းလျှောက်လာကာ၊ သူ့အား သောင်းသောင်းဖျဖျကြိုဆိုကြသည့်နှယ် ပျော်မြူးနေသည်။ ဟုတ်ပါသည်။ ဤကဲ့သို့ ပျော်စရာကောင်းသောနေ့ကို ခွေးတိုင်း ပိုင်ဆိုင်သင့်ပါသည်။

ခွေးလေးတစ်ကောင်က ဤပွဲ၏အာရုံကို ဖမ်းစားသွားခဲ့သည်မှာ ချစ်စရာ ကောင်းပါသည်။ သို့သော် အခြားသူတစ်ယောက်၏ချီးမွမ်းခြင်းကို လုယူခြင်း သည် ကျွန်တော်တို့ကို ပျက်စီးစေနိုင်သည်။ ဤအချက်ကို ဒါဝိဒ်သိသည်။ ထို့ကြောင့် သူ၏စစ်သူရဲတို့ အသက်စွန့်ကာ ခပ်လာခဲ့သောရေကိုသောက်ရန် သူငြင်းဆန်ခဲ့သည်။ တစ်စုံတစ်ယောက်သောသူသည် ဗက်လင်မြို့တံခါးနားမှာရှိသော ရေတွင်းထဲကရေကို ခပ်၍ပေးလျှင် ကောင်းလိမ့်မည်ဟု တောင့်တစိတ်နှင့် သူဆိုမိရာ၊ စစ်သူရဲသုံးယောက်တို့သည် ရန်သူ့တပ်ကို ဖျက်ဝင်ကာ ရေခပ်ပြီး သူ့ထံယူဆောင်လာခဲ့သည်။ ဒါဝိဒ်သည် သူတို့၏ စွန့်လွှတ်မှုကြောင့် စိတ်ထိခိုက်ကာ၊ ရေကိုသောက်ရန် ငြင်းဆန်ပြီး၊ ဘုရား…

မျှော်လင့်ခြင်းကို ရွေးချယ်ခြင်း

ကမ္ဘာအနှံ့အပြား နေ့တာတိုသောဆောင်းရာသီ၌ နေရောင်ခြည်ရရှိမှု အကန့်အသတ်ရှိသော ဒေသများတွင်ဖြစ်လေ့ရှိသည့် ရာသီအလိုက်စိတ်ပိုင်းဆိုင်ရာ ရောဂါ SAD စိတ်ကျဝေဒနာခံစားရသူ သန်းပေါင်းများစွာအနက် ကျွန်မသည် တစ်ဦးအပါအဝင်ဖြစ်သည်။ ရေခဲတစ်မျှ အေးခဲလှသော ဆောင်းတွင်းကျိန်စာ ဘယ်တော့မှအဆုံးမသတ်နိုင်ဟု ကြောက်စိတ်စတင်ဝင်လာစဉ် နေ့တာရှည်ပြီး ပူနွေးသောအချိန်ရောက်လာမည့် လက္ခဏာများကို အလွန်တောင့်တမိသည်။

တအိအိကျနေသောနှင်းမှုံများကိုဖောက်ပြီး ပန်းလေးများ အောင်မြင်စွာ ပွင့်လန်းနေခြင်းက နွေဦးရာသီ၏ပထမဆုံးလက္ခဏာဖြစ်သည်။ ၎င်းသည် အမှောင်မိုက်ဆုံးရာသီ၌ပင် ဘုရားသခင်၏မျှော်လင့်ခြင်းသည်လည်း ထိုးဖောက်ဝင်ရောက်လာနိုင်ကြောင်း ကျွန်မကို အစွမ်းကုန်သတိပေးနေသည်။ ဣသရေလ လူတို့ ဘုရားသခင်ကို ကျောခိုင်းသွားခဲ့စဉ်၊ ဤသို့ရှည်လျားသော၊ စိတ်ကြေကွဲဖွယ် ဆောင်းရာသီဝေဒနာကို ပရောဖက် မိက္ခာခံစားခဲ့ရသည်။ သူသည် ဤမှောင်မိုက်သော အခြေအနေကို ကြုံတွေ့ခံစားရစဉ်၊ “ဖြောင့်မတ်သောသူ တစ်ယောက်မျှ မကျန်ရစ်တော့” ဟုမြည်တမ်းခဲ့သည် (မိ ၇:၂)။

အခြေအနေများ ဆိုးရွားနေပုံပေါ်သော်လည်း၊ သူသည် မျှော်လင့်ချက်ကို မစွန့်ခဲ့ပါ။ သက်သေကို မမြင်နိုင်လည်း၊ စိတ်ပျက်ဖွယ်အခြေအနေဖြစ်လည်း ဘုရားသခင်သည်…

‘လာပလာယာ’ကမ်းခြေမှ ဆုတောင်းများ

ကျွန်မတို့၏ ၂၅ နှစ်မြောက် မင်္ဂလာနှစ်ပတ်လည်အဖြစ် လာပလာယာ ကမ်းခြေသို့ ခရီးထွက်ခဲ့ရာ ကမ်းခြေ၌ ကျွန်မတို့ဇနီးမောင်နှံ ကျမ်းစာဖတ်နေခိုက် ဈေးသည် များက ပစ္စည်းဈေးနှုန်းများကို အော်လျက် ဖြတ်သွားကြသည်။ ၎င်းတို့ အယောက်စီတိုင်းကို ကျေးဇူးတင်သော်လည်း၊ ကျွန်မတို့ဘာမျှမဝယ်ခဲ့ကြပါ။ ဖာနန်ဒိုဆိုသော ဈေးသည်က ပြုံးလျက်၊ မိတ်ဆွေများအတွက် လက်ဆောင်ဝယ်သွားရန် တိုက်တွန်း သည်။ ကျွန်မ မဝယ်သဖြင့် သူ့ပစ္စည်းများထုပ်ပိုးပြီးပြုံးလျက် ထွက်သွားစဥ် “မင်းရဲ့တစ်နေ့တာကို ဘုရားသခင် ကောင်းချီးပေးပါစေ”ဟု သူ့ကို ပြောလိုက်သည်။

ဖာနန်ဒိုသည် လှည့်ပြန်လာပြီး “ကိုယ်တော်ကောင်းချီးပေးပါတယ်။ ယေရှုက ကျွန်တော့်ဘဝကို ပြောင်းလဲပေးခဲ့တယ်”ဟုဆိုကာ ကျွန်မတို့၏ ခုံနှစ်ခုံကြားတွင် ဒူးထောက်လျက် “ဒီနေရာမှာ ကိုယ်တော်ရှိတယ်လို့ ကျွန်တော် ခံစားမိတယ်” ဟု ပြောသည်။ ထို့နောက် ဘုရားသခင်သည် လွန်ခဲ့သည့် ၁၄ နှစ် ကျော်က သူ့အား မူးယစ်ဆေးဝါးနှင့် အရက်ကျေးကျွန်ဘဝမှ ကယ်တင်ခဲ့ပုံကို…

ခွန်အားသတ္တိနှင့်ပြည့်ဝသော

လူငယ်လေး ကာလက် သည် မျက်စိမှိတ်ထားစဥ် အမှောင်ထုသည် သူ့ကို ပိတ်လှောင်နေသကဲ့သို့ ညစဉ် သူခံစားရသည်။ ကော့စတာရီကာရှိ သူ၏ အခန်းသည် အလွန်တိတ်ဆိတ်သော်လည်း သစ်သားအိမ်ဖြစ်သည့်အတွက် တကျွိကျွိနှင့် အမြဲအသံမြည်သည်။ ထို့ပြင် ထပ်ခိုးပေါ်ရှိ လင်းနို့များက ပိုဆိုးသည်။ သူ့မိခင်က သူ့အခန်းထဲတွင် ညကြည့်မီးလုံးတစ်လုံး တပ်ဆင်ထားပေးသော်လည်း အမှောင်ထုကို ကြောက်ရွံ့ဆဲပင်ဖြစ်နေသည်။ တစ်ညတွင် သူ့ဖခင်က သူ၏ ခုတင်ခြေရင်းရှိ ပျဥ်ချပ်တွင် ကျမ်းပိုဒ်တစ်ပိုဒ်ကို ရေးလိုက်သည်။ ထိုကျမ်းပိုဒ်မှာ (ယောရှု ၁:၉) ဖြစ်သည်။ “အားယူ၍ရဲရင့်ခြင်းရှိလော့။ မကြောက်နှင့်၊ စိတ်မပျက်နှင့်။ သွားလေရာရာ၌ သင်၏ဘုရားသခင် ထာဝရဘုရားရှိသည်။” ကာလက်သည် ညစဉ် ထိုကျမ်းပိုဒ်ကိုရွတ်ပြီး ကောလိပ်ကျောင်းသို့သွားသည့်တိုင်အောင် ဘုရားရှင်၏ ကတိတော်ကျမ်းပိုဒ်ကို မဖျက်ဘဲ ပျဥ်ချပ်ပေါ်၌ ထိုအတိုင်းထားခဲ့သည်။

ယောရှုမှတ်စာအခန်းကြီး ၁ တွင် မောရှေသေဆုံးပြီးနောက် ယောရှုအား ခေါင်းဆောင်မှုတာဝန်ကို လွှဲပြောင်းသည်ကို ဖတ်ရှုရပါသည်။…

ခြောက်သွေ့အရပ်၌ ရှင်သန်နိုင်သည်

၂၀၁၉ ခုနှစ် ဧပြီလက ကယ်လီဖိုးနီးယားပြည်နယ် ဗစ်တာဗီးလ်မြို့အနီးရှိ ဆင်ခြေဖံုးရပ်ကွက်တွင် ဆူးခြုံပင်အလုံးအထွေးများ ပြည့်နှက်လျက်ရှိသည်။ ထိုဆူးခြုံများ ပေါက်ရောက်သည့် မိုဟာဗီးသဲကန္တာရမှ လေပြင်းတွန်းအားကြောင့် တစ်လိမ့်လိမ့်လွှင့်ကာ ရောက်လာခြင်းဖြစ်သည်။ ထိုဒုက္ခပေးသည့် အရွယ်ရောက် ဆူးခြုံပင်သည် အမြင့် ၆ ပေထိရှိနိုင်ပြီး သန်စွမ်းခိုင်မာသော်လည်း အပင်ခြောက် သည့်အခါ အမြစ်မှကျွတ်ထွက်ပြီး လေတိုက်မှုကြောင့် အလုံးအထွေးအဖြစ် မြေပြင်ပေါ်လိမ့်သွားကာ ၎င်း၏အစေ့များကို နေရာအနှံ့ပြန့်ကျဲစေတော့သည်။

ယေရမိအနာဂတ္တိကျမ်း၌ဖတ်ရှုရသည့် “စိတ်နှလုံးထဲ၌ ထာဝရဘုရား ထံတော်မှ ထွက်သွားသောသူ” (ယေ ၁ရး၅) သည် ထိုဆူးခြုံလုံးများကဲ့သို့ပင် ဖြစ်ကြောင်း ကျွန်ုပ်ပုံဖော်မိသည်။ “ထိုသူသည် လွင်ပြင်၌ရှိသော သစ်ပင်ခြောက် ကဲ့သို့ဖြစ်၍ ကောင်းကျိုးရောက်ကြောင်းမသိရ။ အဘယ်သူမျှမနေသောဆားမြေ၊ သွေ့ခြောက်သောလွင်ပြင်၌ နေရလိမ့်မည်” (:၅-၆) ဟု ယေရမိက မိန့်ကြားသည်။ လူကို ကိုးစားခြင်းမပြုဘဲ ထာဝရဘုရားကိုကိုးစားသောသူနှင့်နှိုင်းယှဉ်လျှင် သိသိ သာသာကွာခြားမှုရှိသည်။ ထာဝရဘုရားထံမှ ခွန်အားပြည့်ဝစွာ ရရှိသူသည်…

ကောင်းလိုက်တဲ့ပစ်ချက်လား

ဝေါ့ထ်ဒစ္စနေး ကာတွန်းဇာတ်ကောင် ဘမ်ဘီကို ပြန်လည်အသက်သွင်းပြီး ထုတ်လွှင့်သည့်အခါ သားသမီးများနှင့်အတူ ဖေဖေ၊ မေမေတို့၏ ငယ်ဘဝများ ပြန်လည်ရှင်သန်လာသည်။ ရုပ်ရှင်လာကြည့်သူမိဘများတွင် အမဲလိုက်ခြင်း အပါအဝင် ပြင်ပလှုပ်ရှားမှုများကို ဝါသနာပါပြီး အထင်ကြီးစရာ ဆုဖလားများ ဆွတ်ခူးထားသည့် ခင်ပွန်းသည်တစ်ယောက်၏ ငယ်ရွယ်သောဇနီးဖြစ်သူလည်း ပါဝင်သည်။ အမဲလိုက်သူများလက်ထဲသို့ ဘမ်ဘီလေး၏မိခင် ပါသွားသည့် အခန်းကို ရင်တမမနှင့် ပါးစပ်အဟောင်းသားနှင့် နာကျင်ခံစားစွာ ကြည့်နေစဥ် သူ့သားလေးက “ကောင်းလိုက်တဲ့ပစ်ချက်” ဟု လူကြားထဲ ထအော်သဖြင့် အရှက်ကွဲခဲ့ရသည်ဟု မိသားစုတွေ့ဆုံပွဲတွင် သူပြန်‌ပြောင်း ပြောပြသည်။

ကျွန်ုပ်တို့၏သားသမီးများပြောဆိုခဲ့သည် အရှက်ရစရာ အကြောင်းအရာများ ကို ပြန်လည်သတိရမိသည့်အခါတိုင်း ကျွန်ုပ်တို့ရယ်မောမိသည်။ ဆာ ၁၃၆ မှ လူများ ထိုသို့ပြောဆိုပါက ကျွန်ုပ်တို့မည်ကဲ့သို့ တုံ့ပြန်ကြမည်နည်း။ ဘုရားသခင် ရွေးချယ် ကယ်နှုတ်ခဲ့သော ဣသရေလလူတို့သည် သူတို့အပါအဝင် ဖန်ဆင်းသောအရာများအပေါ် တည်မြဲသည့် ဘုရားရှင်၏မေတ္တာတော်ကို ချီးမွမ်းကြသည်။…

အဝတ်လျှော်ဖွပ်သောနေ့

ကိုလိုရာဒို ဘုရားကျောင်းအနီးရှိ ဝင်ငွေနည်းရပ်ကွက်ကိုဖြတ်၍ ကားမောင်းသွားစဉ် သင်းအုပ် ချတ်ဒ် ဂရေဟမ်သည် သူနှင့်စပ်ဆိုင်သူများ အတွက် ဆုတောင်းပေးသည်။ထိုနောက် အများသုံးအဝတ်လျှော်ဆိုင်ကိုတွေ့ပြီး ဆင်းကြည့်ရာ အသုံးပြုသူများပြည့်လျက်ရှိသည်ကို တွေ့ရသည်။ လူတစ်ယောက်က အဝတ် အခြောက်ခံစက် သုံးလိုသဖြင့် ဂရေဟမ် ထံမှ ငွေအကြွေတောင်းခဲ့သည်။ ၎င်းသည် ဂရေဟမ်၏ စိတ်ကို ထိတွေ့ခဲ့ပြီး အသင်းတော်၏ “အဝတ်လျှော်သောနေ့” အစီအစဥ်လေး ဖြစ်လာသည်။ အဝတ်လျှော်စက်၌သုံးမည့် ငွေအကြွေနှင့် ဆပ်ပြာကိုအသင်းတော်မှ အသင်းသားများက အပတ်စဥ် ထောက်ပံ့ပေးပြီး အဝတ်လာလျှော် သူများနှင့်အတူဆုတောင်းသည်။ စက်ပိုင်ရှင်ကိုလည်း လိုအပ်သောစက်ပစ္စည်းများ ပံ့ပိုးပေးသည်။

အသင်းတော်၏ ကိုယ်နှင့်စပ်ဆိုင်သူများသို့ဧဝံဂေလိပြုခြင်းတွင် 'အဝတ် လျှော်သောနေ့' အစီအစဥ်ပါဝင်လာခြင်းက သခင်‌ယေရှု၏ မဟာစေစားချက်ကို ထင်ဟပ်ပြသည်။ “ကောင်းကင်ဘုံ၌လည်းကောင်း၊ မြေကြီးပေါ်၌ လည်းကောင်း၊ စီရင်ပိုင်သောအခွင့်တန်ခိုးရှိသမျှတို့ကို ငါခံရပြီ။ သင်တို့သွား၍ လူမျိုးတကာတို့ကို ငါ့တပည့်ဖြစ်စေလျက်၊ ခမည်းတော်၊ သားတော်၊ သန့်ရှင်းသော ဝိညာဉ်တော်၏…