ဖခင်၏ ကောင်းချီးမင်္ဂလာ

မကြာမီက ကျွန်ုပ်တို့အသင်းတော်၌ ဖခင်များနှင့်ရင်းနှီးကျွမ်းဝင်မှု အားနည်းသူများက ကျွန်ုပ်အား ချစ်ခြင်းမေတ္တာနှင့်ပြည့်ဝသော ဖခင်တစ်ယောက်ကဲ့သို့ ရပ်တည်ပြီး ၎င်းတို့ကို ကောင်းချီးပေးရန် တောင်းဆိုခဲ့သည်။ ကျွန်ုပ်ဆု​တောင်းရာတွင် သားသမီးများ အပေါ် မျှော်လင့်ချက် ကြီးမားမြင့်မားစွာ ထားရှိခြင်း၊ နူးညံ့သိမ်မွေ့မှုနှင့် ကြင်နာမှုကို မပေးခြင်း၊ ရပ်တည်ပေးရန် ပျက်ကွက်မှု စသည်တို့ကြောင့် သားသမီးများကို ဒဏ်ရာရနာကျင်စေသော ဖခင်၏လုပ်ရပ်များအတွက် ရှေ့ဦးစွာ ခွင့်လွှတ်ခြင်းကို တောင်းခံခဲ့သည်။ ထို့ပြင် ဝမ်းမြောက် ပျော်ရွှင်ခြင်း၊ ချစ်ခင်လေးစားခြင်းနှင့် ကြွယ်ဝသောချစ်ခြင်း မေတ္တာကို ခံစားရပါစေဟု ကောင်းချီးပေးကြွေးကြော်ခဲ့သည်။
ထိုသို့ဆု​တောင်းကောင်းချီးပေးနေစဉ် ကျွန်ုပ်မျက်ရည်ကျခဲ့ သည်။ ထိုကောင်းချီးကို ကျွန်ုပ်လည်းလိုအပ်ဆဲဖြစ်ပြီး ကျွန်ုပ်၏ သားသမီးများလည်း အဘယ်မျှလိုအပ်လိမ့်မည်ကို နားလည်သဘောပေါက်ခဲ့သည်။

သမ္မာကျမ်းစာတွင် ဘုရားသခင်ကို ဖခင်အဖြစ် ထပ်ခါထပ်ခါဖော်ပြလျက် ၎င်းသည် ပုံပျက်နေသောဖခင်၏ပုံရိပ်သဏ္ဌာန်ကို ပြန်လည်ဖော်ဆောင်ပေးသည့် အမှန်တရား ဖြစ်သည်။ ကျွန်ုပ်တို့၏ထာဝရအဘ ဖြစ်သော ဘုရားသခင်သည် ပြီးပြည့်စုံသော ချစ်ခြင်းမေတ္တာကို…

ပေးသူ၏ကြည်နူးဝမ်းမြောက်ဖွယ်

အကောင်းဆုံးခရစ်စမတ်လက်​ဆောင်အခု ၂၀ စာရင်း၀င်သည့် အယ်မို၊ ပက်ချ်ကေ့ဒ်စ်၊ ဖာဘီစသည့် အရုပ်လက်ဆောင်များအနက် သင်မည်သည့်လက်ဆောင်ကို ရဖူးပါ သနည်း။ ထိုစာရင်းတွင် မိုနိုပိုလီ၊ နင်တင်ဒိုဂိမ်းဘွိုင်းနှင့်ဝီအားစားဂိမ်း စသည့် ကလေးများအကြိုက် လက်ဆောင်များလည်း ပါဝင်ပါသည်။

ခရစ်စမတ်အချိန်တွင် လက်ဆောင်ပေးခြင်းကို ကျွန်ုပ်တို့အားလုံး နှစ်သက်ကြသည်။ သို့သော် ပထမဉီးဆုံး ခရစ်စမတ်လက်ဆောင်ပေးခဲ့သူ ဘုရားသခင်၏ ဝမ်းသာကြည်နူးမှုနှင့် နှိုင်းယှဉ်လျှင် မပြောပလောက်ပါ။ ထိုလက်ဆောင်သည် ကလေးသူငယ်အသွင်သဏ္ဌာန်ဖြင့် ရောက်လာပြီး ဗက်လင်မြို့နွားစားခွက်တွင် မွေးဖွားခဲ့သည် (လု ၂:၇)။

နှိမ့်ချသော မွေးဖွားခြင်းဖြစ်သော်လည်း ထိုကလေးပေါ်ထွန်းခြင်းကို ကောင်းကင်တမန်တစ်ပါးသည် အတိအလင်း ဖော်ပြခဲ့သည်။ “လူအပေါင်းတို့သည် အလွန်ဝမ်းမြောက် ဝမ်းသာစရာသတင်းကို ငါသည် သင်တို့အား ကြားပြောရ၏။ ယနေ့တွင် ဒါဝိဒ်၏မြို့၌ သခင်ခရစ်တော်တည်းဟူသော ကယ်တင်သောအရှင်သည် သင်တို့အဘို့အလိုငှာ ဖွားမြင်ခြင်းကို ခံတော်မူပြီ” ဟုကြေညာခဲ့သည်။ ထိုသတင်းကို
ကြားပြောပြီးနောက် ကောင်းကင်ဗိုလ်ခြေအများတို့သည် ထင်ရှား၍ “ကောင်းကင်ဘဝဂ်ဝယ်…

ဆုံးရှုံးခြင်းသို့ မရောက်နိုင်ပါ

“ရှုံးစရာအကြောင်းမရှိ”။ ထိုစကားကို စူစန် ဘီ အန်တိုနီ (၁၈၂၀-၁၉၀၆) က အမေရိကန်နိုင်ငံတွင်းရှိ အမျိုးသမီးများအတွက် အခွင့်အရေးတောင်းဆိုရာ ရှေ့မတိုးသာ နောက်မဆုတ်သာ ဖြစ်နေသည့်အချိန်တွင် လူသိရှင်ကြား ပြောခဲ့သောစကားဖြစ်သည်။ သူမသည် အဆက်မပြတ် ဝေဖန်ပြောဆိုမှုကို ရင်ဆိုင်ရပြီး နောက်ပိုင်းတွင် ဖမ်းဆီးခံရကာ တရားမဝင်မဲပေးမှုဖြင့် တရားရုံးတော်တွင် အမှုရင်ဆိုင်ခဲ့ရ သည်။ သို့သော် အမျိုးသမီးများ မဲပေးခွင့်ရရန် သူမ၏ ဆောင်ရွက်ချက် မှန်ကန်သည်ဟု ယုံကြည်လျက် အရှုံး မပေးဘဲ ဆက်လက​ေတိုက်ပွဲဝင်ခဲ့သည်။ နောက်ဆုံးတွင် သူ၏အားထုတ်မှုရလဒ်အကျိုးကို သူမကိုယ်တိုင် မတွေ့လိုက် ရသော်လည်း သူမ၏လုပ်ရပ်နှင့်ကြွေးကြော်ချက် မှန်ကန်ခဲ့ ပါသည်။ ၁၉၂၀ ခုနှစ်တွင် ဖွဲ့စည်းပုံဥပဒေပြင်ဆင်ချက် အမှတ်စဉ်(၁၉) ဖြင့် အမျိုးသမီးများ မဲပေးခွင့်ရခဲ့သည်။

နေဟမိအတွက် အရှုံးသည် သူရွေးချယ်ရမည့်အရာ မဟုတ်ခဲ့ပါ။ သူ့ဘက်၌ တန်ခိုးနှင့်ပြည့်စုံသော ထာဝရဘုရားရှိနေသောကြောင့်ဖြစ်သည်။ ယေရုရှလင်မြို့ရိုးကို ပြန်တည်ဆောက်ခြင်းဟူသည့် သူလုပ်ရမည့်အလုပ်ကို…

နှလုံးသားပေါ်တွင်ရေးထွင်းထားသည်

ပါမောက္ခတစ်ဦးဖြစ်ခြင်းကြောင့် တပည့်များက သူတို့အတွက် ထောက်ခံစာရေးပေးရန် ကျွန်မကို မကြာခဏ တောင်းဆိုကြသည်။ ခေါင်းဆောင်မှုသင်တန်း၊ နိုင်ငံရပ်ခြားသို့ သွားရောက်ပညာသင်ရန်၊ ဘွဲ့ယူရန်တို့အပြင် အလုပ်အတွက် ထောက်ခံစာရေးခိုင်းခြင်း ဖြစ်သည်။ ထိုထောက်ခံစာတစ်စောင်ချင်းစီ၌ သူတို့၏အကျင့်စာရိတ္တနှင့် အရည်အချင်း တို့ကိုထည့်သွင်းဖော်ပြလျက် သူတို့ကို ချီးမွမ်းခွင့်ရခဲ့သည်။

ရှေးခေတ်အခါက ခရစ်ယာန်များ ခရီးသွားလျှင် သူတို့နှင့်သက်ဆိုင်သော အသင်းတော်များမှ “ထောက်ခံစာ များ” ကို ကိုင်ဆောင်သွားကြရသည်။ ထိုစာများကို ကိုင်ဆောင် သွားမှသာလျှင် သူတို့အား ပျူငှာစွာ ကြိုဆိုလက်ခံကြသည်။

တမန်တော်ကြီးရှင်ပေါလုသည် ကောရိန္သု အသင်းတော်၌ ဟောပြောရှင်းပြသည့်အချိန်တွင် ထောက်ခံစာ ပြစရာမလိုဘဲ သူတို့က သူ့ကိုသိနေပြီးသားဖြစ်သည်။ ထိုအသင်းတော်သို့ ရေးပေးသော သူ၏ဒုတိယမြောက်စာတွင် စိတ်ထားဖြူစင်စွာဖြင့် ခရစ်တော်၏တရားတော်ကို ဟောပြောခြင်းသာဖြစ်ပြီး ကိုယ်ကျိုးအတွက် မဟုတ်ကြောင်း (၂ ကော ၂:၁၇) ရေးသား ခဲ့သည်။ သို့သော် သူဟောပြောရခြင်း၏ ရည်ရွယ်ချက်ကို ကာကွယ်ရန်…

ဘုရားသခင်နှင့်အတူ လျှောက်လှမ်းပါ။

Mare Christinity “ခရစ်ယာန်သက်သက်သာလျှင်” ဟူသောစာအုပ်ကို ရေးသားသူ စီအက်စ်လူးဝစ် က “ဘုရားသခင်သည် အချိန်အတိုင်းအတာအတွင်း၌ တည်ရှိနေခြင်း မဟုတ်သည်မှာ သေချာသည်။ ... သူ၏အသက်တာတွင် အချိန်အခါတစ်ခုပြီးနောက် တစ်ခု အစဉ်အတိုင်းဖြစ်တည်နေခြင်းမဟုတ်ဘဲ ကမ္ဘာဦးအစကပင် တည်ရှိနေခြင်းဖြစ်သည်”ဟု ရေးသားဖော်ပြခဲ့သည်။ သဘာ၀ရာသီစက်၀န်းတို့သည်လည်း အဆုံးမရှိဘဲ တစ်ပတ်လည်ကာ ဖြစ်ပေါ်သည်။ သို့သော် အချိန်ကို စိုးမိုးပိုင်ဆိုင်သော ထာဝရဘုရားသခင်ကို ယုံကြည် ကိုးစားရန် သင်ယူသည့်အခါ ထိရှလွယ်သော ကျွန်ုပ်တို့၏ တည်ရှိတည်နေမှုသည် ကိုယ်တော်၏လက်ထဲတွင်သာ ရှိနေ သည်ကို ကျွန်ုပ်တို့ လက်ခံနိုင်ပါသည်။

ဆာလံဆရာ၏တမ်းချင်း ၁၀၂ ခု မြောက်သော ဆာလံကျမ်းတွင် သူ၏ဘဝနေ့ရက်များသည် “ရှည်လျားသော အရိပ်ကဲ့သို့” တိုတောင်းပြီး မြက်ပင်ကဲ့သို့ ညှိုးနွမ်းသော်လည်း ထာဝရဘုရားမူကား “နိစ္စထာဝရ” တည်တော်မူ၏ (:၁၁-၁၂) ဟု မြည်တမ်းခဲ့သည်။ ဆာလံဆရာသည် ပင်ပန်းနွမ်းနယ်မှုကို ခံစားရလျက် ဘုရားသခင်သည်…

သံချောင်းများ၏အရှင်သခင်လား

ကားထဲသို့ ကျွန်တော်ဝင်မည်ပြုစဉ် မျက်လုံးထဲလက်ကနဲဖြစ်သွား၍ ကြည့်လိုက်ရာ ကားနောက်ဘီး၏ဘေးဖက်တွင် သံတစ်ချောင်းစိုက်ဝင်နေသည်ကို တွေ့ရလိုက်သည်။ လေထွက်သံကို နားစွင့်ကြည့်ရာ တော်ပါသေးသည်။ သံချောင်းက ပိတ်ဆို့ထားခြင်းကြောင့် လေမထွက်သဖြင့် ခဏတစ်ဖြုတ် မှေးထား၍ရသေးသည်။

တာယာဆိုင်သို့ ကားမောင်းသွားစဉ် ထိုသံချောင်း စိုက်ဝင်နေတာ ဘယ်လောက်ကြာပြီလဲ။ ဘုရားရှင်သည် ကျွန်တော် မသိသည့်အန္တရာယ်မှ ကျွန်တော့်ကို ဘယ်နှစ်ရက် ဘယ်နှစ်ပတ်ကြာမျှ ကာကွယ်ပေးခဲ့သနည်းဟု ကျွန်တော် တွေးမိသည်။

တစ်ခါတစ်ရံ အရာရာကို မိမိထိန်းချုပ်နိုင်သည် ဟူသည့် ထင်ယောင်ထင်မှား လှည့်စားမှုအောက်တွင် ကျွန်တော်တို့ ဘ၀အသက်ရှင်သန်နေကြသည်။ သို့သော် ထိုအတွေးမမှန်ကြောင်း ထိုသံချောင်းက ကျွန်တော့်ကို သတိပေးနေသည်။

သို့သော် အသက်တာ၌ ထိန်းချုပ်၍မရ၊ ဆောက်တည်ရာမရဖြစ်သည့် အချိန်တွင် ယုံကြည်ကိုးစားနိုင်သော ဘုရားသခင်ရှိသည်။ ဆာလံ ၁၈ တွင် ဒါဝိဒ်သည် သူ့အား ကြည့်ရှုစောင့်ရှောက်သည့် ဘုရားသခင်အား ချီးမွမ်းထောပနာပြုသည် (:၃၄-၃၅)။ “ထိုဘုရားသခင်သည် ငါ့ကို…

သင်၏ထိုက်တန်မှု

အလွန်ပြောင်မြောက်သောစာရေးဆရာမ ကိတ်တလင်း သည် သူ့အား ပြင်းထန်စွာ ထိုးနှက်လာမှုကို အောင်နိုင်ခဲ့ပြီးနောက် သူရုန်းကန်ခဲ့ရသည့် စိတ်ဖိစီးမှုနှင့် စိတ်ဆင်းရဲမှု အကြောင်းကို ပြန်လည်ပြောပြသည်။ “ငါဟာတော်တော် အသုံးမကျတဲ့သူပဲ။ ငါဟာ လူတွေ တွေ့ချင်ခင်ချင်တဲ့ မိန်းကလေးမျိုး မဟုတ်ဘူး” ဟု သူခံစားနေရခြင်းကြောင့် ရုပ်ပိုင်းရုန်းကန်နေရသည်ထက် စိတ်ပိုင်းဆိုင်ရာထိုးနှက်မှုက ပိုနာကျင်သည်။ ပို၍အထိနာသည်။ သူသည် ချစ်ခြင်းမေတ္တာကို ရထိုက်သူမဟုတ်၊ တစ်ပါးသူတို့ အသုံးချပြီးနောက် စွန့်ပစ်ဘေးဖယ်ခံရသူဟု ခံစားနေရသည်။

ဘုရားသခင် နားလည်ပါသည်။ ဣသရေလလူတို့ကို သိုးထိန်းတစ်ဦးကဲ့သို့ ချစ်ခြင်းမေတ္တာဖြင့် ကိုယ်တော် ထိန်းကျောင်းခဲ့သည်။ သို့သော် ကိုယ်တော်သည် မည်မျှ ထိုက်တန်သနည်းဟုမေးလျှင် “သူတို့သည် ငါ့အားအခပေးအံ့သောငှာ ငွေသုံးဆယ်ကို ချိန်ကြ၏”(ဇာ ၁၁:၁၂)။ ထိုငွေသည် ကျွန်တစ်ယောက် မတော်တဆထိခိုက်မှုဖြစ်သည့် အခါ အလုပ်ရှင်က လျော်ကြေးပေးသလောက်ပင်ဖြစ်သည် (ထွ ၂၁:၃၂)။ဘုရားသခင်အားအနိမ့်ဆုံးတန်ဖိုးဖြတ်ခြင်းသည် စော်ကားခြင်းသက်သက်ဖြစ်သည်။ “ငါ့ကို အဖိုးဖြတ်၍ ငွေများလှသည်တကား”…

ရေမှမျှော်လင့်ခြင်းဆီသို့

တွမ်နှင့်မတ်ခ်တို့၏ သာသနာလုပ်ငန်းသည် အများသူငါတို့၏အသက်တာကို လန်းဆန်း စေကြောင်း သူတို့ပြသသော ဗွီဒီယိုထဲတွင် အထင်အရှားတွေ့ရသည်။ အဝတ်အစားများ ဝတ်ဆင်ထားသော ကလေးသူငယ်များသည် အဆောက်အုံအပြင်ဘက်ရှိ အေးမြ လန်းဆန်းသော ရေပန်းအောက်တွင် ရွှင်လန်းမြူးတူးစွာ ကခုန်ရေချိုးကစားနေပြီး၊ ၄င်းသည် သူတို့၏ဘ၀တွင် ပထမဦးဆုံးအကြိမ်ဖြစ်သည်။ တွမ်နှင့်မတ်ခ်သည် ဟေတီနိုင်ငံမှ ဒေသခံအသင်းတော်များနှင့် ပူးပေါင်းကာ ရေတွင်းများ၌ ရေသန့်စင်သည့်စနစ်ကို တပ်ဆင် ပေးသည်။ ထိုသို့ မသန့်ရှင်းသည့်ရေမှ ရောဂါကူးစက်မှုကို ကာကွယ်တားဆီးနိုင်ခဲ့ခြင်းကြောင့် လူတို့ဘ၀အဆင်ပြေကာ အသက်ကို ရှည်စေသည်။ သန့်ရှင်းလတ်ဆတ်သောရေရရှိခြင်း ကြောင့် ပြည်သူတို့၏အနာဂတ်မျှော်လင့်ချက်ရောင်ခြည် တောက်ပလျက် ရှိတော့သည်။

အစဉ်မပြတ် လန်းဆန်းမှုကို ပေးစွမ်းနိုင်သည့် အရင်းအမြစ်ကို ယောဟန် ၄ တွင် သခင်ယေရှုက “အသက်ရေ” ဟု ရည်ညွှန်းခဲ့သည်။ ပင်ပန်း၍ ရေငတ်သဖြင့် သခင်ယေရှုက ရှမာရိအမျိုးသမီးအား ငါသောက်ဖို့ရေပေးပါ (:၄-၈) ဟု မိန့်တော်မူ၏။ ထိုသို့…

ယေရှုနှင့် ကြီးမားသောဇာတ်လမ်း

စေတနာကောင်းသော သူငယ်ချင်းတစ်ယောက်က ကျွန်တော်တို့၏ကလေးများကို လာ၍ ထိန်းပေးရန် ကမ်းလှမ်းလာသဖြင့် ဇနီးသည်နှင့်အတူ အပြင်ထွက်ခွင့်ရခဲ့သည်။ “ရှင်တို့ စိတ်ကူးယဉ်ဆန်တဲ့ တစ်နေရာရာကို သွားသင့်တယ်” ဟု သူမက တတွတ်တွတ်ပြောသည်။ သို့သော် ထိုသို့သွားမည့်အစား လက်တွေ့ကျကျ ကုန်စုံဆိုင်တစ်ခုသို့ သွားရန် ဆုံးဖြတ်ခဲ့သည်။ အိမ်ပြန်ရောက်သည့်အခါ လက်ထဲမှ ကုန်စုံပစ္စည်းအထုတ်နှင့် အိတ်များကိုကြည့်ပြီး သူငယ်ချင်းက ဘာ့ကြောင့် ထူးခြားသည့် အရာတစ်ခုခု မလုပ်ခဲ့သနည်းဟု မေးသည်။ ထူးခြားသည့် လုပ်ရပ်ထက် မည်သူနှင့်အတူသွားသည်၊ ရှိနေသည် ဆိုသည်က ပို၍အရေးကြီးကြောင်း ကျွန်​တော်တို့ပြန်ဖြေလိုက်သည်။
ဘုရားသခင်မှ တိုက်ရိုက်ပြောဆိုခြင်း၊ လုပ်ဆောင်ခြင်းကို မှတ်တမ်းတင်ထားခြင်းမရှိသည့် ကျမ်းအနည်းငယ် ရှိပြီး ၄င်းတို့အနက် ရုသဝတ္ထုကို အလွန်ရိုးရှင်းစွာ ရေးသားထားသည်။ ထို့ကြောင့် အချို့က ထိုကျမ်းကို လူနှစ်ဦး၏သမားရိုးကျ တွေ့ဆုံပေါင်းသင်းသည့် ဖြစ်လေ့ဖြစ်ထရှိသော ဇာတ်လမ်းတစ်ပုဒ်အဖြစ်သာ ဖတ်ရှုကြသည်။
စင်စစ် ထူးခြားချက်တစ်ခုရှိနေသည်။ ရုသဝတ္ထု၏ နောက်ဆုံးအခန်းတွင်…

ဘုရားသခင်ထံ တောင်းလျှောက်ပါ

ကျွန်မ၏ခင်ပွန်း ဒန်သည် ကင်ဆာရောဂါဖြစ်နေသည်ကို သိရှိရသည့်အခါ သူ၏ရောဂါကို ကုသပေးရန် ဘုရားသခင်ထံ နည်းလမ်းမှန်ကန်စွာ မည်ကဲ့သို့ တောင်းလျှောက်ရမည်ကို ကျွန်မ မသိပါ။ ကျွန်မတွေ့မြင်ရသလောက်ပြောရလျှင် ဤကမ္ဘာပေါ်ရှိ အခြားသူများ သည်လည်း စစ်ဘေးအန္တရာယ်၊ အစာခေါင်းပါးခြင်း၊ ဆင်းရဲမွဲတေခြင်း၊ သဘာ၀ဘေး အန္တရာယ်များ စသည်တို့နှင့် ကြုံတွေ့နေကြရသည်ပင်။ တစ်နေ့သော နံနက်ခင်း၌ ဆုတောင်း၀တ်ပြုနေစဥ် ကျွန်မ၏ ခင်ပွန်းထံမှ “အို အဘဘုရားသခင်၊ ကျွန်တော်၏ရောဂါကို ပျောက်ကင်းစေတော်မူပါ” ဟု နူးညွတ်နှိမ့်ချစွာ ရေရွတ်သည့် အသံကို ကြားလိုက်ရသည်။

၄င်းသည် ရိုးစင်းသောတောင်းဆိုမှု ဖြစ်သော်လည်း နှလုံးသားထဲမှ ခံစားမှုအပြည့်ဖြင့် ထွက်ပေါ်လာခြင်းဖြစ်ပြီး ကျွန်မ၏ရှုပ်ထွေးသောဆုတောင်းများကို ရပ်တန့်လိုက်ရန် သတိပေးလာသည်။ အကြောင်းမှာ ဖြောင့်မတ်စွာ မစမှု တောင်းခံခြင်းကို ဘုရားရှင် နားညောင်းခြင်းကြောင့်ဖြစ်သည်။ ဒါဝိဒ်သည် ရိုးသားစွာဖြင့် “အိုထာဝရဘုရား၊ တစ်ဖန်ကြွလာ၍ အကျွန်ုပ်စိတ်ဝိညာဉ်ကို ကယ်ယူတော်မူပါ။ ကရုဏာတော်နှင့်အညီ အကျွန်ုပ်ကို…