ဘုရားသခင် အမိန့်တော်ရှိသည်
၁၈၇၆ ခုနှစ်တွင် တီထွင်ဖန်တီးသူ Alexander Graham Bell (အလက်ဇန်းဒါးဂရေဟမ်ဘဲလ်)သည် တယ်လီဖုန်းဖြင့် ပထမဦးဆုံး စကားပြောခဲ့သည်။ သူ၏ လက်ထောက်ဖြစ်သူ Thomas Watson (သောမတ်စ်ဝပ်ဆန်)အား “ဝပ်ဆန်ရေ၊ ဒီကိုလာခဲ့ပါ။ ငါ မင်းကို တွေ့ချင်တယ်”ဟု သူက ဖုန်းခေါ်ဆိုခဲ့သည်။ ပြတ်တောင်း ပြတ်တောင်းနှင့် သဲသဲကွဲကွဲ မကြားရသော်လည်း ဘဲလ်ပြောသည့်အရာကို ဝပ်ဆန်ကြားပြီး နားလည်သည်။ တယ်လီဖုန်းနှင့် ဘဲလ်ပြောခဲ့သည့် ပထမဆုံးစကားက လူတို့၏ဆက်သွယ်ရေးနေ့သစ် အရုဏ်တက်ခဲ့ပြီဖြစ်ကြောင်း သက်သေပြခဲ့သည်။
“အဆင်းသဏ္ဌာန်မရှိ၊ လွတ်လပ်လဟာဖြစ်”သော (က ၁:၂) ကမ္ဘာမြေကြီးတွင် ပထမနေ့ရက် အရုဏ်ဦးကို ဖန်ဆင်းသည့်အချိန်တွင် ဘုရားသခင်၏ပထမဉီးဆုံး မိန့်တော်မူချက်ကို သမ္မာကျမ်းစာ၌ “အလင်းဖြစ်စေ” (:၃)ဟု မိန့်တော်မူကြောင်းမှတ်တမ်းတင်ထားသည်။ ထိုစကားလုံးများသည် ဖန်ဆင်းခြင်းတန်ခိုးနှင့် ပြည့်လျက်ရှိသည်။ ဘုရားသခင်မြွက်ဆိုတော်မူသည့်အခါ ထိုမြွက်ဆိုတော်မူသည်အတိုင်း ဖြစ်တည်လာသည် (ဆာ ၃၃:၆၊ ၉)။ ဘုရားသခင်က “အလင်းဖြစ်စေ”…
ကျွန်ုပ်တို့အထဲ၌ ကိန်းဝပ်တော်မူသော ခရစ်တော်
အင်္ဂလိပ်တရားဟောဆရာ F. B. Meyer (အက်ဖ်ဘီမေယာ) (၁၈၄၇-၁၉၂၉)သည် “ကိန်းဝပ်တော်မူသောခရစ်တော်ဆိုင်ရာ နက်နဲသောဒဿန”ဟု သူခေါ်ဆိုသည့်အရာကို ပုံဖော်ရန် ကြက်ဥတစ်လုံးကို ဥပမာထား အသုံးပြုခဲ့သည်။ မျိုးဖောက်ထားသော ကြက်ဥအနှစ်သည် ဥခွံထဲတွင် ကြက်ကောင်ပေါက်လေးအဖြစ် မဖြစ်ထွန်းမီတိုင်အောင် တစ်နေ့ပြီးတစ်နေ့ ကြီးထွားလာသော ‘အသက်ပိုး’လေးဖြစ်ကြောင်း သူသတိပြုမိခဲ့သည်။ အလားတူပင် သခင်ယေရှုသည် သန့်ရှင်းသောဝိညာဥ်တော်အားဖြင့် ကျွန်ုပ်တို့၏အတွင်း၌ ကြွလာအသက်ရှင်ကာ ကျွန်ုပ်တို့ကို ပြောင်းလဲပေးနေသည်။ “ယခုမှစ၍ ခရစ်တော်သည် ရှင်သန်တိုးပွားကာ အရာခပ်သိမ်းကိုလွှမ်းမိုးလျက် သင့်အထဲ၌ ဖြစ်တည်နေလိမ့်မည်”ဟု မေယာက ဆိုသည်။
ယုံကြည်သူတို့အထဲ၌ သန့်ရှင်းသောဝိညာဥ်တော်အားဖြင့် ခရစ်တော်ကိန်းဝပ်တော်မူခြင်း အံ့သြဖွယ်ဖြစ်ရပ်မှန်ကို သူ၏စကားလုံးများအားဖြင့် အပြည့် အဝပုံဖော်ရန် မဖြစ်နိုင်ကြောင်းကို သိရှိလျက် သခင်ယေရှု၏သမ္မာတရားများကို မပြည့်မစုံ ဖော်ပြခြင်းအတွက် သူက တောင်းပန်ခဲ့သည်။ “ငါသည် ခမည်းတော်၌ ရှိသည်ကိုလည်းကောင်း၊ သင်တို့သည် ငါ၌ရှိသည်ကိုလည်းကောင်း၊ ငါသည် သင်တို့၌ ရှိသည်ကိုလည်းကောင်း၊ ထိုနေ့၌…
ရှင်သန်ခြင်း လက္ခဏာများ
အလှမွေးဂဏန်းတစ်စုံကို ကျွန်မ၏သမီး လက်ဆောင်ရသောအခါ သူမသည် ထိုအကောင်လေးများ သဲတူးပြီးပုန်းနိုင်စေရန် ဖန်လုံးထဲသို့ သဲများဖြည့်ထားပေးသည်။ ၎င်းတို့ စားသောက်ရန်အတွက် ရေ၊ ပရိုတိန်းနှင့် အသီးအနှံအပိုင်းအစများကို ဖြည့်ဆည်းပေးထားသည်။ သူတို့သည် ပျော်ရွှင်နေပုံရပြီး တစ်နေ့တွင် သူတို့ပျောက်သွားရာ ကျွန်မတို့ထိတ်လန့်သွားခဲ့သည်။ ကျွန်မတို့ နေရာစုံတွင် ရှာဖွေခဲ့ကြပြီး နောက်ဆုံးတွင် သဲအောက်၌ သူတို့ရှိနေကြောင်းသိလိုက်ရသည်။ သူတို့၏အခွံမာများကို အသစ်လဲလှယ်ကြသည်ဖြစ်၍ ထိုနေရာ၌ နှစ်လခန့်မျှ ကြာဉီးမည်ဖြစ်သည်။
အချိန်နှစ်လကုန်သွားပြီး နောက်ထပ်တစ်လ ထပ်ကြာနေသောအခါ သူတို့သေသွားမည်ကို ကျွန်မတို့စိုးရိမ်ခဲ့ကြသည်။ ကျွန်မတို့ကြာကြာစောင့်ဆိုင်းရလေ ပို၍စိတ်မရှည်လေဖြစ်လာသည်။ နောက်ဆုံးတွင် ၎င်းတို့အသက်ရှင်နေသောလက္ခဏာကို ကျွန်မတို့တွေ့လာပြီး ဂဏန်းလေးများ သဲထဲမှ ထွက်လာကြသည်။
ဣသရေလလူမျိုးများ ဗာဗုလုန်တွင် ပြည်နှင်ဒဏ်ခံရချိန်၌ သူတို့အတွက် ဘုရားသခင်၏ပရောဖက်ပြုချက် ပြည့်စုံလာပါဉီးမည်လားဟု ဣသရေလလူမျိုးများ သံသယဖြစ်မိနိုင်ကြောင်းကို ကျွန်မပြန်ဆင်ခြင်မိသည်။ သူတို့ စိတ်ပျက်အားငယ်ခဲ့ကြပါသလား။ သူတို့ ထိုနေရာတွင် ထာဝရနေသွားရမည်ကို စိုးရိမ်ခဲ့ကြပါသလား။ ဘုရားသခင်က “ငါထားသောကတိကောင်းကို…
ဘေဘီဘွိုင်း
အချိန်တစ်နှစ်ကျော်ကြာသည့်တိုင် သူ၏တရားဝင်နာမည်မှာ “ဘေဘီဘွိုင်း”ဖြစ်ခဲ့ သည်။ ဆေးရုံ၏ကားရပ်နားသည့် နေရာတစ်ခုတွင် ကလေးငိုသံကို ကြားသွားသော လုံခြုံရေးအစောင့်တစ်ဦးက သူ့ကိုရှာဖွေတွေ့ရှိခဲ့ပြီး ဘေဘီဘွိုင်းသည် နာရီပိုင်းအရွယ်သာရှိသေးသော၊ အိတ်တစ်လုံးနှင့် ထုပ်ပိုးစွန့်ပစ်ထားခြင်းခံခဲ့ရသူ ဖြစ်သည်။
သူ့ကိုတွေ့ရှိပြီး မကြာမီမှာပင် လူမှုကူညီရေးအဖွဲ့များက တစ်ချိန်ချိန်တွင် သူ့အတွက် အမြဲတမ်းမိသားစုဖြစ်လာမည့်သူများကို ဆက်သွယ်ခဲ့သည်။ လင်မယား နှစ်ဦးသည် သူ့ကို ခေါ်ယူမွေးစားပြီး ဂရေဆန် (အမည်ရင်းမဟုတ်) ဟုမှည့်ခေါ်ခဲ့ကြသည်။ နောက်ဆုံးတွင် မွေးစားခြင်းအမှု ပြီးမြောက်သွားပြီး ဂရေဆန်၏အမည်သည်လည်း တရားဝင်ဖြစ်လာခဲ့သည်။ ယနေ့တွင် စကားပြောဆိုရာတွင် စိတ်အားထက်သန်စွာ ပြောချင်နေသောကြောင့် အသံထွက်မပီကလာလေး ပြောနေသည့် ချစ်စဖွယ်ကလေးတစ်ဦးကို သင်တွေ့နိုင်သည်။ ထိုကလေးသည် တစ်ချိန်က အိတ်တစ်လုံးနှင့်စွန့်ပစ်ခံရသူဟု သင်မည်သို့မျှ ခန့်မှန်းမိမည်မဟုတ်ပေ။
မောရှေသည် သူ့ဘဝနှောင်းပိုင်းတွင် ဘုရားသခင်၏ ထူးခြားသောလက္ခဏာနှင့် ဣသရေလလူမျိုးများအတွက် ကိုယ်တော်ပြုပေးခဲ့သည့် အရာများကို ပြန်လည်ဆင်ခြင်သုံးသပ်လျက် “ထာဝရဘုရားသည် သင်၏ဘိုးဘေးတို့ကို ချစ်ခင်မြတ်နိုး (သည် )”…
ကျွန်ုပ်ကို ချစ်သေးရဲ့လား
(၁၀) နှစ်သမီးလေး လင်းလင်းသည် နောက်ဆုံး၌ မွေးစားခြင်းခံလိုက်ရသော်လည်း သူမကြောက်ရွံ့နေခဲ့သည်။ သူမကြီးပြင်းလာခဲ့ရသည့် မိဘမဲ့ဂေဟာတွင် အသေး ငယ်ဆုံးသောအမှားလုပ်မိရုံနှင့် အပြစ်ပေးခြင်းခံရသည်။ ကျွန်မသူငယ်ချင်းဖြစ်သော သူမ၏မွေးစားမိခင်ကို လင်းလင်းက “မေမေ၊ သမီးကို ချစ်လား” ဟုမေးသည်။ ကျွန်မသူငယ်ချင်းက ချစ်တယ်လို့ ပြန်ဖြေလျှင် လင်းလင်းက “သမီး အမှားလုပ်မိရင်ရော သမီးကို ချစ်အုံးမှာလား” ဟု ပြန်မေးသည်။
နှုတ်ဖြင့် မပြောသော်လည်း၊ ကျွန်ုပ်တို့ထဲမှအချို့သည် ဘုရားသခင်ကို စိတ်ပျက်အောင်လုပ်မိပြီဟု ခံစားရသောအခါ “ကိုယ်တော် ကျွန်ုပ်ကို ချစ်သေးရဲ့လား” ဟု မေးကောင်းမေးနိုင်သည်။ လောကတွင် အသက်ရှင်နေသမျှ ကာလပတ်လုံး ကျရှုံးမှုနှင့် အပြစ်လုပ်ခြင်းများရှိနေမည်ကို ကျွန်ုပ်တို့သိသည်။ ထို့အပြင် ကျွန်ုပ်တို့အမှားများသည် ကျွန်ုပ်တို့အပေါ်ထားရှိသော ဘုရားသခင်၏ချစ်ခြင်းမေတ္တာကို သက်ရောက်မှုရှိနိုင်သလား ဆိုသည်ကို ကျွန်ုပ်တို့ တွေးလေ့ရှိသည်။
ရှင်ယောဟန်ခရစ်ဝင် ၃:၁၆ တွင် ဘုရားသခင်၏မေတ္တာတော်ကို ကျွန်ုပ်တို့အတွက် အာမခံပေးထားသည်။ ကျွန်ုပ်တို့ကိုယ်စား…
ဘဝသက်တမ်း
၁၉၉၀ ခုနှစ်တွင် ပြင်သစ်သုတေသီများသည် Jeanne Calment (ဂျင်းခလ်မန့်)၏ အသက်ကို ကွန်ပြူတာနှင့်ခန့်မှန်းရာတွင် အချက်အလက်မှားယွင်းမှုနှင့် ကြုံခဲ့သည်။ သူမအသက်သည် ဆော့ဖ်ဝဲလ်ပရိုဂရမ်၏ ကန့်သတ်ချက်ထက်ကျော်လွန်ကာ (၁၁၅)နှစ် ဖြစ်နေသည်။ ပရိုဂရမ်ကိုရေးဆွဲသူများက မည်သူမှ ဤမျှကြာကြာ အသက်မရှင်နိုင်ဟု ယူဆခဲ့ကြသည်။ ဂျင်းသည် အသက် (၁၂၂) နှစ်အထိ အမှန်တကယ်ပင် အသက်ရှင်နေထိုင်သွားခဲ့သည်။
ဆာလံဆရာက “အကျွန်ုပ်တို့၏ အသက်အရွယ်သည် အနှစ်ခုနစ်ဆယ် အတိုင်းအရှည်ရှိပါ၏။ အားကြီး၍ အနှစ်ရှစ်ဆယ်ပြည့်သော်လည်း၊ ဝါကြွားခြင်းသည် ပင်ပန်းခြင်းနှင့် ဝမ်းနည်းခြင်းဖြစ်ပါ၏” (ဆာ ၉၀:၁၀) ဟုရေးသားခဲ့သည်။ ၎င်းသည် ဂျင်းခလ်မန့်၏အသက်အရွယ်ထိပင် အသက်ရှည်စေကာမူ လောက၌ ကျွန်ုပ်တို့နေထိုင်ခွင့်ရသောအချိန် အကန့်အသတ်ရှိခြင်းကို ဥပမာပြတင်စားခြင်းဖြစ်သည်။ ကျွန်ုပ်တို့၏ဘဝသက်တမ်းသည် အလုံးစုံကိုပိုင်သသော ချစ်မေတ္တာရှင် ဘုရားသခင်၏လက်တော်၌သာ ရှိသည် (:၅)။ ဝိညာဉ်ရေးနယ်ပယ်တွင် ဘုရားသခင်၏အချိန်မှာ “ရှေ့တော်၌ အနှစ်တစ်ထောင်သည် လွန်ပြီးသော မနေ့ကဲ့သို့လည်းကောင်း၊ ညဉ့်ယံတစ်ယံကဲ့သို့လည်းကောင်း ဖြစ်ပါ၏”…
သင့်ကဏ္ဍနှင့် ဘုရားကဏ္ဍ
ကျွန်ုပ်၏သူငယ်ချင်း ဂျဲနစ်သည် နှစ်အနည်းငယ်အတွင်း သူမ၏ဌာနတွင် စီမံခန့်ခွဲမှုတာဝန်ကို လက်ခံရန် သူ့အား ကမ်းလှမ်းလာသောအခါ သူမ စိုးရိမ်ပူပန်ခဲ့သည်။ ဤကိစ္စအတွက် သူမ ဆုတောင်းရာ ထိုခန့်အပ်မှုကိုလက်ခံရန် ဘုရားရှင် နှိုးဆော်သည်ဟု ခံစားရသော်လည်း တာဝန်ကို နိုင်နိုင်နင်းနင်းလုပ်နိုင်ပါ့မလားဟု စိုးကြောက်ခဲ့သည်။ “အတွေ့အကြုံနည်းနည်းလေးနဲ့ ကျွန်မဘယ်လိုဦးဆောင်နိုင်မှာလဲ။ ကျွန်မမလုပ်နိုင်ဘူးဆိုရင် ကျွန်မကိုဘာလို့ ဒီရာထူးပေးရတာလဲ”ဟု ဘုရားကိုမေးခဲ့သည်။
နောက်ပိုင်းတွင် ဂျဲနစ်သည် ကမ္ဘာဦးကျမ်း ၁၂ တွင် အာဗြံအား ဘုရားသခင် စေခိုင်းခြင်းအကြောင်းကို ဖတ်ရပြီး အာဗြံလုပ်ဆောင်ရမည့်အပိုင်းသည် ဘုရားသခင် ပြလတံ့သောပြည်သို့ မိန့်တော်မူသည်အတိုင်း၊ သွားရန်ဖြစ်ပြီး အာဗြံသွားခဲ့သည် (:၁၊ ၄)။ ၎င်းသည် အရေးကြီးသောအရွှေ့ဖြစ်သည်။ အဘယ့်ကြောင့် ဆိုသော် ရှေးခေတ်က မည်သူမျှ မိမိနေရင်းပြည်ကို စွန့်၍ သွားလေ့မရှိပါ။ သို့သော် ဘုရားသခင်သည် အာဗြံအား သူအကျွမ်းဝင်သည့်အရာမှန်သမျှကို ချန်ရစ်ခဲ့ပြီး သူ့ကိုသာယုံကြည်ရန်နှင့် ကျန်အမှုအရာကို သူလုပ်ဆောင်မည်ဖြစ်ကြောင်း…
အံ့သြဖွယ် တိုင်ပင်ဖက်
ဘဝအခြေအနေက အရာရာ၌ စိတ်ဓာတ်ကျစရာပင်။ အထူးသဖြင့် လူငယ်များအတွက် အနာဂတ်မျှော်လင့်ချက်များ ပျောက်ဆုံးကုန်သည်။ ကပ်ရောဂါဘေး၊ ရာသီဥတုဖောက်ပြန်ပြောင်းလဲမှုကြောင့် ဖြစ်ပေါ်လာသည့် သဘာဝဘေးအန္တရာယ်နှင့် တိုင်းရေးပြည်ရေး မငြိမ်သက်မှုများအကြား ဘဝရှင်သန်ရပ်တည်မှု ခက်ခဲလာသည်။ စိတ်ဓာတ်ကျသည့်အခါ စိတ်ဖိစီးသည့်အခါ စိတ်ရောကိုယ်ပါ ခြေကုန်လက်ပမ်းကျ မောပန်းနွမ်းနယ်သည့်အခါ မည့်သူ့ကိုတိုင်ပင်ရမှန်းမသိဖြစ်လာသည်။ တချို့ကိစ္စရပ်များမှာ မိသားစု၊ မိတ်ဆွေသူငယ်ချင်းများနှင့် တိုင်ပင်ရန်ခက်ခဲပါသည်။ ထိုအချိန်အခါမျိုးတွင် မိမိစိတ်နှလုံးကို အလုံးစုံနားလည်ပေးနိုင်မည့် တိုင်ပင်ဖော်လိုအပ်ပါသည်။
လုပ်ငန်းခွင်၊ မိသားစုနှင့် လူမှုအသိုင်းအဝိုင်းတို့၌ ရှင်သန်လှုပ်ရှားတွင် နည်းပညာတိုးတက်မှုနှင့် လျင်မြန်စွာပြောင်းလဲနေသည့် တိုင်းရေးပြည်ရေး၊ ကမ္ဘာ့ရေးရာအခြေအနေများကြောင့် စိတ်ဖိစီးမှုပိုမိုကြုံတွေ့လာရသည့် ယနေ့ခေတ်၌ စိတ်ကျန်းမာရေးအထာက်အကူပြု ဆွေးနွေးတိုင်ပင်မှုဆိုင်ရာ ဝန်ဆောင်မှုအစီအစဥ်များ ရေပန်းစားလာကာ ထိုအစီအစဥ်များကို အသုံးပြုသူများပြားလာပြီး အကျိုးရှိထိရောက်မှုကိုလည်း အတိုင်းအတာတစ်ခုအထိ တွေ့ရှိရသည်။
သို့ရာအတွင် ယုံကြည်သူများအတွက်မူ ထိုအစီအစဥ်များထက် သာလွန်ကောင်းမွန်သော အံ့သြဖွယ်တိုင်ပင်ဖက်တစ်ဦး ရှိနှင့်ပြီးသားဖြစ်သည်။ “နာမတော်မူကား အံ့ဩဘွယ်၊ တိုင်ပင်ဘက်၊ တန်ခိုးကြီးသောဘုရားသခင်၊ ထာဝရအဘ၊ ငြိမ်သက်ခြင်းအရှင်” သခင်ယေရှုပင်ဖြစ်သည် (ဟေရှာ ၉:၆)။ ထိုအံ့သြဖွယ်တိုင်ပင်ဖက်အား ကျွန်ုပ်တို့ ခံစားနေရသမျှ စိတ်အခြေအနေအားလုံးကို အိတ်သွန်ဖာမှောက် တိုင်ပင်ပြောပြနိုင်သည်။ ရင်ဖွင့်ငိုကြွေးနိုင်သည်။ လောကရှိ တိုင်ပင်ဆွေးနွေးမှုပေးသူများနှင့် ကွာခြားချက်မှာ ထိုအရှင် သခင်ယေရှုသည် စကြာဝဠာကမ္ဘာမိုးမြေကို ဖန်ဆင်းတော်မူသော ဥာဏ်တော်အနန္တ၊ တန်းခိုးတော်အနန္တပြည့်စုံသောအရှင်ဖြစ်ကာ ကျွန်ုပ်တို့ခံစားတွေ့ကြုံနေရသမျှအားလုံးကို ခံစားနားလည်ပေးရုံသာမက ငြိမ်သက်ခြင်းနှင့် ထွက်မြောက်ရာလမ်းကိုပါ ပြင်ဆင်ပေးသူဖြစ်သည်။ "ထာဝရဘုရားကို မြော်လင့်သောသူတို့မူကား၊ အားပြည့်ကြလိမ့်မည်။ ရွှေလင်းတကဲ့သို့ မိမိတို့ အတောင် ကို အသစ်ပြုပြင်ကြလိမ့်မည်။ ပြေးသော်လည်း မပင်ပန်း၊ ခရီးသွားသောအခါ မမောရကြ" (ဟေရှာ ၄၀:၃၁)။ ကြယ်များကို ရေတွက်လျက် အမည်နာမနှင့်တကွ ခေါ်တော်မူသော ကျွန်ုပ်တို့၏ ဆံပင်တစ်ချောင်းချင်းစီကိုပင် ရေတွက်သိရှိတော်မူသော ထိုအံ့သြဖွယ်တိုင်ပင်ဖက် သခင်ယေရှုနှင့် ဆွေးနွေးတိုင်ပင်ရမည့်အခွင့်အရေးအား လက်လွတ်ဆုံးရှုံးမခံဘဲ ယခုပင် ထိုသခင်ထံ တိုးဝင်ချဥ်းကပ်ကြပါစို့။
** ကမ္ဘာ့စိတ်ကျန်းမာရေးနေ့အတွက် အထူးစာမူ…
ဘုရားသခင်၏နှုတ်ကပတ်တော်တန်ခိုး
စတီဖန်သည် အလားအလာကောင်းသော လူရွှင်တော်ဖြစ်ပြီး အသုံးအဖြုန်းလည်းကြီးသည်။ သူသည် ခရစ်ယာန်မိသားစုတွင် ကြီးပြင်းခဲ့ပြီး၊ သူ့အဖေနှင့်အစ်ကို နှစ်ဦးမှာ လေယာဉ်ပျက်ကျပြီး ဆုံးပါးသွားသည့်နောက် သူ့စိတ်၌ သံသယများခိုဝင်ခဲ့သည်။ အသက် (၂၀) အစောပိုင်း၌ သူ့ယုံကြည်ခြင်း ပျက်ပြားခဲ့သည်။ သို့သော် တစ်ညတွင် အမေရိကန်နိုင်ငံ၊ ချီကာဂိုမြို့၏ အေးစက်သောလမ်းများပေါ်တွင် ယုံကြည်ခြင်းကို ပြန်လည်တွေ့ရှိခဲ့သည်။ သူစိမ်းတစ်ဦးက သူ့အား အိတ်ဆောင် ဓမ္မသစ်ကျမ်းစာအုပ်ကိုပေးခဲ့ပြီး စတီဖန်သည် စာရွက်များကို လှန်လှောကြည့်ရာ ရှင်မဿဲခရစ်ဝင် ၆:၂၇-၃၄ ကို ဖတ်ရှုသင့်ကြောင်း အညွှန်းတွင် ဖော်ပြထားသည်။
စတီဖန်သည် ထိုကျမ်းချက်ကို လှန်ဖတ်ရာ၊ နှုတ်ထွက်စကားတော်များသည် သူ၏နှလုံးသား၌ တောက်လောင်လာသည်။ “ချက်ချင်းပဲ ကျွန်တော့်မျက်နှာ လင်းလက်သွားတယ်။ အအေးထဲ လမ်းထောင့်လေးမှာ ကျွန်တော်ရပ်ပြီး အဲ့ဒီဒေသနာကိုဖတ်နေခဲ့တာ။ ကျွန်တော့်ဘဝက အရင်လို မဟုတ်တော့ဘူး။ လုံးဝပြောင်းလဲသွားတယ်”ဟု သူပြန်ပြောင်းပြောခဲ့သည်။
၎င်းသည် နှုတ်ကပတ်တော်၏တန်ခိုးပင်။ သမ္မာကျမ်းစာသည် အသက်ရှင်သည့်အတွက်…
ဘုရားထံမှခွန်အားဖြင့် မိမိကိုယ်ကိုချုပ်တည်းခြင်း
၁၉၇၂ ခုနစ်၏လေ့လာချက်အရ ‘marshmallow test’ (မုန့်ချိုဖြင့်စမ်းသပ်မှု) သည် ကလေးများ၏ အလိုဆန္ဒထိန်းချုပ်နိုင်စွမ်းကို တိုင်းတာရာ၌ အထောက်အကူဖြစ်ခဲ့သည်။ ကလေးများအား ‘မုန့်ချို’ တစ်ခုစီပေးပြီးနောက် မစားသေးဘဲ (၁၀) မိနစ်ကြာ ချုပ်တည်းထားနိုင်ပါက နောက်တစ်ခုထပ်ရမည်ဟု ပြောပြသည်။ ကလေး (၃) ပုံ (၁) ပုံသည် ပိုကြီးသည့်ဆုလာဘ်အတွက် စားချင်စိတ်ကို ထိန်းချုပ်နိုင်ခဲ့ကြသည်။ အခြား (၃) ပုံ (၁) ပုံမှာ စက္ကန့် (၃၀) အတွင်းမှာပင် ဝါးစားလိုက်သည်။
စောင့်ဆိုင်းနေရသည့်အနာဂတ်တွင် ပို၍အကျိုးကြီးမည်ကို သိသော်လည်း မိမိလိုချင်သည့်အရာနှင့် ဆွဲဆောင်ခံရပါက ကျွန်မတို့ မိမိကိုယ်ကို မနည်းထိန်းချုပ်ရသည်။ ရှင်ပေတရုသည် ကျွန်မတို့၏ယုံကြည်ခြင်း၌ ကာမဂုဏ်ချုပ်တည်းခြင်းအပါအဝင် အရေးကြီးသည့် အလေ့အကျင့်များကို ပေါင်းထည့်ရန် တိုက်တွန်းခဲ့သည် (၂ ပေ ၁:၅-၆)။ သခင်ယေရှု၌ယုံကြည်ခြင်းကို အခြေပြုလျက် ထိုယုံကြည်ခြင်း၏သက်သေအဖြစ် ကောင်းမြတ်ခြင်း၊ အသိပညာ၊ ကာမဂုဏ်ချူပ်တည်းခြင်း၊…