ဘုရားသခင်ထံ တိုးဝင်ခြင်း

Harriet Tubman (ဟဲရီယက် တာ့မန်)သည် စာမ‌ရေးတတ် မဖတ်တတ်ပါ။ ဆယ်ကျော်သက်အရွယ်တွင် ကြမ်းကြုတ်သည့် ကျွန်ပိုင်ရှင်၏လက်ချက်ကြောင့် သူမဉီးခေါင်းတွင်ဒဏ်ရာရခဲ့ပြီး၊ ထိုဒဏ်ရာကြောင့် သူမဘဝတစ်လျှောက်လုံး (ဝက်ရူးပြန်) အတက်ရောဂါရပြီး အာရုံခံစားမှုကင်းမဲ့ခဲ့ရသည်။ သို့သော် ကျွန်ဘဝမှ သူလွတ်မြောက်လာသောအခါ အခြားလူသုံးရာခန့်ကို ကယ်တင်ရန် ဘုရားသခင် သူ့ကို အသုံးပြုခဲ့သည်။

လွတ်မြောက်သူများက သူမကို ‘မောရှေ’ ဟု ချစ်စနိုးခေါ်ခဲ့ကြသည်။ သူမသည် ပြည်တွင်းစစ်မဖြစ်မီ အခြားသူများကိုကယ်ရန် တောင်ပိုင်းဒေသသို့ ရဲရင့်စွာ ၁၉ ကြိမ် ခရီးနှင်ခဲ့သည်။ သူမ၏ခေါင်းမှဒဏ်ရာနှင့် အသက်အန္တရာယ် ရှိနေချိန်၌ပင် လုပ်ရမည့်အလုပ်ကို သူဆက်လုပ်ခဲ့သည်။ သစ္စာရှိသော သခင်ယေရှုကိုယုံကြည်သူတစ်ယောက်အနေဖြင့် သူမသည် ခရီးသွားတိုင်း ဓမ္မတေးစာအုပ်နှင့် ကျမ်းစာအုပ်ကို ယူသွားပြီး သူမအလွတ်ကျက်မှတ်ရန်နှင့် ကိုးကားပြောနိုင်ရန်ကျမ်းပိုဒ်များကို အခြားသူများက ဖတ်ပြခဲ့ရသည်။ “ကျွန်မအလုပ်အတွက် အချိန်တိုင်း ဆုတောင်းတယ်။ နေရာတိုင်းမှာ ကျွန်မအမြဲတမ်း သခင်နဲ့စကား ပြောတယ်” ဟု…

ဟန်ချက်ထိန်းသော ဘုရား

‘Pirouette’ (ပီရူအက် - ခြေဖျားထောက်၍လှည့်ခြင်း)သည် ဘဲလေးကချေသည်နှင့် ဘဲလေးအခြေခံ ခေတ်ပေါ်အက ကသူများ ကနိုင်သည့် ကြော့မော့သော ပတ်ချာ လည် လှည့်ခြင်းဖြစ်သည်။ ကျွန်မကလေးဘဝက အကသင်တန်းတွင် ထိုသို့လှည့်ရခြင်းကို နှစ်သက်ခဲ့သည်။ ခေါင်းမူးပြီး မြေပေါ်လဲကျသည်အထိ ချာချာလည် လှည့်ခဲ့သည်။ အရွယ်ရောက်သည့်အခါ ကျွန်မ၏ဟန်ချက်ကို မပျက်စေဘဲ ထိန်းထားနိုင်သည့်နည်း ‘spotting’ (စပေါ့တင်း)ကို သင်ယူခဲ့သည်။ တစ်ပတ်ပြည့်သည်အထိ တစ်ခါလှည့်ပြီးတိုင်း ကျွန်မမျက်လုံးက ပြန်ရောက်ရမည့် အမှတ်တစ်ခုကို သတ်မှတ်လိုက်ခြင်းဖြစ်သည်။ လှပကြော့မော့သည့် အဆုံးသတ်နှင့်ကျွမ်းကျင်စွာ လှည့်နိုင်ရန် ကျွန်မလိုအပ်သည့်အရာမှာ အာရုံစိုက်ရမည့် အမှတ်တစ်ခုရှိခြင်းပင်ဖြစ်သည်။

ဘဝ၌ ကျွန်မတို့အားလုံး အလှည့်အပြောင်းနှင့် ရင်ဆိုင်ကြရသည်။ ပြဿနာများကို အာရုံစိုက်နေသောအခါ မိမိတွေ့ကြုံနေရသည့်အရာများ ထိန်းမနိုင်ဖြစ်ကာ ခေါင်းချာရမ်းလျက် ဆိုးဝါးသည့်အရှုံးများသို့သာ ဦးတည်သွားခဲ့သည်။ ကျွန်မတို့၏စိတ်နှလုံးများ တည်ကြည်ပါက (သို့) ဘုရားကိုသာ ဗဟိုပြုထားပါက ‘ပြီးပြည့်စုံသော ငြိမ်သက်ခြင်း’ကို ပေးမည်ဖြစ်ကြောင်း ကျမ်းစာမှသတိပေးသည်…

လေပင့်အား

လေယာဉ်တင်သင်္ဘောကို ကျွန်ုပ်တို့သွားရောက်လေ့လာခဲ့စဉ် ဂျက်တိုက်လေယာဉ်မှူးက ယခုကဲ့သို့ တိုတောင်းသည့်လမ်းကြောင်းမှ လေယာဉ်များထွက်ခွာပျံသန်းနိုင်ရန် တစ်နာရီ ၅၆ ကီလိုမီတာ လေတိုက်နှုန်းကို လိုအပ်ကြောင်းရှင်းပြခဲ့သည်။တည်ငြိမ်သည့်လေကိုရရှိရန် ကပ္ပတိန်က သင်္ဘောကို လေလာရာဘက်သို့လှည့်ပြီးမောင်းရသည်။ “လေက လေယာဉ်ရဲ့အနောက်ကနေ လာသင့်တာမဟုတ်ဘူးလား” ဟုကျွန်ုပ်မေးရာ၊ လေယာဉ်မှူးက “မဟုတ်ဘူး။ ဂျက်လေယာဉ်တွေက လေထဲကို ပျံသန်းရမယ်။ ဒါဟာ လေပင့်အားကို ရရှိနိုင်မဲ့တစ်ခုတည်းသော နည်းလမ်းပဲ”ဟု ပြန်ဖြေခဲ့သည်။

ဘုရားသခင်သည် သူ၏လူမျိုးများကို ကတိတော်ပြည်ရှိ “လေ”ထဲသို့ ခေါ်ဆောင်သွားရန် ယောရှုအား ရွေးနှုတ်ခဲ့သည်တွင် သူလိုအပ်သည့်အရာနှစ်ခုရှိသည်။ သူ့အတွင်း၌ စိတ်ဓာတ်ခိုင်မာပြီး “အားယူ၍အလွန်ရဲရင့်ခြင်းရှိ”ရန် (ယောရှု ၁:၇)နှင့် အပြင်ပန်းတွင် စိန်ခေါ်မှုများကို သူလိုအပ်ခဲ့သည်။ ထိုစိန်ခေါ်မှုတွင် နေ့စဉ် ထောင်နှင့်ချီသော ဣသရေလလူများကို ဦးဆောင်ရခြင်း၊ မြို့ရိုး အခိုင်အခံ့နှင့် မြို့များကို ရင်ဆိုင်ရခြင်း (၆:၁-၅)၊ စိတ်ဓာတ်ကျစေသည့် ရှုံးနိမ့်မှုများ (၇:၃-၅)၊ အာခန်၏ခိုးမှု (:၁၆-၂၆)နှင့် အဆက်မပြတ်သောတိုက်ပွဲများ…

ကြည့်ရှုခံရသည်

ဦးဆောင်လမ်းပြခြင်းနှင့်ပတ်သက်သည့် ဆောင်းပါးတွင် ခေါင်းဆောင်များသည် ပံ့ပိုးရန်၊ စိန်ခေါ်ရန်နှင့် လှုံ့ဆော်မှုပေးရန် လိုအပ်ကြောင်း Hannah Schell (ဟယ်နာရှဲလ်) ရှင်းပြခဲ့သည်။ သို့သော် “အဓိကအားဖြင့် ခေါင်းဆောင်ကောင်း တစ်ယောက် သည် သင့်ကိုကြည့်ပြီး မြင်ခြင်းဖြစ်သည်။ ... ဆုလာဘ်နှင့် ကျော်ကြားမှုကြောင့် အသိအမှတ်ပြုခြင်း မဟုတ်ဘဲ ရိုးရှင်းစွာ ‘အကြည့်ခံရ’ပြီး အသိအမှတ်ပြုခံရခြင်းသည် အခြေခံကျသည့် လူသားတိုင်း၏လိုအပ်ချက်ဖြစ်သည်။ “အသိအမှတ်ပြုခံရခြင်း၊ သိကျွမ်းခြင်း၊ ယုံကြည်စိတ်ချမှုခံရခြင်း”ကို လူသားများလိုအပ်ပါသည်။

ဓမ္မသစ်ကျမ်းတွင် “သက်သာစေခြင်း၏သား”ဟု အဓိပ္ပာယ်ရသည့် ဗာနဗ သည် သူ့ပတ်ဝန်းကျင်ရှိ လူများကိုကြည့်တတ်သည့် အမြင်ရှိသည်။ တမန်တော်ဝတ္ထု ၉ တွင် အခြားသောတပည့်တော်တို့ကြောက်သည့် (:၂၆) ရှောလုကို ဗာနဗက အခွင့်အရေး ပေးချင်ခဲ့သည်။ ပေါလုဟုလည်းခေါ်သည့် (၁၃:၉) ရှောလုသည် ယုံကြည်သူများကို နှိပ်စက်ညှဥ်းဆဲသည့် ရာဇဝင်ရှိခဲ့သည် (၈:၃)။ ထို့ကြောင့် ပေါလုသည် တပည့်တော်အမှန်ဖြစ်သည်ဟု သူတို့မထင်ခဲ့ပါ…

ဉာဏ်ကြွယ်သော အကြံပေးချက်

၂၀၁၉ ခုနှစ် ဧပြီလတွင် ပဲရစ်မြို့ရှိ Notre-Dame (နော်ထရီဒမ်) ဘုရားကျောင်း၏ ခေါင်မိုးမီးလောင်စဉ် သက်တမ်းရင့်သစ်သားချပ်များကို မီးကူးပြီး မီးဖိုကြီးသဖွယ် ဖြစ်ကာ ပူလွန်း၍ မီးကိုမထိန်းနိုင်ခဲ့ပါ။ ဘုရားကျောင်းကြီး၏ခေါင်မိုးချွန် ပြိုကျသွားပြီးနောက် ခေါင်းလောင်းစင်ကြီးများသို့ လူတို့အာရုံရောက်သွားသည်။ ကြီးမား သော စတီးခေါင်းလောင်းကြီး၏ သစ်သားအကာအရံများမီးလောင်ပြီး ပြိုကျသွားလျှင် တာဝါနှစ်ခုလုံးပါပြိုကာ ဘုရားကျောင်းကြီး တစ်ခုလုံးပျက်စီးသွားမည်။

ပဲရစ်မီးသတ်ဌာန၏ခေါင်းဆောင် ဗိုလ်ချုပ် Gallet (ဂါးလဒ်)သည် သူ၏ မီးသတ်သမားများကို ဘေးကင်းရာသို့ ဆွဲခေါ်ပြီး ဘာဆက်လုပ်ရမည်ကို စဉ်းစားခဲ့သည်။ မီးသတ်သမားတစ်ဦးဖြစ်သူ Remi (ရယ်မီ)က “တာဝါတွေရဲ့အပြင်ဘက်ကို မီးငြိမ်းဖို့ ဗိုလ်ချုပ်ကို လေးစားစွာနှင့် ကျွန်တော် အကြံပြုချင်ပါတယ်”ဟု သူ့ကိုပြောသည်။ မခိုင်ခံ့တော့သောအဆောက်အအုံ၏အခြေအနေကြောင့် ထိုအကြံကို ပယ်ချခဲ့သော်လည်း ရယ်မီက တတွင်တွင် ထပ်ပြောသည်။ မကြာမီ ဂါးလဒ်သည် ကိုယ့်ငယ်သားမီးသတ်သမား၏အကြံဉာဏ်ကို လက်ခံမလား။ (သို့) ဘုရားကျောင်း ကြီး ပြိုကျသည်အထိ…

တစ်လုံးတစ်ဝတည်း

သေးငယ်လှသော စိုက်ပျိုးမွေးမြူရေးအသိုင်းအဝိုင်းတွင် သတင်းပျံ့နှံ့မှုသည် လျင်မြန်လှသည်။ ဒေးဗစ်တို့မိသားစု ဆယ်စုနှစ်များစွာ ပိုင်ဆိုင်ခဲ့သည့် လယ်ခြံမြေကို ဘဏ်မှရောင်းထုတ်ခဲ့ပြီး နှစ်ပေါင်းများစွာအကြာတွင် ၎င်းခြံကို ပြန်ရောင်းမည်ဟု သူသိခဲ့ရသည်။ များစွာစွန့်လွှတ်အနစ်နာခံပြီး ချွေတာစုဆောင်းပြီးနောက် ဒေးဗစ်သည် ဒေသခံ တောင်သူနှစ်ရာနီးပါးရှိသော လူအုပ်နှင့်အတူ လေလံပွဲသို့ရောက်ရှိခဲ့သည်။ ဒေးဗစ်၏မဆိုစလောက်သော လေလံစျေးက အောင်ပါမည်လော။ သူသည် ပထမဆုံးလေလံစျေးကို ခေါ်လိုက်ပြီး လေလံတာဝန်ခံက စျေးပိုပေးမည့်သူကိုခေါ်သောအခါ သူအသက်ပြင်းပြင်းရှုမိသည်။ လူအုပ်ကြီးမှာ လေလံတူထုသံ မကြားရမချင်း ငြိမ်သက်နေသည်။ လယ်သမားများသည် သူတို့၏ငွေကြေးအကျိုးရရေးထက် ဒေးဗစ်တို့မိသားစု၏လိုအပ်ချက်ကို ဦးစားပေးခဲ့သည်။

ဤလယ်သမားများ၏ အနစ်နာခံသော ကြင်နာမှုလုပ်ရပ်သည် တမန်တော်ရှင်ပေါလုသွန်သင်သည့် ခရစ်တော်နောက်လိုက်သူများ အသက်ရှင်နေထိုင်ရမည့်နည်းလမ်းကို ပြသနေသည်။ တစ်ကိုယ်ကောင်းဆန်သော စိတ်ဆန္ဒများနှင့် မိမိကိုယ်ကို ကာကွယ်ရန် ရုန်းကန်နေမှုတို့ထက် တစ်ပါးသူ၏လိုအပ်ချက်ကို ဦးစားပေးပြီး “လောကီပုံသဏ္ဌာန် မဆောင်ကြ”ရန် (ရော ၁၂:၂) ရှင်ပေါလုက သတိပေးသည်။ ၎င်းအစား အခြားသူကို အစေခံရင်း…

ချစ်ခြင်းမေတ္တာ၏စွမ်းအား

တစ်ဦးသည် ဂျာမနီတွင်နေပြီး တစ်ဦးသည် ဒိန်းမတ်တွင်နေထိုင်သော အသက် ၈၀ ကျော်အရွယ် စုံတွဲတစ်တွဲသည် တစ်မူထူးခြားသည်။ သူတို့သည် မုဆိုးဖို/မများ မဖြစ်မီအထိ အိမ်ထောင်သက် ၆၀ ကျော်မျှကို ပျော်ရွှင်စွာဖြတ်သန်းခဲ့ကြသည်။ တစ်ဦးနှင့်တစ်ဦးသည် ၁၅ မိနစ်ခန့် အကွာအဝေးတွင်သာ နေထိုင်ကြသော်လည်း ၎င်းတို့၏အိမ်များသည် သီးခြားနိုင်ငံများတွင် ရှိနေသည်။ သူတို့နှစ်ဦး မေတ္တာ သက်ဝင်ခဲ့ကြပြီး ပုံမှန် အတူတကွ ချက်ပြုတ်စားသောက်ကာ အချိန်ကုန်ဆုံးစေလေ့ရှိသည်။ စိတ်မကောင်းစရာမှာ ၂၀၂၀ ခုနှစ်တွင် ကိုရိုနာဗိုင်းရပ်စ်ကြောင့် ဒိန်းမတ်အစိုးရသည် နယ်စပ်ဖြတ်သန်းမှုကို ကန့်သတ်ခဲ့သည်။ သို့သော်လည်း ၎င်းတို့သည် အတားအဆီးကိုမမှုဘဲ နေ့စဉ် ညနေ ၃ နာရီရောက်လျှင် နှစ်နိုင်ငံစပ်ကြားကျေးလက်မြို့လေး၏ လမ်းကျဉ်းလေးတွင် ကိုယ်စီသက်ဆိုင်သည့် နိုင်ငံဘက်တွင်ထိုင်ကာ ပျော်ပွဲစားထွက်ကြသည်။ “ငါတို့ဒီလိုနေရာမှာ ရှိနေတာ ချစ်ခြင်းမေတ္တာကြောင့်ဖြစ်တယ်”ဟု ယောက်ျားဖြစ်သူက ရှင်းပြသည်။ သူတို့နှစ်ဦး၏ချစ်ခြင်းမေတ္တာသည် နယ်နိမိတ်စည်းများထက် ခိုင်မာပြီး ကမ္ဘာ့ကပ်ရောဂါထက် အစွမ်းကြီးမားသည်။…

မေ့လျော့သွားမည်မဟုတ်

ဆန်းသစ်၍ သမိုင်းဝင်ဖြစ်ခဲ့သော သာသနာပြုသူများအကြောင်း စဉ်းစားသည့်အခါ George Liele (ဂျော့လိုင်လီ) (၁၇၅၀-၁၈၂၀)ကို သတိမရကြပါ။ သူ့ကို မမေ့သင့်ပါ။ လိုင်လီသည် ကျွန်မိသားစုတွင်မွေးဖွားလာပြီး ဂျော်ဂျီယာပြည်နယ်၌ ခရစ်တော်ကို သိကျွမ်းခဲ့သည်။ အမေရိကန်တော်လှန်ရေး စစ်ပွဲကြီးမတိုင်မီတွင် သူသည် ကျွန်ဘဝမှ လွတ်မြောက်ခဲ့သည်။ ဂျမေးကားနိုင်ငံသို့ သခင်ယေရှု၏သတင်းကောင်းကို ဆောင်ယူခဲ့ပြီး စိုက်ခင်းတွင် လုပ်ကိုင်နေသောကျွန်များကြားတွင် အမှုတော်ဆောင်ခဲ့သည်။ ဂျော်ဂျီယာပြည်နယ်၊ ဆဗဲန်နာမြို့တွင် အာဖရိကန်-အမေရိကန် အသင်းတော် နှစ်ခုကို စတင်တည်ထောင်သူ သင်းအုပ်ဆရာဖြစ်ခဲ့သည်။ အသင်းတော်တစ်ခုမှာ “လူမည်းနှစ်ခြင်းခရစ်ယာန်များ၏ မိခင်အသင်းတော်”အဖြစ် သတ်မှတ်ခံခဲ့ရသည်။

ကောင်းကင်နိုင်ငံအတွက် ထူးခြားပြောင်မြောက်သော အသက်တာဖြင့် လိုင်လီပေးဆပ်အမှုဆောင်ခဲ့ခြင်းကို အချို့သူများ မေ့သွားသော်လည်း ဘုရားသခင်က ဘယ်သောအခါမျှ မမေ့ပါ။ သင်ပြုသောအမှုကိုလည်း ဘုရားရှင်မမေ့ပါ။ ဟေဗြဲဩဝါဒစာတွင် “သင်တို့သည် သန့်ရှင်းသူတို့ကို အထက်က လုပ်ကျွေးသည်သာမက၊ ယခုပင် လုပ်ကျွေးခြင်းအမှုကိုလည်းကောင်း၊ ထိုသို့ပြုသောအားဖြင့် နာမတော်ကိုထောက်၍ ပြသောမေတ္တာကိုလည်းကောင်း၊ ဘုရားသခင်သည်…

ယုံကြည်ခြင်းဖြင့် အသက်ရှင်ခြင်း

ဂယ်ရီသည် လမ်းလျှောက်စဥ် ဟန်ချက် မထိန်းနိုင်သည့်ပြဿနာရှိနေသည့်အတွက် ဟန်ချက်ထိန်းညှိနိုင်မှုကောင်းလာစေရန် ရုပ်ပိုင်းဆိုင်ရာကုထုံးဖြင့် ကုသရန် ဆရာဝန်က မှာကြားခဲ့သည်။ ကုသမှုခံယူစဥ် ကုထုံးဆရာက “ခင်ဗျားက ခင်ဗျားမြင်နေတဲ့အရာက မှားနေရင်တောင် အဲ့မြင်နေရတာကိုပဲ အရမ်းယုံကြည်နေတယ်။ ခင်ဗျားခန္ဓာကိုယ်မှာဖွဲ့စည်းထားတဲ့ အခြားစနစ်တွေဖြစ်တဲ့ ခြေဖဝါးအောက်ဘက်က အာရုံခံစားမှုနဲ့ နားအတွင်းပိုင်းကအချက်ပြမှုတွေပေါ်မှာ မှီခိုမှုအားနည်းနေတယ်။ အဲ့အရာတွေကလည်း ဟန်ချက်ထိန်းညှိနိုင်ဖို့ ထောက်ပံ့ပေးတယ်” ဟု သူ့ကို ပြောသည်။

“မိမိမြင်ရသည့်အရာကိုပင် အရမ်းယုံကြည်သည်” ဆိုသောအချက်ကြောင့် ဂေါလျက်နှင့် သိုးကျောင်းသားလေးဒါဝိဒ်၏ ရင်ဆိုင်ပွဲအကြောင်းကို သတိရမိသည်။ ဖိလိတ္တိလူ ဂေါလျက်သည် “အရက်လေးဆယ်ပတ်လုံး၊ နံနက်တစ်ခါ၊ ညဦးတစ်ခါ ချဉ်းကပ်၍ ကိုယ်ကိုပြ”ပြီး (၁ ရာ ၁၇:၁၆) သူနှင့်ရင်ဆိုင်တိုက်ခိုက်မည့်သူကိုစေလွှတ်ရန် မခံချင်အောင် ခနဲ့ပြောဆိုသည်။ သို့သော် လူများသည် ၎င်းတို့ ကြောက်အောင် လုပ်သည့်အရာကိုသာ အလိုအလျောက် အာရုံစိုက်မိသည်။ ထို့နောက် ဒါဝိဒ်လေးသည် ဖခင်စေခိုင်းသည့်အတိုင်း အစ်ကိုများအတွက် ရိက္ခာလာပို့သည်…

အဘ၏အသံတော်

မကြာမီက ကျွန်တော့်သူငယ်ချင်း၏ဖခင် ဆုံးပါးသွားခဲ့သည်။ သူ့ဖခင်နေမကောင်းဖြစ်နေစဉ်တွင် အခြေအနေမှာ လျင်မြန်စွာဆုတ်ယုတ်ခဲ့ပြီး ရက်အနည်းငယ်အတွင်းမှာပင် ဤလောကမှ ထွက်ခွာသွားသည်။ သူငယ်ချင်းနှင့် သူ၏ဖခင်တို့နှစ်ဦးကြားတွင် ခိုင်မြဲသောဆက်ဆံရေး အစဉ်ရှိခဲ့သော်လည်း မေးရမည့် မေးခွန်းများ၊ ရှာရမည့်အဖြေများ၊ ဆွေးနွေးတိုင်ပင်ရဦးမည့်အရာများ ကျန်ရှိနေဆဲဖြစ်သည်။ မပြောဖြစ်ခဲ့သောစကားများ ရှိနေဆဲမှာပင် သူ့ဖခင်ကွယ်လွန်သွားခဲ့သည်။ ကျွန်တော့်သူငယ်ချင်းသည် ကျွမ်းကျင်သော အကြံပေးပုဂ္ဂိုလ်တစ်ဦးဖြစ်သည့်အလျောက် သူသည် ပူဆွေးသောကရောက်မှု၏ အနိမ့်အမြင့် အတက်အကျကို နားလည်ပြီး၊ အခြားသူများ၏ ခက်ခဲရှုပ်ပွေသောပြဿနာများမှ ထွက်ပေါက်လမ်းကြောင်းကို ကူညီရှာဖွေပေးနိုင်သူဖြစ်သည်။ သို့ဖြစ်စေကာမူ “တစ်ချို့နေ့တွေမှာ အဖေငါ့ကို ချစ်တယ်ဆိုတဲ့ စိတ်ချမှုကိုပေးနေတဲ့ အဖေ့ရဲ့အသံကိုကြားရဖို့ အရမ်းလိုအပ်တယ်။ အဲ့တာ ငါ့အတွက် ဘာနဲ့မှမလဲနိုင်တဲ့တန်ဖိုးကြီးမားတဲ့အရာပဲ” ဟု သူက ကျွန်တော့်ကို ပြောပါသည်။

သခင်ယေရှု လောကတွင် ထမ်းဆောင်ခဲ့သော သာသနာလုပ်ငန်းအစပိုင်း၏ အရေးပါသောဖြစ်စဉ်တစ်ခုမှာ ယောဟန်၏လက်၌ ဗတ္တိဇံခံခြင်းဖြစ်သည်။ ယောဟန်သည် ငြင်းဆိုရန်ကြိုးစားခဲ့သော်လည်း ယေရှုက ၎င်းသည် ဆောင်ရွက်ရန်လိုအပ်သောအမှုဖြစ်သည်။ သို့မှသာ…