စစ်မှန်သောအစေခံ

ဘီစီ ၂၇ အချိန်ကာလ၊ ရောမအုပ်ချုပ်သူ အော့တေးဗီယန်သည် အထက်လွှတ်တော်တွင် သူ၏အခွင့်အာဏာကို စွန့်လွှတ်ခဲ့သည်။ သူသည် ပြည်တွင်းစစ်ကို နှိမ်နင်းအောင်မြင်ခဲ့ပြီး ထိုဒေသဝန်းကျင်ကို အုပ်စိုးသူဖြစ်လာကာ ဧကရာဇ်မင်းကဲ့သို့ ပြုမူခဲ့သည်။ သို့သော် ထိုအာဏာသည် တရားမဝင်ကြောင်း သူသိသည်။ ထို့ကြောင့် လွှတ်တော်တွင် သူသည်အာဏာကိုစွန့်ပြီး တရားဝင်ရွေးချယ်ခန့်အပ်မှုကိုသာ လက်ခံပါမည်ဟု ကျမ်းသစ္စာဆိုခဲ့သည်။ လွှတ်တော်က မည်သို့တုံ့ပြန်သနည်း။ သူ့အား ပြည်နယ်ဂုဏ်ဆောင် သရဖူကိုအပ်နှင်းပြီး ‘ရောမပြည်သူတို့၏ အစေခံ’ ဟူသောဘွဲ့ကို ချီးမြှင့်အသိအမှတ်ပြုခဲ့သည်။ ထို့ပြင် ‘သြဂတ်စတပ် - ကြီးမြတ်သူ’ ဟူသောဘွဲ့ကိုလည်း အပ်နှင်းချီးမြှင့်ခဲ့သည်။

ရှင်ပေါလုက သခင်ယေရှုသည် သူ၏အ‌သရေကိုစွန့်ပြီး အစေခံကျွန်၏သဏ္ဍာန်ကိုဆောင်ခဲ့သည်ဟု ရေးသားခဲ့သည်။ သြဂတ်စတပ် လည်း ထိုကဲ့သို့ပင်လုပ်ခဲ့သည်ဟုထင်ရသည်။ သို့မဟုတ် သူတကယ်လုပ်ခဲ့ပါသလား။ သြဂတ်စတပ်သည် သူ့အခွင့်အာဏာကို စွန့်လွှတ်လိုက်သကဲ့သို့ လုပ်ဆောင်ခဲ့သည်။ သို့သော် သူ့အကျိုးအတွက် ထိုသို့ပြုခဲ့ခြင်းဖြစ်သည်။ သခင်ယေရှုသည် “လက်ဝါးကပ်တိုင်မှာ အသေခံခြင်းတိုင်အောင်…

ဘုရားသခင်၏လမ်းပြမှု

တစ်ခါက စုံတွဲတစ်တွဲ၏ဘဏ်အကောင့်ထဲသို့ ဒေါ်လာ ၁၂၀၀၀၀ မတော်တဆ လွှဲပြောင်းဝင်လာရာ သူတို့ဈေး၀ယ်ထွက်ကြသည်။ ပေးဆောင်ရမည့်အခွန်အခများ ကို ပေးချေပြီးနောက် ဘက်စုံသုံးယာဉ်တစ်စီး၊ ရွေ့လျားအိမ်ကားနှင့် ထရပ်ကားနှစ်စီးဝယ်ခဲ့သည်။ ငွေလွှဲမှားကြောင်းကို သိရှိပြီးနောက် ဘဏ်မှ ငွေပြန်ပေးခိုင်းသောအခါ ထိုလင်မယားမှာ ငွေများကို အကုန်သုံးပစ်ခဲ့ပြီဖြစ်သည်။ သို့နှင့် ငွေအလွဲသုံးစားမှုဖြင့် တရားစွဲခံခဲ့ရပြီး တရားရုံးတွင် ယောက်ျားဖြစ်သူက “ကျွန်‌တော်တို့က လွဲမှားတဲ့ ဥပဒေဆိုင်ရာအကြံပေးချက်အချို့ကို ယူခဲ့မိတယ်” ဟု သတင်းထောက်ကို ပြော ကြားခဲ့သည်။ မကောင်းသည့် အကြံဉာဏ်ကိုယူမိခြင်းနှင့် မိမိဥစ္စာမဟုတ်ဘဲ သုံးစွဲမိခြင်းသည် သူတို့၏ဘဝကို ဆိုးဝါးစွာ ထိခိုက်စေနိုင်ကြောင်း သင်ခန်းစာရခဲ့သည်။

ထို့‌ကြောင့် ဆာလံဆရာက ကျွန်ုပ်တို့ဘဝရှုပ်ထွေးပွေလီမှုကို ရှောင်ရှားနိုင် အောင် အမြော်အမြင်ရှိသောအကြံကို ပေးခဲ့သည်။ တရားတော်၌ မွေ့လျော်ပြီး မင်္ဂလာရှိသူတို့သည် ဘုရားမသိသူတို့၏အကြံဉာဏ်ပေးချက်ကို မလိုက်ဟု ရေးသားခဲ့သည်(ဆာ ၁:၁)။ ပညာမဲ့သော၊ ဘုရားအလိုမရှိသော အကြံပေးချက် များသည် မမြင်ရသောအန္တရာယ်နှင့်…

တစ်သင်းတစ်ဖွဲ့တည်း

ဖီလာဒဲဖီးယားလင်းယုန် လက်ပစ်ဘောအဖွဲ့၏တိုက်စစ်မှူး ကာဆင်ဝက်ဇ် သည် ဒဏ်ရာအပြင်းအထန်ရပြီး ကုသမှုခံယူပြီးနောက် ကွင်းထဲသို့ပြန်လာချိန်တွင် အရန်တိုက်စစ်မှူး နစ်ဖိုးစ် က အသာတကြည် အရန်ခုံတန်းလျား၌ ထိုင်ခဲ့သည်။ တူညီသည့်ရာထူးနေရာအတွက် ပြိုင်ဆိုင်နေရသော်လည်း သူတို့သည် တစ်ဉီးကိုတစ်ဉီး ထောက်ပံ့ရန် ရွေးချယ်ခဲ့ပြီး မိမိကျရာကဏ္ဍတွင် ယုံကြည်ချက်အပြည့်ရှိခဲ့သည်။ “ဤအားကစားသမားနှစ်ဉီးသည် ခရစ်တော်၌ယံုကြည်ခြင်းတွင် အခြေတည်သည့် ထူးခြားသောပတ်သက်ဆက်နွယ်မှုရှိပြီး ၎င်းကို တစ်ဉီးနှင့်တစ်ဉီး အပြန်အလှန် ဆုတောင်းပေးခြင်းဖြင့် ပြသနေသည်” ဟု သတင်းသမားတစ်ဉီးက ပြောကြား ခဲ့သည်။ သူတို့သည် လင်းယုန်အဖွဲ့၏တိုက်စစ်မှူးများဖြစ်ယုံမက သခင်ယေရှုကို ကိုယ်စားပြုနေသည့် ယံုကြည်သူများဖြစ်ပြီး အသင်းတစ်သင်းတည်း၏ အသင်းသားများဖြစ်သည်ကို သတိရလျက် ဘုရားဘုန်းထင်ရှားစေခဲ့သည်။

တမန်တော်ရှင်ပေါလုက ယံုကြည်သူတို့အား သခင်ယေရှု ပြန်ကြွလာခြင်းကိုစောင့်နေသော “အလင်း၏သားများ”ကဲ့သို့ အသက်ရှင်ရန် သတိပေးထားသည် (၁ သက် ၅:၅-၆)။ ခရစ်တော်ပေးသော ကယ်တင်ခြင်း၌ ကျွန်ုပ်တို့၏မျှော်လင့်ခြင်း အတွက် စိတ်ချမှုရှိပြီးဖြစ်၍ သဝန်တိုမှု၊ မလုံမလဲဖြစ်မှု၊…

နှလုံးကြေကွဲကျိုးပဲ့သူ၏ဆုတောင်း

“ကောင်းကင်ဘုံ၌ ရှိတော်မူသောအဘဘုရား၊ ကျွန်ုပ်သည် ဆုတောင်းတတ်သူ မဟုတ်ပါ။ သို့သော် ကိုယ်တော်ရှိပြီး ကျွန်ုပ်အသံကိုကြားလျှင် ကျွန်ုပ်ကို လမ်းပြတော်မူပါ။ ကျွန်ုပ်ဘာမှ မလုပ်တတ်တော့ပါ။” ၎င်းသည် (ဝမ်းမြောက်ဖွယ်ကောင်းသော ဘဝတစ်ခု)“Its a Wonderful Life” ရုပ်ရှင်မှ မင်းသား ဂျင်မီစတီးဝပ်သရုပ်ဆောင်သည့် ဇာတ်ကောင်ဂျော့ဘေလီ၏ ဆုတောင်း ချက် ဖြစ်သည်။ ဘေလီ၏မျက်လုံး၌ မျက်ရည်များပြည့်နေသည့် ဇာတ်၀င်ခန်း မှာ ကျော်ကြားလှသည်။ ဇာတ်ညွှန်း၌ ထိုအခန်းမပါသော်လည်း ထိုဆုတောင်းကို ရေရွတ်ရင်း “ဘယ်မှာမှ အားကိုးရာရှာမတွေ့တဲ့လူတွေရဲ့ အထီးကျန် ဆန်မှုနဲ့ မျှော်လင့်ချက်မဲ့မှုတွေကို စိတ်မှာခံစားလိုက်ရတယ်” ဟု စတီးဝပ်က ပြောသည်။ ထိုအရာက သူ့စိတ်နှလုံးကို ကြေကွဲစေခဲ့သည်။

ဘေလီ၏ဆုတောင်းကို အနှစ်ချုပ်ပြောရလျှင် ရိုးရိုးလေးပါ။ “ကျွန်ုပ်ကို မစပါ” ဟူ၍ဖြစ်သည်။ ၎င်းသည် ဆာလံ ၁၀၉ ၌ ပါရှိသည့်အချက် အတိအကျပင် ဖြစ်သည်။ ဒါဝိဒ်သည်…

အန်တီဘက်တီ၏လမ်းစဉ်

ကျွန်တော်ငယ်စဥ်က ကျွန်တော့်ချစ်အဒေါ် အန်တီဘက်တီ အိမ်လာလည်တိုင်း ခရစ္စမတ် ရောက်နေသကဲ့သို့ပင် ဖြစ်သည်။ အဒေါ်က စတားဝါးအရုပ်များ ယူလာပေးပြီး ပြန်ခါနီး မုန့်ဖိုးပေးသွားလေ့ရှိသည်။ သူမ၏အိမ်မှာသွားနေတိုင်း ရေခဲသေတ္တာ၌ ရေခဲမုန့်အပြည့်ထည့်ထားပြီး ဟင်းသီးဟင်းရွက် ဘယ်တော့မှ မချက်ကျွေးပါ။ စည်းကမ်းသိပ်မတင်းကြပ်ဘဲ ကျွန်တော် ညဥ့်နက်မှအိပ်လည်း ရ သည်။ သူမသည် ဘုရားသခင်၏စေတနာစိတ်နှင့်ရက်ရောမှုကို ထင်ဟပ်ပြသူ ဖြစ် သည်။ သို့သော် ကြံ့ခိုင်ကျန်းမာစွာကြီးပြင်းလာနိုင်ရန် အဒေါ်၏လမ်းစဉ်ထက်မက၊ ကျွန်တော်နှင့် ကျွန်တော့်အပြုအမူအပေါ် မိဘများထားရှိသည့် မျှော်လင့်ချက် လို သည်။ ထိုမျှော်လင့်ချက် ပြည့်ဝလာရန် ထိန်းကျောင်းပဲ့ပြင်မှုကိုလည်း လိုအပ်သည်။

သို့သော် ကျွန်တော့်အပေါ် ဘုရားရှင်၏တောင်းဆိုမှုက အန်တီဘက်တီထက် ပိုများသည်။ ကျွန်ုပ်တို့ ငြင်းပယ်လျှင် (သို့) ကိုယ်တော့်ထံမှ ထွက်ပြေးလျှင်ပင် ဘယ်တော့မှမလျော့သည့် ကိုယ်တော်၏ အဆံုးမဲ့ချစ်ခြင်းဖြင့် လွှမ်းမိုးထားစဥ်မှာပင် ကျွန်ုပ်တို့ထံမှ တစ်စံုတစ်ခုကို သူမျှော်မှန်းခဲ့သည်။ ဘုရားရှင်သည် ဣသရေလလူ…

ခရစ္စမတ် တစ်ပတ်ရစ် စျေးရောင်းပွဲ

မိခင်တစ်ဉီးသည် မိသားစုအတွက် ခရစ်စမတ်လက်ဆောင်ဝယ်ယူရင်း ငွေပို သံုးမိပြီဟုခံစားရသည်။ ထို့ကြောင့် တစ်နှစ်တွင် အပြောင်းအလဲလုပ်ကြည့်ရန် ဆံုးဖြတ်ခဲ့သည်။ သို့နှင့် ခရစ်စမတ်မရောက်မီလများတွင် စျေးမများသော တစ်ပတ်ရစ်ပစ္စည်း စျေးရောင်းပွဲတွင် စျေးဝယ်ခဲ့သည်။ ပံုမှန်ထက် သူပိုဝယ်ခဲ့သည်။ သို့သော် အကုန်အကျသက်သာသည်။ ခရစ္စမတ်မတိုင်မီညတွင် သားသမီးများသည် စိတ်လှုပ်ရှားစွာနှင့် လက်ဆောင်တစ်ခုပြီးတစ်ခု ဖွင့်ကြည့်ကြသည်။ ခရစ္စမတ်နေ့တွင်လည်း လက်ဆောင်များ ရပြန်သည်။ မိခင်က လက်ဆောင်အသစ် ဝယ်မပေးနိုင်ခြင်းကြောင့် စိတ်မကောင်းဖြစ်ပြီး ခရစ္စမတ်နေ့အတွက်ပါ လက်ဆောင်များ ပိုဝယ်ထားခြင်းဖြစ်သည်။ ကလေး များက လက်ဆောင်များကိုဖောက်ရင်း ချက်ခြင်းဆိုသလို ‘အမေက လက်ဆောင်တွေ အများကြီးပေးတယ်။ လက်ဆောင်ထုတ်တွေ မဖောက်နိုင် တော့ဘူး’ ဟု ညည်းကြသည်။ ၎င်းသည် ခရစ္စမတ်မနက်ခင်းတွင် ကလေး များ၏တုံ့ပြန်နေကျ သာမန်တုံ့ပြန်မှုတစ်ခု မဟုတ်ပါ။

ဘုရားသခင်သည် ကျွန်ုပ်တို့ကို များစွာသော ကောင်းချီးများပေးသော်လည်း ကျွန်ုပ်တို့က ပိုကြီးသောအိမ်၊ ပိုကောင်းသောကားရရန်၊ ဘဏ်စာရင်း၌…

မဆုတ်မနစ်သောမေတ္တာ

ဟေးဒီ နှင့် ဂျက်(ဖ်)တို့သည် ပူအိုက်သောရာသီဥတုရှိသော နိုင်ငံရပ်ခြားတွင် အလုပ်တာဝန်ပြီး၍ မိသားစုရှိရာ ဇာတိ အမေရိကနိုင်ငံ၊ မီချီဂန် ပြည်နယ်သို့ ပြန်လာအခြေချချိန်တွင် ဆောင်းဝင်စအချိန်ဖြစ်သည်။ ၎င်း၏ ကလေး ၁၀ ယောက်အဖို့ နှင်း၏သဘာဝအလှကို ပထမဆံုးမြင်ဖူးခြင်း ဖြစ်ကောင်းဖြစ်လိမ့်မည်။

သို့သော် မီချီဂန်၏ဆောင်းရာသီတွင် ကုတ်အင်္ကျီ၊ လက်အိတ်၊ ဘွတ်ဖိနပ် စသည့် နွေးထွေးသောအဝတ်အထည်များ ဝတ်ဆင်ရန် လိုအပ်သည်။ အိမ်သားများသောမိသားစုအဖို့ အအေးပြင်းထန်သောဆောင်းကို အံတုရန်အတွက် လိုအပ်သောအဝတ်အစားများ ဝယ်ယူရန် ကုန်ကျစရိတ်များပေမည်။ သို့သော် ဘုရားရှင်ထောက်ပံ့ပေးခဲ့သည်။ ပထမဆုံး အိမ်နီးချင်းတစ်ဦးက ဖိနပ်၊ ဘောင်းဘီ၊ ဉီးထုပ်နှင့် လက်အိတ်များ တစ်ခုပြီးတစ်ခု ယူလာပေးသည်။ ထိုနောက် မိတ်ဆွေတစ်ဦးက ဘုရားကျောင်းမှလူများအား မိသားစုဝင် ၁၂ ဉီး လံုးအတွက် အနွေးထည်နှင့် အခြားအသံုးအဆောင်များကို ဆိုဒ် ၁၂ မျိုးနှင့် ကောက်ခံစုဆောင်းပေးရန် တိုက်တွန်းသည်။ ဆောင်းဝင်၍…

ဆုတောင်းပေးရသောအခွင့်

“ဖေဖေဆုမတောင်းတော့ပါ” ဟူသည့်သီချင်းသည် အနုပညာရှင် ခရစ် စတယ် ပယ်တန် အတွက် အလွန်လေးနက်သောသီချင်းဖြစ်သည်။ ထိုသီချင်းသည် သူ့ဖခင်က သူ့အတွက် ဆုတောင်းသည့်အကြောင်းကို အခြေပြု၍ ဖြစ်လာသည်။ ဤလေးနက်သောသီချင်းစာသားများက ဖခင်၏ဆုတောင်း အဆုံးသတ်သွားခြင်းကို ဖော်ပြသည်။ စိတ်ပျက်ခြင်း၊ ပင်ပန်းနွမ်းလျခြင်းကြောင့် မဟုတ်ဘဲ ဖခင် ကွယ်လွန်သွားခြင်းကြောင့် ဖြစ်သည်။ စတယ်ပယ်တန်က ယခုတွင် ဖခင်သည် ဆုတောင်းခြင်းဖြင့် သခင်ယေရှုကို စကားပြောနေမည့်အစား သခင်ယေရှုနှင့် မျက်နှာချင်းဆိုင်တွေ့လျက် လမ်းလျှောက်ရင်း စကားပြောနေမည်ဟု တွေးမိသည်။

သူ့အတွက် ဖခင်ဆုတောင်းပေးခြင်းကို ပြန်လည်မှတ်မိခြင်းက သားအတွက် ဆုတောင်းပေးခဲ့သည့် ကျမ်းစာထဲမှဖခင်တစ်ဦးကိုသတိရမိသည်။ ဒါဝိဒ်မင်းကြီး၏ဘဝမီးစာကုန်မည့်အချိန်နီးလာစဉ် ဣသရေလတို့၏ရှင်ဘုရင်အဖြစ် လွှဲပြောင်း တာဝန်ယူမည့် သူ့သားရှောလမုန်အတွက် ကြိုတင်ပြင်ဆင်မှုများကို ပြုလုပ်ခဲ့သည်။

ရှောလမုန်ကို ဘိသိတ်ပေးရန် ဣသရေလမင်းအကြီးအကဲအရာရှိတို့ကို စုရုံးဆင့်ခေါ်ပြီးနောက် လူအပေါင်းတို့ရှေ့တွင် ဒါဝိဒ်သည် ယခင်က သူအကြိမ်ကြိမ်ပြုခဲ့ဖူးသည့်အတိုင်း ဦးဆောင်ဆုတောင်းခဲ့သည်။ ၎င်းတို့အပေါ် ဘုရားသခင်ပြုခဲ့သော ကျေးဇူးများကို…

ခရစ္စမတ်၏အတူရှိနေခြင်း

ဆရာ ဖိလစ်ဘရွတ်(Phillips Brook)၏လူကြိုက်များသော “ဗက်လင်မြို့ငယ်ကျူး” ဓမ္မသီချင်းမှ “ကြွလာတော်မူခြင်းကို မည်သူမျှမကြား၊ သို့သော် အပြစ်ရှိသောလောကမှ နူးညံ့သောစိတ်ဝိညာဉ်များ ထိုသူကို လက်ခံလိမ့်မည်။ ချစ်လှစွာသော ခရစ်တော်ရှင် ဝင်ရောက်မူလေ” ဟူသည့် စာသားများသည် ခရစ္စမတ်၏ အနှစ်သာရကို ဖော်ညွှန်းနေသည်။ ကျွန်ုပ်တို့ကိုအပြစ်မှကယ်တင်ရန် ခရစ်တော်သည် ပျက်စီးသောလောကကမ္ဘာသို့ ကြွလာပြီး သူ့ကို ယုံကြည်သူများအား အသစ်သော၊ အရေးပါသော ဘုရားသခင်နှင့် ဆက်ဆံရေးကို ပေးရန်လာခဲ့သည်။

အထက်ပါဓမ္မသီချင်းကိုရေးပြီး ဆယ်စုနှစ်ခန့်အကြာတွင် သူ၏မိတ်ဆွေ တစ်ဦးထံရေးသောစာတွင် ဘရွတ်က သူ့အသက်တာ၌ခံစားရသည့်ထိုဆက်ဆံရေး၏အကျိုးရလဒ်ကို ရှင်းလင်းစွာဖော်ပြထားသည်။ "ဒီဆက်ဆံရေးက ကျွန်တော့် အတွက် ဘယ်လောက်ရှင်သန်လဲဆိုတာ ပြောမပြတတ်အောင်ပါပဲ၊ သခင်က ကျွန်တော်နဲ့ အတူရှိတယ်။ သူ ကျွန်တော့်ကိုသိသလို ကျွန်တော်ကလည်း သူ့ကိုသိတယ်။ ဒါကို စကားနဲ့ပြောပြလို့မရဘူး။ သူရဲ့အတူရှိခြင်းက ဒီကမ္ဘာမှာ အစစ်မှန်ဆံုး အရာပဲ။ စစ်မှန်တယ်ဆိုတာ နေ့စဥ်အသက်ရှင်မှုမှာလည်း တိုး၍ သေချာစွာ…

အတူရှိခြင်း

ကစားကွင်းပန်းခြံဝန်ထမ်း ဂျန်းတစ်ယောက် ရပ်(ဖ်) ငို၍မြေပေါ်ထိုင်ချလိုက်သည်ကိုမြင်သောအခါ ကူညီပေးရန် သူအပြေးလေးသွားလိုက်သည်။ ရပ်(ဖ်)သည် အော်တစ်ဇင်(အထီးကျန်စိတ်ဝေဒနာ) ရောဂါခံစားနေရသောကလေ ဖြစ်ပြီး သူစီးရန် တစ်နေ့လံုး စောင့်နေသော စီးယာဉ်တစ်ခုမှာ စက်ချို့ယွင်းသွား သဖြင့် သူမစီးလိုက်ရသောကြောင့် ထိုင်ငိုနေတော့သည်။ ဂျန်းသည် ရပ်(ဖ်)ရှိရာနေရာသို့ ချက်ခြင်းပြေးသွားကာ ထခိုင်းမည့်အစား၊ ချော့မည့်အစား ရပ်(ဖ်)နှင့်အတူ မြေကြီးပေါ်ထိုင်ချပြီး ရပ်(ဖ်)အား သူ၏ခံစားချက်အတိုင်း ငိုစေခဲ့သည်။

ဂျန်း၏အပြုအမူသည် ကျွန်ုပ်တို့ဝန်းကျင်၌ရှိသော ပူဆွေးသောကရောက်လျက် ခံစားနေရသူများကို အားပေးရန် သင့်တော်လှပသော သာဓကတစ်ခု ဖြစ်သည်။ သမ္မာကျမ်းစာတွင် ယောဘ၏ဆံုးရှုံးမှုဖြစ်သော သိုး၊ နွား၊ စီးပွားရေးနှင့် ကျန်းမာရေးထိခိုက်မှု၊ သားသမီး ၁၀ ဉီး တစ်ပြိုင်နက် သေဆံုးမှုကြောင့် ယောဘ၏ဝမ်းနည်းပူဆွေးမှုအကြောင်း ဖော်ပြထားသည်။ ယောဘ၏မိတ်ဆွေတို့သည် ယောဘ၏သတင်းကို ကြားသိလျှင် “ယောဘနှင့်အတူ ညည်းတွား၍၊ သူ့ကို နှစ်သိမ့်စေခြင်းငှာ၊ စည်းဝေးမည့်ချိန်းချက်သည်အတိုင်း၊ အသီးသီး မိမိတို့ နေရာအရပ်မှ…