ရိတ်သိမ်းချိန်တိုင် သစ္စာတည်

အမျိုးသမီးတစ်ဉီးသည် ပြည်သူ့ဉယျာဉ်အတွင်း ပွဲတစ်ခုကို စီစဉ်ကျင်းပလျက် အိမ်နီးချင်းမှကလေးများအား လာရောက်ပါဝင်ရန် ဖိတ်ခေါ်သည်။ သူ့ယုံကြည်ခြင်း ကို အိမ်နီးချင်းများနှင့်ဝေငှရန်အခွင့်အရေးအတွက် သူအလွန် စိတ်လှုပ်ရှားခဲ့သည်။

စာရွက်စာတမ်း ကူဝေပေးရန်၊ ဂိမ်းများ၊ အစားအသောက်များ ပြင်ဆင်ရန် သူ့မြေး ၃ ဉီးနှင့် အထက်တန်းကျောင်းသား ၂ ဉီးတို့ကိုလည်း စည်းရုံးခေါ်ထားသည်။ ကလေးများကို ကပြတင်ဆက်ရန် သခင်ယေရှုအကြောင်းဇာတ်လမ်းကို ပြင်ဆင် ထားသည်။ ထို့နောက် ကလေးများစုရုံးရောက်ရှိလာမည့်အချိန်ကို စောင့်နေခဲ့သည်။

ပထမနေ့တွင် ကလေးတစ်ဉီးမျှပေါ်မလာ၊ ဒုတိယနှင့်တတိယနေ့၌လည်း ထူးမခြားနားပါ။ သို့သော် မြေးများနှင့် ကူညီသူများနှင့်အတူ ပြင်ဆင်ထား သည့် အစီအစဉ်အတိုင်း သူတို့တင်ဆက်သည်။

စတုတ္ထနေ့တွင် ပျော်ပွဲစားထွက်လာသည့် မိသားစုတစ်စုကို သူသတိပြုမိပြီး ကလေးများကို ဂိမ်းဆော့ရန် ဖိတ်ခေါ်ခဲ့သည်။ ကလေးမလေးတစ်ဉီးရောက်လာပြီး ပေော်ရွှင်စွာ ကစားသည်။ စားသောက်သည်။ သခင်ယေရှုအကြောင်းကို နားထောင်သည်။ ၎င်းသည် ယခုမစ၍ နောင်နှစ်ပေါင်းများစွာထိတိုင် သူမအတွက်…

အမှောင်ထဲမှ အလင်းတစ်ကွက်

ကျွန်မတို့ဇနီးမောင်နှံသည် ဝိုင်ယိုးမင်းတောင်ပေါ်ရှိ ထောင့်တစ်နေရာကို လေ့လာ စူးစမ်းကြစဉ် ဆူးပင်ပေါက်၊ ရှားစောင်း စသည်တို့သာ ပေါက်ရောက်သည့် ကျောက်ပေါသည့် ခြောက်သွေ့မြေတွင် နေကြာပင်တစ်ပင်ကို တွေ့လိုက်ရသည်။ အိမ်တွင်းအလှစိုက်နေကြာလောက် အပင်မမြင့်သော်လည်း တောက်ပစွာ ပွင့်လန်းနေသဖြင့် ကြည့်ရင်း ကျွန်မအားရနှစ်သက်မိပါသည်။

ခြောက်သွေ့ကြမ်းတမ်းသောမြေ၌ မြင်ရသည့် မျှော်လင့်မထားသည့် အရောင် ​တောက်တောက်လေးက ဘဝအသက်တာဟူသည် သခင်ယေရှုကိုယုံကြည်သူ များ၏ အသက်တာပင်လျှင် ခြောက်သွေ့လျက် လန်းဆန်းမှုမရှိသကဲ့သို့ပုံပေါ်နေကြောင်း သတိပေးလာသည်။ ဒုက္ခအခက်အခဲများက ဆာလံဆရာဒါဝိဒ် ဟစ်အော်သကဲ့သို့ပင် ကျွန်မတို့၏ဆုတောင်းသံများကို မည်သူမျှမကြား၊ ဂရုမစိုက် သည့်ပုံပေါ်နေသည်။ “အိုထာဝရဘုရား၊ နားတော်ကိုလှည့်၍ အကျွန်ုပ်စကားကို နားထောင်တော်မူပါ။ အကျွန်ုပ်သည် ဆင်းရဲငတ်မွတ်ပါ၏” (ဆာ ၈၆:၁)။ သူ့နည်းတူ ကျွန်မတို့လည်း ဝမ်းမြောက်ခြင်းကို တောင့်တမိပါသည်(:၄)။

သို့သော် ကျေးဇူးပြုတတ်သော၊ ကရုဏာနှင့်သစ္စာကြွယ်ဝသောဘုရား (:၁၅)၊ သူ့ထံပတ္ထနာပြုသူအပေါင်းတို့အပေါ် ကရုဏာကြွယ်ဝလျက် (:၅)၊ ထူးတော်မူသော ဘုရား(:၇) ကို…

ဘုရားသခင်နှင့်အတူ အလုပ်လုပ်ခြင်း

၁၉၆၂ ခုနှစ်နှစ် မက္ကဆီကိုသို့ အလည်သွားရောက်ခဲ့စဉ်က ဘီလ်အက်ရှ် သည် မိဘမဲ့ဂေဟာတစ်ခုတွင် လက်ဖြင့်ရေတင်ရသည့် လေရဟတ်တစ်ခုကို ကူညီ ပြင်ပေးခဲ့သည်။ ၁၅ နှစ် ကြာပြီးနောက် သန့်စင်သောရေလိုအပ်နေသော ကျေးရွာ များကို ကူညီပံ့ပိုးခြင်းအားဖြင့် ဘုရားသခင်အားအစေခံလိုသည့် လေးနက်သည့်ဆန္ဒ၏လှုံ့ဆော်မှုကြောင့် ဘီလ် သည် အကျိုးအမြတ် မကြည့်သည့်အဖွဲ့အစည်း တစ်ခုကို တည်ထောင်ခဲ့သည်။ “ဆင်းရဲတဲ့ ကျေးလက်ဒေသများသို့ သန့်ရှင်းသည့် သောက်သုံးရေများ ယူဆောင်ပေးလိုသူများကို ရှာဖွေရင်း ကျွန်တော်ရဲ့ ‘အချိန် အတော်များများကို အကျိုးရှိရှိအသုံးပြု’ဖို့ ဘုရားသခင် ကျွန်‌တော့်ကို နှိုးဆော်ခဲ့တယ်” ဟုသူဆိုသည်။ နောက်ပိုင်းတွင် နိုင်ငံပေါင်း ၁၀၀ ကျော်မှ ထောင်ပေါင်းများစွာသော သင်းအုပ်ဆရာနှင့် ဧဝံဂေလိလုပ်ဆောင်သူများ၏ တောင်းဆိုလာမှုများအားဖြင့် သန့်ရှင်းသည့်သောက်သုံးရေလိုနေသော ကမ္ဘာလုံးဆိုင်ရာလိုအပ်မှုကို သိပြီး ထို အမှုတော်လုပ်ငန်း၌ပူးပေါင်းပါဝင်ရန် အခြားသူများအား ဘီလ် ဖိတ်ခေါ်ခဲ့သည်။

ဘုရားသခင်နှင့်လည်းကောင်း၊ အခြားသူများနှင့်လည်းကောင်း ကျွန်ုပ်တို့ အတူလက်တွဲပြီး…

ကိုးစားလျက်ယုံကြည်ခြင်းသာ

ကလေးအယောက် ၃၀၀ သည် ဝတ်စုံပြည့်နှင့် မနက်စာစားရန်ထိုင်ပြီး အစားအစာ အတွက် ကျေးဇူးချီးမွမ်းဆုတောင်းကြသည်။ သို့သော် မည်သည့်အစာမျှ မရှိပါ။ ဤအခြေအနေမျိုးက မိဘမဲ့ဂေဟာ၏ညွှန်ကြားရေးမှူးနှင့်သာသနာပြုဆရာဂျော့ရှ် မူးလယ် (၁၈၀၅-၁၈၉၈)အတွက် အဆန်းမဟုတ်ပါ။ ယခုလည်း ဘုရားရှင် မည်သို့ ပံ့ပိုးပေးမည်ကို မြင်တွေ့ရမည့် အခွင့်အရေးနောက်တစ်ခု ဖြစ်သည်။ ဆုတောင်းပြီး မိနစ်ပိုင်းအတွင်းတွင် ညကအိမ်မပျော်နိုင်ဖြစ်ခဲ့သည့် မုန့်ဖုတ်သမား က တံခါးဝသို့ ရောက်ရှိလာသည်။ မိဘမဲ့ဂေဟာ၌ ပေါင်မုန့်များလိုမည်ဟုခံစားရပြီး တစ်ပုံကြီး မုန့်ဖုတ်ခဲ့သည်။ မကြာပါ။ နို့ပို့သမားရောက်လာပြန်သည်။ သူ့နို့လှည်းက ဂေဟာရှေ့တွင်ပျက်သွား၍ နို့များအလဟဿမဖြစ်အောင် ဆရာကြီးမူးလယ်ကို သူပေးခဲ့သည်။

စားဝတ်နေရေး၊ ကျန်းမာရေး၊ ငွေရေးကြေးရေး၊ မိတ်ဆွေအပေါင်းအသင်း စသည့် ဘဝဖူလုံ‌ရေးအတွက် လိုအပ်သည့်အရင်းအမြစ်များ မရှိသည့်အချိန်၌ ပူပင်သောက၊ စိုးရိမ်ကြောင့်ကြမှု၊ မိမိကိုယ်ကိုသနားသည့်စိတ် စသည်တို့ကို ခံစားရခြင်းမှာ ပုံမှန်ဖြစ်ပါသည်။ ဘုရားသခင်၏ကူညီမစမှုသည် မျှော်လင့်မထား သည့် အရင်းအမြစ်မှရောက်လာနိုင်ကြောင်း ဆင်းရဲသည့်မုဆိုးမအကြောင်းက…

ပြိုင်ဘက်လား၊ မဟာမိတ်လား

တက္ကဆက်နှင့် အာကန်ဆာပြည်နယ်ကြား နယ်နိမိတ်တွင် တက်ဇာကန်နာမြို့က လေးထောင့်ကျကျတည်ရှိသည်။ မြို့နေလူထု ၇၀,၀၀၀ ရှိသည့်မြို့လေးတွင် မြို့တော်ဝန် နှစ်ဦး၊ မြို့အုပ်ချုပ်ရေးအဖွဲ့ နှစ်ဖွဲ့၊ ရဲတပ်ဖွဲ့နှင့် မီးသတ်တပ်ဖွဲ့ နှစ်ဖွဲ့စီ ရှိသည်။ မြို့တွင်းအထက်တန်းကျောင်းများ အားကစားယှဉ်ပြိုင်မှု၌ ထူးကဲစွာ ကိုယ့်ကျောင်းကိုယ်လာအားပေးသူဦးရေ မြင့်မားခြင်းက မိမိတို့၏ပြည်နယ် ကျောင်းအပေါ်ထားသော လေးနက်သည့်သစ္စာခံခြင်းကို ထင်ဟပ်ပြခြင်းဖြစ်၏။ ရေဝေစနစ်အပေါ်အငြင်းပွားခြင်း၊ ပြည်နယ်ဥပဒေနှစ်မျိုးနှင့်အုပ်ချုပ်ခြင်းကဲ့သို့ သော သိသာထင်ရှားသည့်စိန်ခေါ်မှုများလည်းရှိသည်။ မြို့ကိုနှစ်ပိုင်းခြားထားသည့် နယ်ခြားမျဉ်း ရှိသော်လည်း မြို့၏စည်းလုံးညီညွတ်မှုက ထင်ရှားသည်။ မြို့နေပြည်သူ လူထု၏ တစ်လုံးတစ်ဝတည်းဖြစ်မှုကို ဆင်နွှဲရန် State Line Avenue ၌ ကျင်းပ သည့် ညစာစားပွဲသို့ နှစ်စဉ်စုရုံးလာပြီး အစားအသောက်များ ဝေမျှစားသုံးကြသည်။

ကောရိန္သုရှိယုံကြည်သူများသည် ပိုင်းခြားမျဉ်းမဆွဲထားသော်လည်း သူတို့ အကြား စိတ်ဝမ်းကွဲနေသည်။ သူတို့ကို ရှင်ယေရှုအကြောင်းသင်ကြားပေးသည့် ပေါလု၊ အာပေါလုနှင့် ကေဖ (ပေတရု)တို့အပေါ် အသီးသီးသစ္စာတည်ကြသည်။…

မီးဖြင့် စစ်ကြောသန့်စင်သည်

၂၄ ကာရက်ရွှေသည် ၁၀၀% နီးပါး သန့်စင်သည့်ရွှေစင်ဖြစ်သည်။ သို့သော် ထိုရာခိုင်နှုန်းထိ ရခဲသည်။ ရွှေချက်သူများသည် ရွှေသန့်စင်သည့်နည်းလမ်းနှစ်ခု အနက် တစ်ခုကိုအသုံးများသည်။ Miller သန့်စင်နည်းမှာ ဈေးအသက်သာဆုံးနှင့် အမြန်ဆုံးဖြစ်သော်လည်း ရလဒ်မှာ ရွှေကို ၉၉.၉၅% ခန့်သာ သန့်စင်ပေးနိုင်သည်။ Wohlwill သန့်စင်နည်းမှာ အချိန်အနည်းငယ်ပိုကြာပြီး ငွေပိုကုန်သော်လည်း ရွှေကို ၉၉.၉၉% အထိ သန့်စင်ပေးသည်။

ကျမ်းစာခေတ်အချိန်အခါက ရွှေချက်သူများသည် ရွှေသန့်စင်ရန်အတွက် မီးကို အသုံးပြုကြသည်။ မီးအပူ‌ကြောင့် အပေါ်ယံမျက်နှာပြင်သို့ အညစ်အကြေး များ တက်လာသဖြင့် အလွယ်တကူ ဖယ်ရှားပစ်နိုင်သည်။ အာရှမိုင်းနား တစ်လျှောက် (တူရကီမြောက်ပိုင်း)ရှိ ရှင်ယေရှုကို ယုံကြည်သူများထံရေးသော ပထမစာ၌ တမန်တော်ရှင်ပေတရုက ယုံကြည်သူ၏အသက်တာ၌ ကြုံရသည့် စစ်ကြောမှုကို ရွှေသန့်စင်ခြင်းလုပ်ငန်းစဉ်နှင့် ဥပမာတင်စားခဲ့သည်။ ထိုအချိန်က ယုံကြည်သူများစွာတို့သည် ခရစ်တော်ကိုယုံကြည်ခြင်းကြောင့် ရောမတို့၏ ညှဉ်းပန်း နှိပ်စက်မှုကို ခံနေရကြသည်။…

အရွယ်ရောက်ပြီ

ကျွန်မ၏မြေးလေးသည် ရိုလာကိုစတာစီးရန် တန်းစီရသည့်နေရာသို့ပြေးသွားပြီး ရိုလာကိုစတာစီးရန် အရွယ်ရောက်မရောက်၊ အရပ်တိုင်းရန် အမှတ်အသား ပြထားသည့်နံရံတွင်ကျောကပ်ပြီးရပ်လိုက်သည်။ သူ့ခေါင်းက အမှတ်အသား ကို ကျော်သည့်အတွက် မြူးတူးစွာ အော်လိုက်သည်။

ဘဝ၏ကိစ္စအများစုသည် အရွယ်ရောက်ခြင်းနှင့်ပတ်သက်သည် မဟုတ်ပါ လား။ ကလေးထိုင်ခုံ၌စီးရသည့်အရွယ်၊ ကားခါးပတ်ပတ်စီးရသည့်အရွယ်၊ ကားနောက်ခန်းမှရှေ့ခန်းသို့ ပြောင်းစီးသည့်အရွယ်၊ ယာဥ်မောင်းလိုင်စင် ဖြေသည့်အရွယ်၊ မဲပေးသည့်အရွယ်၊ အိမ်ထောင်ပြုနိုင်သည့်အရွယ် စသည်ဖြင့် ကျွန်မတို့သည် မြေးလေးကဲ့သို့ပင်၊ ကြီးပြင်းအရွယ်ရောက်လာရန် မျှော်လင့်တောင့်တလျက် အချိန်များကုန်လွန်သည်။

ဓမ္မသစ်ခေတ်ကာလက လူမှုအဖွဲ့အစည်းတွင် ကလေးများကို ချစ်သော်လည်း သူတို့ကို သိပ်တန်ဖိုးမထားကြပါ။ “အသက်ပြည့်”မှသာ အိမ်ကို အကူအညီပေးနိုင် ပြီး အရွယ်ရောက်သူများ၏အခွင့်အရာနှင့် ရဟူဒီ ဘုရားကျောင်းထဲသို့ဝင်ရောက် နိုင်သည်။ ရှင်ယေရှုသည် ဆင်းရဲနွမ်းပါးသူများ၊ ရောဂါသည်များ၊ ကလေးသူငယ် များကိုပင် လှိုက်လှဲစွာလက်ခံကြိုဆိုခြင်းအားဖြင့် သူ့ခေတ်အချိန်အခါ၏စံနှုန်းများကို ချိုးဖျက်ခဲ့သည်။ ကလေးသူငယ်များအပေါ်လက်တင်ဆုတောင်းပေးရန် မိဘများ က သူတို့ကလေးငယ်များကို ရှင်ယေရှုထံခေါ်ဆောင်လာကြောင်း ခရစ်ဝင်ကျမ်း…

ချစ်မေတ္တာသို့ချဥ်းနင်းတိုးဝင်

နိုရာသည် အရွယ်သေးကွေးသော်လည်း အရပ် ၆ ပေမြင့်ပြီး ရန်လိုသောအမျိုးသမီး ဘရစ်ဂျစ်၏ စိန်းစိန်းဝါးဝါးအကြည့်က သူ့ကို မတုန်လှုပ်စေပါ။ ဤကိုယ်ဝန်ဆောင် ကုသရေးစင်တာသို့ ဘာ့ကြောင့်ရောက်လာသည်ကိုပင် ဘရစ်ဂျစ်မပြောနိုင်။ “ဤ...ကလေးကို ဖျက်ချပစ်မည်”ဟု သူစိတ်ပိုင်းဖြတ်ထားသည်။ ထို့ကြောင့် နိုရာ က သူ့ကို ညင်သာစွာမေးခွန်းများမေးသော်လည်း ဘရစ်ဂျစ်က လေးစားမှုမရှိဘဲ ရိုင်းရိုင်းစိုင်းစိုင်း တဖျစ်တောက်တောက်နှင့် စကားလွဲပစ်သည်။ မကြာမီမှာပင် ဘရစ်ဂျစ် ပြန်ရန်ပြင်လိုက်ပြီး ပြောင်ပြောင်တင်းတင်းပင် သူ့ကိုယ်ဝန်ကို ဖျက်ချရန် စိတ်ပိုင်းဖြတ်ထားကြောင်းပြောသည်။

ဘရစ်ဂျစ်နှင့် တံခါးကြားမှ သူ့ကိုယ်သေးသေးလေး လျှိုထွက်လာပြီး “ရှင် မပြန်ခင် ကျွန်မ ရှင့်ကိုဖက်ပြီး ဆုတောင်းပေးပါရစေ”ဟု နိုရာက ပြောလိုက်သည်။ ယခင်က စိတ်ကောင်းနှလုံးကောင်းနှင့် မည်သူမျှ ဘရစ်ဂျစ်ကို တစ်ခါမှ မထွေးပွေ့ ကြဖူးပါ။ ရုတ်တရက် မမျှော်လင့်ဘဲ ဘရစ်ဂျစ် မျက်ရည်များကျလာသည်။

ဣသရေလလူမျိုးတော်ကို “ထာဝရမေတ္တာ”နှင့်ချစ်သည့် ဘုရားသခင်၏ နှလုံးသားကို…

မျှော်လင့်ခြင်းအဖူးပွင့်များ

ဖီလာဒဲဖီးယားမြို့၌ ပေါင်းပင်များထူထဲစွာပေါက်ရောက်နေသော မြေလွတ်မြေရိုင်းကို ရှင်းလင်းပြီး လှပသောပန်းပင်၊ သစ်ပင်မျိုးစုံဖြင့် ပြောင်းလဲလိုက်သောအခါ ထို ဝန်းကျင်၌နေထိုင်သူများ၏ စိတ်ကျန်းမာရေးလည်း တိုးတက် ကောင်းမွန်လာသည်။ အထူးသဖြင့် စီးပွားရေးနှင့်ရုန်းကန်နေရသူများအတွက် အကျိုးဖြစ်ထွန်းခဲ့သည်။

“စိမ်းလန်းစိုပြေသောနေရာများသည် စိတ်ကျန်းမာရေးအတွက် အကျိုးရှိကြောင်း သက်သေပြနိုင်သည့် အထောက်အထားများ များပြားလာသည်။ ဆင်းရဲ နွမ်းပါးသည့်နေရာတွင်နေထိုင်သူများအတွက် ၎င်းသည် အထူးအရေးကြီးသည်”ဟု ဒေါက်တာ ယူဂျင်းနီးယား စောသ် က ပြောကြားသည်။ သူသည် ပင်ဆယ် ဗေးနီးယား တက္ကသိုလ်၊ ဖယ်ရယ်မန်း ဆေးကျောင်း၏ တက္ကသိုလ်ဆရာများ အသင်းဝင်ဖြစ်ပြီး ဤဘာသာရပ်နှင့် စပ်လျဥ်း၍ သုတေသနပြုချက်များကို ရေးသားသူ တွဲဖက်စာရေးဆရာ ဖြစ်သည်။

ဖိနှိပ်ခံဣသရေလနှင့်ယုဒလူများသည် ပရောဖက်ဟေရှာယ၏ရူပါရုံမှ မျှော်လင့်ခြင်းကို ရှာတွေ့ခဲ့သည်။ ဘုရားသခင်သည် သူတို့ကို ပြန်လည်ပြုပြင် တည်စေလျက် တင့်တယ်လှပစေပြီတကား။ ဟေရှာယကြိုတင်ဟောထားသည့် ကြမ္မာဆိုးနှင့်တရားစီရင်ခြင်းများ အလယ်တွင် “တောနှင့်လွင်ပြင်သည် ဝမ်းမြောက် လိမ့်မည်။ ဆိတ်ညံသောအရပ်သည်လည်းရွှင်လန်း၍…

ကြီးမြတ်သောအလုပ်

တံခါးဂျက်မကျအောင် တိပ်နှင့်ကပ်ထားသည်ကို လုံခြုံရေးဝန်ထမ်းက စစ်ဆေးတွေ့ရှိ၍ ယင်းတိပ်ကို ဖယ်ရှားခဲ့သည်။ နောက်ပိုင်း တံခါးကို သူထပ်မံစစ်ဆေးသည့်အခါ တိပ်ကပ်ထားသည်ကိုတွေ့ရပြန်သည်။ သူက ရဲကို ခေါ်လိုက်၍ ရဲများရောက်လာပြီး ဖောက်ထွင်းသမား (၅) ဦးကို ဖမ်းမိခဲ့သည်။

အမေရိကန်နိုင်ငံ၏အဓိကနိုင်ငံရေးပါတီဋ္ဌာနချုပ်၊ ဝါရှင်တန်ဒီစီ ဝါတာဂိတ် အဆောက်အဦတွင် အလုပ်လုပ်သည့် လုံခြုံရေးဝန်ထမ်းလူငယ်သည် သူ့အလုပ်ကို ရိုးရှင်းစွာ အလေးအနက်ထားပြီး ကောင်းမွန်စွာလုပ်ခြင်းကြောင့် သူ့ဘဝတွင် အကြီးမားဆုံးသော သိက္ခာမဲ့စေမည့်နိုင်ငံရေးအမှုကို ဖော်ထုတ်နိုင်ခဲ့သည်။

နေဟမိသည် သူအလွန်အလေးထားသည့် ယေရုရှလင်မြို့ရိုးတည်ဆောက်ခြင်းကို အစပြုခဲ့သည်။ စီမံကိန်းပြီးခါနီးတွင် အနီးဝန်းကျင်မှရန်သူများက ရွာတစ်ရွာ ၌ သူတို့နှင့် လာတွေ့ဆုံရန် သူ့ကိုမှာလိုက်သည်။ အယောင်ဆောင်ချစ်ကြည်ရေး၏ နောက်၌ မမြင်ရသောထောင်ချောက်ရှိသည် (နေ ၆:၁-၂)။ သို့သော် နေဟမိ၏ တုံ့ပြန်ချက်က သူ၏ခံယူချက်လေးနက်မှုကို ဖော်ပြနေသည်။ “ငါသည် ကြီးသော အမှုကို ဆောင်ရွက်ရသောကြောင့် မဆင်းမလာနိုင်။ ထိုအမှုကို မဆောင်ရွက်ဘဲ…