နက်နဲစွာအမြစ်တွယ်နေသောယုံကြည်ခြင်း
နယူးဂျာစီ ပြည်နယ်ရှိ Basking Ridge ပရက်ဘီတေးရီးယန်းအသင်းတော်နှင့်ကပ်လျက် ဝက်သစ်ချပင်သည် ဖယ်ရှားခြင်းမခံရမီအချိန်ထိ နှစ်ပေါင်း ၆၀၀ ကျော် သက်တမ်းရှိခဲ့သည်။ ၎င်း၏ကြီးထွားမှုအကောင်းဆုံးအချိန်က လိမ်နေသော အကိုင်းအခက်များသည် မြင့်မားကျယ်ပြန့်စွာဖြန့်ကျက်ခဲ့သည်။ စိမ်းစိုသော သစ်ရွက်များနှင့် ဝက်သစ်ချသီးများကို လေပြေအေးက တိုက်ခတ်ဆော့ကစားစဥ် နေထိုးသောအခါ သစ်ကိုင်းသစ်ရွက်များ ကြားများမှ ဖြာထွက်လာသည့်အရိပ်က မြေပြင်၌ ယိမ်းထိုးလှုပ်ရှားနေသည်။ သို့သော် ၎င်း၏စစ်မှန်သောခမ်းနားမှု၊၎င်း၏အမြစ်ဖွဲ့စည်းပုံက မြေကြီးအောက်တွင်တည်ရှိသည်။ ဝက်သစ်ချပင်၏ အဓိကပင်မ အမြစ်သည် မြေကြီးထဲသို့ဒေါင်လိုက်တိုးဝင်ကြီးထွားပြီး အာဟာရများ ထောက်ပံ့ ပေးသည်။ ထိုပင်မအမြစ်မှအမြစ်များစွာသည် အလျားလိုက်ပြန့်ပြီး အပင်အတွက် တစ်သက်တာအစိုဓာတ်နှင့်အာဟာရများကို ဖြည့်ဆည်း ပေးသည်။ အနုစိပ်သော အမြစ်အဖွဲ့အစည်းသည် တစ်ခါတစ်ရံ အပင်ထက်ပင် ကြီးမားပြီး ပင်စည် ခိုင်ခံ့မှုအတွက် အသက်သွေးကြောနှင့် ကျောက်ဆူးသဖွယ် ပံ့ပိုးပေးသည်။
ကြီးမားသောဝက်သစ်ချပင်ကဲ့သို့ အသက်တာကို ကြီးထွားစေသောအရာ အများစုသည် မျက်နှာပြင်၏အောက်ဘက်တွင် ဖြစ်ပေါ်သည်။ တပည့်တော်များအား မျိုးကြဲသူပုံဥပမာကို…
အကြွေးချေဖျက်ပေးသူ
၂၀၁၉ ခုနှစ် ဂျော်ဂျီယာ ပြည်နယ် အက်တလန်တာ ဒေသရှိ မိုးဟောက်စ် ကောလိပ်၏ ဘွဲ့နှင်းသဘင် အခမ်းအနားတွင် ဧည့်ပရိသတ်ကြီး၏တုံ့ပြန်မှုကို ဖော်ပြရလျှင် “အံ့သြမှင်သက်ခြင်း” ဆိုသည့်စကားလံုးက လုံလောက်ပါသည်။ အခမ်းအနားမှူးက သူနှင့်သူ့မိသားစုသည် ဘွဲ့ရကျောင်းသားအားလုံး၏အကြွေးကို ချေပေးရန် ဒေါ်လာ သန်းပေါင်းများစွာကို လှူဒါန်းမည်ဖြစ်ကြောင်း ကြေညာ ခဲ့သည်။ သူတို့၏ပျော်ရွှင်မှုကို မျက်ရည်ကျလျက် အော်ဟစ်ဖော်ပြကြသည့် ဝမ်းသာကြည်နူးနေသော ဘွဲ့ရများတွင် ချေးငွေဒေါ်လာ ၁ သိန်း ရှိသော ကျောင်းသားတစ်ဉီးလည်းပါသည်။
ကျွန်ုပ်တို့အများစုသည် အိမ်အတွက်၊ ကား၊ ပညာရေး၊ ကျန်းမာရေးစရိတ် (သို့) အခြားသောအရာများအတွက် ပေးရန်ရှိသည့် အမျိုးမျိုးသော အကြွေးများကို ကြုံဖူး ကြပါသည်။ ထို့ပြင် ပြေစာတွင် “ရှင်းပြီး”ဟုရိုက်နှိပ်ထားပါက ထူးခြားသည့် သက်သာမှုမျိုးကို ကျွန်ုပ်တို့ခံစားရသည်။
ရှင်ယောဟန်သည် သခင်ယေရှုကို “သစ္စာစောင့်သောသက်သေခံ၊ သေခြင်းမှ ပထမဉီးဆုံးထမြောက်သောသူနှင့် လောကီဘုရင်တို့၏ အထွတ်”ဟု ကြွေးကြော်…
မိမိကိုယ်ကို လျှော့တွက်ခြင်း
လူငယ်တစ်ဦးသည် သူ၏အသင်းတွင် ခေါင်းဆောင်ဖြစ်လာသည်။ ကျွမ်းကျင်အားကစားသမားများအဖွဲ့ကို လူပျိုဖြစ်ခါစ မွန်ရည်သော သူငယ်တစ်ယောက်က ဉီးဆောင်ခဲ့သည်။ သူ၏ပထမဆံုး သတင်းစာရှင်းလင်းပွဲက အားရကျေနပ်စရာ မရှိခဲ့ပါ။ သူသည် အသင်းသားများနှင့် နည်းပြတို့၏သဘောအတိုင်းဆောင်ရွက်ပြီး သူ့အလုပ်ကိုသာ ကြိုးစားပြီးလုပ်ဆောင်ကြောင်း တိုးတိုးလေး ရေရွတ်ပြောဆို ခဲ့သည်။ ထိုအားကစားရာသီတွင် အသင်း၏စွမ်းဆောင်ရည်ကျဆင်းခဲ့ပြီးနောက် ရာသီအကုန်တွင် ဉီးဆောင်သူလူငယ်ကို ပြောင်းရွှေ့ခဲ့သည်။ သူက ဉီးဆောင်နိုင်စွမ်း ရှိသောကြောင့် သူ့ကိုယံုကြည်အပ်နှင်းခဲ့ခြင်းကို သူနားမလည်ခဲ့ပါ။ သို့မဟုတ် သူ့ကိုယ်သူ လုပ်နိုင်မည်ဟု စိုးစင်းမျှ မယံုကြည်ခဲ့ခြင်း ဖြစ်ကောင်းဖြစ်မည်။
ရှောလုသည် သူ၏ကျရှုံးမှုများကြောင့် သူ့ကိုယ်သူ ငယ်သောသူအဖြစ်သာ မြင်သည်(၁ ရာ ၁၅:၁၇)။ အရပ်အမောင်းမြင့်မားသူကထိုသို့ပြောနေခြင်းသည် ဟာသတစ်ခုသာဖြစ်သည်။ သူသည် "အခြားသူထက် ပခံုးအထက်မှာ အရပ်သာ၍ မြင့်သူ"ဖြစ်သည် (၉:၂)။ သည့်တိုင် သူ့ကိုယ်သူ ထိုကဲ့သို့မမြင်ခဲ့ပါ။ ၁ ရာ ၁၅ တွင် သူ၏လုပ်ရပ်က လူများ၏ထောက်ခံမှုကိုရရန်သူကြိုးစားခဲ့ခြင်းကို…
ထာဝရတည်မြဲသောအမြင်
သူ၏သားသမီးနှင့်မြေးများအတွက် ကျွန်မမိတ်ဆွေမက်ဒလင်း၏ဆုတောင်းချက်မှာ “ထာဝရအမြင်”ရှိကြရန်ဖြစ်သည်။ သူမ၏မိသားစုသည် အလွန်ပင် ခက်ခဲ သည့်အချိန်ကို ဖြတ်သန်းခဲ့ရပြီး သူမ၏သမီးသေဆံုးခြင်းနှင့် အဆံုးသတ်ခဲ့သည်။ ဆိုးရွားလှသည့် ဤဆံုးရှုံးမှုကြောင့် မိသားစုဝင်များပူဆွေးနေသဖြင့် မက်ဒလင်းက လောကနာကျင်မှုများ၏လောင်မြှိုက်မှုကြောင့် သူတို့၏မျက်တောင်တစ်ဆုံးသာ မြင်သည့်အမြင် တစ်စစလျော့ပါးသွားရန် မျှော်လင့်မိသည်။ ချစ်တော်မူသော ဘုရားသခင်၌ မျှော်လင့်ခြင်းအပြည့်ဖြင့် ရေရှည်အမြင်ရှိရန်ကို သူလိုလားသည်။
ရှင်ပေါလုနှင့်သူ၏လုပ်ဖော်ဆောင်ဖက်များသည် သူတို့ကို အရှက်ရအောင် လုပ်သည့် ယံုကြည်သူများနှင့် နှိပ်စက်ညှဉ်းပန်းသူတို့၏လက်၌ ဒုက္ခဝေဒနာကြီးစွာ ခံစားခဲ့ရသည်။ သို့သော် သူတို့၏အမြင်ကို ထာဝရအရာ၌သာ ခိုင်ခံ့တည်စေသည်။ “မျက်မှောက်၌ ထင်ရှားသောအရာတို့သည် ခဏသာတည်၍၊ မထင်ရှားသော အရာတို့သည် အစဉ်အမြဲတည်ကြောင်းကို ငါတို့သည်ထောက်၍ ထင်ရှားသောအရာတို့ကို မကြည့်မမှတ်ဘဲ မထင်ရှားသောအရာတို့ကို ကြည့်မှတ်သည်” ဟု ရှင်ပေါလုက ရဲဝံ့စွာ သိမှတ်ဝန်ခံသည် (၂ ကော ၄:၁၈)။
ဘုရားသခင်၏အမှုတော်ကို သူတို့ဆောင်ရွက်နေသော်လည်း လက်တွေ့တွင် “အောက်သို့လှဲခြင်း”၊ “ညှဉ်းပန်းခြင်း”၊ “မကြံစည်နိုင်အောင်ဖြစ်ခြင်း၊”…
ထိုင်ခုံအမှတ် ၂-ဒီ မှလူ
ကယ်လ်စေးသည် သူမ၏ (၁၁)လ အရွယ်သမီးလေး လူစီနှင့် လူစီ၏ အောက်စီဂျင်စက်ကို ပွေ့ချီလျက် လေယာဉ်လျှောက်လမ်းကျဉ်းကျဉ်းလေး၌ လျှောက်လာသည်။ လူစီ၏ နာတာရှည်အဆုတ်ရောဂါကို သွားကုရန်ဖြစ်သည်။ သူ့နေရာထိုင်ခုံတွင် ထိုင်ပြီးရုံ ရှိသေးချိန်တွင် လေယာဉ်မယ်တစ်ဉီးက ကယ်လ်စေး အား အထူးတန်းမှခရီးသည်တစ်ဉီးက သူမနှင့် ထိုင်ခံုနေရာလဲချင်ကြောင်း ပြောသည်။ ကျေးဇူးတင်စွာဖြင့် မျက်ရည်ကျလျက် ကယ်လ်စေးသည် ပိုပြီးကျယ်ဝန်းသောထိုင်ခုံသို့ လျှောက်လမ်းအတိုင်း အရှေ့သို့ပြန်လျှောက်လာစဥ် အကြင်နာတရားရှိသော လူစိမ်းလည်း သူမထိုင်ခံုသို့ လျှောက်သွားတော့သည်။
ရှင်ပေါလုမှတိမောသေကိုအားပေးသောစာ၌ ပါရှိသည့် ရက်ရောခြင်း အကြောင်းကို ကယ်လ်စေး၏ကျေးဇူးရှင်လူစိမ်းမှ သရုပ်ဖော်ပြနေသည်။ တိမောသေအား သူကြည့်ရှုပြုစုနေသူများကို “သူတစ်ပါးအားကျေးဇူးပြုရန်၊ ကောင်း သောအကျင့်၌ ကြွယ်ဝပြည့်စံုရန်၊ စွန့်ကြဲချင်သော စေတနာစိတ်ရှိရန်” (၁ တိ ၆:၁၈)၊ စသည်တို့ကို သွန်သင်လမ်းညွှန်ရန် ရှင်ပေါလုမှပြောကြားသည်။ လောကစည်းစိမ်ကြွယ်ဝမှုကြောင့် မောက်မာထောင်လွှားလာပြီး စည်းစိမ်ကို မျှော်လင့်ကိုးစားရန် သွေးဆောင်ခံရနိုင်ကြောင်း၊ ထိုသို့ဖြစ်မည့်အစား ထိုင်ခံုအမှတ်…
ဘုရားရှိသလား
ကင်ဆာရောဂါဖြင့် လီလာ၏နောက်ဆုံးအချိန်ရောက်နေပါပြီ။ သူ့ခင်ပွန်း တိမောသေ က ချစ်မေတ္တာရှင်ဘုရားသခင်သည် သူ့ဇနီးကို အဘယ်ကြောင့် ဝေဒနာ ခံစားရစေသနည်းဟု နားမလည်နိုင်ဖြစ်ရသည်။ လီလာသည် လူများစွာတို့အား သစ္စာရှိစွာ သမ္မာကျမ်းစာသင်ကြားပို့ချပေးပြီး ဝိညာဉ်ရေးကို လမ်းပြတည့်မတ်ပေး ခဲ့သည်။ “ဘုရားသခင်၊ ဘာလို့ဒီလိုဖြစ်ခွင့်ပေးတာလဲ”ဟု သူငိုကြွေးခဲ့သည်။ သို့သော် တိမောသေသည် ဘုရားသခင်နှင့် သစ္စာမပျက် ဆက်လက်လျှောက်လှမ်းခဲ့သည်။
“ဒါဆို ဘုရားသခင်ကို ဘာလို့ ဆက်ယုံကြည်နေသေးလဲ၊ ဘုရားသခင်ကို ကျောခိုင်းမသွားအောင် ဘယ်အရာက တားဆီးနေလဲ” ဟု ကျွန်ုပ်ပွင့်ပွင့်လင်းလင်း မေးလိုက်သည်။
“ခုအဖြစ်အပျက် မတိုင်ခင်က အဖြစ်အပျက်တွေကြောင့်ပေါ့”ဟု သူ ဖြေသည်။ ဘုရားသခင်ကို မမြင်ရသော်လည်း သူ့အား ဘုရားသခင်မစခြင်း၊ ကွယ်ကာစောင့်ထိန်းခြင်းများကို သူပြန်ပြောင်းသတိရသည်။ ဤအရာများက သူ့မိသားစုကို ဘုရားသခင်စောင်မပို့ဆောင်နေသည့် လက္ခဏာသက်သေပင် ဖြစ်သည်။ “ကျွန်တော်ယုံကြည်တဲ့ဘုရားက သူ့နည်းလမ်း၊ သူအလိုတော်အတိုင်း လုပ်ဆောင်လာမယ်ဆိုတာ ကျွန်တော် သိတယ်” ဟု…
ပြည့်စုံသော ဘဝအသက်တာ
၁၇ ရာစု ဒဿနိကပညာရှင် သောမတ်ဟိုဘီစ်၏ လူ့ဘဝနှင့် ပတ်သက်သည့် ထင်ရှားသော စကားရှိသည်။ “လူ့ဘဝသည် သူ့သဘာဝကိုက အထီးကျန်သည်၊ ဆင်းရဲသည်၊ ရုန်းရင်းကြမ်းတမ်းသည်၊ ရိုင်းစိုင်းသည်။ တိုတောင်းသည်” ဟု သူ ရေးသားခဲ့သည်။ လူ၏ပင်ကိုယ်ဗီဇစရိုက်သဘောသည် ရုန်းကန်ပြိုင်ဆိုင်ခြင်း သဘော၊ တစ်ပါးသူအပေါ် လွှမ်းမိုးအောင်နိုင်လိုသည့်သဘောသို့ ယိမ်းပါနေ သည်။ ထို့ကြောင့် တရားဉပဒေစိုးမိုးရေးအတွက် အစိုးရအဖွဲ့ကို ဖွဲ့စည်း တည်ထောင်ရန် လိုအပ်ပါသည်။
လူသားနှင့်ပတ်သက်သည့်စိတ်ပျက်ဖွယ်အမြင်သည် သခင်ယေရှုမိန့်ကြား သည့် အခြေအနေနှင့်တူနေသည်။ “ငါ့ရှေ့၌ ပေါ်လာသောသူရှိသမျှသည် သူခိုး၊ ထားပြ ဖြစ်ကြ၏”(:၈)။ သို့သော် စိတ်ပျက်အားလျော့ဖွယ်များကြားတွင် သခင်ယေရှုက မျှော်လင့်ခြင်းကို ပေးနေသည်။ “သူခိုးသည် ခိုးခြင်း၊ သတ်ခြင်း၊ ဖျက်စီးခြင်း ငှာသာလာတတ်၏။” သို့သော် သတင်းကောင်းမှာ “ငါမူကား သိုးတို့သည် အသက်လွတ်ရုံမက အထူးသဖြင့် အသက်နှင့်ပြည့်စုံစေခြင်းငှာ လာသတည်း”(:၁၀) ဟု သခင်မိန့်မြွက်သည်။…
တည့်တည့်မတ်မတ်
ယခင်က လယ်သမားတစ်ဉီးအတွက် ထွန်စက် (သို့) ကောက်ရိတ်ကောက်ခြွေစက် ကို တည့်တည့်မောင်းနှင်နိုင်ရေး အမြင်တည်ငြိမ်ရန်နှင့် လက်မြဲရန် လိုသည်။ သို့သော် မျက်လုံးကောင်းသည်ဆိုသည့်တိုင် အတန်းကျော်သွားခြင်းများရှိပြီး လက်အမြဲဆုံးသူပင် တစ်နေ့တာအလုပ်ပြီးချိန်တွင် ပင်ပန်းညောင်းချိပြီး ကိုက်ခဲ ကျန်ခဲ့သည်။ ယခုခေတ်တွင်မူ GPS နည်းပညာကို အခြေခံသည့် အော်တိုစတီယာ စက်များ ပေါ်လာပြီ ဖြစ်၍ အတန်းလိုက်စိုက်ပျိုးခြင်း၊ ကောက်စိုက်၊ ဆေးဖြန်း စသည့် လုပ်ငန်းများ လုပ်ဆောင်ရာ၌ တစ်တန်းနှင့်တစ်တန်းကွာခြားမှု ၁ လက်မ ဝန်းကျင်မျှသာ ရှိသည် အထိ စက်က တိကျမှုရှိသည်။ လက်နှင့်လုပ်စရာမလိုဘဲ စွမ်းဆောင်ရည်က အံ့မခမ်း ဖြစ်သည်။ စတီယာဘီးခွေကိုထိန်းကိုင်ရမည့်အစား ထွန်၊စိုက်၊ရိတ်ဘက်စုံသုံး စက်ကြီးပေါ်၌ အမဲကင်ပေါင်မုန့်အသားညှပ်ကို ဇိမ်နှင့် စားနေသည့်အဖြစ်ကို မြင်ယောင်ကြည့်လိုက်ပါ။ အံ့မခန်းသောစက်ကိရိယာက တည့်တည့်မတ်မတ် သွားနိုင်အောင် အထောက်အကူပြုသည်။
ယောရှိမင်းအကြောင်း ဆင်ခြင်ကြည့်ပါ။ သူသည် အသက် ၈…
ထာဝရဘုရားရှေ့၌ ကခုန်ခြင်း
လွန်ခဲ့သောနှစ်ပေါင်းများစွာက ကျွန်ုပ်တို့ ဇနီးမောင်နှံသည် အသင်းတော်လေးတစ်ပါး သို့ သွားရောက် ဝတ်ပြုခဲ့ကြသည်။ ဝတ်ပြုစည်းဝေးချိန်တွင် အမျိုးသမီးတစ်ဉီး လူသွားလမ်း၌ ထွက်ပြီး ကခုန်သည်။ ခဏအကြာတွင် လူအချို့တို့လည်း ထွက်က ကြသည်။ ကျွန်ုပ်တို့ဇနီးမောင်နှံမှာ မတိုင်ပင်ရဘဲ တစ်ဉီးမျက်နှာတစ်ဉီးကြည့်မိပြီး “ငါတို့မကဘူး” ဟု မပြောရဘဲ တစ်သဘောတည်းဖြစ်သွားသည်။ ကျွန်ုပ်တို့က ရိုကျိုး ငြိမ်ဝပ်မှုဖြင့်ကိုးကွယ်ခြင်းကိုနှစ်သက်သည့် ရှေးရိုးအစဉ်အလာနှင့် ကြီးပြင်း လာခဲ့သဖြင့် ထိုဝတ်ပြုခြင်းပုံစံက ကျွန်ုပ်တို့နှင့် အံဝင်ခွင်ကျမဖြစ်ပါ။
ရှင်မာကု ခရစ်ဝင်ကျမ်းမှ မာရိ၏ဖြုန်းတီးမှုအကြောင်းက လုံးဝအဓိပ္ပာယ်မရှိ ဟု ဆိုပါလျှင် ၎င်းသည် သခင်ယေရှုအပေါ်ထားသည့် ချစ်ခြင်းကို အခြားသူ အတွက် အဆင်မပြေသည့်တိုင် မိမိစိတ်ကြိုက်ဖော်ပြနိုင်ကြောင်းကို အကြံပြုဖော်ပြ နေပါသည်(၁၄:၁-၉)။ မာရိဆီလောင်းခြင်းကိစ္စ၌ တစ်နှစ်စာ လုပ်အားခပါဝင်သည်။ ပညာမဲ့သော လုပ်ရပ်ဖြစ်ခြင်းကြောင့် တပည့်တော်တို့၏ကဲ့ရဲ့ဝေဖန်မှုကို ခံရသည်။ ရှင်မာကု သုံးနှုန်းသောစကားလုံးက သရော်ကဲ့ရဲ့ခြင်း၊ အထင်အမြင်သေးစက်ဆုပ် ခြင်း၊ ပျက်ရယ်ပြုခြင်းသဘောကို…
“လိုရမယ်ရ” ရုပ်တုများ
ဆမ်သည် သူ၏ပင်စင်ဘဏ်စာရင်းကို တစ်ရက်နှစ်ကြိမ် စစ်ဆေးသည်။ ၎င်းကို သူ နှစ်ပေါင်း ၃၀ စုဆောင်းခဲ့ပြီး စတော့စျေးကွက်မြင့်တက်လာခြင်းကြောင့်လည်း နောက်ဆုံး၌ ပင်စင်ခံစားချိန်အတွက်ပင် လုံလောက်သွားသည်။ စတော့စျေးကွက် မကျဘူး ဆိုလျှင်ပေါ့။ ဤစိုးရိမ်မှုကြောင့် ဆမ်အမြဲပင် စိတ်ပူပန်နေရသည်။
ပရောဖက်ယေရမိက “အိုယုဒပြည်၊ သင်သည် မြို့များအရေအတွက်ရှိသည် အတိုင်း သင်၏ဘုရားများရှိပါသည်တကား။ ယေရုရှလင်မြို့လမ်းများ အရေအတွက် ရှိသည်အတိုင်း ရှက်ဖွယ်သောရုပ်တုအဖို့၊ ယဇ်ပလ္လင်များ၊ ဗာလဘုရားရှေ့မှာ နံ့သာပေါင်း မီးရှို့ရာ ယဇ်ပလ္လင်များကို တည်ကြပြီ” (၁၁:၁၃) ဟုသတိပေးပါသည်။
ယုဒပြည်၏ရုပ်တုကိုးကွယ်မှုက ပြောစမှတ်ပြုရသည်။ ဘုရားသခင်သည် ထာဝရဘုရားသခင်ဖြစ်တော်မူကြောင်းသိလျက်နှင့် အခြားဘုရားများကို သူတို့ အဘယ့်ကြောင့်ကိုးကွယ်နိုင်ကြသနည်း။ သူတို့ နှစ်ဖက်ခွထားကြသည်။ မှန်သော ဘုရားသာ သူတို့ကိုသေခြင်းမှ ရှင်ပြန်စေမည်ဖြစ်သောကြောင့် နောင်တမလွန် အတွက် ထာဝရဘုရားကိုသူတို့လိုအပ်သည်။ သို့သော် ယခုဘဝအတွက်ရော မလိုသလော။ အခြားသောဘုရားများက ကျန်းမာခြင်း၊ စည်းစိမ်၊ မြေသြဇာလွှမ်းသောမြေဆီတို့ပေးမည်ဟု…