ဘဝအတွက် အခြေခံလမ်းညွှန်

ကျွန်တော့်အမေရုတ်တရက်ကွယ်လွန်သွားပြီးနောက်တွင် အင်တာနက် ဘလော့ စရေးရန် ကျွန်တော်စိတ်အားထက်သန်ခဲ့သည်။ ကမ္ဘာပေါ်တွင် အသက်ရှင်နေရသည့် မိနစ်များကို ထူးခြားသော ဘဝအခိုက်အတန့်ဖြစ်စေရန် လူတို့ကို နိုးဆော်သောစာများကို ကျွန်တော်ရေးချင်သည်။ ထို့ကြောင့် ဘလော့ရေးနည်း အခြေခံလမ်းညွှန်ကို လေ့လာခဲ့သည်။ မည်သည့်နည်းလမ်းများ သုံးရမည်၊ မည်သို့ ခေါင်းစဥ်ရွေးချယ်ရမည်၊ စိတ်ဝင်စားဖွယ်စာများ မည်သို့ရေးရမည်ကိုလေ့လာခဲ့သည်။ ၂၀၁၆ ခုနှစ် တွင် ကျွန်တော်၏ပထမဆုံးဘလော့ စတင်မွေးဖွားခဲ့သည်။

ရှင်ပေါလုသည် ထာဝရအသက်ကို မည်သို့လက်ခံရရှိနိုင်ကြောင်း "အခြေခံ လမ်းညွှန်"ကို ရေးသားခဲ့သည်။ ရောမသြဝါဒစာ ၆:၁၆-၁၈ တွင် ကျွန်ုပ်တို့အားလုံးသည် ဘုရားသခင်ကို ဆန့်ကျင်သူ (အပြစ်သားများ)အဖြစ် မွေးဖွားခဲ့ခြင်းနှင့် သခင်ယေရှု ကျွန်ုပ်တို့ကို အပြစ်မှရွေးနုတ်ကယ်တင်သည့် သမ္မာတရားကို နှိုင်းယှဥ်ဖော်ပြ သည် (:၁၈)။ ထို့နောက် အပြစ်၏ကျေးကျွန်နှင့် ဘုရားသခင်နှင့် သခင်၏အသက်ရှင်ခြင်းတရား၏ကျွန်ဖြစ်ရခြင်း၏ ကွဲပြားမှုကို ဖော်ပြသည် (:၁၉-၂၀)။ "အပြစ်တရား၏အခကား သေခြင်း"၊ "ဘုရားသခင်ပေးတော်မူသော ဆုကျေးဇူးတော်ကား…

တည်မြဲသောစကားတော်များ

၁၉ ရာစုအဦးပိုင်းတွင် Thomas Carlyle (သောမတ်စ်ခါးလိုင်)သည် သူ့ဝတ္ထုကိုသုံးသပ်ပေးရန် အတွေးအခေါ်ပညာရှင် John Stuart Mill (ဂျွန်စတီးဝထ်မေးလ်) ထံသို့ လက်ရေးမူစာမူတစ်ခုပေးပို့ခဲ့သည်။ မတော်တဆလား၊ တမင်တကာလားမသိ၊ ထိုစာမူမှာ မီးဖိုထဲကျသွားပြီး ဖျက်ဆီးခြင်းခံခဲ့ရသည်။ ထိုစာမူသည် Carlyle ၏ တစ်ခုတည်းသော လက်ရေးမူဖြစ်သည်။ စိတ်ဓာတ်ကျမသွားဘဲ သူသည် ပျောက်ပျက်သွားသောအခန်းကို ပြန်ရေးခဲ့သည်။ ဘာမဟုတ်သောမီးစသည် သူ့အသိဉာဏ်၌ စွဲကပ်တည်နေသောဝတ္တုကို မဟန့်တားနိုင်ခဲ့ပါ။ Carlyle သည် ကြီးမားသောဆုံးရှုံးမှုမှ အလွန်လှပကောင်းမွန်သော The French Revolution (ပြင်သစ်တော်လှန်ရေး) စာအုပ်ကို ထုတ်ဝေနိုင်ခဲ့သည်။

အကျင့်စာရိတ္တပျက်ပြားသော ယုဒမင်းဆက်အုပ်စိုးသည့် စိတ်ပျက်စရာခေတ်တွင် ဘုရားသခင်က ပရောဖက်ယေရမိအား "သင်သည် စာလိပ်ကိုယူပြီးလျှင် ... သင့်အား ငါပြောသော...စကားအတိုင်း ရေးထားလော့" (ယေ ၃၆:၂) ဟု မိန့်တော်မူသည်။ ထိုသတင်းစကားသည် ရောက်လတံ့သောဘေးဥပါဒ်များမှ ကွယ်ကာလိုသောကြောင့် သူ့လူမျိုးတော်တို့…

အကြီးမြတ်ဆုံးသောဆရာ

ခဲတံကို စားပွဲပေါ်ပစ်ချလိုက်ပြီး "နားကိုမလည်တော့ဘူး" ဟု သမီးက ပြောသည်။ သူမက သင်္ချာအိမ်စာတွက်နေရင်း ကျွန်မလည်း အိမ်၌ စာသင်ပေးသည့် အမေ/ဆရာမ ဖြစ်ရပါတော့သည်။ သင်္ချာတွက်ရင်း ကျွန်မတို့အတော်ဒုက္ခတွေ့ခဲ့သည်။ လွန်ခဲ့သော ၃၅ နှစ်က သင်ခဲ့ရသည့် ဒဿမကိန်းမှအပိုင်းကိန်းသို့ ပြောင်းပုံကို ဘယ်လိုမှ မမှတ်မိနိုင်တော့ပါ။ ကျွန်မ မသိသောအရာကို သင်မပေးနိုင်သဖြင့် အွန်လိုင်းမှ ဆရာမရှင်းပြသည့်တွက်နည်းကိုပင် ကြည့်လိုက်တော့သည်။

လူသားဖြစ်သည့်အလျောက် ကျွန်မတို့သည်လည်း တစ်ချိန်မဟုတ်တစ်ချိန်တွင် မိမိမသိနားမလည်သောအရာများနှင့် ရုန်းကန်ရပါလိမ့်မည်။ ဘုရားရှင်ကမူ ထိုသို့ မဟုတ်ဘဲ အရာခပ်သိမ်းကို သိသူဖြစ်သည်။ ဟေရှာယက "ထာဝရဘုရား၏ ဝိညာဥ်ကို အဘယ်သူစစ်ကြောသနည်း။ ထိုဘုရားနှင့်တိုင်ပင်၍ အဘယ်သူသည် အကြံပေးသနည်း။ အဘယ်သူနှင့် တိုင်ပင်တော်မူသနည်း။ ထိုဘုရားကို အဘယ်သူ သွန်သင်သနည်း။ ထိုဘုရားအား တရားလမ်းကိုပြသောသူ၊ ပညာနည်းကို ပေးသောသူ၊ ဉာဏ်လမ်းကို ညွှန်သောသူကား အဘယ်သူနည်း" (ဟေရှာ ၄၀:၁၃-၁၄)…

ရှင်ဘုရင်၏စားပွဲ၌

"သူအသက်ရှင်မှာပါ။ ဒါပေမဲ့ ခြေထောက်တော့ ဖြတ်ပစ်ရမယ်"ဟု တိရစ္ဆာန် ဆရာဝန်က ပြောသည်။ ကျွန်မသူငယ်ချင်းက ကားတိုက်ခံရသည့် လမ်းဘေးက ခွေးလေးကို ဆေးခန်းခေါ်လာပြခြင်းပါ။ "ခင်ဗျားက ပိုင်ရှင်လား။ ခွဲစိတ်ဖို့အတွက် ငွေအတော်ကုန်ကျမယ်။ ပြီးတော့ ပြန်သက်သာတဲ့အထိ သေချာဂရုစိုက်ရလိမ့် မယ်"ဟု ဆရာဝန်ကပြောရာ၊ သူက "အခုတော့ ကျွန်မက ခွေးပိုင်ရှင်ဖြစ်သွားတာပေါ့" ဟုပြန်ဖြေလိုက်သည်။ သူမ၏ကရုဏာပြကြင်နာမှုက ထိုခွေးလေးအတွက် သာယာကြည်နူးဖွယ် အနာဂတ်နှင့်နားခိုရန် အိမ်လေးကို ရရှိစေပါသည်။

မေဖိဗောရှက်သည် သူ့ကိုယ်သူ မျက်နှာသာမခံထိုက်သော "ခွေးသေကောင်" အဖြစ်မြင်သည် (၂ ရာ ၉:၈)။ မတော်တဆမှုဖြင့် ခြေနှစ်ဘက်လုံး ခြေဆွံ့ခဲ့သဖြင့် အကာအကွယ်နှင့် အထောက်အပံ့အတွက် အခြားသူအပေါ် သူမှီခိုရသည် (၄:၄)။ထို့ပြင် သူ့အဘိုးရှောလုမင်းနတ်ရွာစံပြီးနောက် ဘုရင်ဖြစ်လာသူဒါဝိဒ်က ထိုခေတ် က လုပ်ရိုးလုပ်စဥ်ဖြစ်သော ထီးနန်းအရိုက်အရာအတွက် အန္တရာယ်ရှိသောရန်သူ နှင့်ပြိုင်ဘက်မှန်သမျှကိုသေဒဏ်ပေးမည်ကိုလည်း သူကြောက်ရွံ့နေပေလိမ့်မည်။

သို့သော် သူငယ်ချင်းယောနသန်ကို ချစ်သောကြောင့်…

အခြားသူတို့အတွက်

ကိုဗစ်-၁၉ ကမ္ဘာ့ကပ်ရောဂါဖြစ်ပွားစဉ်ကာလ၌ စင်ကာပူနိုင်ငံသားများသည် ရောဂါပိုးကူးစက် မခံရစေရန် အိမ်၌သာနေကြသည်။ သို့သော် ကျွန်တော်ကတော့ မည်သည့်အန္တရာယ်မှမရှိဟု မှတ်ယူကာ ပျော်ရွှင်စွာနှင့်ရေကူးမပျက်ခဲ့ပါ။ သို့သော် ကျွန်တော့်ဇနီးက ပြည်သူ့ရေကူးကန်မှတစ်ဆင့် ရောဂါပိုးပါလာပြီး ရောဂါကူးစက်လွယ်နိုင်သည့် သူ့မိခင်အိုအတွက် ပူပန်ခဲ့သည်။ "ကျွန်မအတွက် အချိန်ကာလတစ်ခု လောက်အထိ ရှင်ရေမကူးဘဲနေလို့မရဖူးလား" ဟု သူမတောင်းဆိုခဲ့သည်။

ပထမတွင် "ရေကူးတာ အန္တရာယ်မရှိပါဘူး"ဟု ကျွန်တော်စောဒကတက်လို သော်လည်း ရေကူးခြင်းထက် သူမခံစားချက်က ပိုအရေးပါကြောင်း ကျွန်တော်နားလည်ခဲ့သည်။ သူမကို မလိုအပ်ဘဲစိတ်ပူစေသဖြင့် မဖြစ်မနေလိုအပ်သောအရာ မဟုတ်သည့် ရေကူးခြင်းကို ကျွန်တော်အဘယ့်ကြောင့် ဖက်တွယ်နေရမည်နည်း။

ရောမသြဝါဒစာ အခန်းကြီး ၁၄ တွင် ခရစ်တော်၌ယုံကြည်သူတို့သည် သတ်မှတ်ထားသည့် အစားအသောက်များကိုသာ စားရမည်လား၊ သတ်မှတ်ထားသည့် ပွဲတော်များ၌သာ ပါဝင်ဆင်နွဲရမည်လားစသည့် ပြဿနာများကို ရှင်ပေါလု ဖော်ပြထားသည်။ လူအချို့က သူတို့၏အမြင်ကို အခြားသူများလက်ခံအောင် အတင်းအကြပ်လုပ်ဆောင်ခြင်းကြောင့် ရှင်ပေါလုစိတ်ပူပန်ခဲ့ရသည်။

ယေရှုကိုယုံကြည်သူတို့သည်…

ဉာဏ်ပညာကို လိုအပ်ခြင်း

ဖခင်မရှိဘဲ ကြီးပြင်းလာရသည့်အတွက် ဖခင်က သားသမီးများကို ပို့ချရမည့် လက်‌တွေ့အသိပညာကို သူမရရှိခဲ့ဟု Rob (ရော့ဘ်) တစ်ယောက် ခံစားခဲ့ရသည်။ အရေးကြီးသည့် ဘဝအတွက် တတ်မြောက်အပ်သော အရေးကြီးသည့် ကျွမ်းကျင်မှု စွမ်းရည်ကို လူတိုင်းရနိုင်အောင် စင်ဆောက်ခြင်းမှအစ တာယာလဲနည်းအဆုံး စသည်တို့ပါဝဝင်သော "အဖေ၊ ကျွန်တော်ဘယ်လိုလုပ်ရမလဲ" ဟူသည့် လက်တွေ့ဗီဒီယိုစီးရီးကို ထုတ်လွှင့်ခဲ့သည်။ သူ၏ကြင်နာတတ်သော ကရုဏာနှင့်နွေးထွေးမှုကြောင့် သူသည် သန်းချီသော followers (နောက်လိုက်)များရှိသည့် YouTube (ယူကျူ့) အကျော်အမော်တစ်ယောက် ဖြစ်လာသည်။

အရေးပါသည့်စွမ်းရည်များ သင်ကြားပေးပြီးခက်ခဲသည့် အခြေ‌အနေများကို ဖြေရှင်းရာ၌ ကူညီပေးနိုင်မည့် မိဘပမာ စံထားနိုင်သူတို့၏ ကျွမ်းကျင်မှုစွမ်းရည်ကိုကျွန်ုပ်တို့အများစုက တောင့်တတတ်ကြသည်။ မောရှေနှင့် ဣသရေလလူမျိုးများ အီဂျစ်ပြည်မှ လွတ်မြောက်ပြီး ကိုယ်ပိုင်နိုင်ငံတစ်ခု ထူထောင်ရန်အတွက် မောရှေ အနေနှင့် ဉာဏ်ပညာကို လိုအပ်ခဲ့သည်။ ဣသရေလလူတို့အကြား ဖြစ်ပွားသည့် ငြင်းခုံမှုပဋိပက္ခများကို ဖြေရှင်းပေးရင်း မောရှေစိတ်ဖိစီးမှုရနေကြောင်း…

သာမန်မဖြစ်နိုင်သော

အယ်နီတာသည် သူမအသက်၉၀ပြည့်မွေးနေ့တွင် အိပ်ပျော်ရင်း ဆုံးပါးသွားခဲ့သည်။ သူမ၏တိတ်တဆိတ်ထွက်ခွာမှုသည် သူမဘဝ၏တိတ်ဆိတ်မှုကို ထင်ဟပ်စေခဲ့သည်။ သူသည် မုဆိုးမဖြစ်ပြီး သူမ၏သားသမီးနှင့် မြေးများအတွက်ပေးဆပ်ခဲ့သည်။ ဘုရားကျောင်းရှိ ငယ်ရွယ်သောအမျိုးသမီးများအတွက် မိတ်ဆွေဖြစ်ပေးလျက် အချိန်ပေးခဲ့သည်။

အယ်နီတာသည် ထူးထူးခြားခြားထူးချွန်ပြီး အောင်မြင်သူမဟုတ်ပါ။ သို့သော် ဘုရားသခင်အပေါ် သူမ၏နက်ရှိုင်းသောယုံကြည်မှုက သူမကိုသိသူများအတွက် အတုယူစရာဖြစ်ခဲ့သည်။ "ပြဿနာတစ်ခုခုနဲ့ပတ်သက်ပြီး ဘာလုပ်ရမှန်းမသိတော့တဲ့အချိန်မှာ ကျော်ကြားတဲ့တရားဟောဆရာ၊ စာရေးဆရာတွေရဲ့ စကားကို မတွေးမိဘူး။ အယ်နီတာဆိုရင် ဘာပြောမလဲလို့ပဲ စဉ်းစားမိတယ်"ဟု ကျွန်ုပ်၏ သူငယ်ချင်းတစ်ဦးက ပြောပါသည်။

ကျွန်ုပ်တို့အများစုသည် အယ်နီတာကဲ့သို့ပင် သာမန်ဘဝ၌ ရှင်သန်ကြသည့် သာမန်လူများသာ ဖြစ်သည်။ ကျွန်ုပ်တို့၏နာမည်များ သတင်း၌ ဟိုးလေးတစ်ကျော်ဘယ်တော့မှပါလာမည် မဟုတ်သလို ကျွန်ုပ်တို့ကိုဂုဏ်ပြုပြီး ရုပ်တုတည်ထား ပေးခြင်းများလည်း မရှိပါ။ သို့သော် သခင်ယေရှုကိုယုံကြည်ပြီး ရှင်သန်သည့် ဘဝအသက်တာသည် ဘယ်တော့မှ သာမန်မဟုတ်ပါ။ ဟေဗြဲသြဝါဒစာ အခန်းကြီး ၁၁ ၌ ပါရှိသည့်…

လျှပ်စီးကြောင်းတိုက်ပွဲများ

ပေါင်မုန့်မီးကင်စက်ကို အသုံးပြုနိုင်ခြင်းသည် ၁၉ရာစု၏ ပြင်းထန်သည့်အငြင်းပွားမှုတစ်ခုမှ ထွက်ပေါ်လာသည့်ရလဒ်အကျိုးကို ခံစားရခြင်းဖြစ်ပါသည်။ ထိုစဥ်က တီထွင်သူ Thomas Edison (သောမတ်စ်အက်ဒီဆင်)နှင့် Nikola Tesla (နီကိုလာတက်စ်လာ)တို့ တီထွင်မှု၏တိုးတက်မှုဖြစ်စဥ်အတွက် မီးလင်း‌ရန် ဘက်ထရီမှဓာတ်မီးသို့သွားသည့် တိုက်ရိုက်လျှပ်စီး (DC)လား၊ လျှပ်စီးပေါက်တစ်ပေါက်ထဲမှ တစ်ဆင့်ခံသွားသည့် လျှပ်စီးကြောင်း (AC)လား စသည်ဖြင့် မည်သည့် လျှပ်စီးကြောင်းက အကောင်းဆုံးဖြစ်မည်နည်းဟု ငြင်းခုံခဲ့ကြသည်။

နောက်ဆုံးတွင် Tesla၏ AC အယူအဆက အနိုင်ရသွားပြီး ကမ္ဘာတစ်ဝန်း၌ အိမ်များ၊ လုပ်ငန်းကြီးများနှင့် ရပ်ရွာများတွင် လျှပ်စစ်ဓာတ်အား ရရန် AC စနစ်ကိုအသုံးပြုခဲ့ကြသည်။ ပိုဝေးသည့်အကွာအဝေးသို့ လျှပ်စစ်ပံ့ပိုးရန် AC စနစ်သာလျှင်ပိုသင့်လျော်ပြီး ရွေးချယ်မှုကောင်းတစ်ခုဖြစ်ကြောင်း သက်သေပြခဲ့သည်။

တစ်ခါတစ်ရံ ခရစ်တော်ကို ယုံကြည်သူများအကြား ပူပန်စရာပြဿနာ ကြုံလာပြီဆိုလျှင် ဉာဏ်ပညာကို ကျွန်ုပ်တို့လိုအပ်သည် (ရော ၁၄:၁-၁၂)။ ပြဿနာကိုရှင်းလင်းရန် ဘုရားသခင်၏အကူအညီကို ရှာဖွေရန်၊ "သင်တို့သည်…

တစ်ဦးကိုတစ်ဦး ကူညီခြင်း

အမ်ဘာသည် သူမ၏မိန်းကလေးသူငယ်ချင်းများနှင့် ဘက်စကက်ဘောကစားရင်း အမျိုးသမီးအဖွဲ့အားဖြင့် ရပ်ရွာအကျိုးရှိနိုင်ကြောင်း သူသိလိုက်သည်။ ထို့ကြောင့် အသင်းအဖွဲ့နှင့်ဆောင်ရွက်မှုကို အားပေးမြှင့်တင်ပြီး နောက်မျိုးဆက်အတွက် အကျိုးပြုရန် အမြတ်အစွန်းမကြည့်သည့် Ladies Who Hoop (ကွင်းသဏ္ဌာန် နှောင်ဖွဲ့ဝိုင်းပတ်ထားသော အမျိုးသမီးများ) အဖွဲ့ကို စတင် တည်ထောင်ခဲ့သည်။ အဖွဲ့ခေါင်းဆောင်များက အမျိုးသမီးများအား မိမိကိုယ်ကိုစိတ်ချယုံကြည်မှုနှင့် အရည်အချင်းတိုးတက်စေရန် ကြိုးပမ်းတည်ဆောက်ပေးလျက် မိမိရပ်ရွာအကျိုး အတွက် တန်ဖိုးရှိသူများဖြစ်လာအောင် အားပေးခဲ့သည်။ ကစားသမားဟောင်းများအနက် ယခုတွင် အခြားမိန်းကလေးများအား နည်းပြပေးလျက်ရှိသူတစ်ဦးက "ငါတို့ကြားမှာ ရဲဘော်ရဲဘက်စိတ်ဓာတ် အပြည့်ရှိတယ်။ ဒီဟာက ငါလိုအပ်နေခဲ့တဲ့ အရာပဲ။ နည်းလမ်းအမျိုးမျိုးနဲ့ ငါတို့တစ်ဦးကိုတစ်ဦး ပံ့ပိုးကြတယ်။ မိန်းကလေးတွေ အောင်မြင်ပြီး ရင့်ကျက်‌တာကိုတွေ့ရတာ ဝမ်းသာတယ်" ဟုပြောခဲ့သည်။

ထိုနည်းတူ လူမျိုးတော်တို့ တစ်ဦးနှင့်တစ်ဦးကူညီရန် အစုအဖွဲ့အဖြစ်ရှိနေရန် ဘုရားသခင် ရည်ရွယ်ချက်ရှိခဲ့သည်။ ရှင်ပေါလုက သက်သာလောနိတ်မြို့သားများအား "အချင်းချင်းတိုက်တွန်း၍ တစ်ယောက်ကိုတစ်ယောက် တည်ဆောက်ကြလော့" ဟုနှိုးဆော်သည်…

ချိုင့်ဝှမ်းထဲ၌ ကျွန်ုပ်တို့နှင့်အတူ

ဗြိတိသျှလူမျိုး ကျွန်စနစ်ဖျက်သိမ်းရေးဝါဒီ William Wilberforce (ဝီလီယံဝေးဘာဖော့စ်)၏ အဒေါ်ဖြစ်သူ Hannah Wilberforce (ဟာနဝေးဘာဖော့စ်) သည် အသည်းအသန်ဖြစ်နေစဉ် ယေရှုကို ယုံကြည်သည့် သူ့မိတ်ဆွေတစ်ဦး ကွယ်လွန်ကြောင်း ကြားခဲ့သည့်အကြောင်း စာတစ်စောင်ရေးခဲ့သည်။"ဘုန်းတော် ဝင်စားသွားသောချစ်မိတ်ဆွေမှာ ယခု သူချစ်သောသခင်ယေရှု၏ မျက်မှောက်၌ ပျော်ရွှင်နေပြီ၊ ဝမ်းမြောက်ခြင်းဖြင့် ကျွန်မနှလုံးသား ခုန်ပေါက်နေသလား ထင်ရသည်" ဟုရေးပြီးမှ "ကျွန်မအခြေအနေကတော့ ဆိုးတလှည့်၊ ကောင်းတလှည့် ဖြစ်သော်လည်း၊ သခင်ယေရှုကတော့ အရင်အတိုင်း အမြဲကောင်းမြတ်ပါ၏”ဟု သူမအခြေအနေကို ဖော်ပြခဲ့သည်။

သူမ၏စကားများက ဒါဝိဒ်ရေးစပ်သော "သေမင်း၏အရိပ်လွှမ်းမိုးသောချိုင့်ထဲသို့ လျှောက်သွားရသော်လည်း ဘေးအန္တရာယ်ကိုမကြောက်ပါ။ အကြောင်း မူကား ကိုယ်တော်သည် ကျွန်ုပ်နှင့်အတူရှိတော်မူသည်" (:၄) ဟူသည့် ဆာလံကျမ်းအခန်းကြီး ၂၃ ကိုဆင်ခြင်မိစေသည်။ ဒါဝိဒ်သည် သေမင်းအရိပ်လွှမ်းမိုးသောချိုင့်၌ ထာဝရဘုရားကို မိမိရင်းနှီးစွာသိကျွမ်းသူအဖြစ် အလေးအနက်တင်စားထားသည်။ ကျမ်းအစတွင် "ထာဝရဘုရားသည် ငါ၏သိုးထိန်းဖြစ်တော်မူ၏" (:၁)ဟု 'ဘုရား…