ရည်ရွယ်ချက်အတိုင်း အသက်ရှင်

အပန်းဖြေခရီး၏ပထမခြေလှမ်းအဖြစ် ကားစထွက်သည်နှင့် ကျွန်တော့်ဇနီးက သုံးနှစ်အရွယ် မြေးလေး အော်စတင်ကို “ဖွားဖွားတို့ အပန်းဖြေခရီး သွားကြမယ်” ဟု စိတ်အားထက်သန်စွာနှင့်ပြောလိုက်သည်။ အော်စတင်လေးက တွေးတွေးဆဆ နှင့် အဖွားဖြစ်သူကိုကြည့်လိုက်ပြီး “သားက အပန်းဖြေခရီးသွားတာ မဟုတ်ဘူး၊ အထူး တာဝန်ဆောင်ရွက်ဖို့ သွားတာပါ ”ဟု တုံ့ပြန်လိုက်သည်။

“အထူးတာဝန်”ဆောင်ရွက်ရန်သွားသည်ဟူသောအတွေးကို မြေးလေး ဘယ်က ရလာသည်ကိုမသိသော်လည်း လေယာဉ်ကွင်းသို့သွားသည့်လမ်း တစ်လျှောက် သူ့မှတ်ချက်က ကျွန်တော်အတွက် စဉ်းစားစရာဖြစ်ခဲ့သည်။ ဤအပန်းဖြေခရီး ထွက်လာပြီး ရက်အနည်းငယ်အနားယူနေစဉ် ဘုရားသခင်နှင့် အတူ၊ ဘုရားသခင်အတွက် အချိန်တိုင်း အသက်ရှင်ခြင်းဟူသော “အထူးတာဝန်” ကို ကျွန်တော် ဆောင်ရွက်နေကြောင်း စိတ်ထဲသိမှတ်ပါသလား။ မိမိလုပ်ဆောင် သည့်အရာတိုင်း၌ အရှင့်အား အစေခံရန် သတိရပါသလား။

တမန်တော်ရှင်ပေါလုက ရောမအင်ပါယာ၏မြို့တော် ရောမမြို့ရှိ ယုံကြည်သူ များအား “အားထုတ်ခြင်းအရာမှာ ပျင်းရိခြင်းမရှိဘဲလျက် စိတ်တန်းသဖြင့် သခင်ဘုရား၏အလိုတော်သို့လိုက်၍ အားထုတ်ကြလော့”(ရော…

ဘုရားသခင် အမည်မှည့်ပေးသည်

Riptide. Batgirl. Jumpstart စသည်တို့မှာ ကျွန်မတို့မိသားစု နှစ်စဉ် တက်ရောက်သည့် နွေရာသီသင်တန်း၌ အတိုင်ပင်ခံဆရာများကိုပေးထားသည့် အမည်များဖြစ်၏။ ထိုအမည်ကို အရွယ်တူသူငယ်ချင်းများက ခေါ်ဆိုခြင်းဖြစ်ပြီး အများအားဖြင့် မျက်နှာပူစရာကိစ္စ၊ ရယ်စရာအမူအကျင့်၊ ဝါသနာများကိုအစွဲပြုပြီး သင်တန်းနာမည်ပြောင်ဖြင့် အခေါ်ခံရသည်။

သင်တန်းများ၌သာ နာမည်ပြောင်များမှည့်ခေါ်ခြင်း မဟုတ်၊ ကျမ်းစာထဲ၌ လည်း ခေါ်ဆိုအသုံးပြုသည်ကို တွေ့ရသည်။ ဥပမာ - ရှင်ယေရှုက တပည့်တော် ယာကုပ်နှင့် ယောဟန် တို့ကို “မိုးကြိုးသားများ” (မာ ၃:၁၇) ဟုခေါ်သည်။ ကျမ်းစာ ထဲ၌ တစ်စုံတစ်ဦးက မိမိကိုယ်ကို နာမည်ပြောင်ပေးခြင်းက ရှားသော်လည်း နောမိ အမည်ရှိသည့် အမျိုးသမီးက လူများကို သူ့အား “ခါးသီးခြင်း” ဟု အဓိပ္ပာယ်ရှိသည့် “မာရ” ဟု ခေါ်ရန် ပြောသည့် အဖြစ်အပျက်ရှိပါသည် (ရု ၁:၂၀)။ သူ့ခင်ပွန်းသည် နှင့်သားနှစ်ဦး…

ဆပ်ပြာပူဖောင်းပေါ်မှာ

၁၉၇၀ ခုနှစ် မေလထုတ်သတင်းဆောင်းပါးတစ်ပုဒ်တွင် “ဆပ်ပြာပူဖောင်းပေါ်မှာ (on the bubble)” ဟူသော ဥပစာစကားကို ပထမဆုံးအကြိမ်အဖြစ် သုံးနှုန်းထား သည်။ ၎င်းသည် မသေချာသောအခြေအနေတစ်ရပ်ကိုညွှန်းဆိုပြီး၊ ပြိုင်ကား မောင်းသမား Steve Krisiloff နှင့် ပတ်သက်နေပါသည်။ Indianapolis 500 ကားမောင်းပြိုင်ပွဲတွင် အရှိန်နှေးသောကြောင့် သူ့အဖြစ်က ယှဥ်ပြိုင်ခွင့်ရရန် မသေချာ “on the bubble” ဟုဖော်ပြထားခြင်း ဖြစ်သည်။ သူမောင်းသည့် စံနှုန်းက အဆင့်မီသောသူများနှင့်ယှဉ်လျှင် အနှေးဆုံးဖြစ်သော်လည်း နောက်ပိုင်းတွင် ပြိုင်ပွဲဝင်ရောက်ယှဉ်ပြိုင်ခွင့်ရခဲ့သည်။

ကျွန်ုပ်တို့သည်လည်း ဘဝပြေးပွဲကို ဆက်ယှဉ်ပြိုင်ရန် (သို့) အဆုံးတိုင်အောင် ပြေးနိုင်ရေး မည်သည်ကိုပေးဆပ်ရမည်ကို မသေချာသောအချိန်များ ခံစားဖူး ပေမည်။ ထိုသို့ခံစားရသောအခါ သခင်ယေရှု၌ ကျွန်ုပ်တို့ရှိနေပါက ဘယ်သောအခါမှ မသေချာ မရေရာသောဘဝ၌ ရှိမနေကြောင်းကို သတိရအပ် သည်။ ဘုရားသခင်၏သားသမီးများဖြစ်သည့်အလျောက် ကောင်းကင်နိုင်ငံရှိ ကျွန်ုပ်တို့၏နေရာသည်…

အချိန်နှင့်အမျှ ခရီး‌ပေါက်သောစာများ

နှစ်စဉ် နိုင်ငံတကာပေးစာရေးပြိုင်ပွဲတွင် သန်းနှင့်ချီသောလူငယ်များ ဝင်ရောက် ယှဉ်ပြိုင်ကြသည်။ ၂၀၁၈ ခုနှစ်တွင် ပြိုင်ပွဲခေါင်းစဉ်က “သင့်ကိုယ်သင် အချိန်နှင့်အမျှ ခရီးပေါက်သောစာအဖြစ် မြင်ယောင်လိုက်ပါ။ စာဖတ်သူများအား သင်မည်သို့သော စကားလက်ဆောင်ပါးချင်ပါသနည်း” ဟူ၍ဖြစ်သည်။

ကျမ်းစာထဲတွင် သန့်ရှင်းသောဝိညာဉ်တော်၏နှိုးဆော်မှုနှင့် လမ်းညွှန်မှု အားဖြင့် အချိန်ကိုဖြတ်သန်းကာ ကျွန်ုပ်တို့ထံသို့ရောက်ရှိခဲ့သည့်စာ အတွဲလိုက် ရှိသည်။ ခရစ်ယာန်အသင်းတော်များ ကြီးထွားတိုးပွားလာသည်နှင့်အမျှ ခရစ်တော်၌ရှိသော အသက်တာသစ်နှင့်စပ်လျဥ်း၍ လူတို့နားလည်ရန် သခင်ယေရှု ၏တပည့်တော်များက ဥရောပနှင့်အာရှမိုင်းနားတစ်လွှားရှိ ဒေသခံအသင်းတော် များသို့ အထောက်အကူဖြစ်မည့်စာများရေးသားခဲ့သည်။ ယနေ့ကျွန်ုပ်တို့ ဖတ်နေသော သမ္မာကျမ်းစာ၌ ထိုစာအများစုကို စုပေါင်းဖော်ပြထားသည်။

ထိုစာများကိုရေးသားခဲ့သူများသည် စာဖတ်သူများအား မည်သည့် သတင်းစကားများကို မှာကြားလိုသနည်း။ ရှင်ယောဟန်က သူ၏ပထမဆုံး စာစောင်တွင် "ရှေ့ဦးစွာကပင်ဖြစ်၍ ငါတို့သည် ကိုယ်တိုင်ကြားလျက်၊ ကိုယ်မျက်စိနှင့်မြင်လျက်၊ စေ့စေ့ကြည့်ရှု၍ လက်နှင့်စမ်းသပ်ခဲ့ပြီးသော အရာ"ဖြစ်သည့် (၁ယော ၁:၁)- အသက်ရှင်သောခရစ်တော်နှင့်တွေ့ဆုံ ရသည့်အကြောင်းကို ရေးသားထားသည်။…

သူ့သေခြင်းက အသက်ကိုယူဆောင်ပေးသည်

တောင်အာဖရိက၏အရက်စက်ဆုံးအကျဉ်းထောင်ထဲရှိ အမျိုးသားအကျဉ်းသား များအတွက် အမှုတော်လုပ်ငန်းတွင် ဂျိုအန်းနာ ဖလန်းဒါးစ်-သောမတ်စ်သည် နှလုံးသားများကို ပြောင်းလဲပေးသော ခရစ်တော်၏တန်ခိုးတော်ကို ကိုယ်တိုင်မြင်ခဲ့ ရသည်။ ဆရာကြီး ဖိလစ်ယန်စေ၏ Vanishing Grace စာအုပ်တွင် သူမ၏ အတွေ့အကြုံကို ဖော်ပြထားသည်။ “ဂျိုအန်းနာ သည် ထောင်သို့နေ့တိုင်း သွားရောက်ပြီး ရိုးရှင်းသည့် ခွင့်လွှတ်ခြင်းနှင့်ရန်ငြိမ်းခြင်း ဧဝံဂလိတရားစကားကို သူတို့ထံ ယူဆောင်ပေးခဲ့သည်။ သို့နှင့် သူတို့၏ယုံကြည်မှုကိုရပြီး ၎င်းတို့ကလေး ဘဝက ညှဥ်းပန်းနှိပ်စက်ခံခဲ့ရသည့်အကြောင်းများကို ဖွင့်ဟပြောပြလာသည်။ သူက နားထောင်ပေးပြီး ပို၍ကောင်းသောနည်းလမ်းဖြင့် ပဋိပက္ခများကို ဖြေရှင်းရန် လမ်းပြခဲ့သည်။ သူထောင်သို့ မသွားရောက်မီ ယခင်နှစ်က ထောင်၌ ထောင်သားနှင့် ထောင်မှူးများအပေါ်အကြမ်းဖက်မှု ၂၇၉ ခု မှတ်တမ်းရှိခဲ့ပြီး နောက်နှစ်တွင် ၂ ခုသာ ရှိတော့သည်" ဟု ဖော်ပြထားသည်။

ရှင်ပေါလုကလည်း “လူမည်သည်ကား ခရစ်တော်၌ရှိလျှင် အသစ်ပြုပြင် သောသတ္တဝါဖြစ်၏။…

လက်လွတ်လိုက်ခြင်း

အိမ်စောင့်သူနာပြုက "အစ်မအဖေက အချိန်မရွေး ဆုံးသွားနိုင်တယ်"ဟုပြော သည်။ “Actively dying” ဟူသောစကားသည် သေဆုံးခြင်းဖြစ်စဉ်၏ နောက်ဆုံး ဖြစ်စဉ် ဖြစ်ပြီး ပြန်လမ်းမရှိသော တစ်လမ်းမောင်းလမ်းတွင် တစ်ယောက်တည်း ထူးဆန်းစွာ ခရီးနှင်နေရသလို ခံစားရစေပါသည်။ အဖေ့၏နောက်ဆုံးနေ့တွင် အဖေကြားမကြား မသေချာသော်လည်း ကျွန်မနှင့်ညီမလေးတို့သည် အဖေ့ကုတင် အနီးတွင် ထိုင်ကြသည်။ ခန့်ညားသောသူ့နဖူးပြောင်ပြောင်ကြီးကို နမ်းသည်။ ဘုရားရှင်၏ကတိတော်များကို သူကြားအောင် တိုးတိုးလေးရွတ်ပေးသည်။ “Great is Thy Faithfulness” သီချင်းကိုဆိုပြီး ဆာလံ ၂၃ ကို ရွတ်ကြသည်။ သူ့ကို ကျွန်မတို့ချစ်ကြောင်းနှင့် ဖခင်အဖြစ်ရပ်တည်ပေးခဲ့သောကြောင့် ကျေးဇူးတင် ကြောင်း ပြောကြသည်။ သူ၏နှလုံးသားသည် သခင်ယေရှုနှင့်အတူရှိနေလိုပြီဟု သိသောကြောင့် "အဖေသွားလို့ရပြီနော်"ဟုပြောလိုက်သည်။ လူတစ်ယောက်ကို လက်လွတ်လိုက်ချိန်တွင်ထိုစကားကိုပြောရခြင်းသည် ပထမအဆင့်အနာကျင်ဆုံး ဖြစ်သည်။ မိနစ်အနည်းငယ်အကြာတွင် အဖေသည် သူ၏ထာဝရအိမ်တော်သို့ ဝမ်းမြောက်စွာဖြင့် ကြိုဆိုပို့ဆောင်ခံရပါတော့သည်။

မိမိချစ်ရသောသူကို နောက်ဆုံးလက်လွတ်လိုက်ရခြင်းသည်…

ဘုရားရှင်၏နည်းလမ်းထဲတွင်

၁၉၆၀ ဝန်းကျင်က ချီကာဂိုအနောက်ဘက်ရှိ ပျားပန်းခတ်နေသော နော့သ် လောန်‌ဒေး ရပ်ကွက်သည် လူမျိုးခြားများစုပေါင်းနေထိုင်သော စံပြဝန်းကျင်တစ်ခု ဖြစ်သည်။ လက်တစ်ဆုပ်စာမျှသော အလယ်အလတ်တန်းစား အာဖရိကန်-အမေရိကန်လူမျိုးများသည် ထိုနေရာတွင် အိမ်ပိုင်ဆိုင်မှုနှင့်စပ်လျဥ်း၍နစ်နာမှုများ သည့်ဝယ်ငှားစာချုပ်ဖြင့် အိမ်များဝယ်ယူကြပြီး စာချုပ်ပါအချက်များကိုလည်း တာဝန်ခံရသည်။ စာချုပ်သည် ဝယ်ယူသူအတွက် မျှတမှုမရှိပါ။ အကယ်၍ အရစ်ကျငွေပေးချေရန် တစ်ကြိမ်ပျက်ကွက်က လက်ငင်းပေးချေထားသောငွေ၊ လစဉ်ပေးချေသောငွေများအပါအဝင် အိမ်ကိုပါ ဆုံးရှုံးရမည်ဖြစ်သည်။ မတရားသော ရောင်းသူများက ငွေကြေးဖောင်းပွသည့်နှုန်းဖြင့် အဆမတန်စျေးဖြင့်ရောင်းချပြီး၊ တစ်ကြိမ်ငွေပေးချေရန်ပျက်ကွက်သည်နှင့် မိသားစုများကို မောင်းထုတ်နှင်ချ ကြသည်။ ထိုနောက် အခြားမိသားစုကို ထိုစာချုပ်ဖြင့်ထပ်ရောင်းနှင့်၊ လောဘဇော အတောမသတ်စွာဖြင့် သံသရာလည်နေပါတော့သည်။

ရှမွေလသည် သူ့သားများကို ဣသရေလလူတို့အပေါ် တရားသူကြီးအဖြစ် ခန့်အပ်ခဲ့သည်။ သို့သော် သူတို့၌ လောဘစိတ်လွှမ်းမိုးလျက် "အဘလမ်းသို့မလိုက်" (၁ရာ ၈:၃)။ အဘ၏အကျင့်သမာဓိနှင့်ဆန့်ကျင်ဘက် - သူ့သားများသည် "ငွေကို တပ်မက်သောစိတ်နှင့်လွဲသွား၍တံစိုးစားလျက်" သူတို့၏ရာထူးများကို…

အချစ်ခံရသူ၊လှပသူ၊ ဆုကျေးဇူးခံရသောသူ

မဲလ်ကမ်း သည် မိမိကိုယ်ကိုစိတ်ချယုံကြည်မှုရှိသည့် ဆယ်ကျော်သက်တစ်ဦးဖြစ်သည်။ သို့သော် ထိုယုံကြည်မှုသည် အပေါ်ယံမျက်နှာဖုံးတစ်ခုသာဖြစ်သည်။ စင်စစ် တည်ငြိမ်မှုမရှိသောမိသားစုဘဝကြောင့် သူ၌စိုးရွံ့ကြောက်စိတ်များရှိသည်။ အသိအမှတ်ပြုခံရရန် တောင့်တသည်။ သူ့မိသားစုပြဿနာများအတွက် သူ၌ တာဝန်ရှိသည်ဟု မှားယွင်းစွာ ခံစားရသည်။ သူက "ကျွန်တော်မှတ်မိသလောက် ရေချိုးခန်းထဲသွား၊ မှန်ကိုကြည့်ပြီး နင်ဟာ အရူး၊ နင်ဟာ အကျည်းတန်သူ၊ အားလံုး နင့်အမှားကြောင့်လို့ မနက်တိုင်း ကိုယ့်ကိုယ်ကို အော်ပြောခဲ့တယ်" ဟုပြောပြသည်။

မဲလ်ကမ်း သည် အသက် ၂၁ နှစ်အရွယ်ထိ မိမိကိုယ်ကိုကျိန်ဆဲခဲ့သည်။ ထို့ နောက် ယေရှု၌ရှိသော သူ၏ဖြစ်တည်မှုအစစ်အမှန်ကို သိလာရသည်။ "ဘယ် အခြေအနေမှာမဆို ဘုရားရှင်က ကျွန်တော့်ကို ချစ်တယ်။ ဒါကို ဘယ်အရာကမှ မပြောင်းလဲစေနိုင်ဘူး။... ဘုရားရှင်ကိုအရှက်ရစရာအကြောင်း ကျွန်တော် ဘယ်တော့မှ မလုပ်တော့သလို သူလည်း ကျွန်တော့်ကို ဘယ်တော့မှပစ်ပယ်မှာ မဟုတ်ဘူး"ဟု ပြန်ပြောင်းပြောပြသည်။ ယခုတွင်…

ဘုရားသခင်၏ကရုဏာတော်လှုပ်ရှားခြင်း

အမျိုးသမီးတစ်ဦးသည် ကျွန်မအပေါ် မှားယွင်းစွာပြုမူလျက်၊ အပြစ်တင်ပြောဆိုကာ နောက်ကွယ်၌ ကျွန်မအကြောင်းကိုအတင်းပြောလေရာ ကျွန်မဒေါသ တလိမ့်လိမ့် တက်လာသည်။ သူ့လုပ်ပုံကို သူတိုင်းအား ပြောပြလိုက်ချင်သည်။ သူ့အပြုအမူကြောင့် ကျွန်မခံစားရသလို သူ့ကိုပြန်ခံစားစေချင်သည်။ ခေါင်းကိုက် ဝေဒနာ ခံစားခဲ့ရသည်အထိ ဒေါသက ငယ်ထိပ်ရောက်ခဲ့သည်။ ကျွန်မ၏နာကျင်မှု ဝေဒနာသက်သာရန်ဆုတောင်းရင်း ဝိညာဉ်တော်က ကျွန်မကို စကားပြောပါသည်။ ကလဲ့စားချေရန် အစီအစဉ်ချနေရင်းမှ မည်သို့ဘုရားသခင်ထံမှ သက်သာရာကို တောင်းလျှောက်နေပါသနည်း။ ဘုရားရှင်သည် ကျွန်မကိုဂရုစိုက်ကြောင်း ယုံကြည် ပါက ထိုအခြေအနေကို ဘုရားရှင်ကိုင်တွယ်နိုင်ကြောင်း အဘယ်ကြောင့် မယုံကြည် နိုင်သနည်း။ နာကျင်ခံစားနေရသူများသည် သူတစ်ပါးကို နာကျင်အောင်လုပ် တတ်ကြောင်းကျွန်မသိမှတ်လျက် ထိုအမျိုးသမီးကို ခွင့်လွတ်နိုင်ရန်နှင့် ပြန်လည် သင့်မြတ်ရန်အတွက် မည်သို့ ပြုရမည်ကို ဘုရားရှင်ထံတောင်းခံခဲ့ပါသည်။

မတရားမှုကို သည်းခံရင်ဆိုင်နေရချိန်တွင် ဘုရားရှင်ကို ယုံကြည်ရန်ခက်ခဲ လှကြောင်း ဆာလံဆရာဒါဝိဒ်နားလည်ပါသည်။ နှစ်လိုဖွယ် အစေခံအဖြစ် ဒါဝိဒ် အစွမ်းကုန်…

စစ်ပွဲ အမှန်တကယ် ပြီးဆုံးသွားပြီ

ဒုတိယကမ္ဘာစစ်ပြီးဆုံးပြီး ၂၉ နှစ်ကြာသည့်တိုင် ဟီရိုးအိုနိုဒါသည် တောထဲ၌ပုန်းအောင်းနေပြီး သူ့တိုင်းပြည်လက်နက်ချ အရှုံးပေးလိုက်ကြောင်းကို မယုံကြည် ခဲ့ပါ။ ဂျပန်စစ်တပ်ခေါင်းဆောင်သည် မဟာမိတ်တပ်ကိုလျှို့ဝှက်ထောက်လှမ်းရန် အိုနိုဒါ ကို ဖိလစ်ပိုင်နိုင်ငံရှိ ဝေးလံခေါင်သီသော လူးဘာကျွန်းသို့ အမိန့်နှင့် ပြောင်းရွေ့ခဲ့သည်။ ငြိမ်းချမ်းရေး ကတိဝန်ခံစာရေးထိုးပြီး အကြမ်းဖက်မှုများ ရပ်စဲသွားသည့်တိုင် အိုနိုဒါ သည် တောထဲ၌ပင် ရှိနေခဲ့သည်။ ၁၉၇၄ ခုနှစ်တွင် အိုနိုဒါကို အမိန့်ပေးခဲ့သော အရာရှိကိုယ်တိုင် ထိုကျွန်းသို့သွား၍သူ့ကိုရှာပြီး စစ်ပြီးသွားပြီဖြစ်ကြောင်း နားချခဲ့ရသည်။

ပဋိပက္ခများပြီးဆုံးသွားပြီး လက်နက်ချလိုက်သည်ကို မယုံကြည်ခဲ့သောကြောင့် ဆယ်စုနှစ် ၃ စုတိုင် အိုနိုဒါ သည် အထောက်အပံ့မဲ့ အထီးကျန်စွာဖြင့် နေထိုင်ခဲ့ရသည်။ ကျွုန်ုပ်တို့လည်း အလားတူအမှားကို ပြုမိနိုင်ပါသည်။ ပေါလုက "ယေရှုခရစ်၌ ဗတ္တိဇံကို ခံသောသူရှိသမျှတို့သည် အသေခံတော်မူခြင်း၌ ဗတ္တိဇံကိုခံကြသည်" ဟူ သော အံ့ဖွယ်အမှန်တရားကို အတိအလင်းရေးသားကြွေးကြော်ခဲ့သည်(ရော ၆:၃)။လက်ဝါးကပ်တိုင်ပေါ်တွင် တန်ခိုးတော်ဖြင့်…